নোংমাইজিং নুমিত্তা অনৌবা পার্লিয়ামেন্ত হাউসপু লৈবাক মীয়ামদা খুৎশিন্নবা মতমদা পুৱারি অমুক হন্না হঞ্জিল্লগনি।  নুমিৎ অসিদা, ইকাইখুম্নরবা প্রধান মন্ত্রী শ্রী নরেন্দ্র মোদীনা অচান-মীরান খাইদবা অমসুং অচুম্বদা তৌবা সরাকর আমগী শেংলবা খুদম, সেঙ্গোল ফংলগনি অমসুং অনৌবা পার্লিয়ামেন্ত হাউসতা থম্লগনি। মসিগী সেঙ্গোল অসিমক ভারতকী অহানবা প্রধান মন্ত্রী, শ্রী জৱাহরলাল নেহরুনা লুচিংবা কয়া অমগী মমাংদা ওগস্ত ১৪গী নুমিদাংদা মহাক্কী লৈফমদা য়াদুনা লৌশিনখিবা সেঙ্গোল অদুনি।

ভারতকী নিংখা তম্বগী থৌরম অদুদা থোকখিবা থৌদোক পুম্বা নিংশিংলদুনা, হোম মিনিস্তর, শ্রী অমিত শাহনা হায়খি, “নিংখা তম্বগী চহি ৭৫গী মতুংদা ফাওবা, ভারতকী মী অয়াম্বনা পন্দিদ জৱাহরলাল নেহরুদা সেঙ্গোল খুৎশিন্নদুনা ভারতকী শক্তি থংথবগী পাংথোকখিবা থৌরম অসি খঙদে। মসি ভারতকী নিংখা তম্বগী নুংঙাইবা ফোংদোক্লদুনা ১৯৪৭গী ওগস্ত ১৪গী অহিং অদু য়াম্না মরু ওইবা থৌদোক্নি। নুমিৎ অসিগী অহিংদা জৱাহরলাল নেহরুনা তামিল নাদুদা লৈবা থিরুৱাদুথুরাই অধীনম (মত)কী আধীনমশিং (পুরোহিৎশিং)দগী ‘সেঙ্গোল’ অসি ফংখি, মহাক অসি মরু ওইনা থৌরম অসিগীদমক্তা লাকখিবনি। মিৎকুপ অসিমক্তদা ব্রিতিশশিংনা ভারত মচাশিংদা শক্তি থংথখি। ঐখোয়না নিংতম্বনি হায়না নুংঙাইবা ফোংদোক্লিবা অসি ‘সেঙ্গোল’ খুৎশিন্নবা মিৎকুপ অদুনা তাক্লিবনি।”

ইকাইখুম্নরবা প্রধান মন্ত্রীনা সিঙ্গোল অসিবু অমৃত কালগী জাতিগী খুদম ওইনা ওইহন্নবগী ৱারেপ অসি লৌখি। পার্লিয়ামেন্তকী অনৌবা বিল্দিং অসিনা, অধীনম (পুরোহিৎশিং)গা লোইননা থৌরম অসিবু অমুক হন্না পাংথোক্তুনা অমসুং ইকাইখুম্নরবা পি.এম.দা সেঙ্গোল খুৎশিন্নরদুনা থৌদোক অদুমক অমুক হন্না উবা ফংলগনি।

হোম মিনিস্তরনা মখাতানা সেঙ্গোলগী মতংদা শন্দোক্না হায়খি অমসুং হায়খি, “সেঙ্গোল অসিগী নুংগী ওইবা ৱাহন্থোক য়াম্না ৱাংই, মসি তামিলগী ৱাহৈ “সেম্মাই” অসিদগী ওইরকপনি, মসিগী ৱাহন্থোক অসি “পুকচেল শেংবা” হায়বনি। মসি তামিল নাদুগী মমিং লৈরবা ধার্মিক মতকী মকোক থংবা পুরোহিৎশিংনা থৌজাল্লবনি। নন্দিনা “ন্যায়া”গী মতিক ময়াই লৈরবা নিংহন্নবা লৈত্রবা মিৎয়েংগা লোইননা মতোন্দা খুৎনা হক্লে। মরু ওইনা, সেঙ্গোল ফংলিবা মীশক অদুনা অচুম্বগা লোইননা অমসুং অচান-মীরান খাইদনা লৈবাক ঙাক্নবা “য়াথং” (তামিলদা আনাই) অসি লৈ। মীয়ামগী সেবা তৌনবগীদমক্তা খনগৎলবা মীওইশিংনা কৈদৌনুংদা কাওরদবা য়াম্না পুক্নিং চিংশিন্নিংঙাই ওইরিবা অদু মসিমক্নি।”

১৯৪৭গী সেঙ্গোল অদুমক লোক সভাদা ইকাইখুম্নরবা প্রধান মন্ত্রীনা ইনস্তোল তৌরগনি, মসিবু য়াম্না মশক নাইবা মওংদা স্পীকরগী পোদিয়মগা নক্ননা থম্লগনি। মসিবু লৈবাক মীয়াম্না উনবগীদমক্তা উত্থোক্লগনি, অমসুং অখন্নবা থৌদোকশিং পোথোক্কনি।

হোম মিনিস্তর, শহরী অমিত শাহনা হায়খি মদুদি পার্লিয়ামেন্ত হাউস অসি পুৱারি ওইরবা “সেঙ্গোল” অসিবু থম্নবগী খ্বাইদগী হেন্না মতিক চারবা অমসুং শেংলবা মফম্নি।

“সেঙ্গোল” থম্বা অসিনা ১৯৪৭গী ওগস্ত ১৫গী স্পিরিত অদুবু কাওবা ঙম্লোইদবা অমা ওইহল্লি। মসি মপাল নাইদ্রবা আশা, মপাল নাইদ্রবা ওইথোকপা য়াবশিং অমসুং য়াম্না লিংবা অমসুং নুংঙাই-য়াইফবা লৈবাক অমা শেম্নবগী লৌরিবা অচেৎপা ফিরেপ অদুগী খুদম্নি। মসি অমৃত কালগী খুদম অমা ওইরগনি, মসিনা অনৌবা ভারতপু মালেম অসিদা মশাগী মতিকচাবা মফম কনবগী য়াম্না চাউথোকচনিংঙাই ওইবা য়ুগ অমা উবা ফংলগনি।

তামিল নাদু সরকারনা ২০২১-২২গী হিন্দু রেলিজিয়স অমসুং চেরিতেবল এনদোমেন্তস দিপার্তমেন্ত (ঐচ.আর. অমসুং সি.ই.) পোলিসী নোততা রাজ্যগী মতশিংনা লৌখিবা থৌদাংশিং অদুবু য়াম্না চাউধোক্না ফোংখি। মসিগী দোক্যুমেন্ত অসিগী পেরা ২৪দা মতশিংনা রোয়ল কাউন্সেল ওইনা লৌখিবা থৌদাংশিং অদুবু পল্লি।

পুৱারি ওইরবাথৌরাং অসি আধীনমগী প্রেসিদেন্তশিংগা তাথোক-তাশিন তৌনরবা মতুংদা শেমখিবনি। আধীনম প্রেসিদেন্ত ২০ মক মসিগী শেংলবা থৌরম অসিবু অমুক হন্না নিংশিংলদুনা মখোয়গী থৌজালশিং পীনবগীদমক্তা মসিগী য়াইফরবা থৌরম অসিদা শরুক বারগনি। ঐহাক্না মখোয়দা তৌবীমল খঙবা উৎচরি। মসি শাবদা মরি লৈনবা চহি ৯৬ শুরবা শ্রী ৱুম্মিদি নঙ্গারু ছেত্তীজীশু মসিগী য়াম্না শেংলবা থৌরম অসিদা শরুক য়াগনি হায়বসি তাবদা ঐহাক য়াম্না নুংঙাইবা ফাওই। ঐহাক্না মঙোন্দা তৌবীমক খঙবা উৎচরি।

অখন্নবা ৱেবসাইত (sengol1947.ignca.gov.in), সেঙ্গোলগী মতাংদা অকুপ্পা মরোলশিং অমসুং দাউনলোদ তৌবা য়াবা ভীদিওশিংগা লোইননা ঙসিগি থৌরম অদুদা হোম মিনিস্তর লোঞ্চ তৌখ্রে। মহাক্না হায়খি, “ঐখোয়না ভারতকী মীয়ামদা মসিগি পুৱারি ওইরবা থৌরম অসিবু উহনবা অমসুং মসিগী মতাংদা খঙহনবা পাম্লি। মসি ঐখোয় পুম্নমক্কী ওইনা চাউথোকচনিংঙাই ওইবা ৱাফম্নি।”

কেন্দ্র কলচর অমসুং তুরিজমগী মন্ত্রী, শ্রী জি. কিশন রেদ্দী, কেন্দ্রগী ইনফোর্মেশন অমসুং ব্রোদকাস্তিং অমসুং য়ু এফিবর্স অমসুং স্পোর্তসকী মন্ত্রী, শ্রী অনুরাগ সিং থাকুর, অমসুং কলচর মন্ত্রালয়গী সেক্রেতরী, শ্রি গোৱিন্দ মোহনসু প্রেস কনফরেন্স অদুদা শরুক য়াখি।

কেন্দ্রগী হোম অমসুং কোওপরেশনগী মন্ত্রী, শ্রী অমিত শাহগী প্রেস কনফরেন্স মনুংদা উৎখিবা ভীদিও অদু য়েংনবগীদমক্তা  ক্লিক তৌবীয়ু:

******