Ki kam bording jong ka pyrthei ki la ioh mad ia ka histori mynta ka sngi lyngba ka jingpynbna ia ka Global Biofuels Alliance (GBA) da u Myntri Rangbah Duh, u Narendra Modi ha ka jaka ba pynlong ia ka G20 Summit.

Ka GBA ka dei ka sienjam ba ialam lynti da ka India ban wanrah ia ka jingiasoh lang jong ki Sorkar, ki kynhun jong ki ri bad kito kiba trei ha kine ki kam ban plie lad ia ka jingpdiang ia ki biofuel. Da kaba wanrah lang ia ki nongpyndonkam bad ki nongpynmih ba heh tam ia ki biofuel ban kyntiew ia ka jingshna bad jingpyndonkam ia ki biofuel, kane ka sienjam ka thmu ban pynbun ia ki biofuel kum ka bynta ba kongsan ha ka jingkylla ha ki kam bording bad ruh ha ka jingdon bynta ha ki lad kamai jakpoh bad ka jingkiew shaphrang ka ioh ka kot.

Ka jingpynbna ia ka GBA ka pyni ia ka rukom long kaba niewkor ia ka jingpyndep ia ka kam jong ka agenda jong ka India kum ka G20 President bad ka jingmihkhmat kum ka “Sur jong ka thain shathie jong ka pyrthei’’.

Ka GBA kan kyrshan ia ki kam shna bad pyndonkam ia ki biofuel kiba iaineh ha kylleng ka pyrthei da kaba pynbiang ia ki kam kyntiew jinglah treikam bapher bapher, ka jingkyrshan ha ka teknoloji na ka bynta ki kam ha ki ri bad ka jingkyntiew ia ka jingiasam ia ki jingshem na ki polisi. Kan plie lad ia ka jingpyndonkam ia ka iew digital ban ai jingiarap ia ki karkhana, ki ri, kito kiba don bynta ha kine ki kam ban sngewthuh ia ka jingdawa bad ka jinglah pynbiang, ha ryngkat ka jingpyniasoh ia ki nongai teknoloji bad ki nongpyndonkam ia kine ki teknoloji. Kan plie lad ruh ia ka jingshna, jingpdiang bad jingpyntreikam jong ki kyndon ba la ithuh da ki ri, ki nongrim na ka bynta ka jing iaineh bad ki jingtehlakam ban ai jingmyntoi ia ka jingpdiang bad ka khaii pateng ia ki biofuels.

Kane ka sienjam kan iarap ia ka India ha ki rukom bapher bapher. Ka GBA kum ka jingmih na kane ka G20 presidency, kan iarap ban pynkhlain ia ka kyrdan jong ka India ha ka pyrthei. Shuh shuh, kane ka alliance kan peit bniah ia ka jingiatreilang bad kan plie shuh shuh ki lad ia ki karkhana ka India ha kaba iadei bad ka jingshalan ia ki teknoloji bad ki kor. Kan iarap ban pynstet ia ki prokram biofuel jong ka India ba la don lypa kum ka PM-JIVANYojna, SATAT, bad ka skhim GOBARdhan bad kane kan kyntiew ia ka ioh ka kot jong ki nongrep, kan plie ia ki lad ioh kam bad kan kyntiew ia ka India. ka iew ethanol jong ka pyrthei ka dei kaba la antad ha ka USD 99.06 billion ha u 2022 bad la antad ba kane kan kiew ha ka CAGR kaba 5.1% shuwa u 2032 bad kan tam ia ka USD 162.12 billion shuwa u 2032. Katkum ka IEA, kan don ka lad kiew 3.5-5 shah ha ki kam biofuel shuwa u 2050 namar ki thong Net Zero, bad kane ka plie ki lad ia ka India.

Ki ri bad ki kynhun kiba la rung mynta ha ka GBA

19 tylli ki ri bad 12 tylli ki kynhun na ki ri bapher bapher ki la mynjur ban rung ha ka GBA.

• Ki ri G20 (07) ba kyrshan ia ka GBA: 1. Argentina, 2. Brazil, 3. Canada, 4. India 5. Italy, 6. South Africa, 7..USA
• Ki ri ba khot sngewbha ha ka G20 (04) kiba kyrshan ia ka GBA: 1. Bangladesh, 2. Singapore, 3. Mauritius, 4. UAE
• Ki ri ki bym hap hapoh ka G20 (08) kiba kyrshan ia ka GBA: 1. Iceland, 2. Kenya, 3. Guyana, 4. Paraguay, 5. Seychelles, 6. Sri Lanka, and 7. Uganda have agreed to be initiating members of GBA, bad 8. Finland
• Ki kynhun na ki ri bapher bapher (12): World Bank, Asian Development Bank, World Economic Forum, World LPG Organization, UN Energy for All, UNIDO, Biofutures Platform, International Civil Aviation Organization, International Energy Agency, International Energy Forum, International Renewable Energy Agency, World Biogas Association.
• Ki dkhot ka GBA ki kynthup ia nongpyndonkam bad ki nongpynmih biofeuel ba heh  tam. Ka USA (52%), Brazil (30%) bad India (3%), ki don ka bynta kaba 85% ha ka jingpynmih bad kumba 81% ha ka jingpyndonkam ia ka ethanol.

***