Ka Ophis jong u Myntri Rangbah duh ka ri
Ai jingsngewnguh u Myntri Rangbah Duh ia ki dkhot, ki kynhun bad ki nongialam jong ki na ka bynta ka jingkyrshan bad ka jingiakren kaba don jingmut ha kaba iadei bad ka The Constitution (One Hundred and Twenty-Eighth Amendment) Bill, 2023 ha ka Lok Sabha
“Ka dei ka por kaba kyrpang ha ka jingiaid lynti jong ka Parliament jong ka ri”
“Kan pynkylla ia ka Matrushakti bad ka jingskhem jingmut ba kan wanrah kan long ka bor kaba khraw ban rah ia ka ri sha ki kliar kiba thymmai”
Posted On:
21 SEP 2023 12:01PM by PIB Shillong
U Myntri Rangbah Duh, u Narendra Modi bad u Nongialam jong ka Iing Dorbar Thaw Ain mynta ka sngi u la ai jingsngewnguh ia baroh ki seng sain pyrthei kiba la ai ka jingkyrshan bad ka jingiakren kaba don jingmut shaphang ka The Constitution (One Hundred and Twenty-Eighth Amendment) Bill, 2023 ha Lok Sabha. Kane ka Bill, kaba long ka kam kaba kongsan kaba nyngkong ha ka Iing Dorbar Thaw Ain Parliament ba thymmai ka dei kaba la iakren bad ai jingmynjur ha Lok Sabha hynnin ka sngi.
U Myntri Rangbah Duh u la ieng shuwa ban sdang ka jingtreikam mynta ka sngi bad u la kren shaphang ‘ka por kaba kyrpang ha ka jingiaid lynti ka Parliament jong ka India’ hynnin ka sngi bad u la ong ba kane ka jingjop ka la wan namar baroh ki dkhot jong ki seng sain pyrthei bad ki nongialam jong ki. U la ong ba ka rai hynnin ka sngi bad ka jingpynkut ka ban wan jong ka Rajya Sabha kan pynkylla ia ka Matrushakti bad ba ka jingskhem jingmut ba kan wanrah kan long ka bor kaba khraw ha ka jingrah ia ka ri sha ki kliar kiba thymmai. “Ban pyndep ia kane ka kam kaba kyntang, nga, kum u nongialam jong kane ka Iing Dorbar Thaw Ain, nga ieng mynta ban ai jingsngewnguh ia ka jingnoh synniang, ka jingkyrshan bad ka jingiakren kaba don jingmut ba phi la ai,” la ong u Myntri Rangbah Duh.
***
(Release ID: 1959506)
Visitor Counter : 53
Read this release in:
English
,
Urdu
,
Hindi
,
Marathi
,
Bengali
,
Manipuri
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam