ప్రధాన మంత్రి కార్యాలయం
బ్రెజిల్‌ అధ్యక్షుడితో ప్రధానమంత్రి సమావేశం
Posted On:
10 SEP 2023 8:06PM by PIB Hyderabad
న్యూఢిల్లీలో జి-20 శిఖరాగ్ర సదస్సు నేపథ్యంలో బ్రెజిల్‌ అధ్యక్షుడు గౌరవనీయ లూయీ ఇనాసియో లూలా డిసిల్వాతో 2023 సెప్టెంబరు 10న ప్రధానమంత్రి శ్రీ నరేంద్ర మోదీ సమావేశమయ్యారు. భారత జి-20 అధ్యక్ష బాధ్యతలను విజయవంతంగా నిర్వర్తించడంపై ప్రధానమంత్రిని అధ్యక్షులు లూలా అభినందించారు. కాగా, వచ్చే ఏడాది జి-20కి బ్రెజిల్‌ అధ్యక్ష బాధ్యతలు స్వీకరించనున్న నేపథ్యంలో ప్రధానమంత్రి ఆయనకు శుభాకాంక్షలు తెలుపుతూ భారత్‌ తరఫున పూర్తి మద్దతు ప్రకటించారు.
భారత-బ్రెజిల్‌ వ్యూహాత్మక భాగస్వామ్యం బలోపేతం చేసే మార్గాలపై దేశాధినేతలిద్దరూ చర్చించారు. అలాగే జీవ ఇంధనాలు, ఔషధాలు, వ్యవసాయాధార పరిశ్రమలు, అంతరిక్షం, పౌర విమానయాన రంగాల్లో సహకార విస్తరణపైనా వారిమధ్య చర్చలు సాగాయి. జి-20 శిఖరాగ్ర సదస్సు సమాపనోత్సవం సందర్భంగా వారిద్దరూ సంయుక్త ప్రకటన విడుదల చేశారు.
*****
(Release ID: 1956205)
Visitor Counter : 207
Read this release in:
English
,
Urdu
,
Marathi
,
Hindi
,
Manipuri
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam