പ്രധാനമന്ത്രിയുടെ ഓഫീസ്‌

പ്രധാനമന്ത്രി ഇന്തോനേഷ്യയിലെ ജക്കാർത്ത സന്ദർശിക്കും (സെപ്റ്റംബർ 6-7, 2023)

Posted On: 02 SEP 2023 6:15PM by PIB Thiruvananthpuram

പ്രധാനമന്ത്രി ശ്രീ നരേന്ദ്ര മോദി 2023 സെപ്റ്റംബർ 6നും 7നും ഇന്തോനേഷ്യയിലെ ജക്കാർത്ത സന്ദർശിക്കും. ഇന്തോനേഷ്യൻ പ്രസിഡന്റ് ജോക്കോ വിദോദോയുടെ ക്ഷണപ്രകാരമാണു​പ്രധാനമന്ത്രിയുടെ ജക്കാർത്ത സന്ദർശനം.

സന്ദർശനവേളയിൽ ഇന്തോനേഷ്യ ആതിഥേയത്വം വഹിക്കുന്ന 20-ാം ആസിയാൻ-ഇന്ത്യ ഉച്ചകോടിയിലും 18-ാം കിഴക്കൻ ഏഷ്യ ഉച്ചകോടിയിലും പ്രധാനമന്ത്രി പങ്കെടുക്കും.

2022ൽ ഇന്ത്യ-ആസിയാൻ ബന്ധം സമഗ്രമായ തന്ത്രപര പങ്കാളിത്തത്തിലേക്ക് ഉയർത്തിയതിനുശേഷമുള്ള ആദ്യ ഉച്ചകോടിയാണു വരാനിരിക്കുന്ന ആസിയാൻ-ഇന്ത്യ ഉച്ചകോടി. ഉച്ചകോടി ഇന്ത്യ-ആസിയാൻ ബന്ധങ്ങളുടെ പുരോഗതി അവലോകനം ചെയ്യുകയും സഹകരണത്തിന്റെ ഭാവിദിശ നിശ്ചയിക്കുകയും ചെയ്യും.

ആസിയാൻ രാജ്യങ്ങളിലെ നേതാക്കൾക്കും, ഇന്ത്യ ഉൾപ്പെടെയുള്ള എട്ടു ചർച്ചാപങ്കാളികൾക്കും പ്രാദേശികവും ആഗോളവുമായ സുപ്രധാന വിഷയങ്ങളിൽ കാ​ഴ്ചപ്പാടുകൾ പങ്കിടാൻ കിഴക്കൻ ഏഷ്യ ഉച്ചകോടി അവസരമൊരുക്കും.

NS



(Release ID: 1954391) Visitor Counter : 108


Read this release in: Manipuri , Telugu , English , Urdu , Marathi , Hindi , Assamese , Bengali , Punjabi , Gujarati , Odia , Tamil , Kannada