পেত্রোলিয়ম এন্দ নেচরেল গ্যাস অমসুং হাউসিং এন্দ অর্বান এফিয়র্সকী মন্ত্রী, শ্রী হরদীপ সিংহ পুরিনা গ্লোবেল বাইওফ্যুলস এলাইন্সকী খুত্থাংদা ভারতনা মালেমদা অনৌবা লম্বী অমা তাক্লগনি হায়না ফোঙদোকখ্রে। সোসিএল মেদিয়া প্লেৎফোর্ম ‘X’তা মথং-মথং পোস্ত তৌদুনা মহাক্কী ৱাখল্লোশিং ফোঙদোক্লদুনা মন্ত্রীনা ‘বসুধৈব কুতুম্বকম’গী মন্ত্রবু ঙাক্না চৎলিবা প্রধান মন্ত্রী নরেন্দ্র মোদীগী খোঙথাং অসিনা মালেম শিনবা থুংবদা পেত্রোল অমসুং দিজলগী মীপাল তাংবা শোইদনা হন্থহল্লগনি হায়খ্রে।

গ্লোবেল ইনর্জী সেক্তরদা পুৱারী ইদুনা প্রধান মন্ত্রী শ্রী নরেন্দ্র মোদীনা ঙরাং  G20 সম্মিৎ পাঙথোক্লিঙৈদা গ্লোবেল বাইওফ্যুলস এলাইন্স (GBA) লোঞ্চ তৌরে হায়না লাউথোকখি। এলাইন্স অসি লৈবাক 19 অমসুং ইন্তর্নেস্নেল ওর্গনাইজেসন 12না য়াওনবা ফোঙদোকপা লৈখ্রে।

GBA অসি বাইওফ্যুলশিং শীজিন্নবদা মতেং পাংনবা সরকারশিং, ইন্তর্নেস্নেল ওর্গনাইজেসনশিং অমসুং ইন্দস্ত্রীগী এলাইন্স অমা শেম্নবা ভারতনা লমজিংবা থৌশিল অমনি। বাইওফ্যুলগী দিবেলপমেন্ত অমসুং দিপ্লোইমেন্ত তৌবা বাইওফ্যুলশিংগী খ্বাইদগী চাউবা কঞ্জুমর অমসুং প্রদ্যুসরশিংবু অমত্তা ওইনা পুনশিন্দুনা থৌশিল অসিনা বাইওফ্যুলবু ইনর্জী ত্রাঞ্জিসনগী মরু ওইবা মচাক অমা ওইহন্নবা অমসুং থবক পীবা অমদি ইকনোমিক গ্রোথতা শরুক তমহন্নবা পান্দম থম্মি।

শ্রী হরদীপ পুরিনা মালেমনা ক্লীনর অমসুং গ্রীনর ইনর্জী ফংনবা হোৎনরিবা অসিনা G20 সম্মিৎ মনুংদা GBA লোঞ্চ তৌখিবা অসিগী চাউনা খুমাং চাউশিনবা ঙম্লগনি ফোঙদোকখি।

গ্লোবেল বাইওফ্যুল্স এলাইন্সকী মরু হুলহনখিবগীদমক ভারতকী পেত্রোলিয়ন এন্দ নেচরেল গ্যাস মন্ত্রীনা USকী দিপার্তমেন্ত ওফ ইনর্জীগী সেক্রেতরী, মিস জেনিফর গ্রানহোল্ম; ব্রাজিলগী ইনর্জী মিনিস্তর, মিস্তর এলেকজেন্দ্রে সিলবৈরা; অমসুং UNICA ব্রাজিলগী প্রসিদেন্ত অমসুং CEO, দা. ইবান্দ্রো গুস্সিদা তৌবীমল খঙবা উৎখি।

শ্রী হরদীপ সিংহ পুরিনা G20 লৈবাকশিং ইন্তর্নেস্নেল ইনর্জী এজেন্সী (IEA), ইন্তর্নেস্নেল সিবিল এভিএসন ওর্গনাইজেসন(ICAO),  ৱর্ল্দ ইকনোমিক ফোরম (WEO), অমসুং ৱর্ল্দ LPG এসোসিএসনগুম্বা ইনর্জীগা মরী লৈনবা গ্লোবেল ওর্গনাইজেসনশিংনা সপ্পোর্ত তৌবা মীৎয়েং শান্ননা য়েংলিবা গ্লোবেল বাইওফ্যুলস এলাইন্স অসিনা গ্লোবেল বাইওফ্যুল ত্রেদ অমসুং খ্বাইদগী ফবা খোঙথাংশিং মপাঙ্গল কনখৎহন্দুনা মেম্বরশিংনা ইনর্জী ক্বাদ্রিলেম্মা মাইপাক্না মায়োক্নবা ঙমহল্লগনি। মসিনা ঐখোয়গী লৌমীশিংবু অহেনবা ইনকমগী সোর্স অমা ওইদুনা “অন্নদাতাশিংদগী উর্জাদাতাশিং” ওইহন্দুনা অওনবা পুরক্লগনি। হৌখিবা চহি 9  অসিদা ঐখোয়গী লৌমীশিংদা ঐখোয়না করোর ₹71,600 পীখি। 2025 ফাওবদা E20 ইমপ্লিমেন্ত তৌবগা লোয়ননা ভারতনা চহিগী ওইনা থাও মপালদগী পুশিল্লকপদা করোর ₹45,000 অমসুং থাও ওইনা  63 MT কনবা ঙম্লগনি হায়না মহাক্না মখা তাখি।

GBAনা ভেল্যু চেন শিনবা থুংবদা কেপাসিতী-বিল্দিং এক্সর্সাইজশিং ফংহন্দুনা, নেস্নেল প্রোগ্রামশিংদা তেক্নিকেল সপ্পোর্ত পীদুনা অমসুং লেসন-শিয়র পোলিসী প্রমোৎ তৌদুনা সস্তেনেবল বাইওফ্যুলশিং মালেম শিনবা থুংবদা দিবেলপ অমসুং দিপ্লোই তৌবদা মতেং পাংগনি। মসিনা ইন্দস্ত্রীশিং, লৈবাকশিং, ইকোসিস্তেম প্লেয়রশিং অমসুং মরু ওইবা স্তেকহোল্দরশিংবু দিমান্দ অমসুং মেপ্পিং তৌবদা লোয়ননা এন্দ য়ুজরশিংদা তেক্নোলোজী প্রোভাইদর ফংহনবদা মতেং পাংদুনা ভর্চুএল মার্কেৎপ্লেস অমা মোবিলাইজ তৌগনি। মসিনা বাইওফ্যুল এদোপ্সন অমসুং ত্রেদ ইনসেন্তিভাইজ তৌনবা ইন্তর্নেস্নেল ওইনা শকখঙলবা স্তেন্দর্দশিং, কোদশিং, সস্তেনেবিলিতী প্রিন্সিপলশিং অমসুং রিগ্যুলেসনশিংগী দিবেলপমেন্ত, এদোপ্সন অমসুং ইমপ্লিমেন্তেসনদসু মতেং পাংগনি।

থৌশিল অসিনা লম কয়াদা ভারতকীদমক চাউনবা কান্নরগনি। GBA অসি G20 প্রসিদেন্সীগী মীৎনা উবা ফংবা কান্নবা ফল অমনি, মসিনা ভারতকী পোজিসন মালেম শিনবা থুংবদা মপাঙ্গল কনখৎহনবদা মতেং পাংলগনি। মসিগী মথক্তা এলাইন্স অসিনা কোল্লাবোরেসন্দা মীৎয়েং থমগনি অমসুং তেক্নোলোজী অমসুং ইক্বিপমেন্ত এক্সপোর্ত তৌবগী মওংদা ভারতকী ইন্দস্ত্রীশিংদা অহেনবা খুদোংচাবশিং পীরগনি। মসিনা ভারতকী হৌজিক লৈরিবা বাইওফ্যুল প্রোগ্রামশিং খুদম ওইনা PM-JIVANYojna, SATAT, অমসুং GOBARdhan স্কিমশিং অসি খোঙজেল য়াংশিনহনবদা মতেং পাংদুনা লৌমীশিংগী শেন্থোক হেনগৎহনবা, থবকশিং পীবা অমসুং ভারতকী ইকোসিস্তেমগী ওভরওল দিবেলপমেন্তদা শরুক তম্লগনি। গ্লোবেল ইথানোল মার্কেৎ অসি 2022দা USD 99.06 বিলিয়ন ওইরমখি অমসুং মসি 2032দা CARGদা 5.1%দা হেনগৎলক্তুনা 2032 ফাওবদা USD 162.12 বিলিয়ন হেল্লগনি। IEAগী মতুং ইন্না নেৎ জিরো তার্গেৎশিংনা মরম ওইরগা 2050 ফাওবদা বাইওফ্যুল গ্রোথ পোতেন্সিএল অসি  3.5-5x ওইদুনা ভারতকীদমক অচৌবা খুদোংচাবা অমা পীরগনি পান্নরি।

#GlobalBiofuelsAlliance के माध्यम से बायोफ्यूल पर दुनिया को नई राह दिखाएगा भारत!

'वसुधैव कुटुंबकम' के मंत्र पर चलते हुए सनातन के सच्चे सेवक PM श्री @narendramodi जी का यह प्रयास निश्चितरूप से दुनियाभर में पेट्रोल-डीजल की निर्भरता को कम करेगा।#GlobalBiofuelsAllianceAtG20 pic.twitter.com/pIcQ1tNGRS

— Hardeep Singh Puri (@HardeepSPuri) September 9, 2023

The world’s quest for cleaner & greener energy gains historic momentum! On a momentous occasion PM Sh @narendramodi Ji launches #GlobalBiofuelsAllianceAtG20 with the support of 19 major consumer, producer & interested countries & 12 organisations on sidelines of #G20India today! pic.twitter.com/vKwmEJ2KjK

— Hardeep Singh Puri (@HardeepSPuri) September 9, 2023

*******