Ka PM Vishwakarma, ka skhim jong ka Sorkar Pdeng ka dei kaba la sdang ha ka 17 tarik u Naitung, 2023 da u Myntri Rangbah ban ai jingkyrshan ia ki nongshna tiar kiba shna ia ki mar da kaba pyndonkam ia la ki kti bad ki tiar shna. Kane ka skhim ka peit ia ki nongshna tiar kiba trei ha 18 tylli ki kam kiba long (i) Misteri; (ii) Nongshna lieng; (iii) Nongshna tiar ialeh thma; (iv) Nongshoh nar; (v) Nongshna tyrnem bad ki tiar; (vi) Nongshna tala; (vii) Nongshna ksiar; (viii) Nongshna khiew; (ix) Nongshna tiar da ki maw, nong pynpait maw; (x) Nongsuh juti; (xi) Misteri maw (Rajmistri); (xii) Nongshna shang/ carpet/synsar/ nongthain tyllai; (xiii) Nongshna khunbynriew & jinglehkai (tynrai); (xiv) Nongkhap shniuh; (xv) Nongshna jingdeng da ki syntiew; (xvi) Nongsait jain; (xvii) Nongsuhjain; bad (xviii) Nongshna jar tong dohkha

Ka skhim ka thmu ban ai kine ki jingmyntoi ia ki nongshna tiar:

(i) Ka jingithuh: Ka jingithuh ia ki nongshna tiar lyngba ka PM Vishwakarma certificate bad ID card.

(ii) Ka jingkyntiew ia ki sap: Ka jingai jinghikai nyngkong kaba 5-7 sngi bad ka jingpyntbit shuh shuh kaba 15 sngi lane kham bun ia kane, ha kaba ka stipend ka long T. 500 ha ka shi sngi;

(iii) Ka Jingmyntoi Toolkit: Ka jingmyntoi toolkit kaba haduh T. 15,000 lyngba ki e-voucher haba sdang ia ka jingai jinghikai nyngkong.

(iv) Ka jingkyrshan ban ioh shim ram: Ki jingshim ram ‘Enterprise Development Loans’ khlem da hap buh bynda kiba haduh T 3 lak ha ki ar bynta kiba T 1 lak bad T 2 lak kiba jrong samoi haduh 18 bnai bad 30 bnai ha ka sut kaba la pynduna kaba long 5%, ha kaba ka jingpynduna na ka liang ka Sorkar India ka long haduh 8%. Kito kiba la pyndep ia ka jingai jinghikai kaba nyngkong ki lah ban ioh ia ka bynta kaba nyngkong jong ka jingshim ram kaba haduh T 1 lak. Ia ka bynta kaba ar jong ka jingshim ram yn ai ia kito kiba la ioh ia ka bynta kaba nyngkong bad kiba don ka account shim ram bad kiba la pdiang ia ki lad ai jingsiew digital ha ki kam jong ki lane kiba la leit phah pyntbit shuh shuh.

(v) Ka jingmyntoi na ka bynta ka jingsiew digital: Ka jingai T. 1 ia man ka jingsiew digital, kaba haduh 100 tylli ki jingsiew ha ka shi bnai ka dei ka ban poi sha ka account jong ki nongioh jingmyntoi na ka bynta man ka jingsiew digital.

(vi) Ka jingkyrshan ha ka jingpyniaid iew: Yn ai jingkyrshan pyniaid iew ia ki nongshna tiar lyngba ka quality certification, ka branding, ka jingrung ha ki rynsan e-commerce kum ka GeM, ka jingai khubor, ka jingpyntip bad kiwei kiwei ki kam kiba iadei bad ka die ka thied kiba pynkhlain ia ka jingpyniasoh bad ki lad pynbiang tiar.

Ha ryngkat kine ki jingmyntoi halor, ka skhim kan pdiang ia ki nongioh jingmyntoi ha ka rynsan Udyam Assist kum ki ‘nongseng kam lajong’ ha ki kam MSME.

Ka jingpynrung kyrteng ia ki nongioh jingmyntoi kan long lyngba ki Common Service Centres ha kaba la pynshisha da u Aadhaar ha ka rynsan PM Vishwakarma. Ia ka jingpynrung kyrteng ia ki nongioh jingmyntoi yn bud da ka jingpynshisha kaba lai bynta kiba kynthup (i) Jingpynshisha ha ka kyrdan Gram Panchayat/ ULB, (ii) Ka Jingpynshisha bad ka Jingai Jingmut na ka District Implementation Committee (iii) Ka jingmynjur da ka Screening Committee.

Ban ioh jingtip shuh shuh, ia ki kyndon treikam jong ka PM Vishwakarma lah ban ioh ha ka pmvishwakarma.gov.in. lada don kino kino ki jingkylli, ki nongshna tiar ki lah ban phone ha u 18002677777 lane phah email sha ka pm-vishwakarma@dcmsme.gov.in.

*****