সিস্তেমদা লৈখিদ্রে হায়না লাউথোকখ্রবা AB PM-JAY বেনিফিসরীশিংগী অনা লায়েংনবা তৌনবা হোৎনরকখ্রে হায়না কোম্পত্রোল্লর এন্দ ওদিতর জেনরেল ওফ ইন্দিয়া (CAG)না ফোঙদোকখ্রে হায়না মেদিয়া রিপোর্তশিংনা ফোঙদোকখ্রে। রিপোর্তশিংনা মখা তারদুনা হায়খি মদুদি হায়রিবা বেনিফিসরী অসিনা চপ মান্নবা মতমদা তোঙান-তোঙানবা লায়েংশঙ অনিদা লায়েংবগী কান্নবা লৌবা থেংনরে। মেদিয়া রিপোর্তশিং অসি লান্না লমজিংবনি অমসুং য়ুম্ফম য়াওদে।

সেপ্তেম্বর 2018 দগী মার্চ 2021গী মনুংদা আয়ুশ্মান ভারত প্রধান মন্ত্রী – জন আরোগ্যা য়োজনা (AB PM-JAY)গী পরফোর্মেন্স ওদিৎকী ফলশিং য়াওবা কোম্পত্রোল্লর এন্দ ওদিতর জেনরেল ওফ ইন্দিয়াগী রিপোর্ত অসি পার্লিয়ামেন্তগী নোংজু মীফম 2023দা পুখৎখি।

AB PM-JAYগী মখাদা লায়েংশঙদা এদমিসন তৌরকপগী তাংদগী নুমিৎ হুমনি ফাওনগী মনুংদা লায়েংশঙশিংনা প্রি-ওথোরাইজেসন তৌনবা রিক্বেস্ত ইনিসিএৎ তৌবা য়াহল্লি হায়না শেংদোরকখি। ফীচর অসিনা কন্নেক্তিবিতী লৈতবা, ইমর্জেন্সী ওইবা ফীভম অসিনচিংবদা অনা লায়েং ফংহনবা হায়বা অদু লৈহন্দবা ঙমখি।

কেস খরদা অনাবা মীওইশিং অদু এদমিৎ তৌরগা মখোয়গী প্রি-ওথোরাইজেসন থাংগৎত্রিঙৈদা লায়েং চত্থরিঙৈদা লৈখিদবা য়াওই। অসিগুম্বা কেসশিংদা লৈখিদবগী তাং অসি এদমিসন তৌবগী তাং নত্ত্রগা মমাংগী তাংগা মান্নবা য়াওরকই। মসিগী মথক্তা প্রি-ওথোরাইজেসন রিক্বেস্ত থাংগৎলকখিবা চপ মান্নবা লায়েংশঙ অদুনা লৈখিদবগী রিপোর্তসু পীরকখি। অসুম্না করিগুম্বা লায়েংশঙ অদুনা সিস্তেমদা নমথাক তৌগে খল্লবদি মখোয়না অনাবা মীওই অদু IT সিস্তেমদা লৈখিদ্রে হায়না ফোঙদোকপা তৌরোই।

খঙজিনবা য়াবদি রিপোর্ত অসিদা উৎলিবা কেসশিংগী 50% হেনবদি পব্লিক হোস্পিতালশিংনা বুক তৌরকপনি, মখোয় অসি নমথাক তৌবদা ইনসেন্তিব ফংগদবা লৈতে মরমদি শেল অসি হোস্পিতাল একাউন্তদা রিইমবর্স তৌই। মখা তানা লায়েং চত্থরিঙৈদা লৈখিদবা থোক্লবদি লায়েংশঙ অদুনা মোর্তেলিতী রিপোর্ত শুকশোই শোইদনা পীখৎফম থোকই।

করিগুম্বা মতমদা অনাবা মীওই অদুনা প্রাইবেৎ পেসেন্ত (সেল্ফ-পেদ) ওইনা এদমিৎ তৌরকই অদুবু মতুং তারকপদা স্কিমগী মরমদা অমসুং স্কিমগী মখাদা মখোয়গী ইলিজিবিলিতীগী মতাংদা খঙলক্লবা মতুংদা অনাবা মীওই অদুনা লায়েংশঙদা লেম্না লায়েং চত্থনবা স্কিম অসিগী মখাদা রেজিস্তর তৌনবা হায়জরকপা য়াওই। ফীচর অসিনা বেনিফিসরীশিংগী ফুরিৎ খাওদগী চাদিং তৌগদবা অদু ঙাকথোক্নবা বেক-দেতেদ প্রি-ওথোরাইজেসন তৌনবগী রিক্বেস্তসু লৈহল্লি।

চপ মান্নবা মতমদা লায়েংশঙ অনিদা চপ মান্নবা অনাবা মীওইনা লায়েং ফংবগী মতাংদা পুখৎলক্লিবা অসিদা খঙজিনবা য়াবদি AB PM-JAY গী মখাদা চহি 5 ফাওবগী অঙাংশিংনা মখোয়গী মমা মপাগী আয়ুশ্মান কার্দকী মখাদা লায়েং ফংবা য়াই। মসিগী মতুং ইন্না আয়ুশ্মান কার্দ অসি অঙাংশিংগীদমক তোঙান-তোঙানবা লায়েংশঙ অনিদা মমা নত্ত্রগা মপা অমনা হেক্তমক শীজিন্নবা য়াই। খুদম ওইনা মমা অমা লায়েংশঙদা এদমিৎ তৌদুনা অঙাং পোক্লে অমসুং মমানা পুখৎলিবা লায়েংশঙ অদুদা নিও-নেতেল কিয়রগী খুদোংচাবা ফংদ্রবদি অঙাং অদু নিও-নেতেল ফেসিলিতী লৈবা মফম অমদা পুখৎকনি। কেস অসিদা মমাগী আয়ুশ্মান কার্দ অদু অঙাং অমদি মমা অনিমক্কী অমুক্তংদা শীজিন্নবা য়াই। অতোপ্পা খুদম অমনি মপা অমসুং মচা অসি মপাগী আয়ুশ্মান কার্দ শীজিন্নদুনা তোঙান-তোঙানবা লায়েংশঙ অনিদা অমুক্তংদা লায়েং চত্থবসু য়াই।

মহৌশানা মমা অমসুং অঙাংনা আয়ুশ্মান কার্দ অমা খক্তা শীজিন্নৈ, অমসুং করিগুম্বা অঙাং অদু লায়েং চত্থরিঙৈদা লৈখিদবা য়াওরবদি লায়েংশঙ অদুনা মমাগী কার্দকী মখাদা লৈখিদ্রে হায়না রেজিস্তর তৌই। মসিনা মমা অদু মথংগী লায়েং চত্থনবা লাকপদা আয়ুশ্মান কার্দ অদুদা লৈখিদ্রে হায়না হাপখিবনা সর্ভিস অমত্তা ফংহনদে। অসিগুম্বা কেসশিং অসিনা ৱাকৎ থাংগৎলকখি অমসুং মমাগী কার্দ অদুদগী দেদ ফ্লেগ অদু লৌথোকহনখি।

খঙজিনবদা মরু ওইরিবা অসি AB PM-JAYগী মখাদা অচৌবা ক্লেম প্রোসেসিং সিস্তেমগী স্তেপ মরি শীজিন্নৈ। স্তেপ খুদিংমক্তা লায়েংশঙগী ক্লেমশিং অসি কয়াম চুম্বগে একজামিন তৌই। মখা তানা ক্লেমশিংদা কেসশিং অদু য়েংশিন্নবা মখা তানা একজামিনেসন চত্থবা য়াওই। অসিগুম্বা কেসশিং অসি দেস্ক অমসুং ফিল্দ ওদিৎ চত্থৈ। লায়েংশঙ অদুনা নমথাক তৌরকপা থেংনরবদি মরাল লৈরবা লায়েংশঙ অদুগী মায়োক্তা দি-এমপেনেলমেন্ত য়াওনা পেনেল এক্সনশিং লৌখৎলি।

CAGনা খঙবা ঙমখি মদুদি মোবাইল নম্বর অমদা বেনিফিসরী কয়া হাপ্লবদি ওপরেস্নেল ওইরোই অমদি ফাইনান্সিএলগী কান্নবা ফংলোই মরমদি আয়ুশ্মান ভারত PM-JAYগী মখাদা বেনিফিসরী আইদেন্তিফিকেসন প্রোসেস অদু মোবাইল নম্বর অদুগা লিঙ্ক তৌদে। মোবাইল নম্বর লৌরিবা অসিদা মথৌ তারকপদা বেনিফিসরীশিংদা পাউ ফাওনবা অমসুং ফংহনখিবা লায়েংগী মরমদা ফীদবেক লৌনবা খক্তনি।

আয়ুশ্মান ভারত PM-JAYনা বেনিফিসরীশিংবু মখোয়গী আধার আইদেন্তিফিকেসনগী খুত্থাংদা শকখঙদোকই মসিদা বেনিফিসরীনা আধার বেজ e-KYC শুকশোই শোইদনা তৌদবা য়াদে। আধারদ দেতাবেজতগী লৌবা অকুপ্পা ৱারোল অদু সোর্স দেতাবেজকা মেৎচ তৌখি অমসুং মখা তারকপদা আয়ুশ্মান কার্দকী রিক্বেস্ত অদু এপ্রু নত্ত্রগা রিজেক্ত তৌজি। অসুম্না মোবাইল নম্বরশিং  অসি ভেরিফিকেস প্রোসেস্তা য়াওদে।

মখা তানা খঙজিনবা য়াবদি AB PM-JAYনা বেনিফিসরী বেজ (বত্তম 40%)তা কান্নবা ফংহল্লি, মখোয় কয়ানা মোবাইল পাইদে নত্ত্রগা মোবাইল নম্বর অসি য়াম্না তোইনা শিল্লি। NHAনা OTPগা লোয়ননা বেনিফিসরী ভেরিফিকেসনগীদমক অহেনবা ওপ্সন অহুম পীরি মদুদি ফিঙ্গরপ্রিন্ত, আইরিজ স্কেন অমসুং ফেস-ওথ, মসিদা ফিঙ্গরপ্রিন্ত বেজ ওথেন্তিকেসন অসিনা খ্বাইদগী শীজিন্নৈ।

মথক্তা পীরিবা অসি য়েংলগা বেনিফিসরীশিংগী লায়েং চত্থবা অসি বেনিফিসরীনা চৎনবা মোবাইল নম্বর পাইদবা নত্ত্রগা মখোয়দা পীখিবা মোবাইল নম্বর শীনখিবনা মরম ওইরগা ৱিথহেল্দদা থম্বা য়াদে। বেনিফিসরী মোবাইল নম্বরশিং অসিনা AB PM-JAY ত্রীৎমেন্ত ৱার্কফ্লোদা অকক্নবা রোল লৌই। অমসুং PM-JAY অসি এন্তাইতলমেন্ত-বেজ স্কিম অমনি অমসুং এনরোলমেন্ত-বেজ স্কিম নত্তে মরম অসিনা বেনিফিসরী দেতাবেজ অসি ফিক্স ওই অমসুং অনৌবা বেনিফিসরীশিং হাপ্নবা ইদিৎ তৌবা য়াদে। মরম অসিনা মোবাইল নম্বরশিং অসিনা বেনিফিসরী ইলিজিবিলিতীদা রোল অমত্তা লৌদে। মরম অসিনা বেনিফিসরীশিংনা মোবাইল নম্বর শীজিন্দুনা লায়েং ফংগনি হায়বা অসি অরানবনি।

বেনিফিসরী কয়ানা চপ মান্নবা মোবাইল নম্বর শীজিন্নবগী মতাংদা খঙজিনবা য়াবা অসি মোবাইল নম্বর হায়বা অসি বেনিফিসরী ভেরিফিকেসনগীদমক মেন্দতরি ফিল্দ ওইদে। অদুম ওইনমক মোবাইল নম্বর হাপ্নবা ফিল্দ লৈবনা স্কিম ইমপ্লিমেন্ত তৌবগী অঙনবা স্তেজশিংদা কেস খরদা ফিল্দ লেবেল ৱার্করশিংনা তেন-দিজিৎ নম্বর অমা হেক্তা হাপ্লম্বা য়াই। অহানবা OTP বেজ ভেরিফিকেসন অসি য়ারমদে মরমদি বেনিফিসরী কয়ানা মোবাইল পাইদবা নত্ত্রগা চপ মান্নবা নম্বর মখোয়গী মরী মতা নত্তবা য়ুমলোনবগা মান্ননা হাপ্পি। অদুম ওইনমক মোবাইল নম্বরশিংগী নন-ভেলিদেসন তৌদবনা বেনিফিসরীগী ভেরিফিকেসন প্রোসেস চুমথোকপা নত্ত্রগা স্কিমগী মখাদা বেনিফিসরীশিংগী ইলিজিবিলিতীগী ভেলিদিরীদা অকাইবা পীগদবা লৈতে।

করিগুম্বা চপ মান্নবা অসি বেনিফিসরীনা পাইবা তারবদি চৎনবা মোবাইল নম্বরশিং খক্তা লৌনবা NHAনা হৌজিক শীজিন্নরিবা IT পোর্তেলদা মথৌ তাবা অহোংবশিং পুরকখি।

নেস্নেল হেল্থ ওথোরিতী অমসুং হকশেল অমদি য়াইফ-য়ুম্বাল মন্ত্রালয়না CAG পর্ফোরমেন্স ওদিৎ রিপোর্তকী রিকম্মেন্দেসনশীং কুপ্না য়েংশীল্লি অমসুং সিস্তেম অসি হেন্না মপাঙ্গল কনহন্নবা, ইফিসিএন্ত ওইহন্নবা মথৌ তাবা এক্সন লৌখৎলি অমসুং হৌজিক লৈরিবা IT প্লেৎফোর্ম অমসুং প্রোসেসশিং অসি হেন্না প্রুদেন্ত ওইনা হোৎনরি।

****