میڈیا رپورٹس میں یہ دعویٰ کیا گیا ہے کہ ہندوستان کے کمپٹرولر اینڈ آڈیٹر جنرل (سی اے جی) نے اشارہ کیا  ہے کہ اے بی پی ایم – جے اے وائی  سےمستفید ہونے والے ایسے  افراد کے لئے علاج  بک کیا گیا ہے جنہیں سسٹم پر مردہ قرار دیا گیا ہے۔ رپورٹس میں مزید دعویٰ کیا گیا ہے کہ ایک ہی فائدہ اٹھانے والا ایک ہی وقت میں دو اسپتالوں میں علاج کرواتا پایا گیا تھا۔ یہ میڈیا رپورٹس مکمل طور پر گمراہ کن اور غلط معلومات پر مبنی ہیں۔

ہندوستان کے کمپٹرولر اور آڈیٹر جنرل کی رپورٹ جس میں آیوشمان بھارت پردھان منتری - جن آروگیہ یوجنا (اے بی پی ایم – جے اے وائی) پر کارکردگی آڈٹ کے نتائج شامل ہیں جو ستمبر 2018 سے مارچ 2021 تک کے عرصے کا احاطہ کرتی ہے، 2023 کے مانسون سیشن میں پارلیمنٹ میں پیش کی گئی تھی۔

یہ واضح کیا جاتا ہے کہ اے بی پی ایم – جے اے وائی کے تحت، اسپتالوں کو اسپتال میں داخلے کی تاریخ سے پہلے، تین دن پہلے پیشگی درخواست شروع کرنے کی اجازت ہے۔ یہ خصوصیت محدود رابطے، ہنگامی حالات وغیرہ کی صورت میں علاج سے انکار سے بچنے کے لیے فعال ہے۔

کچھ معاملات میں، مریضوں کو داخل کیا گیا اور ان کی پیشگی اجازت وصول ہونے سے پہلے ہی، وہ  اس مدت میں علاج کے دوران مر گئے۔  ایسے معاملات میں، موت کی تاریخ داخلے کی تاریخ یا اس سے پہلے کی تاریخ جیسی ہی ہے۔ مزید یہ کہ موت کی اطلاع بھی اسی اسپتال نے دی ہے جس نے اجازت سے پہلے کی درخواست کی تھی۔ اس طرح، اگر اسپتال سسٹم کو دھوکہ دینا چاہتا تو وہ آئی ٹی سسٹم پر مریض کو مردہ قرار دینے میں کوئی دلچسپی نہ دکھاتا۔

یہ بات قابل غور ہے کہ رپورٹ میں نمایاں کیے گئے 50 فیصد سے زیادہ کیسز عوامی  اسپتالوں کے ذریعے بک کیے گئے ہیں، جنہیں فراڈ کرنے کی کوئی ترغیب نہیں ہے، کیونکہ رقم اسپتال کے اکاؤنٹ میں واپس کردی جاتی ہے۔ مزید برآں، دوران علاج موت کی صورت میں، اسپتال کو لازمی طور پر موت کی رپورٹ جمع کرانی ہوگی۔

ایسی بھی بہت سی مثالیں ہیں جہاں مریض کو اسپتال میں نجی مریض (خود ادا شدہ) کے طور پر داخل کیا جاتا ہے لیکن بعد میں اسکیم اور اسکیم کے تحت ان کی اہلیت کے بارے میں معلوم کرنے پر، مریض اسپتال سے درخواست کرتا ہے کہ وہ اسے مفت علاج کے لیے اسکیم کے تحت رجسٹر کرے۔ سابقہ تاریخ سے پہلے کی اجازت کے لیے درخواست کرنے کی یہ خصوصیت فائدہ اٹھانے والوں کے جیب سے باہر ہونے والے اخراجات کو بچانے میں مدد کرتی ہے۔

ایک ہی وقت میں دو اسپتالوں میں ایک ہی مریض کے علاج کے بارے میں، یہ بات قابل ذکر ہے کہ اے بی پی ایم- جے اے وائی کے تحت، 5 سال تک کے بچے اپنے والدین کے آیوشمان کارڈ پر علاج حاصل کرتے ہیں۔ اس کے مطابق، آیوشمان کارڈ کو بیک وقت دو مختلف اسپتالوں میں بچوں اور والدین میں سے کسی ایک کے لیے استعمال کیا جا سکتا ہے۔ مثال کے طور پر، ایک ماں کو اسپتال میں داخل کیا جا سکتا ہے اور وہ علاج کے دوران بچے کو جنم دیتی ہے اور جس اسپتال میں ماں کا علاج ہو رہا ہے وہاں نوزائیدہ کی دیکھ بھال کی سہولت دستیاب نہیں ہو سکتی ہے، اس لیے نوزائیدہ بچے کو کسی دوسرے اسپتال میں منتقل کیا جا سکتا ہےجہاں  بچوں کی دیکھ بھال کی سہولت دستیاب ہے۔ اس معاملے میں، ماں کا آیوشمان کارڈ بیک وقت بچے اور ماں دونوں کے لیے استعمال کیا جا رہا ہے۔ ایک اور مثال باپ کے آیوشمان کارڈ پر دو مختلف اسپتالوں میں باپ اور بچے کا بیک وقت علاج ہو سکتا  ہے۔

عام طور پر، ماں اور بچہ صرف ایک آیوشمان کارڈ کا استعمال کرتے ہوئے علاج کرواتے ہیں، اور اگر علاج کے دوران بچے کی موت ہو جاتی ہے، تو اسپتال بچے کو مردہ قرار دیتا ہے جو غلطی سے ماں کے کارڈ کے خلاف درج ہو جاتا ہے۔ اس کے بعد، جب ماں اگلے علاج کے لیے آتی ہے، تو اس کے آیوشمان کارڈ کو مردہ کے طور پر نشان زد کرنے کی بنیاد پر خدمات سے انکار کر دیا جاتا ہے۔ اس طرح کے معاملات میں، شکایات کی جاتی ہیں، اور ماں کے کارڈ کے خلاف مردہ نشان  ہٹا دیا جاتا ہے۔

یہ نوٹ کرنا ضروری ہے کہ اے بی پی ایم – جےاے وائی کے تحت چار قدمی مضبوط کلیم پروسیسنگ سسٹم کو تعینات کیا گیا ہے۔ ہر قدم پر اسپتال کے دعووں کی سچائی کا جائزہ لیا جاتا ہے۔ مزید، وضاحت شدہ ٹرگرز دعووں پر چلائے جاتے ہیں تاکہ ایسے کیسز کی نشاندہی کی جا سکے جن کی مزید جانچ کی ضرورت ہے۔ ایسے کیسز ڈیسک اور فیلڈ آڈٹ سے گزرتے ہیں۔ اگر کوئی اسپتال کسی دھوکہ دہی یا بدسلوکی کا مرتکب پایا جاتا ہے تو، غلطی کرنے والے اسپتال کے خلاف ڈی ام پینلمنٹ(فہرست سے خارج کرنا)  سمیت تعزیری کارروائیاں شروع کی جاتی ہیں۔

سی اے جی نے پایا کہ ایک موبائل نمبر ایک سے زیادہ فائدہ اٹھانے والوں کے ساتھ منسلک ہے اس کا کوئی آپریشنل اور مالی اثر نہیں ہے کیونکہ آیوشمان بھارت پی ایم جے اے وائی کے تحت فائدہ اٹھانے والوں کی شناخت کا عمل موبائل نمبر سے منسلک نہیں ہے۔ موبائل نمبر صرف اس لیے حاصل کیا جاتا ہے کہ کسی ضرورت کی صورت میں مستحقین تک پہنچ سکے اور فراہم کردہ علاج کے بارے میں رائے جمع کر سکے۔

آیوشمان بھارت پی ایم- جے اے وائی آدھار شناخت کے ذریعے فائدہ اٹھانے والوں کی شناخت کرتا ہے جس میں فائدہ اٹھانے والا لازمی آدھار پر مبنی ای-کے وائی سی کے عمل سے گزرتا ہے۔ آدھار ڈیٹا بیس سے حاصل کی گئی تفصیلات ماخذ ڈیٹا بیس سے ملتی ہیں اور اسی کے مطابق آیوشمان کارڈ کی درخواست کو مستفید ہونے والوں کی تفصیلات کی بنیاد پر منظور یا مسترد کر دیا جاتا ہے۔ اس طرح تصدیق کے عمل میں موبائل نمبرز کا کوئی کردار نہیں ہے۔

مزید، یہ نوٹ کرنا بھی ضروری ہے کہ اے بی  پی ایم -جے اے وائی ایک فائدہ اٹھانے والے کی بنیاد (نیچے 40فیصد) کو پورا کرتا ہے جہاں ان میں سے بہت سے لوگوں کے پاس موبائل نمبر نہیں ہو سکتا ہے یا موبائل نمبر بہت وقفے سے بدلتا رہتا ہے۔ اسی مناسبت سے، این ایچ اے نے اوٹی پی کے ساتھ مستفید ہونے والوں کی تصدیق کے لیے تین اضافی اختیارات فراہم کیے ہیں، یعنی فنگر پرنٹ، آئیرس اسکین اور چہرے کی تصدیق، جن میں فنگر پرنٹ بیس کی تصدیق کا سب سے زیادہ استعمال کیا جاتا ہے۔

مندرجہ بالا کے پیش نظر، فائدہ اٹھانے والوں کے ساتھ سلوک کو صرف اس بنیاد پر نہیں روکا جا سکتا کہ فائدہ اٹھانے والے کے پاس درست موبائل نمبر نہیں ہے، یا ان کا دیا ہوا موبائل نمبر تبدیل ہو گیا ہے۔ اس کے مطابق، اے بی پی ایم- جے اے وائی ٹریٹمنٹ ورک فلو میں فائدہ اٹھانے والے موبائل نمبرز کا بہت محدود کردار ہے۔ اس کے علاوہ، حقیقت یہ ہے کہ پی ایم -جے اے وائی ایک استحقاق پر مبنی اسکیم ہے نہ کہ اندراج پر مبنی اسکیم اور اس وجہ سے، فائدہ اٹھانے والوں کا ڈیٹا بیس طے شدہ ہے اور نئے استفادہ کنندگان کو شامل کرنے کے لیے اس میں ترمیم نہیں کی جا سکتی ہے۔ اس طرح، فائدہ اٹھانے والوں کی اہلیت کا فیصلہ کرنے میں موبائل نمبرز کا کوئی کردار نہیں ہے۔ لہٰذا، یہ ایک غلط قیاس ہے کہ فائدہ اٹھانے والے موبائل نمبر کا استعمال کر کے علاج حاصل کر سکتے ہیں۔

ایک سے زیادہ فائدہ اٹھانے والوں کی طرف سے ایک ہی موبائل نمبر کے استعمال کے حوالے سے، یہ نوٹ کیا جا سکتا ہے کہ موبائل نمبر فائدہ اٹھانے والوں کی تصدیق کے لیے لازمی فیلڈ نہیں ہے۔ تاہم، چونکہ موبائل نمبرز جمع کرنے کے لیے ایک فیلڈ موجود تھی، اس لیے یہ ممکن ہے کہ اسکیم کے نفاذ کے ابتدائی مراحل میں کچھ معاملات میں فیلڈ لیول کے کارکنوں کے ذریعہ کچھ بے ترتیب دس ہندسوں کا نمبر درج کیا گیا ہو۔ ابتدائی طور پر، او ٹی پی پر مبنی توثیق کو فعال نہیں کیا گیا تھا کیونکہ بہت سے فائدہ اٹھانے والے یا تو اپنے ساتھ موبائل نہیں رکھتے تھے یا انہوں نے اپنے رشتہ دار یا پڑوسی کا نمبر شیئر کیا تھا۔ تاہم، موبائل نمبروں کی عدم توثیق استفادہ کنندگان کی تصدیق کے عمل کی درستگی یا اسکیم کے تحت مستفید ہونے والوں کی اہلیت پر اثر انداز نہیں ہوگی۔

بعد ازاں موجودہ آئی ٹی پورٹل میں ضروری تبدیلیاں کی گئی ہیں جو این ایچ اے کے ذریعے صرف درست موبائل نمبروں کو حاصل کرنے کے لیے استعمال کیا جاتا ہے۔

نیشنل ہیلتھ اتھارٹی اور صحت اور خاندانی بہبود کی وزارت سی اے جی کی کارکردگی آڈٹ رپورٹ کی بنیاد پر کی گئی سفارشات کا تفصیلی جائزہ لے رہی ہے اور موجودہ آئی ٹی پلیٹ فارم اور عمل کو مضبوط بنا کر نظام کو مزید مضبوط، موثر اور مبنی بر انصاف  بنانے کے لیے ضروری کارروائی کی جا رہی ہے۔

*************

( ش ح ۔ ا ک۔ ر ب(

U. No. 8488