প্রধান মন্ত্রীনা মখুৎনা শুজ-নোমজদুনা পুন্সি মহিং তাঞ্জরিবা আর্তিসান অমসুং ক্রাফ-পীপলশিংদা হকথেংনবা তেংবাং পীনবগীদমক্তা সেপ্তেম্বর 17, 2023দা কেন্দ্রগী সেক্তর স্কিম, পি.এম. বিশ্বকর্মা হায়বসি হৌদোকখি। স্কিম অসিনা ৱারোল অসিদা পল্লিবা ত্রেদ 18দা মনুং চনবা থবকশিংগা মরী লৈনবা আর্তিসান অমসুং ক্রাফ-পীপলশিংদা কান্নবা পীগনি। ত্রেদশিং অদুদিঃ 1) উ-শুবা (সুথর/বন্ধাই), 2) হি-শাবা, 3) আর্মর শাবা, 4) য়োৎ শুবা (লোহার), 5) নুংথং অমসুং তুল কিৎ শাবা, 6) শো-শাবা, 7) সনা শাবা (সোনার), 8) চফু শাবা (কুমহার), 9) মুর্তী শাবা (মুর্তিকার, নুংদা হকপা), নুং-থুগায়বা, 10) খোঙউপ শেম্বা (চর্মকর)/মুজী/খোঙউপ শাবা আর্তিসান, 11) চেক-শুবা (রাজমিস্ত্রী), 12) পোল্লাং/ফক/শুমচিৎ/থৌরী শাবা, 13) লাইফদিবী অমসুং শান্নপোৎ শাবা (নাৎকী ওইবা), 14)শম ককপা (নাই), 15) লৈ-পরেং শাবা (মলাকার), 16) ফি শুবা (ধোবী), 17) ফুরিৎ তুবা (দর্জী), অমসুং 18) ঙা ফাবগী লাং শাবশিংনি।

স্কিম অসিনা হায়রিবা আর্তিসান অমসুং ক্রাফ পীপলশিংদা মখাগী খুদোংচাবশিং পীবগী পান্দম থম্লিঃ

1) শকখঙবা – পি.এম. বিশ্বকর্মা সর্তিফিকেত অমসুং ID কার্দকী খুত্থাংদা মখোয়বু শকখঙবা।

2) স্কিল অপগ্রেদ তৌবা – নুমিৎ 5-7গী বেসিক ত্রেনিং অমসুং নুমিৎ 15 অমসুং হেনবগী এদভান্স ত্রেনিং পীবগা লোয়ননা নোংমদা লুপা 500গী স্তাইপেন্দ পীবা।

3) তুলকিত ইন্সেন্তিব – বেসিক স্কিল ত্রেনিংগী অহৌবদা লুপা 15000 ফাওবগী তুলকিত ইন্সেন্তিবপু ই-ভৌচরগী মওংদা পীবা।

4) ক্রেদিতকী তেংবাং – কোলেতরেল য়াওদবা লুপা লাখ 3 ফাওবগী ‘ইন্তর্প্রাইস দিভেলপমেন্ত লোন’শিং অসি ত্রেঞ্চ অনি থোক্না লুপা লাখ 1 অমসুং 3গী শেনফমশিং অসি মথংশিৎনা থা 18 অমসুং 30গী মতমগী ওইনা পীগনি, মসিদা ভারত সরকারনা 8%গী শেন্দোই কোকপগা লোয়ননা অমুক্কা হেন্না তাথরবা 5%গী লেঙদবা শেন্দোইগী চাংদা ফংহনগনি। বেসিক স্কিল ত্রেনিং লোইশিল্লবা বেনিফিশরীশিংনা লুপা লাখ 1 ফাওবগী ক্রেদিত সপ্পোর্তকী অহানবা ত্রেঞ্চ অসি ফংবগী মতিক চাগনি। অনিশুবা লোনগী ত্রেঞ্চ অসিনা অহানবা ত্রেঞ্চ ফংখ্রবা, লোন একাউন্ত নীংথিনা শেন্নবা, মশাগী কারবারদা দিজিতেল ত্রাঞ্জেক্সন শিজিন্নরবা নত্ত্রগা এদভান্স ত্রেনিংদা শরুক য়ারিবা বেনেফিশরীশিংনা ফংবা য়াগনি।

5) দিজিতেল ত্রাঞ্জেক্সন তৌবগী ইন্সেন্তিব – দিজিতেল ত্রাঞ্জেক্সন অমদা লুপা 1, থা অমগী ওইনা খ্বাইদগী য়াম্বা ত্রাঞ্জেক্সন 100গী মতুং ইনবা শেনফম্বু বেনেফিশরীগী এলাউন্ততা দিজিতেল পে-আউত নত্রগা রিসিপ তৌবা খুদিংগী পীগনি।

6) মার্কেতিং সপ্পোর্ত – আর্তিসান অমসুং ক্রাফ পীপলশিংগী মফমদা ক্বালিতী সর্তিফিকেসন, ব্রান্দিং, GeMগুম্বা ই-কম্মর্স পোর্তেলদা ওনলোদ তৌবা, এদভর্তাইজ তৌবা, পব্লিসিতী তৌবা অমসুং মার্কেতিং তৌবগী অতোপ্পা থবকশিংগী মওংদা মার্কেতিংগী তেংবাং পীগনি। মসিগী পান্দমদি ভেলু চেনগা মরী লৈনবগী মতৌ হেন্না ফগৎহন্নবনি।

মথক্তা পনখ্রিবা কান্নবশিংগী মথক্তা, স্কিম অসিনা বেনেফিশরীশিংবু MSME ইকোসীস্তেমগী ফোর্মেল ওইবা ওন্তোপ্রিনর অমা ওইনা ঊদয়ান এসিস্ত প্লেতফোর্মদা ওনবোর্দ তৌবীগনি।

বেনিফিশরীশিং খনবগী থৌওংদি আধারদা য়ুম্ফম ওইদুনা বাইওমেত্রিক ওথেন্তিকেসন তৌরবা মতুংদা কম্মন সর্ভিস সেন্তরশিংগী খুত্থাংদা পি.এম. বিশ্বকর্মা পোর্তেলদা পাংথোক্কনি। বেনেফিশরীশিং খনবগী থৌওংগী মতুংদা, 1) গ্রাম পঞ্চায়ত/ULB থাক্তা মশক-মইং খঙদোকপা, 2) দিস্ত্রিক্ত ইমপ্লিমেন্তেসন কম্মিতীনা অচুম অরান য়েংথোকপা অমসুং অয়াবা পীবা, 3) সক্রীনিং কম্মিতীনা অয়াবা পীবগী থৌওংশিং য়াওবা স্তেপ-অহুমগী ভেরিফিকেসনগী থৌওং অমুকা পাংথোক্কনি।

অহেনবা ই-পাউগীদমক্তা, পি.এম. বিশ্বকর্মগী কাঙলোনশিং খুদিংমক pmvishwakarma.gov.inদগী লৌবা য়াগনি। করিগুম্বা ৱাহং অমা হেক্তা হংবীনীংবা লৈরবদি, 18002677777 দা কোল তৌবা নত্ত্রগা pm-vishwakarma@dcmsme.gov.in দা ইমেল থাবীবা য়াগনি।

*****