প্রধানমন্ত্রীগী লোইশঙ
উত্তর প্রদেশকী গোরখপুরদা পাংথোকপা গীতা প্রেসকী চহি চাম্মা মপুং ফাবগী থৌরম লোইশিনবদা প্রধান মন্ত্রীনা থমখিবা ভ্বারোলগী মনিপুরী ৱাহন্থোক
Posted On:
07 JUL 2023 6:27PM by PIB Imphal
শ্রী হরিঃ বাসুদৈব সুন্ত দেব, কন্স চানুর-মর্দনম।।
দেবকী পর্মানন্দ, কৃষ্ণ বন্দে জগৎগুরুম।।
উত্তর প্রদেশকী ইকায় খুম্ননীংঙাই ওইরবা রাজ্যপাল, আনন্দিবেন পতেল, মুখ্য মন্ত্রী শ্রী য়োগী অদিত্যনাথজী, গীতা প্রেসকী শ্রী কেশোরাম অগর্ৱালজী, শ্রী বিষ্ণু প্রসাদজী, মেম্বর ওফ পার্লিয়ামেন্ত রবি কিশনজী, অতোপ্পা মীথুংলেন, ইবেম্মা অমসুং ইবুংঙোশিং!
সাৱনগী শেংলবা থা, ভগ্বান ইন্দ্রগী থৌজাল, ভগ্বান শিবগী শাইওন, গুরু গোরখনাথকী লৈফম অমসুং লাইনীংবা মশিং কয়াগী লৈফম – মসি গোরখপুরগী গীতা প্রেসনি! ঐখোয়না লাইনীংবা কয়াগী থৌজালদগী মসিগুম্বা নুংঙাইনবা মিৎকুপ অসিবু ফংজরি। ঐহাক্কী হন্দক্কী গোরখপুর খোঙচৎ অসিদি ‘বিকাস ভি, ভিরাসত ভি’ (চাউখৎ থৌরাংগা লোয়ননা হেরিতেজ)কী পোলিসীগী মশক নাইরবা খুদম্নি। শিব পুরানাগী পিক্তোরিএল অমসুং শিব পুরানাবু নেপালী লোলদা ফোঙবা ফংলিবা অসি ঐহাক্কী লাইবক ফবনি। ঐহাক্না গীতা প্রেসকী থৌরম মতুংদা গোরখপুর রেলৱে স্তেসন্দা অমুক চৎকনি।
গোরখপুর রেলৱে স্তেসন মোদর্নাইজ তৌবগী থবক অসি ঙসিদগী হৌরগনি অমসুং মসিগী মতাংদা ঐহাক্না সোসিএল মীদিয়াদা মসিগী ফোতো কয়া শেয়র তৌখিবশিং অসিনা মীয়াম্বু ঙকহল্লি। রেলৱে স্তেসন অমদা অশুক য়াম্না অহোংবা লৈহনবা য়াবগে হায়বসি মীয়াম্না মমাংদা কৈদৌনুংদা খল্লমদে। চপ মান্নবা থৌরমসিদা, ঐহাক্না গোরখপুরদগী লখনৌ ফাওবগী বন্দে ভারত ত্রেনসু লমথাগনি। মসিগা লোয়ননা, জোধপুর অমসুং অহমেদবাদকী মরক্তা চেনগদবা বন্দে ভারত এস্কপ্রেসসু মসিদা লম্থাগনি। বন্দে ভারত ত্রেনশিংদা লৈবাক্কী মিদ্দল ক্লাস মীওইশিংগী নুংঙাইবা অমসুং খুদোংচাবা ফংহনবা ফেসিলিতী অনৌবা কয়া পীরি। মশাগী কনস্তিত্বেন্সীদা চেনবা অখন্নবা ত্রেন অমা লেপহনবীয়ু হায়না রাজনীতিগী লুচিংবশিংনা হায়জরকপগী থৌওং কয়া মমাংদা থোকখ্রে। ঙসিদি, মশাগী কনস্তিত্বেন্সীশিংদা বন্দে ভারত ত্রেন চেলহনবীয়ু হায়না লৈবাক শিনবা থুংবগী লুচিংবশিংনা ঐহাক্কী ইফমদা চিথী ইরক্লি। বন্দে ভারত অসি মীয়াম্না য়াম্না পাম্নরক্লি। থৌরম কয়া অসিগীদমক্তা, ঐহাক্না গোরখপুরগী মীয়াম অমসুং ঐখোয়গী লৈবাক্কী মীয়াম্বু মসিগুম্বা থৌরম শিনবগী থম্মোই শেংনা থাগৎচরি।
মরুপশিং,
গীতা প্রেস অসিদি ইন্সতিত্যুসন অমা ওইবখক নত্তনা থাজবগী অহিংবা শক্তম অমা ওইরিবা মসিগুম্বা মখলগী মালেমদা অমত্তা ঙাইরবা প্রিন্তিং প্রেস অমনি। গীতা প্রেসকী ওফিস অসিদি মীওই মিলিয়ন কয়াগী লাইশং অমগুম্বনি। মখোয়গী মমিংমক্তদা ভগবদ গীতাগী মগুন অমা য়াওরি। গীতা লৈবা মফম খুদিংদা ভগ্বান কৃষ্ণসু অদুমক লৈবনি। অদুগা কৃষ্ণ লৈবা মফমদা মীনুংশি অমসুং মসিগা মরী লৈনবা থবক লৈবনি। মফমসিদা লৌশিং য়াকাইবা অমসুং সাইন্সকী রিসর্চকী থৌওং পাংথোক্লি। গীতাগী ভর্স অমনা অসুম্না হায়বীরি – “বাসুদেব সর্বম”। মসিনা হায়বদি, পুম্নমক অসি বাসুদেব (কৃশ্ন)নি হায়বনি। পুম্নমক অসি বাসুদেবতগীনি অমসুং পুম্নমক অসি বাসুদেবকী মনুংদা লৈবনি।
ইচিল ইনাওশিং,
গীতা প্রেসকী মওংদা ইং 1923দগী চুখৎপা হৌখিবা স্পিরিচুএলগী মৈরা অসিনা ঙসিদি মীওইবা খুন্নাই খুদিংবু লমজিং লমতাকপীরি। মসিগী হ্যুমেনিতরিয়ন মিসন অসিগী চহি চাম্মা মপুং ফাবগী থৌরমদা শরুক য়াবসি ঐখোয়গী লাইবক ফবনি। মসিগুম্বা পুৱারী ওইরবা মিৎকুপ অসিদা, ঐখোয়গী সরকারনা গীতা প্রেসপু গান্ধী পীস প্রাইজ পীদুনা ইকায় খুম্নখি। গান্ধীজীগা গীতা প্রেসকা য়াম্না নক্নবা থম্মোইগী মরী লৈনরমখি। গান্ধীজীনা মতম অমদা কলয়ান পত্রিকাগী খুত্থাংদা গীতা প্রেসকীদমক্তা ইরম্মি। কলয়ান পত্রিকাদা এদভর্তাইজ অমত্তা হাপ্তবা হায়বা ৱাহৌদোক থম্বীরম্বা অসি গান্ধীজীনি। মখোয়না গান্ধীজীগী পাউতাক অসি ঙসি ফাওবা ইন্দুনা চৎলি। গীতা প্রেসনা ঙসি এৱার্দ অসি ফংবদা ঐহাক্না য়াম্না নুংঙাই। মসিদি লৈবাক্না গীতা প্রেসকী মফমদা ইকায় খুম্নবনি, মখোয়গী তেংবাং খুদিংবু শকখঙবনি অমসুং মখোয়গী চহি 100গী খোঙচৎপু ইকায় খুম্নবনি। মসিগী চহি 100সিদা গীতা প্রেসনা লাইরিক করোর কয়া অমা ফোঙখ্রে। ইস্তিমেত খরনা মখোয়গী লাইরিক মশিং অসি করোর 70, খরা অমনা করোর 80-90 হায়না থম্নরি। মশিং অসিনা মীওই অমত্তগী মফমদা অঙকপা ফাওহনগনি। হায়রিবা লাইরিকশিং অসি মখোয়গী ভেল্যুদগী মমল য়াম্না তানা য়োনখি অমসুং মসিনা ইমুং খুদিংদা য়ৌখি। মসিগুম্বা লৌশিংগী ইচেল অসিনা মীওই কয়াদা অমসুং ইমুং কয়াদা কান্নবা পীরমগনি হায়বা অমুক্তং খন্থবীয়ু। মসিগুম্বা থবকশিং অসিদা পব্লিসিতী অমত্তা য়াওদনা শৌগৎলিবা মীপুম খুদিংবু ঐহাক্না থাগৎচরি। ঙসিগী থৌরমসিদা, ঐহাক্না সেথ জয়াদলাল গোয়ঙ্কা অমসুং ভাজী হনুমান প্রসাদ পোদ্দরগুম্বা শক্নাইরবা মীওইশিংগী মফমদা ইকায় খুম্নবা উৎচরি।
মরুপশিং,
গীতা প্রেসকুম্বা ইন্সতিত্যুসন অসি ধর্ম অমসুং মরী লৈনবা থবকখক্কা মরী লৈনবতা নত্তনা লৈবাক্কী ওইবা লিচৎ শাজৎ অমসু চেল্লি। গীতা প্রেসনা ভারতপু অমত্তা ওইহল্লি অমসুং ভারতকী য়ুনিতীগী মপাঙ্গল হাপ্পি। লৈবাক অসিদা মখোয়গী মশা 20 লৈ। ঐখোয়না লৈবাক্কী কাচিন কোয়াদা লৈবা রেলৱে স্তেসনশিংগী স্তোলশিংদা মখোয়গী লাইরিক ফংগনি। মসিনা চাউরাকপা লোল 15দা পব্লিকেসন 1600 ফোঙই। গীতা প্রেসনা ভারতকী মপুং ওইবা ভেল্যুবু তোঙান-তোঙানবা লোলশিংদা শন্দোকই। গীতা প্রেসনা ‘এক ভারত, শ্রেস্থ ভারত’কী ইথিলগী মীহুৎ ওইরি।
মরুপশিং,
লৈবাক অসিনা নিংতম্বগী চহি 75 মপুং ফাবগী নুংঙাইবা ফোংদোকপা মতমদা গীতা প্রেসন মখোয়গী চহি 100 ফাবগী থৌরম পাংথোক্লি। মসিগুম্বা চুনবগী থৌদোক অসি শুপ্নগী তান চান্নবা নত্তে। ভারতনা ইং 1947গী মমাংদা মশাগী রিনাইজেন্সকীদমক্তা তোঙান-তোঙানবা হীরমদা থবক কয়া পায়খৎখি। মসিগী মহৈনা ভারতনা 1947দা মেন্তল অমসুং সাইকোলোজিকেল ওইনা মীখা পোনবগী থৌরিদগী নান্থোকপা ঙম্নবা মপুং ফানা শেম শাবা লোইখি। গীতা প্রেস হৌদোকখিবা অসিনা মসিদা য়াম্না মরু ওইবা থৌদাং য়াখি। চহি চা কয়াদগী মীখা পোল্লকপনা ভারতকী ৱাখল্লোনবু চই 100গী মমাংদা মমশিলহনখি। চহি 100গী মমাংদা, মীরম লৈবাক্কী লান্দাবশিংনা ঐখোয়গী লাইব্রেরী কয়া মৈ থাদোকখি হায়বা অদোমসু খঙলিবনি। ব্রিতিশকী মতমদা ঐখোয়গী গুরুকুল অমসুং গুরুগী চৎনবীবু মপুং ফানা মুত্থৎলমগে তৌরম্লিবনি।মসিগুম্বা মতমসিদা, লৌশিং অমসুং হেরিতেজনা মুৎকদবা মতমদা লৈবা হায়বসি মহৌশানা তাবনি। ঐখোয়গী তাঙলবা স্ক্রিপচরশিং মাঙবা হৌরকখি। মসিগুম্বা কয়াবু নম্বগী প্রেসর অমা ভারত্তা লৈরম্বা অদু মীচম মীয়াম্না পুবা ঙমলমদে, অনম্মল য়াম্না তাঙলম্মি। গীতা অমসুং রমায়ন য়াওদনা ঐখোয়গী খুন্নাইনা করম্না হিংগনি হায়বসি অমুক্তা খনবীয়ু? লৌশিং অমসুং ৱাখল্লোনগী হৌরকফম্না কংলবদা, খুন্নাইনা মচায় মচায় তারক্কে তৌরকই। অদুবু মরুপশিং, ঐখোয়না ৱাফম অমদি নীংশিংগদবনি। ঐখোয়গী মতম নাইদ্রবা ভারতকী খোঙচৎ অসিদা, ঐখোয়না শেংদোকপা অমসুং হেন্না ফহনবা মতৌগা লোয়ননা অমুক্কা হন্না থোক্লকপগী থাক কয়া অমা লাকখি। অতোপ্পগী খন্দবা অমসুং অকি অখঙ পোকহনবগী থৌওংনা থেংখাং কয়া অমদা মপাঙ্গল য়াম্না লৈখি অমসুং ইরাং কয়া অমনা অচুম্ববু নম্থদুনা থমখি। অদুবু, মদুগুম্বা মতমশিং অদুদা, ঐখোয়গী খ্বাইদগী চাউবা মতেংদি শ্রীমদ ভগবদ গীতা মশামক্তগী লাকখিঃ “য়দা য়দা হি ধর্মস্য গ্লানির্ভৱতি ভারত। অভ্যুৎথানমধর্মস্য তদাত্মানং সৃজাম্যহম॥ মসিনা হায়বদি, ধর্ম, অচুম্বগী ওথোরিতীগা মরী লৈননা ইরাং হেক হেক লাকপগা, মদুবু ঙাক শেন্নবগীদমক্তা ইশ্বর শানফোংলকই। অদুগা গীতাগী তরাশুবা তাঙ্কক্না ইশ্বরনা শাইওন কয়াদা শানফোং হায়না পল্লি। করিগুম্বা মতমদা, লাইনীংবা অমনা খুন্নাই অমদা অনৌবা মাইকৈ তাক্নবা থোক্লকই, অদুগা গীতা প্রেসকুম্বা ইন্সতিত্যুসনশিং অসি মীওইবা খুন্নাইগী ভেল্যু অমসুং ৱাখল্লোন হিংগৎহন্নবা পোক্লকই। মরম অদুনা, গীতা প্রেসনা ইং 1923দগী মখোয়গী থবক হৌখি, মখোয়না ভারতকী ৱাখল তাবা অমসুং নীংথিনা খন্থবগী থৌওংগী খোঙজেল য়াঙশিলহনখি। গীতা য়াওনা ঐখোয়গী ধর্মগী স্ক্রিপচরশিংনা য়ুম্থোং খুদিংদা পাউজেল পীবগী থৌওং হৌরকখি। ভারতকী ৱাখল্লোন অসি অমুক্কা হন্না হিংগৎপা হৌরকখি। মসিগুম্বা স্ক্রিপচরশিং অসিনা ইমুংগী চৎনবী হৌদোকরকখি অমসুং অনৌবা চারোন শুরোন্না ঐখোয়গী শেংলবা লাইরিক্কা মরী লৈনবা হৌরকখি অমসুং তুংগী মতমগী লমজিং মৈরা ওইবা হৌরকখি।
মরুপশিং,
ঐখোয়গী পান্দম অসিনা অশেংবা ওইরবা অমসুং অদোমগী ভেল্যুনা তশেংবা ওইবা মতমদা, মায় পাকপা অসি শোইদনা লাকই হায়বসি গীতা প্রেসনা খুদম অমা ওইরি। গীতা প্রেস অসিদি ঐখোয়গী সোসিএল ভেল্যুবু লেপ্তনা মগুন লৈখৎহনবা অমসুং মীয়ামদা ইশাগী থৌদাংগী লম্বী তাকপা ইন্সতিত্যুসন অমনি। গঙ্গাবু লু-নান্না থম্বা ওইরো, য়োগগী সাইন্স ওইরো, ভারতকী পুন্সি মহিংবু মীয়ামদা খঙহন্নবা পতাঞ্জলীগী য়োগ সুত্রা, অয়ুর্বেদগা মরী লৈনবা ‘আরোগ্যা অঙ্ক’, ‘জীবনচার্য়া অঙ্ক’, অমসুং খুন্নাইগী সেবা তৌবগী অশেংবা ৱাখল্লোনবু মপাঙ্গল কনখৎহন্নবা ‘সেবা অঙ্ক’ অমদি ‘দান মহিমা’ নম্বগী থৌওং ওইরো, মসিগুম্বা হোৎনজমনশিংদা লৈবাক শেম্বগী ইথিল ময়েক শেংনা উবা ফংই।
মরুপশিং,
লাইনীংবশিংনা পেনান্স তৌবা খুদিংমক অমত্তা লেম্না মাঙদে, মখোয়গী ৱারেপ অমত্তা লেম্না মাঙদে। মখোয়গী ৱারেপ অসিনা মরম ওইরগা ঙসি ভারতনা অনৌবা মায় পাকপা কয়া ফংবা ঙম্লিবনি। মীখা পোনবগী ৱাখল্লোন্দগী মপান থোক্লক্তুনা ইশাগী হেরিতেজকীদমক্তা চাউথোকচবা মতম লাক্লবনি হায়না ঐহাক্না লাল কিলাগী ফম্বাক্তগী মসিমক হায়খিবনি। মসিমক্না মরম ওইরগা, লৈবাক অসিনা চাউখৎ থৌরাংগা লোয়ননা হেরিতেজকী লমদা মাঙজিল থানা তুংলমচৎকী মাইকৈদা ঐখোয়না চঙশিল্লি হায়না ঐহাক্কী ৱারোলগী অহৌবদা হায়খিবনি। ভারতনা ঙসি নাকল অমদা, দিজিতেল তেক্নোলোজীগী লমদা অনৌবা রেকোর্দ কয়া থম্লি, অদুগা অতোপ্পা নাকল অমদনা, কাশীগী বিশ্বানাথ ধামগী লাইওইরবা শক্তম্না লৈবাক মীয়াম মাঙদা চহি চা কয়াগী মতুংদা অমুক্কা হন্না শাফোংলি। ঐখোয়না মালেমগী থাক্কী ইনফ্রাস্ত্রকচর শারি, অদুগা নাকল অমদনা, কেদার্নাথ অমসুং মহাকাল মহালোক্কুম্বা লাইনীংফমগী নীংথিরবা শক্তম উবা ফংলি। অয়োধ্যাদা লৈবারামগী নীংথিরবা লাইশঙ অমা লৈবা হায়বা ঐখোয়গী মঙলান অসি চহি চা কয়াগী মতুংদা মঙফাওনরক্লি। ঐখোয়গী নেভীনা মীখা পোনবগী ইনসিগনিয়াবু নিংতম্বগী চহি 75গী মতুংদা ফাওবা অদুমক থম্লি। ভারতকী পার্লিয়ামেন্তকী হেক নাকলদা লৈরিবা দিল্লী কোনুংদা ঐখোয়না ইংলিশকী চৎনবী ঙসিসি ইন্দুনা চৎলি। ঐখোয়না ইশাদা থাজবগা লোয়ননা মসিবু হোংদোক্নবা হোৎনরি। ঐখোয়না ইশাগী হেরিতেজ অমসুং ৱাখল্লোনবু মশাগী লৈফম থোকপা মফমদা থম্লি। মসিনা মরম ওইরগা, ঐখোয়গী ইন্দিয়ন নেভীগী ফিরালনা ছত্রপতি শিবাজী মহারাজগী মতমদা শিজিন্নরম্বা সিম্বোল হৌজিক উৎলি। মীখা পোল্লিঙৈ মতমগী রাজপাথ অসিনা কর্তব্যা পাথ ওইনা মিং ওন্দুনা ইশাগী থৌদাং ইনবগী ইথিল পীরি। ঙসিদি, ত্রাইবেল ফ্রীদম ফাইতর ম্যুজিয়ম কয়া লৈবাক শিনবা থুংবগী মফমশিংদা লিংখত্তুনা লৈবাক্কী ত্রাইবেল ত্রেদিসনবু ইকায় খুম্নরি।ঐখোয়গী লাইশঙশিংদগী হুরানখিবা অরিবা মতমগী শেংলবা মুর্তী কয়া মশাগী অশেংবা লাইশঙশিংদা অমুক হল্লক্লে। ঐখোয়গী মুনি-ঋষিশিংনা তাকপীরম্বা চাউখৎপা অমসুং স্পিরিচুএল ওইবা ভারতকী ৱাখল্লোন অসিনা তসেংনা ৱাহন্থোক লৈবগী মতৌ ঐখোয়না ঙসি উবা হৌরক্লে। ঐখোয়গী মুনি-ঋষিশিংনা ইন্দুনা চৎলম্বা স্পিরিচুএল ওইবা থবক-থৌরমশিংনা ভারতনা হীরম খুদিংদা চাউখৎপগী থৌওংদা পাঙ্গল শক্তি হাপ্পীরি। ঐখোয়না মপাঙ্গল লৈবা অনৌবা ভারত অমা শেমগনি অমসুং মালেমগী য়াইফ য়ুম্বালগী পান্দম অসিবুসু মায় পাকপা ওইহল্লগনি। ঙসিগী শেংলবা থৌরম অসিদা অদোমগী মরক্তা তিন্নবা অদোম্না ঐহাক্কী ইফমদা খুদোংচাবা পীবিবগীদমক্তা ঐহাক্না থাগৎচরি। ঙসিগী শেংলবা থৌরম অসিদা অদোমগী মরক্তা য়াওজবা ফংবসি ঐহাক্কী লাইবক ফবনি। ঐহাক্না অদোম খুদিংবু থম্মোই শেংনা থাগৎচবগা লোয়ননা পুম্নমক্কী মফমদা য়াইফ পাউজেল পীজরি।
***
(Release ID: 1938243)
Visitor Counter : 116
Read this release in:
Bengali
,
English
,
Urdu
,
Hindi
,
Marathi
,
Punjabi
,
Gujarati
,
Odia
,
Tamil
,
Kannada
,
Malayalam