জুলাই ২৭ অমসুং জুলাই ২৮,২০২৩ দা প্রধান মন্ত্রী শ্রী নরেন্দ্র মোদী রাজস্থান অমসুং গুজরাত্তা চৎকনি।

জুলাই ২৭গী অয়ুক পুং ১১:১৫ রোম তাবদা, রাজস্থানগী সিকারদা প্রধান মন্ত্রীনা তোঙান-তোঙানবা চাউখৎ-থৌরাংগী উরেপ-উয়ুং তমগনি অমসুং মীয়ামদা কৎথোক্কনি। মহাক্না নুংথিল পুং ৩:১৫ রোম তাবদা গুজরাতকী রাজকোত্তা থুংগনি, প্রধান মন্ত্রীনা রাজকোত ইন্তরনেসনেল এয়রপোর্ত য়েংগনি। তুংদা, নুংথিল পুং ৪:১৫ রোম তাবদা, প্রধান মন্ত্রীনা রাজকোতকী রেস কোর্স গ্রাউন্দা তোঙান-তোঙানবা চাউখৎ-থৌরাংগী প্রোজেকশিং শঙ্গাগনি। জুলাই ২৮ গী অয়ুক পুং ১০:৩০ রোম তাবদা, প্রধান মন্ত্রীনা গান্ধীনগরদা মহাত্মা মন্দিরদা সেমিকোনইন্দিয়া ২০২৩ হৌদোক্কনি।

সিকারদা প্রধান মন্ত্রী

লৌমীশিং কান্নগদবা মরুওইবা খোঙথাং অমদা, প্রধান মন্ত্রীনা পি.এম কিষান সমরিদ্ধি কেন্দ্র লাখ ১.২৫ মীয়ামদা কৎথোক্কনি। লৌমীশিংগী দরকার ওইবশিং মফম অমদা পুন্না ফংহন্নবা প্রধান মন্ত্রীনা পি.এম কিষান সমরিদ্ধি কেন্দ্রশিং লিংখৎপনি। লৌমীশিংদা হারশিং, মরু-মরাংশিং, খুৎলায়শিং, লৈবাক-লৈহাও চাংয়েং তৌনবগী খুদোংচাবা অমসুং সরকারগী তোঙান-তোঙানবা স্কিমশিংগী ই-পাউশিং ফংহন্নবা খুদোংচাবশিং প্রধান মন্ত্রীনা পি.এম কিষান সমরিদ্ধি কেন্দ্রনা লৈবাক অসিগী লৌমীশিংদা পীগনি। কেন্দ্রশিং অসিনা ব্লোক/দিস্ত্রিক লেবেল আউতলেতশিংদা হার চোইনা য়ৌনবা দুকানশিংদা চাং নাইনা ত্রেনিং পীগনি।

প্রধান মন্ত্রীনা সলফর তৈরবা অনৌবা মখলগী য়ুরিয়া-য়ুরিয়া গোল্দ হৌদোক্কনি। সলফর তৈরবা য়ুরিয়া হৌদোকপা অসিনা লৈবাক-লৈহাওদা য়ুরিয়া ৱাৎপা কোকহনবা ঙমগনি। মসিগী অনৌবা হার অসিনা মসিনা নিম তৈরবা য়ুরিয়াদগী হেন্না মমল হোংবা অমসুং কান্নবা হেনগনি অমসুং পাম্বীশিংনা নাইত্রোজেন লৌশিনবা হেনগৎহনগনি, হার য়াম্না চাইবা হন্থহনগনি অমসুং মহৈ-মরোংগী মহাও হেনগৎহনগনি।

থৌরম অদুদা, ফার্মর প্রদুসর ওর্গনাইজেসন ১৫০০ ওপন নেতৱার্ক ফোর দিজিতেল কম্মর্স(ও এন দি সি)দা শরুক য়াবগী থবক প্রধান মন্ত্রীনা হৌদোক্কনি। ও.এন.দি.সিনা এফ.পি.ওশিংদা দিজিতেল মার্কেত্তিং, ওনলাইন পেমেন্ত, বিজিনেস-তু-বিজিনেস অমসুং বিজিনেস-তু-কঞ্জুমর ত্রান্সসেক্সনশিং, মফম অমগী পোৎথোকশিং মগুন হেনগৎহনবা, খুঙ্গংগী শরুকশিংদা পোৎ-চৈ পুথোক পুশিনগী থবকশিং ফগৎহনবগী খুদোংচাবা পীগনি।

লৌমীশিংগী য়াইফনবা প্রধান মন্ত্রীনা পায়খৎলিবা থবকশিংগী অতোপ্পা খুদম অমা ওইনা, প্রধান মন্ত্রীনা সিকারদা পি.এম-কিষানগী মখাদা লুপা করোর ১৭,০০০ রোমগী ১৪শুবা ইন্সতোলমেন্তশিং য়েন্থোক্কনি। শেনফমশিং অদু দি.বি.তিগী খুৎথাংদা বেনিফিসরি করোর ৮.৫ হেনবদা ত্রান্সফর তৌগনি।

প্রধান মন্ত্রীনা চিত্তোগর, ধোলপুর, সিরোহি, সিকার অমসুং শ্রী গঙ্গানগরদা অনৌবা মেদিকেল কলেজ মঙা শঙ্গাদুনা অমসুং বারান, বুন্দি, কারাওলি, ঝুনঝুনু, সাৱাই মাধোপুর, জয়সালমর অমসুং তোনকতা মেদিকেল কলেজ তরেৎ উরেপ-উয়ুং তমদুনা রাজস্থান্দা অনা-লায়য়েংগী মচাক-মথুমশিং হেনগৎলকপা উরগনি।

হৌজিক লৈরিবা দিস্ত্রিক/রিফরেল হোস্পিতালশিংদা অনৌবা মেদিকেল কলেজশিং লিংখৎনবা কেন্দ্র সরকারগী স্কিমগী মখাদা অনৌবা মেদিকেল কলেজশিং লিংখৎকদবনি।

প্রধান মন্ত্রীনা শঙ্গাগদৌরিবা মেদিকেল কলেজ মঙা অসি লুপা করোর ১৪০০ হেন্না চঙনা শেমগৎপনি অমসুং উরেপ-উয়ুং তমগদৌরিবা মেদিকেল কলেজ তরেৎ অসিনা লুপা করোর ২২৭৫ চঙনা পায়খৎকদবনি।

২০১৪ ফাওবদা, রাজস্থান্দা শুপ্নগী মেদিকেল কলেজ ১০ খক লৈখি। কেন্দ্র সরকারনা হোৎনবদগী, রাজ্য অসিদা মেদিকেল কলেজ ৩৫দা হেনগৎলে। অনৌবা মেদিকেল কলেজ ১ লিংখৎপদগী রাজ্য অসিদা এম.বি.বি.এস সিত মশিং ১৭৫০ লৈরম্বদগী সিত ৬২৭৫দা হেনগৎলগনি। মসি চাদা ২৫৮ হেনগৎপা অমনি।

মখা তানা প্রধান মন্ত্রীনা উদয়পুর, বনশ্বারা, পার্তাপগর অমসুং দুঙ্গারপুর জিলাশিংদা এক্লাভ্যা মোদেল রেসিদেন্সিএল স্কুল তরুক শঙ্গাগনি অমসুং স্কুলশিং অসিনা হায়রিবা জিলাশিং অসিগী ত্রাইবেলশিংদা কান্নবা পীগনি। মহাক্না জোধপুরদা কেন্দ্র বিদ্যলয় তিভরিশু শঙ্গাগনি।

রাজকোত্তা প্রধান মন্ত্রী

প্রধান মন্ত্রীনা রাজকোত ইন্তরনেসনেল এয়রপোর্ত শঙ্গাগনি। গ্রিনফিল্দ এয়রপোর্ত অসি লম একর ২৫০০ হেনবা অপুনবা অমা অমদা লুপা করোর ১৪০০ হেন্না চঙনা শেমগৎপনি। অনৌবা এয়রপোর্ত অসি অনৌবা তেক্নোলোজি অমসুং তুংকোইনা চৎনবা য়াবা খুদোংচাবশিংগা লোয়নননা পুননা শেমগৎপনি। তর্মিনেল বিল্দিং অসি গ্রিহা-৪ ফংলে অমসুং অনৌবা তর্মিনেল বিল্দিং অসিদা দবল ইন্সুলেতেদ রুফিং সিস্তেম, স্কাইলাইত, এল.ই.দি লাইত, লো হিদ গেন গ্লেজিং য়াওরে।

এয়রপোর্তকী তর্মিনেল দিজাইন অসিদা রাজকোতকী কলচরগী ফজবশিং মমি তারি অমসুং মসি লিপ্পান আর্ততগী হৌরগা দান্দিয়া জগোয় ফাওবগী কলগী মশকশিং মমি তারি। এয়রপোর্ত অসিদা মফম অদুগী অরিবা য়ুমশারোলগী মমি তারি অমসুং গুজরাতকী কাথিয়াৱার লমদমগী কলা অমসুং জগোয়গী মমি তারি। রাজকোতকী অনৌবা এয়রপোর্ত অসিনা মফম অসিগী ললোন-ইতিক, তুরিজম,লাইরিক-লাইশু তম্বা অমসুং ইন্দস্ত্রিগী থবকশিং চাউখৎহনগনি।

প্রধান মন্ত্রীনা রাজকোত্তা লুপা করোর ৮৬০ হেনবগী চাউখৎ-থৌরাংগী তোঙান-তোঙানবা প্রোজেকশিং শঙ্গাগনি। সাউনি য়োজনা লিঙ্ক ৩ পেকেজ ৮ অমসুং ৯না মখা তানা সৌরাস্ত্রা লমদমদা ইথৈ অমসুং থক্নবা ঈশিং ফংহনগনি। দ্বারকা আর.দব্লিউ.এস.এস ফগৎহনবা অশিনা খুঙ্গংশিংদা তোতি ঈশিং ফংহনবদা মতেং পাংগনি। পায়খৎকদবা অতোপ্পা প্রোজেকশিংগী মনুংদা উপারকোত ফোর্ত শেমগৎনবা ফেজ ১ অমসুং ফেজ ২গী থবকশিং; সিৱেজ ত্রিৎমেন্ত প্লান্ত, লৈকং থোং শেমগৎপা য়াওরি।

গান্ধীনগরদা প্রধান মন্ত্রী

জুলাই ২৮ দা প্রধান মন্ত্রীনা গান্ধীনগরগী মহাত্মা মন্দিরদা সেমিকোনইন্দিয়া ২০২৩ হৌদোক্কনি। মহাক্না থৌরম অদুদা মীয়ামদা ৱা ঙাংগনি। কনফরেন্স অদুগী থিমদি ‘ভারতকী সেমিকন্দক্তরগী থবকশিং ফগৎহনবা’ হায়বনি। থৌরম অসিগী পান্দমদি ইন্দস্ত্রি, একাদেমিয়া অমসুং রিছার্স ইন্সতিতুসনশিংগী লুচিংবশিং অমতা ওইনা পুনশিনবনি। ভারত অসি সেমিকন্দক্তর দিজাইন, মেনুফেকচরিং অমসুং তেক্নোলোজিগী মফম অমা ওইহন্নবা ভারতনা সেমিকন্দক্তরগী লাল্লোং অমসুং থৌশিল শেম্লিবা অদু থৌরম অদুদা উৎকনি। সেমিকোনইন্দিয়া ২০২৩ দা মালেমগী অচৌবা কম্পেনিশিং হায়বদি মাইক্রোন তেক্নোলোজি, এপ্লাইদ মেতরিয়েলস, ফোক্সকোন, সেমি, কাদেন্স, এ.এম.দি শরুক য়াগনি।

****