কেন্দ্ৰীয় গৃহ পৰিক্ৰমা তথা সমবায় বিভাগৰ মন্ত্ৰী শ্ৰী অমিত শ্বাহে আজি পশ্চিম বংগৰ শিয়ালদহত ‘শ্ৰী ৰাম মন্দিৰ’ক বিষয়বস্তু হিচাপে লৈ নিৰ্মাণ কৰা দুৰ্গা পূজা মণ্ডপ উদ্বোধন কৰে।

এই উপলক্ষে প্ৰদান কৰা ভাষণত শ্ৰী অমিত শ্বাহে কয় যে আজি তেওঁ মা দুৰ্গাৰ আশীৰ্বাদ ল'বলৈহে ইয়ালৈ আহিছে। তেওঁ কয় যে মা দুৰ্গাই সদায় সত্যৰ সুৰক্ষাৰ বাবে যুঁজ দিছিল আৰু ৰক্তবীজৰ পৰা শুম্ভ-নিশুম্ভলৈকে বহুতো ৰাক্ষসক নিধন কৰিছিল। শ্ৰী শ্বাহে কয় যে এই নটাদিন পশ্চিম বংগৰ বাবে উৎসৱৰ দিন, যিকেইটা দিনত সমগ্ৰ বংগৰ সকলো মণ্ডপ মা দুৰ্গাৰ ভক্তিত নিমজ্জিত হৈ থাকে।

কেন্দ্ৰীয় গৃহমন্ত্ৰীয়ে কয় যে নৱৰাত্ৰিৰ সময়ত সমগ্ৰ দেশে মা দুৰ্গাক বিভিন্ন ৰূপত উপাসনা কৰে। গুজৰাটত, পূৱ ভাৰতত মা দুৰ্গাৰ মণ্ডপ সজাই উপাসনা কৰা হয়, মানুহে দুৰ্গা পূজাৰ মণ্ডপত শক্তিৰ উপাসনা কৰে আৰু উত্তৰ ভাৰততো মানুহে বহুতো ৰীতি-নীতিৰ জৰিয়তে শক্তিৰ উপাসনা কৰে। শ্ৰী অমিত শ্বাহে কয় যে তেওঁ বংগকে ধৰি সমগ্ৰ দেশৰ জনসাধাৰণৰ সুখ, শান্তি আৰু সমৃদ্ধিৰ বাবে মা দুৰ্গাৰ ওচৰত প্ৰাৰ্থনা কৰিবলৈ আহিছে। তেওঁ কয় যে শীঘ্ৰেই বংগৰ পৰা দুৰ্নীতি, অন্যায় আৰু অত্যাচাৰ বন্ধ কৰাৰ শক্তি প্ৰদান কৰিবলৈ তেওঁ মা দুৰ্গাক প্ৰাৰ্থনা কৰিছে। তেওঁ লগতে কয় যে দুৰ্গা পূজাৰ এই মণ্ডপে অযোধ্যাত সম্পূৰ্ণ হোৱাৰ আগতেই সমগ্ৰ বিশ্বতে ৰাম মন্দিৰৰ বাৰ্তা প্ৰচাৰ কৰি আছে।

RK/AY/ASH/AKS/KB