മെഡിക്കൽ ഉൽപ്പന്ന നിയന്ത്രണ മേഖലയിലെ സഹകരണം സംബന്ധിച്ച് 2023 ജൂൺ 4-ന് കേന്ദ്ര ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷൻ (സിഡിഎസ്‌സിഒ), ആരോഗ്യ കുടുംബക്ഷേമ മന്ത്രാലയം, സുരിനാം ഗവൺമെന്റ് എന്നിവ തമ്മിൽ ഒപ്പുവച്ച ധാരണാപത്രം  പ്രധാനമന്ത്രി ശ്രീ നരേന്ദ്ര മോദിയുടെ അധ്യക്ഷതയിൽ ചേർന്ന കേന്ദ്ര മന്ത്രിസഭയെ അറിയിച്ചു.  ഇന്ത്യൻ രാഷ്ട്രപതിയുടെ സുരിനാം സന്ദർശന വേളയിലാണ് ഇത് ഒപ്പുവെച്ചത്.

മെഡിക്കൽ ഉൽപ്പന്നങ്ങളുമായി ബന്ധപ്പെട്ട നിയമങ്ങളും ചട്ടങ്ങളും മറ്റ് പ്രസക്തമായ കാര്യങ്ങളും സംബന്ധിച്ച ക്രിയാത്മകമായ സംഭാഷണം സുഗമമാക്കുക എന്നതാണ് ഈ ധാരണാപത്രത്തിന്റെ ഉദ്ദേശ്യം

ധാരണാപത്രം കേന്ദ്രം തമ്മിലുള്ള ഫലപ്രദമായ സഹകരണത്തിനും വിവര കൈമാറ്റത്തിനും ഒരു ചട്ടക്കൂട് സ്ഥാപിക്കാൻ ശ്രമിക്കുന്നു. ഡ്രഗ്‌സ് സ്റ്റാൻഡേർഡ് കൺട്രോൾ ഓർഗനൈസേഷനും,  ആരോഗ്യ മന്ത്രാലയവും,  സുരിനാം ഗവൺമെന്റും തങ്ങളുടെ  അന്താരാഷ്ട്ര ഉത്തരവാദിത്തങ്ങൾക്ക് അനുസൃതമായി മെഡിക്കൽ ഉൽപ്പന്നങ്ങളുടെ നിയന്ത്രണവുമായി ബന്ധപ്പെട്ട കാര്യങ്ങളിൽ  രണ്ട് റെഗുലേറ്ററി അതോറിറ്റികൾ തമ്മിലുള്ള സഹകരണത്തിന്റെ പ്രധാന മേഖലകളിൽ ഇനിപ്പറയുന്നവ ഉൾപ്പെടുന്നു:

• റെഗുലേറ്ററി ചട്ടക്കൂട്, ആവശ്യകതകൾ, പ്രക്രിയകൾ എന്നിവ സംബന്ധിച്ച്   കക്ഷികൾക്കിടയിൽ  പരസ്പര ധാരണ പ്രോത്സാഹിപ്പിക്കുകയും രണ്ട് കക്ഷികൾക്കും ഭാവിയിൽ റെഗുലേറ്ററി ശക്തിപ്പെടുത്തൽ സംരംഭങ്ങൾ സുഗമമാക്കുകയും ചെയ്യുക,  മികച്ച  ലബോറട്ടറി പ്രാക്ടീസുകൾ , മികച്ച ക്ലിനിക്കൽ പ്രാക്ടീസുകൾ (GCP), മികച്ച മാനുഫാക്ചറിംഗ് പ്രാക്ടീസുകൾ , മികച്ച ഫാർമക്കോ വിജിലൻസ് പ്രാക്ടീസുകൾ എന്നിവയെക്കുറിച്ചുള്ള വിവരങ്ങളുടെയും സഹകരണത്തിന്റെയും കൈമാറ്റം.
• ഇന്ത്യൻ ഫാർമക്കോപ്പിയയുടെ അംഗീകാരം
• ഫാർമക്കോ വിജിലൻസ് ഉൾപ്പെടെയുള്ള സുരക്ഷാ വിവരങ്ങളുടെ കൈമാറ്റം, മറ്റ് കക്ഷിയുമായി ബന്ധപ്പെട്ട ഒരു പ്രത്യേക സുരക്ഷാ ആശങ്കയുള്ള പ്രതികൂല സംഭവങ്ങൾ. മരുന്നുകളും മെഡിക്കൽ ഉപകരണങ്ങളുമായി ബന്ധപ്പെട്ട സുരക്ഷാ ആശങ്കകളും ഇതിൽ ഉൾപ്പെടുന്നു.
• പാർട്ടികൾ സംഘടിപ്പിക്കുന്ന ശാസ്ത്രീയവും പ്രായോഗികവുമായ കോൺഫറൻസുകൾ, സിമ്പോസിയങ്ങൾ, സെമിനാറുകൾ, ഫോറം എന്നിവയിൽ പങ്കാളിത്തം.
• പരസ്പര സമ്മതമുള്ള മേഖലകളിൽ ശേഷി വർദ്ധിപ്പിക്കൽ,
• അന്താരാഷ്ട്ര വേദികളിലെ ഏകോപനം,
• പൊതുവായ താൽപ്പര്യമുള്ള മറ്റേതെങ്കിലും മേഖലകൾ.

വിദേശനാണ്യ വരുമാനത്തിലേക്ക് നയിക്കുന്ന മെഡിക്കൽ ഉൽപ്പന്നങ്ങളുടെ കയറ്റുമതി സുഗമമാക്കുന്നതാണ് ധാരണാപത്രം. ഇത് ആത്മനിർഭർ ഭാരതത്തിലേക്കുള്ള ചുവടുവയ്പായിരിക്കും.

റെഗുലേറ്ററി സമ്പ്രദായങ്ങളിലെ സംയോജനം ഇന്ത്യയിൽ നിന്നുള്ള മരുന്നുകളുടെ കയറ്റുമതി വർദ്ധിപ്പിക്കുന്നതിന് സഹായിക്കുകയും തൽഫലമായി ഫാർമ മേഖലയിലെ വിദ്യാസമ്പന്നരായ പ്രൊഫഷണലുകൾക്ക് മികച്ച തൊഴിലവസരങ്ങൾ നൽകുകയും ചെയ്യും.

ഇരു രാജ്യങ്ങളിലെയും നിയന്ത്രണ അധികാരികൾ തമ്മിൽ ഒപ്പുവച്ച ധാരണാപത്രം ഫാർമസ്യൂട്ടിക്കൽ ഉപയോഗത്തിനുള്ള അസംസ്കൃത വസ്തുക്കൾ, ജൈവ ഉൽപന്നങ്ങൾ, മെഡിക്കൽ ഉപകരണങ്ങൾ, സൗന്ദര്യവർദ്ധക ഉൽപന്നങ്ങൾ എന്നിവയുൾപ്പെടെയുള്ള ഫാർമസ്യൂട്ടിക്കൽസ് സംബന്ധിച്ച മെഡിക്കൽ ഉൽപ്പന്നങ്ങളുടെ നിയന്ത്രണത്തെക്കുറിച്ച് കൂടുതൽ മനസ്സിലാക്കാൻ സഹായിക്കും.

ധാരണാപത്രം മെഡിക്കൽ ഉൽപ്പന്നങ്ങളുമായി ബന്ധപ്പെട്ട മേഖലകളിലും കക്ഷികളുടെ അധികാരപരിധിയിലുള്ള പ്രസക്തമായ ഭരണപരവും നിയന്ത്രണപരവുമായ കാര്യങ്ങളിൽ വിവര കൈമാറ്റവും സഹകരണവും പ്രോത്സാഹിപ്പിക്കും.

--ND--