পুৱারীদা মশক নায়বা মীকুপ অমা শেম্লদুনা রাজ্য সভাদা নগালেন্দদগী অহানবা নুপী মেম্বর শ্রীমতী ফাংনোন কোনয়াকনা ঙসি হাউস প্রিসাইদ তৌখ্রে। মসিগী মমাংদা মহাক্না ২০২৩গী জুলাই ১৭দা ভাইস-চিয়ারপর্সনগী পেনেলদা এপোইন্ত তৌবা অহানবা নুপী মেম্বর ওইদুনা পুৱারী শেমখি।

জেন্দরগী মান্নবা পুরক্নবা মশক নায়বা খোংথাং অমদা রাজ্য সভাগী চিয়ারমেন শ্রী জগদীপ ধনকরনা মমাং চয়োলদা নুপী পার্লিয়ামেন্তরিয়ান মরি (অপুনবা মশিংগী চাদা ৫০) ভাইস-চিয়ারপর্সনগী পেনেলদা নোমিনেত তৌখি।

পেনেলদা নোমিনেত তৌরিবা নুপী মেম্বর পুম্নমক অহানবা ওইনা পার্লিয়ামেন্তরিয়ান ওইবশিংনি। মোন্সুন সেসন মমাংদা রিকন্সতিত্যুত তৌখিবা পেনেলদা পুন্না মমিং নিপাল য়াওরি, মদুগী মনুংদা তংখায়দি নুপীনি। অপ্পর হাউসকী পুৱারীদা মসিনা অহানবনি মদুদি ভাইস-চিয়ারপর্সনগী পেনেলদা নুপা মেম্বরদা চপ মান্নবা রিপ্রজেন্তেসন পীরি।

মখাগীশিং অসি হৌখিবা চয়োলদা ভাইস-চিয়ারপর্সনগী পেনেলদা নোমিনেত তৌখিবা নুপী মেম্বরশিংগী অকুপ্পা ৱারোলশিংনি।

শ্রীমতী পি.তি. উশা:

• মহাক পদ্ম শ্রী এৱার্দী অমসুং ময়াম্না খংনরবা এথেলেত অমনি। মহাক ২০২২গী জুলাইদা রাজ্য সভাদা নোমিনেত তৌখি।
• মহাক কমিতী ওন দিফেন্স, য়ুথ এফিয়ার্স অমসুং স্পোর্তস মন্ত্রালয়গী কন্সলতেতিব কমিতী অমসুং কমিতী ওন ইথিক্সকী মেম্বর অমনি।

শ্রীমতী এস. ফাংনোন কোনয়াক:

• মহাক ভার্তিয়া জনতা পার্তিদগী লাকপনি। মহাক ২০২২গী এপ্রিল থাদা নগালেন্দদগী রাজ্য সভাগী মেম্বর ওইনা খনবা অহানবা নুপীনি অমসুং রাজ্য অসিদগী পার্লিয়ামেন্তগী হাউস নত্রগা স্তেত এসেমব্লীদা খনবা অনিশুবা নুপীনি।
• মহাক কমিতী ওন ত্রান্সপোর্ত, তুরিজম অমসুং কলচর, দোনর মন্ত্রালয়গী কন্সলতেতিব কমিতী, কমিতী ওন এম্পৱারমেন্ত ওফ ৱুমেন, হাউস কমিতী উমসুং মেম্বর, নোর্থ-ইস্তর্ন ইন্দিরা গান্ধী রিজনেল ইন্সতিত্যুত ওফ হেল্থ এন্দ মেদিকেল সাইন্সেস, শিল্লোংগী গবর্নিং কাউন্সিলগী মেম্বরনি।   

দা. ফৌজিয়া খান:

• মহাক নেস্নেলিস্ত কংগ্রেস পার্তীদগী লাকপনি। মহাক ২০২০গী এপ্রিল থাদা রাজ্য সভাদা খনখি।
• মহাক কমিতী ওন এম্পৱারমেন্ত ওফ ৱুমেন, কমিতী ওন কঞ্জুমর এফিয়ার্স, ফুদ অমসুং পব্লিক দিস্ত্রিব্যুসন, লো অমসুং জস্তিস মন্ত্রালয়গী কন্সলতেতিব কমিতীগী মেম্বরনি।    

শ্রীমতী সুলাতা দিও:

• মহাক বিজু জনতা দলদগী লাকপনি। মহাক ২০২২গী জুলাই থাদা রাজ্য সভাদা খনখি।
• মহাক কমিতী ওন ইন্দস্ত্রী, কমিতী ওন এম্পৱারমেন্ত ওফ ৱুমেন, জোইন্ত কমিতী ওফ ওফিস ওফ প্রোফিত, কমিতী ওন মেম্বর্স ওফ পার্লিয়ামেন্ত লোকেল এরিয়া দিবলপমেন্ত স্কিম অমসুং ৱুমেন এন্দ চাইল্দ দিবলপমেন্ত মন্ত্রালয়গী কন্সলতেতিব কমিতীগী মেম্বরনি।

**********