পেত্রোলিয়ম অমসুং নেচরেল গ্যাস মন্ত্রালয়
azadi ka amrit mahotsav g20-india-2023

মালেমগী ইনর্জিগী লমদা পুৱারি ওইরবা তাঙ্কক: জি-২০ থৌরমদা গ্লোবেল বাইওফুয়েল এল্লাইন্স(জি বি এ) লাউথোক্লে

Posted On: 09 SEP 2023 6:36PM by PIB Imphal

জি-২০ মীফমগী নাকলদা প্রধান মন্ত্রী শ্রী নরেন্দ্র মোদীনা ঙসি গ্লোবেল বাইওফুয়েল এল্লাইন্স(জি বি এ) লাউথোক্তুনা মালেমগী ইনর্জি সেক্তরনা পুৱারি ওইরবা তাঙ্কক অমা উরে।

বাইওফুয়েলশিং শীজিন্নবা ঙম্নবা সরকারশিং, মালেমগী লুপশিং অমসুং উদোগকী এল্লাইন্স অমা শেমগৎনবা গ্লোবেল বাইওফুয়েল এল্লাইন্স(জি বি এ) অসি ভারতনা লুচিংবা থবক অমনি। বাইওফুয়েলশিং শীজিন্নবা হেনগৎহন্নবা বাইওফুয়েলশিংগী কঞ্জুমরশিং অমসুং প্রদুসরশিং পুন্দুনা বাইওফুয়েলনা ইনর্জিগী অওনবা অমা পুরক্নবা অমসুং থবক পীনবা অমসুং শেন-থুম চাউখৎনবা থবক অসিনা পান্দম থম্লি।

গ্লোবেল বাইওফুয়েল এল্লাইন্স(জি বি এ) লাউথোকপা অসিনা ভারতনা জি-২০গী প্রসিদেন্ত ওইবগী পায়খৎলিবা থবক অমসুং গ্লোবেল সাউথকী খোল্লাউ মহুৎশিনবা অদু উৎথোক্লে।

মালেম শীনবা থুংনা বাইওফুয়েলশিং শীজিন্নবা অমসুং ভেলু চেনগী ত্রেনিং পীবা অমসুং লৈবাক্কী থবক-থৌরমশিংদা তেক্নিকেলগী মতেং পাংবদা গ্লোবেল বাইওফুয়েল এল্লাইন্স(জি বি এ)না শৌগৎকনি। এল্লাইন্স অসিনা উদোগশিং, লৈবাকশিং, ইকোসিস্তেম প্লেয়ারশিং অমসুং মরী লৈনবশিংগী ভর্চুএল মার্কেত অমা শেমগৎপদা মতেং পাংগনি। বাইওফুয়েলগী মতাংদা মালেম্না য়ানরবা চৎন-কাংলোশিং পুথোকপা অমসুং চৎনহনবদা গ্লোবেল বাইওফুয়েল এল্লাইন্স(জি বি এ)না মতেং পাংগনি।

থবক অসিনা হিরম কয়াদা ভারতনা কান্নবা ফংগনি। ভারতনা জি-২০গী প্রসিদেন্ত ওইবগী মহৈ ওইনা শেম্লিবা গ্লোবেল বাইওফুয়েল এল্লাইন্স(জি বি এ) অসিনা মালেমদা ভারতকী ফিবম ফগৎহনবদা মতেং পাংগনি। এল্লাইন্স অসিনা মতেং পাংনবদা মীৎয়ং চঙগনি অমসুং তেক্নোলোজি অমসুং খুৎলায়শিং মপান্দা থাদোকপদা ভারতকী উদোগশিংদা এল্লাইন্সনা মতেং পাংগনি। ভারতকী লৌমীশিংগী শেন্থোক হেনগৎহন্দুনা, থবক পীদুনা অমসুং হিরম খুদিংমক্তা ভারত চাউখৎহন্দুনা এল্লাইন্স অসিনা ভারতকী হৌজিক চৎনরিবা স্কিমশিং হায়বদি পি.এম-জিবনয়োজনা, সাতাত অমসুং গোবর্ধন স্কিম ফগৎহনগনি। ২০২২দা মালেমগী ইথানোলগী কৈথেলগী ভেলু য়ু.এস দোল্লার ৯৯.০৬ ওইখি অমসুং ২০৩২দা চাদা ৫.১ হেনগৎকনি হায়না পানরি অমসুং ২০২৩দা য়ু.এস দোল্লর বিল্লিয় ১৬২.১২ হেল্লগনি। আই.ই.এগী মতুংইন্না, ২০৫০ ফাওবদা বাইওফুয়েলশিং শীজিন্নবা শরুক ৩.৫ ওইদুনা ভারত্তা অচৌবা খুদোংচাবা অমা পীগনি।

গ্লোবেল বাইওফুয়েল এল্লাইন্স(জি বি এ) তা শরুক য়ারবা লৈবাকশিং অমসুং লুপশিং

লৈবাক ১৯ অমসুং মালেমগী লুপ ১২ মসিদা হান্না শরুক য়াখ্রে।

  • জি-২০গী লৈবাক ৭না জি.বি.এ শৌগৎলি। আর্জেন্তিনা, ব্রাজিল, কনাদা, ইন্দিয়া, ইতালি, খা অফ্রিকা, য়ু.এস.এ
  • জি-২০না জি.বি.এ শৌগৎনবা লৈবাক ৪ চেবাউ পীখি: বাংলাদেস, শিঙ্গাপুর, মাউরিসিয়স, য়ু.এ.ই
  • জি-২০ য়াওদবা লৈবাক ৮না জি.বি.এ শৌগৎখি: আইসলেন্দ, কেনিয়া, গুয়ানা, পেরাগুইয়ে, সিচিলিস, শ্রী লঙ্কা, উগান্দা অমসুং ফিনলেন্দ
  • মালেমগী লুপশিং(১২) : ৱার্ল্দ বেঙ্ক, এসিয়ান দিবলপমেন্ত বেঙ্ক, ৱার্ল্দ ইকোনোমিক ফোরম, ৱার্ল্দ এল.পি.জি ওর্গনাইজেসন, য়ু.এন ইনর্জি ফোর ওল, য়ুনিদো, বাইওফিউচরস প্লেতোফোর্ম, ইন্তরনেসনেল সিবিল ওর্গনাইজেসন, ইন্তরনেসনেল সিবিল এভিএসন ওর্গনাইজেসন, ইন্তরনেসনেল ইনর্জি এজেন্সি, ইন্তরনেসনেল ইনর্জি ফোরম, ইন্তরনেসনেল রিনিউএবল ইনর্জি এজেন্সি, ৱার্ল্দ বাইওগ্যাস এসোসিএসন।
  • জি.বি.এ মেম্বরশিংদা বাইওফুয়েলগী প্রদুসরশিং অমসুং কঞ্জুমরশিং য়াওরি। পোৎথোক পুথোকপদা য়ু.এস(চাদা ৫২), ব্রাজিল( চাদা ৩০) অমসুং ভারত(চাদা ৩) মতেং পাংলি অমসুং ইথানোল শীজিন্নবদা চাদা ৮১ ওইরি।

 

****



(Release ID: 1955990) Visitor Counter : 68