ஜி 20 உச்சிமாநாட்டின் போது பிரதமர் திரு. நரேந்திர மோடியால் உலகளாவிய உயிரி எரிபொருள் கூட்டணி (ஜிபிஏ) அறிவிக்கப்பட்டதன் மூலம் உலகளாவிய எரிசக்தித் துறை இன்று ஒரு வரலாற்று தருணத்தைக் கண்டுள்ளது.

ஜி.பி.ஏ என்பது உயிரி எரிபொருள்களை ஏற்றுக்கொள்வதற்கு வசதியாக அரசுகள், சர்வதேச நிறுவனங்கள் மற்றும் தொழில்துறையின் கூட்டணியை உருவாக்குவதற்கான இந்தியா தலைமையிலான முயற்சியாகும். உயிரி எரிபொருள்களின் மிகப்பெரிய நுகர்வோர் மற்றும் உற்பத்தியாளர்களை ஒன்றிணைத்து உயிரி எரிபொருள் மேம்பாடு மற்றும் நிலைநிறுத்தலை ஊக்குவிக்கும் இந்த முன்முயற்சி, உயிரி எரிபொருள்களை ஆற்றல் மாற்றத்திற்கான திறவுகோலாக நிலைநிறுத்துவதையும், வேலைவாய்ப்புகள் மற்றும் பொருளாதார வளர்ச்சிக்கு பங்களிப்பதையும் நோக்கமாகக் கொண்டுள்ளது.

ஜி.பி.ஏ.வின் அறிவிப்பு ஜி 20 தலைவராக இந்தியாவின் நேர்மறையான செயல் சார்ந்த தன்மையை வெளிப்படுத்துவதுடன்,  "உலகளாவிய தெற்கின் குரலை" பிரதிநிதித்துவப்படுத்துகிறது.

இந்த முயற்சி இந்தியாவுக்கு பல முனைகளில் பயனளிக்கும். ஜி 20 தலைமைத்துவத்தின் உறுதியான விளைவாக ஜிபிஏ, உலகளவில் இந்தியாவின் நிலையை வலுப்படுத்த உதவும். மேலும், இந்த கூட்டணி ஒத்துழைப்பில் கவனம் செலுத்தும் மற்றும் தொழில்நுட்பம் மற்றும் உபகரணங்களை ஏற்றுமதி செய்வதன் வடிவத்தில் இந்திய தொழில்களுக்கு கூடுதல் வாய்ப்புகளை வழங்கும். இது இந்தியாவின் தற்போதைய உயிரி எரிபொருள் திட்டங்களான பி.எம்-ஜீவன் யோஜனா, சதத் மற்றும் கோபர்தன் திட்டத்தை விரைவுபடுத்த உதவும், இதன் மூலம் விவசாயிகளின் வருமானத்தை அதிகரிக்கவும், வேலைவாய்ப்புகளை உருவாக்கவும், இந்திய சுற்றுச்சூழல் அமைப்பின் ஒட்டுமொத்த வளர்ச்சிக்கும் பங்களிக்கும்.

ஏற்கனவே GBA இல் இணைந்த நாடுகள் மற்றும் நிறுவனங்கள்

இதில் 19 நாடுகளும், 12 சர்வதேச அமைப்புகளும் சேர சம்மதம் தெரிவித்துள்ளன.

ஜிபிஏவை ஆதரிக்கும் ஜி 20 நாடுகள் (07): 1. அர்ஜென்டினா, 2. பிரேசில், 3. கனடா, 4. இந்தியா 5. இத்தாலி, 6. தென்னாப்பிரிக்கா, 7..அமெரிக்கா

ஜி 20 அழைப்பாளர் நாடுகள் (04) ஜிபிஏவை ஆதரிக்கின்றன: 1. பங்களாதேஷ், 2. சிங்கப்பூர், 3. மொரீஷியஸ், 4. ஐக்கிய அரபு அமீரகம்

ஜிபிஏவை ஆதரிக்கும் ஜி 20 அல்லாத (08) நாடுகள்: 1. ஐஸ்லாந்து, 2. கென்யா, 3. கயானா, 4. பராகுவே, 5. சீஷெல்ஸ், 6. இலங்கை  7. உகாண்டா 8. பின்லாந்துஆகியவை ஜிபிஏவின் உறுப்பினர்களாக இருக்க ஒப்புக் கொண்டுள்ளன

 சர்வதேச அமைப்புகள் (12): உலக வங்கி, ஆசிய வளர்ச்சி வங்கி, உலக பொருளாதார மன்றம், உலக எல்பிஜி அமைப்பு, அனைவருக்கும் ஐ.நா எரிசக்தி, யுனிடோ, உயிரி எரிபொருள் தளம், சர்வதேச சிவில் விமான போக்குவரத்து அமைப்பு, சர்வதேச எரிசக்தி முகமை, சர்வதேச எரிசக்தி மன்றம், சர்வதேச புதுப்பிக்கத்தக்க எரிசக்தி நிறுவனம், உலக உயிர்வாயு சங்கம்.

ஜி.பி.ஏ உறுப்பினர்கள் உயிரி எரிபொருளின் முக்கிய உற்பத்தியாளர்கள் மற்றும் நுகர்வோராக உள்ளனர். அமெரிக்கா (52%), பிரேசில் (30%) மற்றும் இந்தியா (3%)  ஆகியவை உற்பத்தியில் சுமார் 85% பங்கையும், எத்தனால் நுகர்வில் சுமார் 81% பங்களிப்பையும் வழங்குகின்றன.

----

ANU/SM/PKV/KRS