রাজ্যশিংনা পৱার সেক্তরদা অওনবশিং পুরক্নবা পায়খৎলিবা থবকশিং পুক্নিং থৌগৎপা অমা ওইনা অহেনবা শেনফম পুনবা অয়াবা পীবগী মওংদা ফাইনান্স মিনিস্ত্রিগী এক্সপেন্দিচর দিপার্তমেন্তনা শেন-থুমগী খুদোংচাবা পীরে। পৱার সেক্তরদা থবক ফজনা পাংথোকপা হেনগৎহন্নবা পায়খৎলিবা অওনবশিংদা রাজ্যশিংগী পুক্নিং থৌগৎনবা অমসুং মতেং পাংনবা পান্দমদা থবক অসি পায়খৎলকপনি।

থবক অসি কেন্দ্রগী বজেত ২০২১-২২দা য়ুনিয়ন ফাইনান্স মিনিস্তরনা লাউথোকখিবনি। থৌরাং অসিগী মখাদা, চহি মরিগী মতম হায়বদি ২০২১-২২দগী ২০২৪-২৫ ফাওবা চহিগী ওইনা রাজ্যশিংনা গ্রোস স্তেৎ দোমেস্তিক প্রদক (জি এস দি পি)গী চাদা ০.৫ অহেনবা ওইনা পুবা য়ারগনি। রাজ্যশিংনা পৱার সেক্তরদা অকক্নবা অওনবশিং পুরক্নবা ঙম্নবা মসিগী অহেনবা শেন-থুমগী খুদোংচাবা অসি পীবনি।

মসিগী থবক অসিনা রাজ্য সরকারশিংনা অওনবা পুরক্নবা থবকশিং পায়খৎপা হৌহল্লে অমসুং মখোয়না পায়খৎখিবা অওনবা থবকশিংগী অকুপ্পা মরোলশিং রাজ্য কয়ানা পীখৎলক্লে অমসুং পৱার মিনিস্ত্রিদা তোঙান-তোঙানবা হিরমদা মাইপাকপা ঙম্লে।

পৱার মিনিস্ত্রিগী পাউতাক মতুংইন্না, ২০২১-২২ অমসুং ২০২২-২৩দা অওনবশিং পুরক্নবা ফাইনান্স মিনিস্ত্রিনা রাজ্য ১২দা অয়াবা পীখ্রে। হৌখিবা শেনবা চহি অনি হেনবদা, অহেনবা শেনফমশিং পুনবা অয়াবা পীবদগী মখোয়না লুপা করোর ৬৬,৪১৩গী শেনফম লৌনবা অয়াবা পীখ্রে।

অওনবা পুরক্নবা থবকশিংগীদমক রাজ্য অমনা পুবা য়াবা শেনফমগী মরোলশিং মখাদা পীরি:

শেনবা চহি ২০২৩-২৪দা রাজ্যশিংনা পৱার সেক্তরগী অওনবশিং পুরক্নবা অহেনবা শেনফম পুনবা খুদোংচাবা পীগনি। হায়রিবা অওনবশিং অসি পুরক্নবা ২০২৩-২৪দা রাজ্যশিংনা লুপা করোর ১,৪৩,৩৩২গী শেনফম পুবা য়াগনি। ২০২১-২২ অমসুং ২০২৩-২৪দা অওনবশিং পুরকপা ঙমখিদবা রাজ্যশিং করিগুম্বা মখোয়না চৎলিবা শেনবা চহি অসিদা অওনবশিং পুরক্লবদি ২০২৩-২৪গী খাক্তুনা থম্লিবা শেনফমশিং শেন পুবা য়াগনি।

পৱার সেক্তরগী অওনবশিং পুরক্নবা শেন পুনবা খুদোংচাবা পীবগী মরুওইবা পান্দমদি সেক্তর অসিদা থবক ফজনা পাংথোকপা হেনগৎহনবা অমসুং শেন পীরগা লৈবা মৈ শীজিন্নবা হেনগৎহনবনি।

খুদোংচাবা অসি ফংনবগীদমক, রাজ্য সরকারশিংনা তঙাইফদবা অওনবশিং অসি পায়খৎকদবনি অমসুং পান্দমশিং য়ৌবা ঙমগদবনি। দরকার ওইবা অওনবশিংগী মনুংদা য়াওরি:

• পব্লিক সেক্তর পৱার দিস্ত্রিবিউসন কম্পেনিশিং( দিস্কোম) শিংনা অফবা থবক পায়খৎপদা অমাং-অতা থোকপগী দাইত্ব রাজ্য সরকারনা পুবা।
• সবসিদিশিং পীবা অমসুং দিস্কোমশিংদা সরকারনা পীগদবা শেনফমশিং অমসুং দিস্কোমশিংনা অতোপ্পা পীগদবশিং রেকোর্দ তৌবা য়াওনা শেন-থুমগী থবকশিংগী পাউ পীবদা অরোন-অথুপ থমদবা।
• মতম চানা শেন-থুম অমসুং  ইনর্জি একাউন্তশিং ওদিৎ পাংথোকপা।
• আইন অমসুং চৎন-কাংলোনশিংগী দরকার ওইবশিং ঙাক্না চৎপা।

হায়রিবা অওনবশিং অসি পায়খৎলবা মতুংদা, রাজ্য অমগী ফিবম য়েংশিনগনি অমসুং মখোয়না ফংবা য়াবা শেন্থং লেপকনি অমসুং মসি জি.দি.পিগী চাদা ০.২৫ দগী ০.৫ ফাওবগী মনুংদা ওইগনি। ইভালুএসন তৌবা অসিদা য়াওরি:

• অপুনবা ওইনা ইনর্জি শীজিন্নখিবগা চাংদম্নবদা  মিতরদা ফংলিবা মৈ শীজিন্নখিবগী চাংগী চাদা, লৌউ শিংউগী শীজিন্নখিবা য়াওনা।
• কঞ্জুমরশিংদা দি.বি.তিদা পীখিবা সবসিদি
• এগ্রিগেত তেক্নিকেল এন্দ কম্মর্সিএল( এ তি এন্দ সি) দা  মৈ মাঙবা হন্থহন্নবা পান্দমশিং ফংবা। 
• এভরেজ কোস্ত সপ্লাই অমসুং এভরেজ   রিএলাইজেবল রেভিনিউ (এ সি এস-এ আর আর)গী অহোবা হন্থহন্নবা পান্দম ফংবা।
• ক্রোস সবসিদিশিং হন্থহনবা।
• সরকারগী দিপার্তমেন্তশিং অমসুং লোকেল বোদিশিংনা ইলেক্ত্রিক বীলশিং পীবা।
• সরকারগী ওফিসতা প্রিপেদ মিতরশিং পানবা।
• অনৌবা তেক্নোলোজিশিং শীজিন্নবা।

মখা তানা, পৱার দিস্ত্রিবিউসন কম্পেনিশিং প্রাইভেতাইজেসন তৌবগীদমক রাজ্যশিং বোনস মার্কশিং ফংবা য়াই।

রাজ্যশিংগী ফিবম য়েংনবা অমসুং অহেনবা শেনফম পুবা য়ানবা মখোয়গী ইলিজিবিলিতি লেপ্নবা পৱার মিনিস্ত্রিনা নোদেল মিনিস্ত্রি ওইনা থবক তৌরি।

****