শেনমিৎলোন্দা মন্ত্রীমন্দলগী মীফম (সি.সি.ই.এ.)
এম/এস সুভেন ফার্মাসিউতিকেলস লিমিতেৎতা মপান লৈবাক্তগী লুপা করোর ৯৫৮৯ ফাওবা থাদরকপা মন্ত্রীমন্দলনা অয়াবা পীরে
Posted On:
13 SEP 2023 3:23PM by PIB Imphal
এম/এস বেরহয়ান্দা লিমিতেৎ, সাইপ্রসনা এম/এস সুভেন ফার্মাসিউতিকেলস লিমিতেৎতা লুপা করোর ৯৫৮৯ ফাওবা থাদরক্নবগী এফ.দি.আইগী ৱাফম ঙসি প্রধান মন্ত্রী শ্রী নরেন্দ্র মোদীনা লুচিংবা কেবিনেত কম্মিতি ওন ইকোনোমিক এফেয়ার্সনা অয়াবা পীরে। নেসনেল স্তোক একচেঞ্জ ওফ ইন্দিয়া লিমিতেৎ অমসুং বোম্বে স্তোক একচেঞ্জ লিমিতেৎকী লিস্তা য়াওরবা পব্লিক লিমিতেৎ ভারতকী ফার্মাসিউতিকেল কম্পেনি অমা ওইরিবা এম/এস সুভেন ফার্মাসিউতিকেলস লিমিতেৎকী ইকুইতি সিয়ারগী চাদা ৭৬.১ ফাওবা এম/এস বেরহয়ান্দা লিমিতেৎ, সাইপ্রসনা লৌশিনবদা অয়াবা পীরে, মসি ওপন ওফরগী খুৎথাংদা হৌজিক লৈরিবা প্রোমোতর সিয়ারহোল্দরশিং অমসুং পব্লিক সিয়ারহোল্দরশিংদগী সিয়ার ত্রান্সফর তৌদুনা পাংথোক্কদবনি। এম/এস সুভেন ফার্মাসিউতিকেলস লিমিতেৎতা মপান্দগী শেন থাদরকবা চাদা ৯০.১ ফাওবা হেনগৎলগনি।
ৱাফম অসি সেবি, আর.বি.আই, সি.সি.আই অমসুং অতোপ্পা মরী লৈনবা এজেন্সিশিংনা য়েংশিনখ্রে। পুখৎলকপা ৱাফম অদু মরী লৈনবা দিপার্তমেন্তশিং, আর.বি.আই অমসুং সেবিনা য়েংশিল্লবা মতুংদা অয়াবা পীখিবনি অমসুং হিরম অসিগী মতাংদা নিয়মশিং অমসুং চৎন-কাংলোনশিং ঙাক্লে।
ফোরেন ইনভেস্তর কম্পেনি, এম/এস বেরহয়ান্দা লিমিতেৎ, সাইপ্রসতা থাদরবা শেনফমশিং, তোঙান-তোঙানবা লিমিতেৎ পার্তনরশিং(এল পি)গী শেন থাদফম ওইরিবা এদভেন্ত ফন্দসনা পায়রি। এদভেন্দ ফন্দ অসি য়ু.এস.এগী এদভেন্ত ইন্তরনেসনেল কোর্পোরেসন্না চলাইবনি। ১৯৮৪দা লিংখৎখিবা এদভেন্ত ইন্তরনেসনেল কোর্পোরেসন্না লৈবাক ৪২দা য়ু.এস দোল্লর বিল্লিয়ন ৭৫ থাদরি। এদভেন্ত ইন্দিয়ানা ২০০৭দগী ভারত্তা শেন থাদবা হৌরকখি অমসুং হৌজিক ফাওবদা অনা-লায়য়েং, শেন-থুমগী থবকশিং, ইন্দস্ত্রিএল মেনুফেকচরিং, কঞ্জুমর গুদস অমসুং আই.তিগী সেক্তরশিংদা ভারতকী কম্পেনি ২০দা লুপা করোর ৩৪০০০ রোম থাদখ্রে।
অয়াবা পীরবা শেন থাদবা অসিনা প্লান্ত অমসুং খুৎলায়শিংদা শেন থাদুনা ভারতকী কম্পেনিশিংগী থবক হেনগৎহন্নবা অমসুং অনৌবা থবকশিং ফংহন্নবা পান্দম থম্লি। এদভেন্ত গ্রুপকা পুন্না থবক তৌমিন্নবা অসিনা এম/এস সুভেন ফার্মাসিউতিকেলস লিমিতেৎনা মসিগী ললোন-ইতিক্কী থবকশিং পাংথোক-চাউথোকপা; থবক ফজনা পাংথোকপা; পোৎথোক পুথোকপা হেনগৎহনবা, ভারতকী কম্পেনিগী মহৌশাগী অকোয়বগী ফিবম, হকশেল অমসুং অশোই-অঙাম থোকহন্দবা ফগৎহনগনি অমসুং মেনেজমেন্তদা মালেমগী খ্বাইদগী ফবা থবকশিং পুরকপা ঙমগনি অমসুং হৌজিক লৈরিবা প্রোফেসনেলশিং অফবা ত্রেনিং পীনবগী খুদোংচাবশিং ফংগনি।
তেক্নোলোজি, ইন্নোবেসন, শেন-থুমগী ফিবম ফগৎনবা অমসুং চাউখৎনবা স্কিল হেনগৎহন্দুনা, পোৎথোক হেনগৎহন্নবা অহেনবা শেন থাদুনা, চাংদম্নবা হেনগৎহন্দুনা অমসুং থবক পীদুনা ফার্মাসিউতিকেল সেক্তরদা সরকারনা শেন থাদবা নুংঙাইগদবা ফোরেন দাইরেক্ত ইনভেস্তমেন্ত পোলিসি শেম্লে।
হৌজিক চৎনরিবা এফ.দি.আই পোলিসিগী মতুংইন্না, গ্রিনফিল্দ ফার্মাসিউতিকেল প্রোজেকশিংদা ওতোমেতিক রুত্তা মপান্দগী চাদা ১০০ শেন থাদবা য়াবা পীরে। ব্রাউনফিল্দ ফার্মাসিউতিকেল প্রোজেকশিংদা ওতোমেতিক রুত্তা মপান্দগী চাদা ৭৪ শেন থাদবা য়াবা পীরে অমসুং চাদা ৭৪দগী হেন্না থাদনবা সরকারদগী অয়াবা লৌবা দরকার ওইরি। হৌখিবা চহি ৫(২০১৮-১৯ দগী ২০২২-২৩ ফাওবা) দা ফার্মাসিউতিকেল সেক্তরদা মপান্দগী থাদরকপা শেনফম লুপা করোর ৪৩,৭১৩ য়ৌখি। হৌখিবা শেনবা চহিদা সেক্তর অসিদা এফ.দি.আই চাদা ৫৮ হেনগৎলকপা উখি।
***
(Release ID: 1957210)
Visitor Counter : 85
Read this release in:
English
,
Urdu
,
Hindi
,
Marathi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam