মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়

চহি ৯দা সেলস গ্রোথ চাদা চাদা ৩৩২ রেজিস্তার তৌবগীদমক কে.ভি.আই.সি.না পুৱারী শেমখ্রে

Posted On: 08 JUN 2023 7:29PM by PIB Imphal

ইকায় খুম্নরিবা প্রধান মন্ত্রী শ্রী নরেন্দ্র মোদীগী লুচিং মখাদা ‘আত্মনির্ভর ভারত অভিয়ান’বু খাদি অমসুং ভিলেজ ইন্দস্ত্রিজ কমিসন (কে.ভি.আই.সি.)না অনৌবা অৱাংবা থাক্তা য়ৌহন্দুনা মালেমগী মাংদা অচৌবা ভারত অমগী মমি অমা লান্থোক্লে। নিং-তম্বা ভারতকী পুৱারীদা অহানবা ওইনা খাদি অমসুং ভিলেজ ইন্দস্ত্রিজ কমিসন প্রদক্তশিংগী তর্নওবর লুপা করোর লাখ ১.৩৪ হেনখ্রে। হৌখিবা শেনবা চহি ৯দা খুঙ্গং লমদমশিংদা লৈরিবা আর্তিসিয়ানশিংনা শাবা ইন্দেজিনস খাদি প্রদক্তশিং য়োনবদা চাদা ৩৩২গী অমুক্তা ওইখিদ্রিবা গ্রোথ অমা লৈখ্রে। শেনবা চহি ২০১৩-১৪দা খাদি অমসুং ভিলেজ ইন্দস্ত্রিজ প্রদক্তশিংগী তর্নওবর লুপা করোর ৩১,১৫৪ ওইখিবা মতমদা মসি শেনবা চহি ২০২২-২৩দা লুপা করোর ১,৩৪,৬৩০গী খ্বাইদগী ৱাংবা থাক্তা হেনগৎতুনা হৌজিক ফাওবদা ক্বাইদগী ফবা এচিবমেন্ত ওইরি। মদুগা মান্ননা কে.ভি.আই.সি.না খুঙ্গং লমদমশিংদা অনৌবা জোব ৯,৫৪,৮৯৯ শেমগৎতুনা অনৌবা মাইলস্তোন অমা শেমলে।

কে.ভি.আই.সি.গী চিয়রমেন শ্রী মনোজ কুমারনা এচিবমেন্ত অসিগী ক্রিদিত মহাত্ম গান্ধীগী অশেংবা ইন্সপিরেসন, ইকায় খুম্নরিবা প্রধান মন্ত্রী শ্রী নরেন্দ্র মোদীগী ‘ব্রান্দ শক্তি’ অমসুং লৈবাক্কী মনুং হুঞ্জিনবা খুঙ্গংশিংদা থবক তৌরিবা আর্তিসানশিংগী চোকথবা নায়দ্রবা অকনবা থবক্তা পীখি। মহাক্না হায়খি মদুদি ইকায় খুম্নরিবা প্রধান মন্ত্রী শ্রী নরেন্দ্র মোদীনা লৈবক অসিদা অমসুং মপান লৈবাক্তা প্লেতফোর্ম খুদিংদা খাদি প্রমোত তৌরি, মদুনা মরম ওইদুনা খাদিগী পোত্থোকশিং অসি মীয়াম্না পাম্বা হেনগৎলক্লি। মহাক্না হায়খি মদুদি ঙসিদি খাদিগী পোত্থোকশিং অসি মালেমদা খ্বাইদগী থাজবা থম্বা ব্রান্দশিংগী মরক্তা চল্লে। শেনবা চহি ২০১৩-১৪দগী ২০২২-২৩ ফাওবদা কে.ভি.আই. পোত্থোকশিং পুথোকপদা চাদা ২৬৮ হেনগৎলে, য়োনখিবগী ফিগর চাদা ৩৩২ য়ৌদুনা রেকোর্দ পুম্নমক থুগায়রে। মসি ৱাফম অসিগী প্রমান্নি মদুদি ‘মেক ইন ইন্দিয়া’, ‘ভোকেল ফোর লোকেল’ অমসুং ‘স্বদেশি প্রদক্তস’দা লৈবাক মীয়ামগী থাজবা হেনগৎলে। 

কেন্দ্রদা ‘মোদী সরকার’গী চহি ৯গী মতম মনুংদা কে.ভি.আই.সি.না হোৎনদুনা ‘প্রোসপরিতী ফ্রোম সেল্ফ-রেলিয়েন্স’গী অদুগুম্লবা রেকোর্দ ৯ শেমগৎলে মদুনা খাদিবু অনৌবা পুন্সী পীরে।

  1. কে.ভি.আই. পোত্থোকশিং পুথোকপদা অমুক্তা ওইখিদ্রিবা মওংদা হেনগৎপা – শেনবা চহি ২০১৩-১৪দা কে.ভি.আই. পোত্থোকশিং পুথোকপা লুপা করোর ২৬,১০৯ ওইখিবদা মদু শেনবা চহি ২০২২-২৩দা মসি লুপা করোর ৯৫৯৫৭ য়ৌদুনা চাদা ২৬৮ হেনগৎলে। প্রদক্সনগী ফিগর অসিনা অচেৎপা প্রমান ওইরে মদুদি কে.ভি.আই.সি.না খুঙ্গং লমদমশিংদা শিংথানিংঙাই ওইরবা থবক তৌরি।
  2. কে.ভি.আই. পোত্থোকশিং য়োনবা খংহেন হেনগৎপা – হৌখিবা শেনবা চহি ৯দা, কে.ভি.আই. পোত্থোকশিং য়োনবদা চহি খুদিংগী অনৌবা রেকোর্দশিং শেম্লে। শেনবা চহি ২০১৩-১৪দা য়োনখিবা অসি লুপা করোর ৩১,১৫৪ মমল ওইদুনা চাদা ৩৩২ হেনগৎখি, শেনবা চহি ২০২২-২৩দা মসি লুপা করোর ১,৩৪,৬৩০ য়ৌদুনা হৌজিক ফাওবগী খ্বাইদগী ৱাংবা ওইরি।    
  3. খাদি ফেব্রিকশিং পুথোকপদা অনৌবা রেকোর্দ – হৌখিবা চহি ৯দা খাদি ফেব্রিকশিং পুথোকপদা মপা লৈতবা গ্রোথ অমসু লৈরে। শেনবা চহি ২০১৩-১৪দা খাদি ফি-রোলশিংগী প্রদক্সন লুপা করোর ৮১১ ওইদুনা চাদা ২৬০ হেনগৎখি, শেনবা চহি ২০২২-২৩দা মসি লুপা করোর ২৯১৬ য়ৌদুনা হৌজিক ফাওবদা খ্বাইদগী ফবা পর্ফোমেন্স ওইরি।
  4. খাদি ফেব্রিক য়োনবসু অনৌবা পুৱারী অমা শেম্লে – হৌখিবা শেনবা চহি ৯দা খাদি ফেব্রিকশিংগী দিমান্দদসু লেপ্পা লৈতনা হেনগৎলক্লি। শেনবা চহি ২০১৩-১৪দা মসি শুপ্নগী লুপা করোর ১০৮১ খক্তমক য়োনখি, শেনবা চহি ২০২২-২৩গী মনুংদা মসি চাদা ৪৫০ হেনগৎতুনা লুপা করোর ৫৯৪৩ য়ৌখি। কোবিদ-১৯গী মতুংদা ওর্গানিক ফি-রোলশিংগী দিমান্দ মালেম পুম্বদা হেনগৎলকখি।    
  5. এমপ্লোইমেন্ত জেনরেসন অমসুং কমুলেতিব এমপ্লোইমেন্ত জেনরেসনগী অনৌবা রেকোর্দ – কে.ভি.আই.সি.গী মরুওইবা পান্দমদি রুরেল এরিয়াশিংদা য়ারিবমখৈ এমপ্লোইমেন্তগী খুদোংচাবা ফংহনবনি। কে.ভি.আই.সি.না লমশিং অসিদসু হৌখিবা চহি ৯দা রেকোর্দ অমা শেম্লে। শেনবা চহি ২০১৩-১৪দা কমুলেতিব এমপ্লোইমেন্ত অসি ১৩০,৩৮,৪৪৪ ওইখিবদা চাদা ৩৬ হেন্না রেজিস্তার তৌদুনা ২০২২-২৩দা ১৭৭,১৬,২৮৮ য়ৌরে। মদুগা মাননা শেনবা চহি ২০১৩-১৪দা ফংহনখিবা অনৌবা এমপ্লোইমেন্তগী খুদোংচাবা ৫,৬২,৫২১গা চাংদম্নবদা শেনবা চহি ২০২২-২৩দা মসি চাদা ৭০ হেনগৎপগা লোয়ননা এমপ্লোইমেন্তগী খুদোংচাবা ৯,৫৪,৮৯৯ ফংহনখি।
  6. খাদি আর্তিসানশিংগী খুৎশুমনদা রেকোর্দ ওইনা হেনগৎপা – খাদি সেক্তরগা মরী লৈনবা খাদি আর্তিসানশিংসু খাদি ফেব্রিকশিংগী প্রদক্সন অমসুং সেলস হেনগৎলকপগী কানবা ফংলি। শেনবা চহি ২০১৩-১৪দগী হৌরগা মখোয়গী খুৎশুমন চাদা ১৫০ হেনগৎখ্রে। হন্দক্তা ২০২৩গী এপ্রিল ১দগী হৌরগা খাদি আর্তিসানশিংগী খুৎশুমন মখা তানা চাদা ৩৩ হেনগৎখ্রে।
  7. নই দিল্লীগী কনৌত প্লেসতা লৈরিবা ‘খাদি ভবন’গী অনৌবা রেকোর্দ – ২০২২গী ওক্তোবর ২দা নই দিল্লীগী কনৌত প্লেসতা লৈরিবা কে.ভি.আই.সি.গী ফ্লেগশিপ ‘খাদি ভবন’গী য়োনখিবনা মমাংগী রেকোর্দ পুম্নমক থুগায়খি। প্রধান মন্ত্রীগী অপিলদা খাদিবু পামজবশিংনা লোংমা খক্তদা লুপা করোর ১.৩৪গী মমল ওইবা কে.ভি.আই. প্রদক্তশিং লৈদুনা অহানবা ওইনা অনৌবা রেকোর্দ অমা শেমখি।
  8. প্রাইম মিনিস্তরস এমপ্লোইমেন্ত জেনরেসন প্রোগ্রাম (পি.এম.ই.জি.পি.)দগী ‘আত্মনির্ভর ভারত’ শেমগৎপা – প্রধান মন্ত্রী শ্রী নরেন্দ্র মোদীগী স্বদেশি অভিয়ানগা লোয়ননা লৈবাক্কী নহাশিংবু শরু য়াহনবদা পি.এম.ই.জি.পি.না অনৌবা রেকোর্দ অমা শেম্লে। স্কিম অসিনা ‘থবক থিবগী মহুৎ থবক পীবা অমা ওইবা’গী প্রধান মন্ত্রী মোদীগী মংলান মপুং ফাহল্লে। চহি ২০০৮-০৯দগী ২০২২-২৩ ফাওবদা লুপা করোর ২১৮৭০.১৮গী অপুনবা মর্জিন মনী সবসিদী দিসব্রসমেন্ত অমগা লোয়ননা শেনবা চহি অসিদা অনৌবা প্রোজেক্ত লাখ ৮.৬৯ শেমগৎতুনা পুন্না মীওই লাখ ৭৩.৬৭দা এমপ্লোইমেন্তগী খুদোংচাবা ফংহনখ্রে। মসি খক্তা নত্তনা য়ুনিত চাদা ৮০ হেন্না খুঙ্গং লমদমশিংদা শেমগৎলে, মদুগী মনুংদা চাদা ৫০ হেন্না এস.সি., এস.তি. অমসুং নুপী ওন্ত্রেপ্রিন্যুরশিংনা য়ুনিত চাদা ১৪ হেন্নসু শোত্থরিবা জিলাশিংদা শেমগৎলে। চহি ২০২২-২৩গী মনুংদা এচিবমেন্ত অসি য়ুনিত ৮৫১৬৭ ওইখি মদুগী মনুংদা এমপ্লোইমেন্তগী খুদোংচাবা লাখ ৯.৩৭ ফংহনখি।
  9. ‘গ্রামোদ্যোগ বিকাস য়োজনা’গী অনৌবা রেকোর্দ – লাইরবশিংগী য়াইফনবা অমসুং সমাজগী খ্বাইদগী তাবা থাক্তা থবক তৌরিবা আর্তিসানশিংগীদমক কে.ভি.আই.সি.না ‘গ্রাম বিকাস য়োজনা’গী মখাদা মরুওইবা প্রোগ্রাম কয়া অমা পায়খৎলি। ২০১৭-১৮দগী হৌজিক ফাওবদা “হলী মিসন” প্রোগ্রামগী মখাদা অপুনবা বেনেফিসরী ১৯১১৮দা হয়িংখোই উপু অমসুং হয়িংখোই কোলোনী লাখ ১,৮৯,৯৮৯ য়েন্থোকখ্রে। মদুগা মাননা ‘কুমহার সশক্তিকরন’ প্রোগ্রামগী খুত্থাংদা হৌজিক ফাওবদা চফু শাবা লিশিং ২৫ হেনবদা মোদর্ন ইলেক্ত্রিক পোত্তরস হ্বিলশিং য়েন্থোকখ্রে। 

*****



(Release ID: 1932196) Visitor Counter : 264