প্রধান মন্ত্রী শ্রী নরেন্দ্র মোদীনা ময়াই তাংবল লৌদুনা ফমখিবা কেন্দ্রগী মন্ত্রী মন্দলগী মীফমদা ভারত সরকারগী হকশেল অমসুং য়াইফ-য়ুম্বাল মন্ত্রালয়গী ইন্দিয়ন ফার্মাকোপিয়া কম্মিসন (IPC) অমসুং রিপব্লিক ওফ সুরীনামগী সরকারগী হকশেল মন্ত্রালয়গী মরক্তা সুরীনামদা ইন্দিয়ন ফার্মাকোপিয়া (IP) শকখঙনবা জুন 4, 2023দা খুৎয়েক পীনখিবা মেমোরেন্দম ওফ অন্দরস্তেন্দিং (MoU) অমগী মতাংদা পাউদমখি। মসি ভারতকী রাস্ত্রপতিনা সুরীনামদা চৎখিবা খোঙচৎ অদুদা খুৎয়েক পীনখিবনি।

পার্তী অনিনা মখোয়গী মশাগী আইন অমদি কাংলোনশিংগী মতুং ইন্না হীদাক-লাংথকশিং রিগ্যুলেসন তৌবগী লমদা কোওপরেসন থম্বা অমসুং ই-পাউ একচেঞ্জ তৌবা মরু ওই হায়বা খঙলদুনা মখাদা পীরিবা অন্দরস্তেন্দিংশিং অসিদা য়ান্নবা পুরকখি:

• সুরীনামদা ইন্দিয়ন ফার্মাকোপিয়া (IP)বু মেদিসিনগী শকখঙলবা লাইরিক অমা ওইনা লৌদুনা সুরীনামদা ক্বালিতী লৈবা হীদাক-লাংথকশিং মেন্যুফেকচর তৌবা অমসুং/নত্ত্রগা ইম্পোর্ত তৌবা য়াহনবা;
• IPগী মতুং ইন্না ভারতকী মেন্যুফেকচর্রশিংনা পীবা সর্তিফিকেৎ ওফ এনালাইসিস চৎনবা অমসুং সুরীনামদা হীদাক-লাংথকশিংগী দুপ্লিকেৎ তেস্তিং তৌবগী মথৌ তাবা লৌথোকপা;
• ক্বালিতী কন্ত্রোল এনালাইসিস মনুংদা শীজিন্ননবা অতাবা মমলদা IPCদগী IPRS অমসুং ইম্প্যুরিতী স্তেন্দর্দশিং লৌবা;
• জেনরিক মেদিসিনশিংগী দিবেলপমেন্ত তৌনবা হেন্না ফবা স্কোপ লৈহন্দুনা সুরীনামদা অহোংবা মমলদা হীদাক-লাংথকশিং ফংহনবা শরুক তম্বা;
• রিগ্যুলেতরী ফ্রেমৱার্ক, মথৌ তাবশিং অমসুং প্রোসেসশিংদা ফার্মোকোপিয়া মুন্না খঙনবা থৌগৎপা;
• IPগী মোনোগ্রাফশিং দিবেলপ তৌবগা মরী লৈনবা ই-পাউ একচেঞ্জ তৌবা অমসুং দোক্যুমেন্তেসন তৌবদা মতেং পাংবা;
• মখোয়গী মশাগী মীয়ামগী মথৌ তাবশিং থুংহন্নবা পব্লিক হেল্থকা মরী লৈনবা মখোয়গী সর্ভিসশিংগী প্রোবিজনদা রিগ্যুলেতরী ওথোরিতীশিংগী তৌবা ঙম্বা হেনগৎহনবা;
• মোনোগ্রাফশিং অমসুং তুংলমচৎকী তেক্নোলোজীশিং দিবেলপ তৌনবা অনিমক্তা কান্নবা পীগদবা লমশিংদা তেক্নিকেল কোওপরেসনগীদমক লৈরিবা খুদোংচাবশিং খঙদোকপা।

মেমোরেন্দম ওফ অন্দরস্তেন্দিং অসিনা মেদিকেল প্রদক্তশিং এক্সপোর্ত তৌদুনা ফোরেন একচেঞ্জ লাকহল্লগনি। মসিনা আত্মনির্ভর ভারতকী মাইকৈদা থাংজিনবা খোঙথাং অমা ওইরগনি।

ইন্দিয়ন ফার্মাকোপিয়া মালেমগী থাক্তা শক খঙবা! স্তেন্দর্দশিংনা ভারতকী ফার্মাস্যুতিকেল সেক্তরদা কনাবা কয়ামরুম পীরি। মসিদা য়াওরিবশিং অদুদি:

• মসিনা লৈবাকশিং অসিদা ভারতকী ফার্মাস্যুতিকেল প্রদক্তশিং এক্সপোর্ত তৌবদা শাহৌ পীরগনি মরমদি মসিনা দবল রিগ্যুলেসন, দুপ্লিকেৎ তেস্তিং অমসুং পোস্ত ইম্পোর্তেসন চেকশিং লৌথোক্লগনি। ভারতকী দ্রগ এক্সপোর্তরশিংনা মসিদগী কম্পিতিতিব এদজ অমা ফংলগনি অমসুং ত্রেদতা রিম্যুনরেতিব হেন্না ফংহল্লগনি।
• মখা তানা ইম্পোর্ত তৌরিবা লৈবাকশিংনা অহোংবা মমলশিংদা ভারতকী মেদিকেল প্রদক্তশিংগী ক্বালিতী এক্সেস তৌবা ফংলগনি।
• ইম্পোর্ত তৌরিবা লৈবাকশিংদা  লৈরিবা মেন্যুফেকচর্রশিংনা মখোয়গী প্রজাশিংদা হীদাক-লাংথকশিং হোংনা ফংহনবদা শরুক তম্মিবা জেনেরিক মেদিসিনশিং দিবেলপ তৌবগী স্কোপ হেন্না লৈহল্লগনি।
• তোঙান-তোঙানবা রিফরেন্স স্তেন্দর্দশিং অমসুং ইম্প্যুরিতী স্তেন্দর্দশিং অহোংবা মমলদা মেন্যুফেকচর্রশিংদা ফংহল্লগনি।

রিগ্যুলেতরী প্রেক্তিসশিং পুনশিনবনা ভারত্তগী হীদাক-লাংথকশিং এক্সপোর্ত তৌবা হেনগৎহনবদা মতেং ওইগনি অমসুং মসিনা ফার্মাস্যুতিকেল সেক্তরদা মহৈ হৈরবা প্রোফেস্নেলশিংগীদমক হেন্না ফবা থবক্কী খুদোংচাবশিং পীবদা মতেং ওইরগনি।

ইন্দিয়ন ফার্মাকোপিয়া (IP) অসি লৈবাক মঙা (5) না ওফিসিএল ওইনা শকখঙখি: অফঘানিস্তান, ঘানা, নেপাল, মোরিসিয়স অমসুং রিপব্লিক ওফ সুরীনাম। মন্ত্রালয়না IP শকখঙবা লৈবাকশিংগী মশিং হেনগৎহন্নবা হোৎনরি।

*****