প্রধানমন্ত্রীগী লোইশঙ
প্রধান মন্ত্রীনা মেম্বর, পার্তি খুদিংমক অমসুং মখোয়গী লুচিংবশিংবু রাজ্য সভাদা দি কন্সতিত্যুসন (চাম্মগা কুন্নিপালশুবা এমেন্দমেন্ত) বিল, ২০২৩ শৌগৎপীনবা পুক্নিং চিংশিনখ্রে
"খন্ন-নৈনবা অসিদা ফোংদোক্নখিবা ৱাহৈ খুদিংমক লাক্কদৌরিবা পার্লিয়ামেন্তরী খোঙচৎ অসিদা ঐখোয় খুদিংমক্তা কান্নবা ফংগনি"
"খন্ন-নৈনবা অসিদা রাজনিতী দল খুদিংমক্কী ইনোৎনা লৈবাক অসিগী মীয়ামদা মশানা মশাদা থাজবগী অনৌবা মৈরী অমা চুরগনি"
Posted On:
21 SEP 2023 10:49PM by PIB Imphal
প্রধান মন্ত্রীনা দি কন্সতিত্যুসন (চাম্মগা কুন্নিপালশুবা এমেন্দমেন্ত) বিল, ২০২৩গী খন্ন নৈনবা লোইশিন্নবগীদমক রাজ্য সভাদা হৌগৎলদুনা হৌখিবা নুমিৎ নিনিরোম অসিদা ইকাইখুম্নজরবা মেম্বর ১৩২রোম্না মশাগী খোঞ্জেল পুখৎলদুনা মহৈ য়ান্নিংঙাই ওইবা খন্ন-নৈনবা কয়া অমা পাঙথোকখ্রে হায়না ফোংদোকখ্রে। "খন্ন-নৈনবা অসিদা ফোংদোক্নখিবা ৱাহৈ খুদিংমক মগুন অমসুং ৱাহন্থোক লৈ", হায়না প্রধান মন্ত্রীনা হায়রিবা মগুন লৈরবা খন্ন-নৈনবা অসিনা লাক্কদৌরিবা পার্লিয়ামেন্তরী খোঙচৎতা লৈবাক অসিদা কান্নবা কয়া পুরক্লগনি হায়খ্রে। বিল অসিদা হাউসকী মেম্বরশিংনা শৌগৎপবু হন্না নিংশিংলদুনা প্রধান মন্ত্রীনা মখোয়বু থাগৎখি অমসুং ফোংদোকখি মদুদি, "অসিগুম্বা ইনোৎ অসিনা লৈবাক অসিগী মীয়ামদা মশানা মশাবু থাজবগী মৈরি চুখৎলগনি অমসুং রাজনিতী দল খুদিংমক্কী মেম্বর খুদিংমক্না মসিদা মরুওইবা থৌদাং লৌরি।" মহাক্না ফোংদোকখি মদুদি বিল অসিনা পাস তৌবগা নুপীশিংগী শক্তিদা অখন্নবা ইকাই খুম্নবা পীবদা নত্তনা লৈবাক অসিগী নুপীগী শক্তিদা রাজনিতী দলশিংনা বিল অসিদা অফবা মাইওন্দা থাজবা থম্বগা লোইননা অহেনবা পাঙ্গল হাপচিল্লে। মহাক্না মখা তারদুনা হায়খি মদুদি, বিল অসিনা অনৌবা থাজবগা লোইননা লুচিংবা অমসুং লৈবাক শেম্বদা মতেং পাংবগা লোইননা ভারতকী অরংবা তুংলমচৎ অমা শেম্বা ঙম্লগনি।
মহাক্কী ৱারোল অদু লোইশিল্লদুনা প্রধান মন্ত্রীনা শুগাইনা খন্ননৈনবদা মশা মশাগী ৱাখল্লোন ফোংদোক্নখিবগীদমক থাগৎপা ফোংদোকখি অমসুং অপ্পর হাউসতা বিল অসিবু মোৎ অমত্তা ওইনা ভোৎ পীবীদুনা পাস তৌবীনবা পুক্নিং চিংশিনখি।
*****
(Release ID: 1959794)
Visitor Counter : 86
Read this release in:
Kannada
,
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Malayalam