ঙসি প্রধান মন্ত্রী শ্রী নরেন্দ্র মোদীনা ভল্লালর হায়না খঙনবা শ্রী রামালিঙ্গ শ্বামীগী ২০০শুবা মপোক নুমিৎ থৌরমদা ৱা ঙাংখ্রে।

থৌরম অদুদা তিনখিবা মীয়ামদা ৱা ঙাংবদা, ভল্লালরগা অচেৎপা মরী লৈনবা মফম ভাদালুরদা থৌরম অসি পাংথোকপদা প্রধান মন্ত্রীনা হরাওবা ফোঙদোকখি। মহাক্না হায়খি ভল্লালর ১৯শুবা চহিচাদা মালেম অসিদা লৈরম্বা ভারতকী খ্বাইদগী ইকায়খুম্নরবা সাধুশিংগী মনুংদা অমনি অমসুং মহাক্কী অধ্যাতিক্কী ফজবশিং ঙসি ফাওবা মখা তানা মীওই মিল্লিয়ন কয়াদা ইথিল পীরি। ভল্লালরগী ইথিল মালেম শীনবা থুংখি। লুপ কয়া মহাক্কী ফিদমশিং অমসুং ৱাখল্লোন্দা থবক তৌরি।

প্রধান মন্ত্রীনা হায়খি ঐখোয়না ভল্লালর নিংশিবা মতমদা, ঐখোয়না মহাক্কী চেকশিনবা অমসুং মীনুংশিং খঙবগী ৱাখল্লোন নিংশিংলি। মীওইবা খুন্নাইগী য়াইফনবা মাইকৈদা থবক তৌবা পুন্সিগী লম্বী অমা ভল্লালরনা থাজখি। চারা হেনবা লৈহন্দনবা মহাক্না খ্বাইদগী মরুওইনা থবক পায়খৎখি। মীওই অমনা চাক চাদনা তুম্বা চঙখিবদগী হেন্না নুংঙাইতবা অমা মঙোন্দা লৈখিদে। চাক লাম্লবশিংদা চাক পীজবা হায়বসি অফবা থবকশিংদগী খ্বাইদগী ফবা থবক অমনি হায়না ভল্লালরনা থাজখি। “মহৈ-মরোংশিং খুইবা উবদা, ঐসু খুইথখি”। মহাক্কী ফিদম অসিদা সরকারনা থবক পায়খৎলি। কোবিদ লাইচৎ মনুংদা ভারতমচা করোর ৮০ দা লেম্না চানবা পীদুনা অচৌবা অৱাবশিং কোকহনখি।

মহৈ তম্বগী শক্তিদা ভল্লালরগী থাজবা অদু নিংশিংলদুনা প্রধান মন্ত্রীনা হায়খি ওজা অমা ওইনা মহাক্না মতম পু্ম্নমক্তা মহাক্কী থোং হাংদুনা থমখি অমসুং মহাক্না মশিং থিঙমদ্রবা মীওই কয়া লমজিংখি। কুরাল হেন্না মমিং চৎনবা ভল্লালরনা হোৎনখি অমসুং অনৌবা করিকুল্লমশিংদা মহাক্না মরুওইনা লৌখি। নহারোলশিং তমিল,সংস্কৃত অমসুং ইংলিস ফজনা খঙবা ভল্লালরনা পামখি অমসুং হৌখিবা চহি ৯ অসিদা ভারতকী লাইরিক-লাইশুগী ইনফ্রাস্ত্রকচর অওনবা পুরক্নবা সরকারনা থবক পায়খৎলে। শাংলবা চহি ৩০গী মতুংদা ভারতনা নেসনেল ইজুকেসন পোলিসি লৈরে অমসুং ইন্নোবেসন, রিছার্স অমসুং দিবলপমেন্তদা মীৎয়েং থমদুনা পোলিসি অসিনা লাইরিক-লাইশু তম্বগী থবকশিংদা চাউনা অওনবা পুরক্লে। হৌখিবা চহি ৯দা য়ুনিভর্সিতিশিং, ইঞ্জিনিয়ারিং অমসুং মেদিকেল কলেজশিং লিংখৎলে। মখোয়গী লমগী লোলশিংদা লাইরিক তমদুনা হৌজিক নহারোলশিং দোক্তরশিং অমসুং ইঞ্জিনিয়ারশিং ওইবা য়ারে।

প্রধান মন্ত্রীনা হায়খি খুন্নাইগী অওনবশিং পুরকপা মতমদা ভল্লালরনা মহাক্কী মতমদগী ঙনখৎনা পাংথোকখি। ঈশ্বরদা লৈখিবা ভল্লালরগী মীৎয়েং লাইনিং, কাংলুপ অমসুং জাতিগী অথিংবশিংগী ৱাংমদা লৈখি। মালেমগী এতোম খুদিংমক্তা ঈশ্বরগী ওইবা মশক ভল্লালরনা উখি অমসুং মসিগী ঈশ্বরগী ওইবা মশক অসি মশক খঙনবা মীওইবা খুন্নাইদা তকশিনখি। মান্নবা খুন্নাই অমগীদমক থবক তৌনবা পান্দম থমদুনা ভল্লালরনা তাকপী-তম্বীখিবগা লোয়ননা মহাক্না ভল্লালরগী মফমদা ইকায়খুম্নবা উৎপগা লোয়ননা মহাক্না সবকা সাথ, সবকা বিকাস, সবকা বিশ্বাস অমসুং সবকা প্রয়াসতা লৈরিবা থাজবা অমুক্কা হেনগৎহল্লে।

লেজিসলেতিপ বোদিশিংদা নুপীশিংগী সিত খাক্তুনা থম্নবা নারী শক্তি বন্দন অধিনিয়ম পাস তৌবদা ভল্লালরগী থৌজাল ফংলমগনি। ভল্লালরগী থবকশিং অচম্বা ঙাক্তনি অমসুং মখোয় পাবদা অমসুং খঙবদা য়াম্না লাইবা ঙাক্তনি অমসুং অধ্যাতিক্কী অরুবা লৌশিং অচম্বা ৱাহৈশিংদা খঙহনখি। মফম মতম শীনবা থুংনা ভারতকী নাৎকী খেন্নবশিংগী লৌশিং অসিগা শক্নাইরবা সাধুশিংনা তাকপীরম্বশিংনা অপুনবা লংলা ওইনা শম্নহল্লে, মসিনা এক ভারত শ্রেস্থা ভারতকী অপুনবা ৱাখল্লোন্দা থৌনা হাপ্লে। 

প্রধান মন্ত্রীনা হায়খি ভল্লালরগী ফিদমশিং থবক ওইনা পাংথোক্নবা মহাক্না অমুক হন্না থাজবা পীরি অমসুং মীয়াম্না মহাক্কী নুংশিবা, থৌজাল অমসুং অচুম্বগী পাউজেল শন্দোকপীয়ু। মহাক্কী থম্মোয়গা নক্নবা হিরমশিংদা ঐখোয় থবক তৌরসি। ঐখোয়গী অকোয়বদা লৈরিবা খুদিংমক চাক লামদনবা ঐখোয় হোৎনরসি। ঐখোয়না অঙাং খুদিংমক মগুন লৈবা ইজুকেসন ফংহল্লসি।

My homage to the great Vallalar on his 200th Jayanti. https://t.co/fRQYtRCVi4

— Narendra Modi (@narendramodi) October 5, 2023

***