ঐতিহাসিক ইতিহাসৰ পুনৰাবৃত্তি ঘটাই দেওবাৰে নতুন সংসদ ভৱন ৰাষ্ট্ৰৰ বাবে উৎসৰ্গিত কৰা হ'ব। সেই দিনা মাননীয় প্ৰধানমন্ত্ৰী শ্ৰী নৰেন্দ্ৰ মোদীয়ে ন্যায্য আৰু ন্যায়সংগত শাসনৰ পৱিত্ৰ প্ৰতীক চেংগোল নতুন সংসদ ভৱনত স্থাপন কৰিব। ভাৰতৰ প্ৰথম প্ৰধানমন্ত্ৰী শ্ৰী জৱাহৰলাল নেহৰুৱে ১৪ আগষ্টৰ নিশা কেইবাজনো নেতাৰ উপস্থিতিত তেওঁৰ বাসগৃহত এই একেটা চেংগোলেই গ্ৰহণ কৰিছিল।

ভাৰতৰ স্বাধীনতা উপলক্ষে সংঘটিত সমগ্ৰ অনুষ্ঠানটোৰ কথা স্মৰণ কৰি গৃহমন্ত্ৰী শ্ৰী অমিত শ্বাহে কয়, "স্বাধীনতাৰ ৭৫ বছৰ পাছতো ভাৰতৰ বেছিভাগ লোকে এই ঘটনাৰ বিষয়ে অৱগত নহয় যে ভাৰতৰ ক্ষমতা হস্তান্তৰৰ সময়ত পণ্ডিত জৱাহৰলাল নেহৰুক চেংগোল হস্তান্তৰৰ কৰা হৈছিল। ১৯৪৭ চনৰ ১৪ আগষ্টৰ নিশা ভাৰতৰ স্বাধীনতা উদযাপনৰ সময়ত এই অনুষ্ঠানটো এক বিশেষ অনুষ্ঠান আছিল। সেই নিশা জৱাহৰলাল নেহৰুৱে তামিলনাডুৰ থিৰুভাডুথুৰাইআধিনাম (মঠ)ৰ আধিনাম (পুৰোহিত)ৰ পৰা 'চেংগোল' লাভ কৰে । ঠিক সেই মুহূৰ্তত ব্ৰিটিছসকলে ভাৰতীয়সকলৰ হাতত ক্ষমতা হস্তান্তৰ কৰিছিল। আমি স্বাধীনতা হিচাপে যি উদযাপন কৰি আছো সেয়া প্ৰকৃততে 'চেংগোল' হস্তান্তৰ কৰাৰ মুহূৰ্তৰ দ্বাৰা চিহ্নিত হৈছে।

মাননীয় প্ৰধানমন্ত্ৰীয়ে অমৃত কালৰ ৰাষ্ট্ৰীয় প্ৰতীক হিচাপে চেংগোল গ্ৰহণকৰাৰ সিদ্ধান্ত লৈছে। সংসদৰ নতুন ভৱনটোত এটা অনুষ্ঠান অনুষ্ঠিত কৰা হ'ব, য'ত আধিনাম (পুৰোহিতসকলে) প্ৰাচীন অনুষ্ঠানটো পুনৰাবৃত্তি কৰিব আৰু মাননীয় প্ৰধানমন্ত্ৰীক চেংগোল প্ৰদান কৰিব।

গৃহমন্ত্ৰীয়ে চেংগোলৰ বিষয়ে অধিক বৰ্ণনা কৰি কয়, "চেংগোল তামিল শব্দ "চেম্মাই"ৰ পৰা উদ্ভৱ হৈছে, যাৰ অৰ্থ হৈছে "ধাৰ্মিকতা"। এইটো তামিলনাডুৰ এটা আগশাৰীৰ ধাৰ্মিক মঠৰ উচ্চ পুৰোহিতসকলৰ দ্বাৰা আশীৰ্বাদপ্ৰাপ্ত। নন্দী, "ন্যায়া"ৰ ৰক্ষক হিচাপে ইয়াৰ অটল দৃষ্টিৰে, শীৰ্ষত হাতেৰে খোদিত কৰা হৈছে।  আটাইতকৈ গুৰুত্বপূৰ্ণ কথাটো হ'ল, চেংগোল প্ৰাপ্তকৰ্তাই ন্যায়সংগত আৰু নিৰপেক্ষভাৱে শাসন কৰাৰ "আদেশ" (তামিলত "আনাই") লাভ কৰে। এইটোৱেই আটাইতকৈ আকৰ্ষণীয় কথা, কিয়নো যিসকলে জনসাধাৰণৰ সেৱা কৰিবলৈ নিৰ্বাচিত হৈছে তেওঁলোকে কেতিয়াও এই কথা পাহৰিব নালাগে।"

১৯৪৭ চনৰ সেই একেটা চেংগোল লোকসভাত মাননীয় প্ৰধানমন্ত্ৰীয়ে স্থাপন কৰিব, যি অধ্যক্ষৰ মঞ্চৰ ওচৰত মুখ্যতঃ থাকিব। ইয়াক ৰাষ্ট্ৰবাসীক  প্ৰদৰ্শন কৰোৱা হ'ব আৰু বিশেষ অনুষ্ঠানত ইয়াক উলিয়াই অনা হ'ব।

গৃহমন্ত্ৰী শ্ৰী অমিত শ্বাহে কয় যে ঐতিহাসিক "চেংগোল" স্থাপনৰ বাবে সংসদ ভৱন হৈছে আটাইতকৈ উপযুক্ত আৰু পৱিত্ৰ স্থান।

"চেংগোল" স্থাপনে ১৯৪৭ চনৰ ১৫ আগষ্টৰ ঘটনাক অবিস্মৰণীয় কৰি তুলিব। ই হৈছে সীমাহীন আশা, সীমাহীন সম্ভাৱনা আৰু এক শক্তিশালী আৰু সমৃদ্ধ ৰাষ্ট্ৰ গঢ়ি তোলাৰ সংকল্পৰ প্ৰতীক। ই অমৃত কালৰ প্ৰতীক হ'ব, যিয়ে সেই গৌৰৱময় যুগৰ সাক্ষী হ'ব, য'ত ভাৰতে ইয়াৰ সঠিক স্থান গ্ৰহণ কৰিব।

তামিলনাডু চৰকাৰে ২০২১-২২ বৰ্ষৰ হিন্দু ধৰ্মীয় আৰু দাতব্য এণ্ডোমেণ্ট বিভাগৰ (এইচআৰ এণ্ড চিই) নীতি টোকাত ৰাজ্যখনৰ মঠসমূহে পালন কৰা ভূমিকা গৌৰৱেৰে প্ৰকাশ কৰিছে। এই দস্তাবেজৰ অনুচ্ছেজ ২৪-য়ে ৰাজকীয় পৰামৰ্শদাতা হিচাপে মঠে পালন কৰা ভূমিকাৰ ওপৰত স্পষ্টভাৱে আলোকপাত কৰিছে।

এই ঐতিহাসিক পৰিকল্পনাটো আধিনামৰ অধ্যক্ষসকলৰ সৈতে আলোচনা কৰি প্ৰস্তুত কৰা হৈছে। এই পৱিত্ৰ অনুষ্ঠানটোৰ স্মৃতিত আশীৰ্বাদ প্ৰদান কৰিবলৈ ২০ জন আধিনামৰ অধ্যক্ষও উপস্থিত থাকিব। মই তেওঁলোকৰ প্ৰতি কৃতজ্ঞতা জ্ঞাপন কৰিছো। মই আনন্দিত যে ইয়াৰ নিৰ্মাণৰ সৈতে জড়িত ৯৬ বৰ্ষীয় শ্ৰী ৱুম্মিদিবাঙ্গুৰু চেট্টিজীয়েও এই পৱিত্ৰ অনুষ্ঠানত অংশগ্ৰহণ কৰিব। মই তেওঁৰ প্ৰতি কৃতজ্ঞতা জ্ঞাপন কৰিছো।

আজি অনুষ্ঠানটোত গৃহমন্ত্ৰীয়ে চেংগোলৰ বিষয়ে বিৱৰণ চাব পৰা আৰু ডাউনলোড কৰিব পৰা ভিডিঅ'ৰ সৈতে এক বিশেষ ৱেবছাইট (sengol1947.ignca.gov.in) মুকলি কৰে। তেওঁ কয়, "আমি বিচাৰো যে ভাৰতৰ জনসাধাৰণে এই পৰিঘটনা প্ৰত্যক্ষ কৰক আৰু এই ঐতিহাসিক ঘটনাটোৰ বিষয়ে শিকক। এয়া সকলোৰে বাবে গৌৰৱৰ বিষয়।"

কেন্দ্ৰীয় সাংস্কৃতিক আৰু পৰ্যটন মন্ত্ৰী শ্ৰী জি কিষাণ ৰেড্ডী, কেন্দ্ৰীয় তথ্য আৰু সম্প্ৰচাৰ আৰু যুৱ পৰিক্ৰমা আৰু ক্ৰীড়া মন্ত্ৰী শ্ৰী অনুৰাগ সিং ঠাকুৰ আৰু সাংস্কৃতিক মন্ত্ৰালয়ৰ সচিব শ্ৰী গোবিন্দ মোহনোও আজিৰ সংবাদমেলত উপস্থিত থাকে।

কেন্দ্ৰীয় গৃহ মন্ত্ৰী তথা সহযোগিতা মন্ত্ৰী শ্ৰী অমিত শ্বাহৰ সংবাদমেলত দেখুওৱা ভিডিঅ'টো চাবলৈ ক্লিক কৰক:

******