য়ুমলৈ-কৈরৈ মন্ত্রালয়
য়ুনিয়ন হোম অমসুং কোওপরেশন মিনিস্তর, শ্রী অমিত শাহনা “ইন্তর্নেস্নেল দে এগেন্সত দ্রগ এব্যুস এন্দ ইলিসিত ত্রাফিকিং”দা পীখিবা পাউজেল
প্রধান মন্ত্রী, শ্রী নরেন্দ্র মোদীগী লমজিং লমতাক মখাদা, মিনিস্ত্রী ওফ হোম এফিয়র্সনা লৌখৎখিবা নার্কোতিক্সকী মায়োক্তা ঙাকপীদবগী পোলিসী অদুনা ঙসিদি মাইপাক্না ফল পুরক্লে
মোদী সরকারগী “হোল ওফ গোবর্নমেন্ত এপ্রোচ”না পোলিসী অসিগী য়াম্না মরু ওইবা য়ুম্বি অমা ওইরি, মসিদা তোঙান-তোঙানবা ফিপার্তমেন্তশিংগী মরক্তা কোওর্দিনেশন পীনবনা মসিগী পোলিসী অসিবু হেন্না ফজনা মথৌ তৌবা ঙমহল্লি
“ইন্তর্নেস্নেল দে এগেন্সত দ্রগ এব্যুস এন্দ ইলিসিত ত্রাফিকিং”গী থৌরম অসিদা, ঐহাক্না দ্রগসকী মায়োক্তা লান্থেংনরিবা ওর্গনাইজেশনশিং অমসুং মীশিংবু থাগৎপা ফোংদোক্লি
ভারত্তা নার্কোতিক্সকী ত্রেদ অমত্তা তৌহল্লোই, লোইন-লোইননা ঐখোয়না ভারতকী কুত্থাংদা মালেম অসিদা দ্রগশিং পুথোক-পুশিনশু তৌহল্লোই হায়বসি ঐখোয়গী অচেৎপা ফিরেপ্নি
২০৬-১৩দা লুপা করোর ৭৬৮ রোমগী ওইবা দ্রগশিং ফাগৎখি, হায়রিবা অসি ২০১৪-২২দা লুপা করোর ২২,০০০ য়ৌদুনা শরুক ৩০ রোম হেনগৎলকখি, হান্নগী মতমগা চাংদম্নবদা দ্রগ লালোনবশিংগী মায়োক্তা কেস ১৮১% হেন্না রেজিস্তর তৌখ্রে
মসিনা মোদী সরকারগী দ্রগ ফ্রী ওইবা ভারত অমগী কমিতমেন্ত অদুবু উৎলি
ফগৎখ্রবা দ্রগশিং অদুবু অমুক হন্
Posted On:
26 JUN 2023 11:55AM by PIB Imphal
য়ুনিয়ন হোম অমসুং কোওপরেশন মিনিস্তর, শ্রী অমিত শাহনা হায়খি মদুদি প্রধান মন্ত্রী, শ্রী নরেন্দ্র মোদীগী লমজিং-লমতাক মখাদামিনিস্ত্রী ওফ হোম এফিয়র্সনা লৌখৎখিবা নার্কোতিক্সকী মায়োক্তা ঙাকপীদবগী পোলিসী অদুনা ঙসিদি মাইপাক্না ফল পুরক্লে। মোদী সরকারগী “হোল ওফ গোবর্নমেন্ত এপ্রোচ”না পোলিসী অসিগী য়াম্না মরু ওইবা য়ুম্বি অমা ওইরি, মসিদা তোঙান-তোঙানবা ফিপার্তমেন্তশিংগী মরক্তা কোওর্দিনেশন পীনবনা মসিগী পোলিসী অসিবু হেন্না ফজনা মথৌ তৌবা ঙমহল্লি।
“ইন্তর্নেস্নেল দে এগেন্সত দ্রগ এব্যুস এন্দ ইলিসিত ত্রাফিকিং”দা পীখিবা মহাক্কী পাউজেল অমদা, য়ুনিয়ন হোম মিনিস্তরনা হায়খি মদুদি ঙসি জুনগী ২৬কী “ইন্তর্নেস্নেল দে এগেন্সত দ্রগ এব্যুস এন্দ ইলিসিত ত্রাফিকিং”গী থৌরম অসিদা, ঐহাক্না দ্রগসকী মায়োক্তা লান্থেংনরিবা ওর্গনাইজেশনশিং অমসুং মীশিংবু থাগৎপা ফোংদোক্লি। হন্দক্কী মতাং অসিদশু নার্কোতিক্স ব্যুরো (এন.স.বি.)না ভারত পুম্বগী ওইনা ‘নশা মক্ত পখ্বারা’ শিনবা অসি য়াম্না নুংঙাইবা ৱাফম্নি।
য়ুনিয়ন হোম মিনিস্তরনা হায়খি মদুদি ভারত্তা নার্কোতিক্সকী ত্রেদ অমত্তা তৌহল্লোই, লোইন-লোইননা ঐখোয়না ভারতকী কুত্থাংদা মালেম অসিদা দ্রগশিং পুথোক-পুশিনশু তৌহল্লোই হায়বসি ঐখোয়গী অচেৎপা ফিরেপ্নি। দ্রগশিংগী মায়োক্তা লৌখৎলিবা কেমপেন অসিদা, লৈবাক অসিগী মরু ওইবা এজেন্সী পুম্নমক, মরু ওইনা “নার্কোতিক্স কন্ত্রোল ব্যুরো”না মখোয়গী লান লেপ্পা লৈতনা শোক্নরি। কেমেপেন অসিবু হেন্না মপাঙ্গল কনখৎহন্নবা, মিনিস্ত্রী ওফ হোম এফিয়র্সনা ২০১৯দা এন.সি.ও.আর.দি. লিংখৎখি অমসুং রাজ্য খুদিংমক্কী পুলিস দিপার্তমেন্ততা এন্তি নার্কোতিক্স তাস্ক ফোর্স (এ.এন.তি.এফ.) শেমখি, এ.এন.তি.এফ.কী অহানবা কনফরেন্স অসু দিল্লীদা ২০২৩ এপ্রিলদা পাংথোকখি।
শ্রী অমিত শাহনা হায়খি মদুদি দ্রগশিং লান্ন শিজিন্নবগী অমসুং মসিগী সাইদ ইফেক্তশিং অদুগী মায়োক্তা মতিক চাবা ফোরমশিংগী খুত্থাংদা নেস্নেল লেভেলদা লান চংবগী খোংফমদা কেমপেন পাংথোকখি। দ্রগশিংগী মায়োক্তা পাাক শন্না অমসুং নিংথিনা কোওর্দিনেত তৌদুনা পাংথোকখিবা লান অদুনা মরম ওইরগা ২০৬-১৩দা লুপা করোর ৭৬৮ রোমগী ওইবা দ্রগশিং ফাগৎখি, হায়রিবা অসি ২০১৪-২২দা লুপা করোর ২২,০০০ য়ৌদুনা শরুক ৩০ রোম হেনগৎলকখি। হান্নগী মতমগা চাংদম্নবদা দ্রগ লালোনবশিংগী মায়োক্তা কেস ১৮১% হেন্না রেজিস্তর তৌখ্রে। মসিনা মোদী সরকারগী দ্রগ ফ্রী ওইবা ভারত অমগী কমিতমেন্ত অদুবু উৎলি। ফগৎখ্রবা দ্রগশিং অদুবু অমুক হন্না শিজিন্নবদগী থিংনবা ২০২২গী জুনদা মাংহনবগী কেমপেন অমা হৌখি, কেমপেন অসিগী মখাদা হৌজিক ফাওবদা লৈবাক শিনবা থুংনা ফগৎখিবা নার্কোতিকশিং অদুগী চাউরাক্না কে.জি. লাখ ৬ লোম মাংহনখ্রে।
য়ুননিয়ন হোম অমসুং কোওপরেশন মিনিস্তরনা হায়খি মদুদি দ্রগ কলতিভেশন পু ওইরো নত্রগা মীয়ামদা এৱেয়রনেস পীবগী মতাংদবু ওইরো, মিনিস্ত্রী ওফ হোম এফিয়র্সনা ইনস্তিত্যুশন খুদিংমক্কা অমসুং রাজ্যশিংগা খুৎশম্নদুনা “দ্রগ ফ্রী ইন্দিয়া” অমগীদমক্তা অঙম্বা খুদিংমক তৌরি, অদুবু দ্রগশিংগী মায়োক্তা চত্থরিবা লান অসি মীয়াম্না শরুক য়াদনা মাইপাকপা ঙম্লোই। ঐহাক্না ইরৈচাশিং পুম্নমক্তা মখোয়না মশাবু অমসুং মখোয়গী ইমুং-মনুংশিংবুশিংবুশু দ্রগশিংদগী য়ারিবমখৈ থাপ্না লৈনবা আপীল তৌরি। দ্রগশিংনা নহা ওইরিবা মীরোল অমসুং খুনাই অসিবু তিন চংহনবদা নত্তনা মসি স্মগ্লিং তৌবদগী ফংলকপা শেল অদুবু লৈবাক অসিগী সেক্যুরিতীগী মায়োক্তা শিজিন্নৈ। ঐহাক্না মীয়ামদা দ্রগশিংবু লান্ন শিজিন্নবগী মায়োক্তা চংশিল্লিবা লান অসিদা হকথেংননা শরুক য়াবীনবা অমসুং সেক্যুরিতী এজেন্সীশিংদা মখোয়গী অকোইবদা দ্রগ লাল্লোনবগী থবকসিংগী মতাংদা ই-পাউ পীনবা আপীল তৌরি।
শ্রী অমিত শাহনা হায়খি মদুদি ময়াম পুন্না হোৎনমিন্নদুনা, ঐখোয়না দ্রগশিংগী প্রোব্লেম অসিবু মরু ফংন আমুত্থৎপা ঙমগনি অমসুং ‘দ্রগস-ফ্রী ওইবা ভারত’ অমগী পান্দম অদুবু ফংবা ঙমগনি হায়না ঐহাক্না থাজৈ। ঐহাক্না অমুক্কশু হন্না এন.সি.বি. অমসুং অতোপ্পা ইনস্তিত্যুশনশিংবুশু মোদী সরকারগী ফিরেপ অসিগী মাইকৈদা মখোয়না শরুক য়াবগীদমক্তা থাগৎপা ফোংদোক্লি অমসুং ঐহাক্না আশা তৌরি মদুদি ঐখোয়না দ্রগশিংগী মাবোক্তা চত্থরিবা লান অসি মাইপাক্ত্রিবা ফাওবা পোত্থারোই।
*****
(Release ID: 1935518)
Visitor Counter : 102