Ka tnat Women and Child Development ka dang rakhe ia ka Rashtriya Poshan Maah kaba hynriew baroh shi bnai Nailur, 2023. Ha ka sngi ba nyngkong jong ka Rashtriya Poshan Maah, la don jan 10 lak ki prokram ha kylleng ka ri hapoh ki phang kum ka ‘Jingkyntiew ia ka jingioh bam ba tei lyngba ka Mission LiFE’ bad ‘Ka jingai dud kmie bad ka jingai ia kiwei kiwei ki bam’.

Man ki briew ki donkam ban iashim bynta ha kane ka Jan Andolan na ka bynta ka Suposhit Bharat.

Ha ka jingplie ia ka RashtriyaPoshanMaah2023, ki ophisar bad ki nongtrei Anganwadi ki la iawan lang na baroh kawei ka ri ban kyntiew ia ka jingpyniar ia ki mar bam ba ioh bad ban ai jingtip shaphang ka rukom im kaba niewkor ia ka bam kaba tei, bad ki la bam smai ban trei na ka bynta kane ka thong kaba donkam.

Mynta u snem, ka thong jong ka PoshanMaah 2023 ka dei ban ialeh pyrshah ia ka jingbym ioh ia ka bam kaba tei lyngba ka rukom treikam kaba peit bniah ia ka rukom im, ka mat ba kongsan jong ka Mission Poshan 2.0. Ka kam ba kongsan jong ka Poshan Maah 2023 ka dei ban wanrah jingsngewthuh shaphang ki bynta ba kongsan jong ka jingim briew: Ka por ba armet, ka por ba dang khyllung, ka por ba dang khynnah bad ka por ba dang khie samla. Ka thong ka dei ban wanrah ia ka jingsngewthuh ha kylleng ka India lyngba ka phang kaba don nongrim ha ka "Suposhit Bharat, Sakshar Bharat, Sashakt Bharat" (Ka India kaba riewspah ha ka bam kaba tei, Ka India kaba don jingnang jingstad, Ka India kaba la Pynkup bor).

Kane ka prokram kaba shi bnai kan don ki sienjam ha kylleng ka ri ban wanrah jingsngewthuh shaphang ka jingkongsan jong ka bam kaba tei lyngba ki prokram kiba peit ia ki phang kiba kongsan jong ka jingai dud kmie bad ka jingai ia kiwei kiwei ki jait bam.

*****