ঙসি প্রধান মন্ত্রী শ্রী নরেন্দ্র মোদীনা ছতিসগর,বস্তর, জগদালপুরদা লুপা করোর ২৭,০০০ রোমগী তোঙান-তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা খুৎশীন্নখ্রে। প্রোজেকশিং অদুগী মনুংদা লুপা করোর ২৩,৮০০ হেনবগী বস্তর জিলাগী নাগরনারদা এন.এম.দি.সি স্তিল লিমিতেৎকী স্তিল প্লান্ত অমসুং রেলৱে অমসুং লম্বীগী প্রোজেকশিং য়াওরি। মহাক্না তারোকি-রাইপুর দেমু ত্রেন সর্বিস লমথাখ্রে।

থৌরম অদুদা তিনখিবা মীয়ামদা ৱা ঙাংবদা প্রধান মন্ত্রীনা হায়খি লৈবাক অসিগী রাজ্য খুদিংমক, জিলা খুদিংমক অমসুং খুঙ্গং খুদিংমক চাউখৎলবা মতমদা চাউখৎলবা ভারত অমগী মঙলান অদু মঙফাওনবা ঙমগনি। হায়রিবা ৱাশকশিং অসি থবক ওইনা পাংথোক্নবা ঙসি লুপা করোর ২৭,০০০ রোমগী প্রোজেকশিং হৌদোকপনি অমসুং চাউখৎ-থৌরাংগী প্রোজেকশিং অসিগীদমক ছতিসগরগী মীয়াম থাগৎপা ফোঙদোকচরি। চাউখৎলবা ভারতকীদমক তুংগী দরকার ওইবশিংগী মতুংইন্না ফিজিকেল, সোসিএল অমসুং দিজিতেল ইনফ্রাস্ত্রকচর শেমগৎকদবনি। হান্নদগী শরুক তরুক হেনগৎতুনা, চহি অসিদা ইনফ্রাস্ত্রকচরগী লুপা করোর লাখ ১০ কাইথোক্লে।

রেল, লম্বী, এয়রপোর্ত, পৱার প্রোজেকশিং, ত্রান্সপোর্তেসন, লায়রবশিং য়ুম, মহৈলোয়শঙশিং অমসুং হোস্পিতালশিং শাবদা স্তিলগী মরুওইবা পল্লদুনা প্রধান মন্ত্রীনা হায়খি স্তিল পুথোকপদা লৈবাক অসি অত্মানির্ভর ওইনবা হৌখিবা চহি ৯দা সরকারনা থবক কয়া পায়খৎলে। অচৌবা স্তিল পুথোকপা রাজ্য অমা ওইবগী কান্নবশিং ছতিসগরনা ফংলি। ঙসি নাগরনারদা খ্বাইদগী নৌবা স্তিল প্লান্ত অমা শঙ্গারে।

মহাক্না হায়খি প্লান্ত অসিদগী পুথোরকপা স্তিলনা লৈবাক অসিগী ওতোমোবাইল, ইঞ্জিনিয়ারিং অমসুং দিফেন্স মেনুফেকচরিং সেক্তরশিংদা অনৌবা থৌনা অমা পীরগনি। বস্তরদা শাবা স্তিলনা ঐখোয়গী লান্মীগী মপাঙ্গল কনখৎহনগনি অমসুং দিফেন্স এক্সপোর্ততা ভারত অচৌবা শরুক য়াগনি। স্তিল প্লান্ত অসিনা বাস্তর অমসুং  মসিগা নক্নবা মফমশিংগী নহারোল ৫০,০০০ রোম থবক ফংনবগী খুদোংচাবা পীরগনি। বস্তরগুম্বা এস্পিরেসনেল জিলাশিং চাউখৎনবা কেন্দ্র সরকারনা পায়খৎলিবা থবকশিংদা অনৌবা স্তিল প্লান্ত অসিনা অনৌবা ইনোৎ পীরগনি।

লম্বী-থোং চাউখৎনবা কেন্দ্র সরকারনা পায়খৎলিবা থবকশিংগী মতাংদা প্রধান মন্ত্রীনা হায়খি ছতিসগরদা ইকোনোমিক কোরিদোর অমসুং অনৌবা হায়ৱেশিং লৈরে। ২০১৪গা চাংদম্নবদা ছতিসগরগী রেলৱে বজেৎ অসি শরুক ২০ হেনগৎলে। নিংতম্বা ফংলবা চহি কয়াগী মতুংদা তারোকিনা অনৌবা রেলৱে লাইন অমা খুদোল ফংলে। অনৌবা দেমু ত্রেন অমনা তারোকি শম্নদুনা লৈবাক অসিগী রেলৱে মেপ্তা য়াওরে অমসুং মসিনা কোনুং ওইরিবা রাইপুর ফাওবা চৎপদা লাইহল্লগনি। জগদালপুর অমসুং দান্তেৱারাগী মরক্তা রেল লাইন দবল ওইহনবা অসিনা পোৎ-চৈ পুথোক-পুশিনগী খরচ হন্থহনগনি অমসুং চৎথোক-চৎশিন লাইহনগনি।

ছতিসগরগী রেলৱে ত্রেকশিং চাদা ১০০ ইলেক্ত্রিক ফংহনবদা প্রধান মন্ত্রীনা হরাওবা ফোঙদোকখি। রাজ্য অসিদা বন্দে ভারত ত্রেনশু চেনবা হৌরে। মহাক্না হায়খি অমৃত ভারত স্তেসন য়োজনাগী মখাদা ছতিসগরগী স্তেসন ৩০ হেন্না শেমগৎলি। মসিগী মনুংদা স্তেসন ৭ অমুক হন্না শেমগৎনবা উরেপ-উয়ুং তমখ্রে। থবক অসিদা বিলাসপুর, রাইপুর, দুর্গ স্তেসন অমসুং ঙসিগী জগদালপুর স্তেসন য়াওরে। তুংদা জগদালপুর স্তেসন অসি সহরগী মরুওইবা মফম অমা ওইরগনি অমসুং পেসেঞ্জরশিংগী খুদোংচাবাশিং শেমগৎলগনি। হৌখিবা চহি ৯দা রাজ্য অসিগী স্তেসন ১২০দা লেম্না ৱাই-ফাইগী খুদোংচাবা ফংহল্লে।

প্রধান মন্ত্রীনা হায়খি ছতিসগরগী মীয়ামগী পুন্সি হিংবদা লাইহন্নবা সরকারনা পায়খৎপা য়াবা থবকশিং পায়খৎলি। ঙসিগী প্রোজেকশিং অসিনা মখা তানা চাউখৎপগী খোঙজেল য়াংখৎহনগনি, অনৌবা থবক কয়া পীগনি অমসুং রাজ্য অসিদা অনৌবা উদোগশিং লিংখৎনবা পুক্নিং থৌগৎকনি। ছতিসগরগী চাউখৎপগী খোঙচত্তা সরকারনা মখা তানা মতেং পাংগনি অমসুং লৈবাক অসিগী মরাইবক হোঙহনবদা রাজ্য অসিনা মরুওইবা থৌদাং লৌগনি। থৌরম অসিদা রাজ্য সরকারগী মহুৎশীন্দুনা শরুক য়াবগীদমক প্রধান মন্ত্রীনা ছতিসগরগী রাজ্যপাল শ্রী বিশ্বভুসন হরিচন্দন থাগৎপা ফোঙদোকি।

থৌরম অদুদা শরুক য়াখিবশিংগী মনুংদা ছতিসগরগী রাজ্যপাল শ্রী বিশ্বভুসন হরিচন্দন, এম.পি শ্রী মোহন মন্দাবী য়াওখি।

নুঙগীৱারোল

আত্মনির্ভর ভারতকী মঙলান্দা অচৌবা শাহৌ অমা পীনবা খোঙথাংদা প্রধান মন্ত্রীনা বস্তর জিলাদা লৈবা নগরনারদা এন.এম.দি.সি স্তিল লিমিতেদকী স্তিল প্লান্ত জাতিদা কত্থোকখ্রে। লুপা করোর ২৩,৮০০ হেন্না চংনা শাখিবা স্তিল প্লান্ত অসি হায় ক্বালিতী স্তিল পুথোক্কদবা গ্রীনফিল্দ প্রোজেক্ত অমনি। নগরনারগী এন.এম.দি.সি স্তিল লিমিতেদকী স্তিল প্লান্তনা প্লান্ত অসিদা লোয়ননা এন্সিল্লরী অমসুং দাউনস্ত্রীম ইন্দস্ত্রীশিংদা মীওই লিশিং কয়াদা থবক্কী খুদোংচাবশিং পীরগনি। মসিনা বস্তরপু মালেমগী স্তিল মেপতা য়াওহল্লগনি অমসুং লমদম অসিগী সোসিও-ইকনোমিক দিবেলপমেন্তদা শাহৌ অমা পীরগনি।

লৈবাক শিনবা থুংবদা রেল ইনফ্রাস্ত্রকচর ফগৎহন্নবা প্রধান মন্ত্রীগী বিজন মখাদা থৌরম অসিদা তোঙান-তোঙানবা রেল প্রোজেক্তশিং উরেপ-উয়ুং তমখ্রে অমসুং জাতিদা কত্থোকখ্রে। প্রধান মন্ত্রীনা অন্তাগর অমসুং তারোকিগী মরক্তা অনৌবা রেল লাইন অমসুং জগদলপুর অমসুং দনতেৱারাগী মরক্তা রেল লাইন দব্লিং প্রোজেক্ত অমা জাতিদা কত্থোকখ্রে। মহাক্না অমৃত ভারত স্তেসন স্কিমগী মখাদা বোরীদান্দ – সুরজপুর রেল লাইন দব্লিং প্রোজেক্ত অমসুং জগদলপুর স্তেসন নৌনা শেমগৎপগী উরেপ-উয়ুং তমখ্রে। প্রধান মন্ত্রীনা তারোকি – রাইপুর দেমু ত্রেন সর্ভিসসু লমথাখি। রেল প্রোজেক্তশিং অসিনা রাজ্য অসিগী ত্রাইবেলগী লমদমশিংদা কন্নেক্তিবিতী হেনগৎহল্লগনি। ফগৎহল্লবা রেল ইনফ্রাস্ত্রকচর অমসুং অনৌবা ত্রেন সর্ভিসনা মফম অসিগী মীয়ামদা কান্নবা পীরগনি অমসুং লমদম অসিগী শেন্মীৎলোন চাউখৎহনবদা মতেং পীরগনি।

প্রধান মন্ত্রীনা নেস্নেল হায়ৱে–৪৩গী ‘কুনকুরিদগী ছত্তিসগর – ঝারখন্দ বোর্দর সেক্সন’গী রোদ অপগ্রেদেসন প্রোজেক্ত অমা জাতিদা কত্থোকখি। অনৌবা লম্বী অসিনা রোদ কন্নেক্তিবিতী ফগৎহল্লগনি অমসুং লমদম অসিগী মীয়ামদা কান্নবা পীরগনি।

Dedicating and laying foundation stones for multiple projects in Jagdalpur, aimed at enhancing socioeconomic growth and 'Ease of Living' for the people. https://t.co/7BtXzz4q1e

— Narendra Modi (@narendramodi) October 3, 2023

*****