Ki Riewkhraw,
Ki Excellency,
Namaskar!

Shuwa ban sdang ia ki kam, na ka liang jong ngi baroh, nga kwah ban ai ka jingsngewlem jong ngi ia ki briew kiba la shah ktah ha u jumai uba la jia ha Morocco myntan shiphang. Ngi duwai ba kito kiba la mynsaw shen kin ioh ka jingkoit jingkhiah. Ka pyrthei baroh kawei ka iadon lang bad ka Morocco ha kane ka por jong ka jingeh, bad ngi kloi ban ai ka jingiarap ba ki donkam.

Ki Riewkhraw,
Ki Excellency,

Kum ka President jong ka G-20, ka India ka pdiang burom ia phi baroh.

Ha kane ka jaka ba ngi ialang hangne, tang katto katne kilometre na kane ka jaka, u don u mot uba la jan ar hajar san spah snem. La thoh ha une u mot ha ka ktien Prakrit ki kyntien:

'हेवम लोकसा हितमुखे ति,
अथ इयम नातिसु हेवम'

Kane ka mut,

‘Ka bha ka miat bad ka jingkmen jong ki briew ka dei kaba hap pynthikna beit.’
Ar hajar san spah snem mynshuwa, ka India ka la ai ia kane ka khubor sha baroh kawei ka pyrthei.

To ngin sdang ia kane ka G-20 Summit da kaba kynmaw ia kane ka khubor.

Ka spah snem ba 21 ka dei ka por kaba don ka lad ban ai ka lynti ba thymmai ia baroh kawei ka pyrthei. Ka dei ka por ha kaba ki jingeh ba rim ki donkam ia ki jingpynbeit ba thymmai na ngi. Kumta, ngi dei ban iaid shakhmat da kaba pyndep ia ki kamram jong ngi da kaba peit bniah shuwa ia ka bha ka miat jong ki briew.

Ko Paralok,

Hadien ka khlam Covid-19, ka la don ka jingduna ka jingshaniah ha ka pyrthei. Ki jingkulmar ki la pyniar shuh shuh ia kane ka jingduna ka jingshaniah.

Kumba ngi la lah ban jop ia ka COVID, ngi lah ruh ban jop ia kane ka jingeh kaba iadei bad ka jingshaniah iwei ia iwei.

Mynta, kum ka President jong ka G-20, ka India ka khot ia baroh kawei ka pyrthei ba kan iawan lang bad ha kaba nyngkong, pynkylla ia kane ka jingduna ka jingshaniah ha ka pyrthei sha ka jingshaniah bad ka jingskhem jingmut ha kylleng ka pyrthei.

Kane ka dei ka por ia ngi ba ngin iaid lang, bad ka mantra 'Sabka Saath, Sabka Vikas, Sabka Vishwas, bad Sabka Prayas' ka lah ban ialam lynti ia ngi.

La ka dei ka ioh ka kot kaba kulmar ha ka pyrthei

Lane ka jingiaphiah hapdeng ka phang Shatei bad ka phang Shathie,

Lane ka jingjngai hapdeng ka phang Mihngi bad phang Sepngi,

Ka jingpeit ia ki kam bam, ki tyllong bording bad ki dawai sboh,

lane ka jingpeit ia ki kam pyntriem bad Cybersecurity,

lane ka jingpynthikna ia ka Jingshngain ha ka Koit ka Khiah, Ka Bording bad ka Um,

Ngi dei ban iaid sha ki jingpynbeit kiba skhem ia kine ki jingeh ym tang ia kane ka pateng kaba mynta hynrei ruh ia ki pateng ban dang wan,

Ko Paralok,

Ka G-20 presidency jong ka India ka la dei ka dak jong ka jingkdup lang ia baroh, hapoh ka ri bad shabar ri kaba dei ka dak jong ka 'Sabka Saath'.

Ka la kylla sha ka 'G-20 jong ki briew’. Da ki million ki briew ka India ki la don jingiadei bad ka.
 

La pynlong palat 200 tylli ki jingialang ha palat 60 tylli ki nongbah ha kylleng ka ri.

Ka dei ha ka jingngeit ha ka 'Sabka Saath' ba ka India ka la ai jingmut ban pynlong dkhot shirta ia ka African Union ha ka G-20. Nga ngeit ba baroh ngi la iamynjur lang ia kane ka jingtyrwa.

Da ka jingmynjur jong phi, shuwa ba ngin iaid shakhmat, nga khot sngewbha ia u Chairperson jong ka African Union ba kin shim ia ka jaka jong ki kum ka dkhot ba shirta jong ka G-20.

KUM BAN SHU KDEW – Kane ka dei ka jingpynkylla ktien antad ia ka jingkren jong u Myntri Rangbah Duh. Ia ki Kaiphod la ai ha ka ktien Hindi.

*****