Ha ka sienjam ka ban sahnam ha ka histori, ka Phangnon Konyak ka la long ka dkhot Rajya Sabha ba nyngkong na Nagaland ban pyniaid ia kane ka iing dorbar thawain mynta ka sngi. Hashuwa kane ka la long ka longkmie kaba nyngkong ban long dkhot jong ka panel ki Vice- Chairperson ha ka 17 tarik u Naitung, 2023.

Kane ka dei ka sienjam ban wanrah ia ka jingryntih kyrdan hapdeng ki shynrang bad kynthei ha kaba u Chairman ka Rajya Sabha, u Jagdeep Dhankhar u la tyrwa ia saw tylli ki kyrteng jong ki longkmie (50% jong baroh ki dkhot) ban long dkhot jong ka panel ki Vice-Chairperson.

Lah ban shu kdew ruh hangne ba baroh ki dkhot longkmie ba la pynlong dkhot jong kane ka panel ki dei kiba dang don ha ka samoi kaba nyngkong kum ki MP. Kane ka panel ba la sdang shuwa ka samoi Lyiur ka don phra tylli ki kyrteng bad shiteng na kine ki dei ki longkmie. Kane ka dei ka sien kaba nyngkong jong ka Rajya Sabha ba ka jinglong dkhot ki longkmie ha ka panel ki Vice – Chairperson ka long shiteng.

Kane harum ka long ki jingtip shaphang ki dkhot longkmie ba la pynlong dkhot jong ka panel ki Vice-Chairperson.

Ka P.T. Usha:

• Ka dei ka nongjop khusnam Padma Shri bad ka nongialehkai ba pawnam. Ka la long dkhot jong ka iing dorbar thawain Rajya Sabha ha u Naitung, 2022.
• Ka dei ka dkhot jong jong ka Committee ka Defense, Consultative Committee for the Ministry of Youth Affairs and Sports bad Committee on Ethics.

Ka S. Phangnon Konyak:

• Ka dei na ka seng Bharatiya Janata Party. Ka dei ka longkmie ba nyngkong ban shah jied kum ka dkhot jong ka Rajya Sabha na Nagaland ha u Iaiong, 2022 bad ka longkmie ba ar na kane ka jylla ban shah jied sha kawei na ki ar tylli ki iing dorbar thaw ain parliament lane ka iing dorbar thaw ain ha ka jylla.
• Ka dei ka dkhot jong ka Committee halor ka Transport, Tourism and Culture, Consultative Committee na ka bynta ka tnat Development of North Eastern Region, Committee halor ka Empowerment of Women, ka House Committee bad Dkhot, Governing Council jong ka North-Eastern Indira Gandhi Regional Institute of Health and Medical Sciences, Shillong.

Dr. Fauzia Khan:

• Ka dei na ka seng Nationalist Congress Party. Ka la long dkhot ka Rajya Sabha ha u Iaiong, 2020.
• Ka dei ka dkhot jong ka Committee halor ka Empowerment of Women, Committee halor ka Consumer Affairs, Food and Public Distribution, Consultative Committee na ka bynta ka tnat Law and Justice.

Ka Sulata Deo:

• Ka dei na ka seng Biju Janata Dal. Ka la long dkhot ka Rajya Sabha ha u Naitung, 2022.
• Ka dei ka dkhot jong ka Committee halor ka Industry, Committee on Empowerment of Women, Joint Committee halor ka Office of Profit, Committee halor ka Members of Parliament Local Area Development Scheme (MPLADS) bad Consultative Committee na ka bynta ka tnat Women and Child Development.

**********