সেপ্তেম্বর ১৬,২০২২দা সমারকান্দ মীফমদা ভারতনা এস.সি.ওগী চিয়ারমেনগী ফম পায়রে। ভারতনা অহানবা ওইনা চিয়ারমেন ওইবা অসিগী মখাদা, প্রধান মন্ত্রী শ্রী নরেন্দ্র মোদীনা লুচিংদুনা জুলাই ৪, ২০২৩দা ভর্চুএল ওইনা এস.সি.ও লৈবাকশিংগী লুচিংবশিংগী ২৩শুবা মীফম পাংথোক্লগনি।

এস.সি.ও মেম্বর লৈবাকশিং হায়বদি চাইনা, রুসিয়া, কজাখস্তনা, কিরগিজস্তান, পাকিস্তান, তজিকিস্তান অমসুং উজবেকিস্তান মীফম শরুক য়ানবা চেপাউ পীখ্রে। মসিগী মথক্তা, ওজারভর লৈবাকশিং ওইনা ইরান, বেলারস অমসুং মোঙ্গোলিয়া চেবাউ পীখ্রে। এস.সি.ওগী চৎনবী মতুংইন্না, চিয়ারগী গেস্ত ওইনা তুর্কমেনিস্তানসু চেবাউ পীখ্রে। এস.সি.ওগী বোদি অনি- সেক্রেতরিয়েত অমসুং এস.সি.ও রেতস মীফম অসিদা শরুক য়াগনি। মালেমগী লুপ ৬ অমসুং রিজনেল ওর্গনাইজেসনশিংগী লুচিংবশিং হায়বদি য়ু.এন, অসিয়ান, সি.আই.এস, সি.এস.তি.ও, ই.এ.ই.য়ু অমসুং সি.আই.সি.এসু চেবাউ পীখ্রে।

মীফম অসিগী থিমদি “তুৱার্দস এ সেকুর এস.সি.ও’ হায়বনি। এস.সি.ও ২০১৮গী মীফমদা প্রধান মন্ত্রী শ্রী নরেন্দ্র মোদীনা সেকুর হায়রিবা ৱাহৈ অসিগী এক্রোনিয়ম শেমখিবনি অমসুং মসিনা হায়রি সেকুরিতি; ইকোনোমি এন্দ ত্রেদ; কন্নেক্তিবিতি; য়ুনিতি, রেস্পেক ফোর সোভরেন্তি এন্দ তেরিতোরিএল ইন্তেগ্রেতি; ইনভাইরোনমেন্ত। ঐখোয়না এস.সি.ওগী চিয়ারমেন ওইরিঙৈ মনুংদা হায়রিবা থিমশিং অসি খন্নগনি।

ভারতনা চিয়ারমেন ওইরিঙৈদা অনৌবা য়ুম্বীশিং হায়বদি স্তার্দঅপশিং অমসুং ইন্নোবেসন; মহৌশাগী হিদাং-লাংথকশিং; দিজিতেল ইনক্লুসন; নহারোলশিংদা শক্তি পীবা অমসুং বুদ্বিস্ত হেরিতেচ শরুক য়ামিন্নবা অসি শেমগৎলে। মসিগী মথক্তা ঐখোয়গী লৈবাকশিংগী মরক্তা মীগা মীগা লৈনবা মরী ফগৎনবা অমসুং পুৱারি অমসুং সভেত্যগী মরীশিং হেন্না চেৎশিন্নবা থবকশিং পায়খৎকনি। অহানবা এস.সি.ও কলচর অমসুং তুরিজমগী কেপিতেলগী ফ্রেমৱার্ককী মখাদা বরানসীদা তোঙান-তোঙানবা কলচরগী থৌরমশিং পাংথোক্কনি।

ভারতনা এস.ই.ওগী চিয়ারমেন ওইবা অসিনা মেম্বর লৈবাকশিংগী মরক্তা মতেং পাংনবা হেনগৎহনগনি। মিনিস্তর থাক্কী মীফম ১৪ য়াওনা ভারতনা মীফম অমসুং থৌরম ১৩৪ য়ুম্বু ওইগনি। লৈবাক অসিনা চিয়ারমেন ওইদুনা মপুংফাবা এস.সি.ও মীফম অমা ওইহন্নবা ভারতনা পান্দম থম্লি।

****