স্বাস্থ্য আৰু পৰিয়াল কল্যাণ মন্ত্ৰালয়
azadi ka amrit mahotsav g20-india-2023

কোভিড-১৯ৰ বৰ্তমানৰ পৰিস্থিতি আৰু প্ৰস্তুতি পৰ্যালোচনা সন্দৰ্ভত মাননীয় প্ৰধানমন্ত্ৰীৰ প্ৰধান সচিবৰ সভাপতিত্বত উচ্চ পৰ্যায়ৰ বৈঠক সম্পন্ন

Posted On: 21 AUG 2023 8:27PM by PIB Guwahati

বিশ্বব্যাপী ছাৰ্চ-চিঅ'ভি-২ ভাইৰাছৰ কিছু নতুন ধৰণ চিনাক্ত কৰাৰ শেহতীয়া প্ৰতিবেদনৰ পৰিপ্ৰেক্ষিতত প্ৰধানমন্ত্ৰীৰ প্ৰধান সচিব ডঃ পি কে মিশ্ৰই বৈশ্বিক আৰু ৰাষ্ট্ৰীয় কোভিড-১৯ পৰিস্থিতি, প্ৰচলিত নতুন ধৰণ আৰু সেইবোৰৰ প্ৰভাৱ পৰ্যালোচনা কৰিবলৈ এক উচ্চ পৰ্যায়ৰ বৈঠকত সভাপতিত্ব কৰে।

বৈঠকত নীতি আয়োগৰ সদস্য ডঃ বিনোদ পাল; শ্ৰী ৰাজীৱ গৌবা, কেবিনেট সচিব; শ্ৰী। অমিত খাৰে, উপদেষ্টা পিএমঅ'; শ্ৰী সুধাংশ পন্ত, স্বাস্থ্য আৰু পৰিয়াল কল্যাণ সচিব; শ্ৰী ৰাজীৱ বহেল, সচিব ডিএইচআৰ আৰু আইচিএমআৰ সঞ্চালক প্ৰধান; জৈৱ প্ৰযুক্তি বিভাগৰ সচিব শ্ৰী ৰাজেশ এছ গোখলে আৰু প্ৰধানমন্ত্ৰীৰ অতিৰিক্ত সচিব শ্ৰীমতী পুণ্য ছালিলা শ্ৰীবাস্তৱ উপস্থিত আছিল।

বৈঠকত স্বাস্থ্য সচিবে বিশ্বজুৰি কোভিড-১৯ পৰিস্থিতিৰ এক সংক্ষিপ্ত বিৱৰণ দাঙি ধৰে, যাৰ ভিতৰত বিএ.২.৮৬ (পিৰোলা) আৰু ইজি.৫ (এৰিছ)ৰ দৰে ছাৰ্চ-চিঅ'ভি-২ ভাইৰাছৰ কিছু নতুন ধৰণ আছে, যিবোৰ বিশ্বজুৰি ৰিপোৰ্ট কৰা হৈছে। তেওঁ কয় যে বিশ্ব স্বাস্থ্য সংস্থাৰ মতে, ৫০ খনতকৈও অধিক দেশৰ পৰা ইজি.৫ (এৰিছ)ৰ খবৰ লাভ কৰা হৈছে। আনহাতে বি.এ.২.৮৬ (পিৰোলা) ভেৰিয়েণ্টৰ উপস্থিতি চাৰিখন দেশত পোৱা গৈছে।

বৈঠকত এয়াও আলোকপাত কৰা হয় যে যদিও যোৱা ৭ দিনত বিশ্বব্যাপী মুঠ ২,৯৬,২১৯ টা কোভিড-১৯ৰ নতুন ঘটনা চিনাক্ত কৰা হৈছে, ভাৰতত যোৱা সপ্তাহত মাত্ৰ ২২৩টা ঘটনা (বিশ্বব্যাপী নতুন ঘটনাৰ ০.০৭৫%) চিনাক্ত কৰা হৈছে। তেওঁ লগতে কয় যে ভাৰতত নতুন কোভিড-১৯ সংক্ৰমণৰ দৈনিক গড় ৫০ৰ তলত আছে আৰু দেশত সাপ্তাহিক পৰীক্ষাৰ পজিটিভিটিৰ হাৰ ০.২% তকৈ কম হৈ আছে। ভাৰতত বিয়পি থকা বিভিন্ন প্ৰকাৰৰ জিনোম চিকুৱেঞ্চিঙৰ এক এক সংক্ষিপ্ত বিৱৰণো দাঙি ধৰা হয়।

বিতং আলোচনাৰ পিছত, ডঃ পি কে মিশ্ৰই কয় যে দেশৰ কোভিড-১৯ পৰিস্থিতি স্থিৰ হৈ আছে আৰু দেশৰ ৰাজহুৱা স্বাস্থ্য প্ৰণালীবোৰ সাজু হৈ আছে যদিও ৰাজ্যসমূহে আইএলআই/এছএআৰআই কেছৰ প্ৰৱণতা নিৰীক্ষণ কৰা, সম্পূৰ্ণ জিনোম চিকুৱেঞ্চিং বৃদ্ধি কৰাৰ লগতে কোভিড-১৯ পৰীক্ষাৰ বাবে পৰ্যাপ্ত নমুনা প্ৰেৰণ কৰিব লাগিব আৰু নতুন বৈশ্বিক ভেৰিয়েণ্টৰবোৰৰ ওপৰত চোকা নজৰ ৰখাৰ প্ৰয়োজন আছে।



(Release ID: 1950947) Visitor Counter : 73