খুন্নাইগী তোঙান তোঙানবা সেক্সনশিংদগী মীহুৎশিংনা বিজ্ঞান ভবন, নই দিল্লীদা পুন্দুনা, “জন জন কা বিস্বাস” কৌবা সেসন অমদা কমদৌনা লৈঙাক্কী খুজিল থৌরাংশিংনা হৌখিবা চহি মাপনসিদা পুন্না চাওখৎমিন্নবগী লমদা থৌদাং লৌরিবগে হায়বগী মতাঙদা নৈনখ্রে‍। সেসন অদু প্রসার ভারতীনা শীনবা “নেস্নেল কনক্লেব: চহি ৯ – সেবা, সুসাসন, গরীব কল্য়ান” হায়বা হীরমদা পাঙথোকপা কন্ফরেন্সতা তৌখিবনি‍। থৌরমদুদা শরুক য়াখিবা পেনেলিস্তশিংগী মরক্তা বোক্সর নিখৎ জরীন; এক্তর নৱাজউদ্দিন সিদিকী, য়ুনিসেফ রিপ্রেজেন্তেতিব তু ইন্দিয়া সিন্থিয়া মেকেফ্রী, নর্স অমদি পদ্মশ্রী এৱার্দী সান্তি তেরিজা লক্রা, এনভাইরনমেন্তেলিস্ত অনিল প্রকাস অমদি সীখোগী কো ফাউন্দর দিব্যা জৈন য়াওরি‍। সেসন অদু জর্নেলিস্ত রিচা অনিরুধনা ৱাতেমখি‍।

খেলো ইন্দিয়ানা ভারতকী শান্ন-খোৎনবগী হৈ-শিংববু মালেমগী ফম্পাক্তা মায় পাকপা ঙমহল্লে: নিখত জরীন

ভারতকী বোক্সর অমদি ২রক ৱর্ল্দ চেম্পিয়ন ওইখ্রবী নিখত জরীন্না তিল্লিবা মীয়ামদা লৈঙাক্কী ফ্লেগসিপ স্কীম খেলো ইন্দিয়ানা ভারতকী শান্ন-খোৎনবগী হৈশিংলবা মীওইশিংদা মশা হাপ্তুনা নহা ওইরিবা অমদি হৈথোই শিংথোইরবা ভারত মচাশিংবু লৈবাক্কী অমদি মালেমগী ফম্পাকশিংদা ঙান্থোইহল্লে হায়খি‍। মহাক্না নুপীমচা অমদি মহাক্কুম্বা নুপীশিং মপাঙ্গল হাপ্পদা বেতী বচাও বেতী পরাওনা পীরিবা অওনবা পুরক্নিংঙাই ওইরবা ইথিলগী মতাঙদসু ৱা ঙাঙখি‍।

বেতী বচাও বেতী পরাওনা মরম ওইরগা নুপীমচাশিংদা য়েংলম্বা মীৎয়েঙ হৌজিক্তি হোংলে: নৱাজউদ্দিন সিদ্দিকী

এক্তর নৱাজউদ্দিন সিদ্দিকীনা মতমগী মতুং ইন্না অওনবা পুরকপা হেন্না হেন্না লায়রক্লে‍ হায়খি। ঙসিদি নহা অমা হেক্তনা মহাক্কী মঙলান মঙফাওনহন্নবগীদমক অচৌবা অমদি য়াম্লবা ঙাক্লৌগী সিস্তেম কয়া লৈরে হায়না মহাক্না হায়খি‍। বেতী বচাও বেতী পরাওগী মতাঙদা ৱা ঙাঙলদুনা, এক্তর অদুনা হৌজিক্তি নুপীমচাশিংদা য়েংলম্বা মীৎয়েঙ হোংলে, অমদি হায়রিবা অসি মমা মপাশিংগী হোংলক্লিবা মওং মতৌ অমদি নুপীশিংনা মায় পাক্লকপা কয়াদা মমি তারি‍। মশানা মশাবু মশক খঙজনবগী নমশিন্দুনা থম্বিরুরবা নুপীশিংগী খোঞ্জেল হৌজিক্তি মপান থোরক্লে অমদি খুন্নাইনসু মসিবু য়ারে হায়না মহাক্না হায়খি‍।

"ভারতপু মালেমগী থাক্তা পুখত্তুনা লৈঙাক্না অফবা থবক অমা তৌরি"

সীখোগী কো-ফাউন্দর দিব্যা জৈন্না তিল্লিবা মীয়ামদা চাউনা হোংলক্লিবা অমা হায়রগদি নুপীশিংনা লমজিংদুনা চাওখৎপা পুরকপা অসিনি হায়খি‍। হৌখিবা চহি মাপনসিদা নুপী করোর ৭ লোম্না সেল্ফ হেল্প গ্রুপশিংদা য়াওনখ্রে হায়বা ৱাফম মহাক্না থমখি‍। লৈঙাক্কী স্কীমশিংসু নুপীশিং মাঙজিন থানা থোরক্নবা মওংদা শেম্লি‍। “মতম অমদা নুপীশিং মাঙজিন থানা থোরকপা তন্নরম্মি, হৌজিক্তি, নুপীশিংনা মাঙ থানা থোরকউনা মীয়াম পুম্বা মাঙদা চঙশিল্লক্তুনা খুন্নাই পুম্বদা অহোংবা পুরক্লি‍। হায়রিবা অহোংবা অসি লৈমায়দা, খুঙ্গংশিংদা উবা ফংলি,” হায়না মহাক্না ফোঙদোকখি‍।

স্তার্তঅপ ওন্ত্রপ্রিন্যুর অমা ওইনা ৱা ঙাঙলদুনা, দিব্যা জৈন্না হৌখিবা চহিশিংদা ভারত্তা এফ.দি.আই. খ্বায়দগী য়াম্না চঙলকখি হায়খি‍। “ঙসিদি, ভারত মালেমগী থাক্তা মরুওইবা মফম কল্লে‍। ঐখোয়বু মরুওইবা মফম পীবদা লৈঙাক্না মশক থোকপা থবক অমা তৌরি, ঐখোয়গী ওন্ত্রপ্রিন্যুরশিং অমদি নহাশিংবু মশক খঙবা মথৌ তাই হায়বা ঐখোয়না তশেংনা তাক্লে, অমদি ঐখোয়ননি তুংলমচৎ শেমগদৌরিবসি,” হায়না মহাক্না হায়খি‍।

"অয়ুস্মান ভারতনা চিদাইদা লৈরিবা মীওইশিংবুসু মপাঙ্গল হাপ্লি"

অন্দমান অমদি নিকোবর ঈথত্তগী মেদিকেল নর্স, হেল্থকেয়র প্রোফেস্নেল অমদি পদ্মশ্রী এৱার্দী সান্তি তেরিজা লক্রানা অয়ুস্মান ভারতকী মখাদা লিংখৎলিবা ৱেলনেস সেন্তরশিংনা মীয়ামবু মপাঙ্গল হাপ্পদা মশক থোকপা খোঙথাঙশিং লৌখৎলি‍। স্কীম অসিগী মখাদা পীরিবা শেলগী তেংবাংশিংনা, মরুওইনা চিদাইদা নৎত্রগা মনুং হঞ্জিনবা উমংগী মফমশিংদা লৈরিবা সিদ্যুল ত্রাইবকী মীওইশিংদা চাউনা মতেং পাংলি হায়না মহাক্না হায়খি‍। অসিগুম্বা মফমদা লৈরিবা মীওইশিংগী মনাক্তা য়ৌশিনবদা অৱাবা ওইরবসু দিজিতেল ইন্দিয়া অমদি আউতরীচ ইনিসিএতিবকী মখাদা পায়খৎলিবা থবক থৌরমশিংনা হায়রিবা মীওইশিং অসিগী হকশেলগী ফীভম ফগৎহনবদা মতেং পাংদুনা লাক্লি হায়না মহাক্না ফোঙদোকখি‍। হায়রিবা ফীভম অসি খুদম ওইনা লায়েংশঙদা অঙাং উনবগী চাং হেনগৎলকপসিদা মমি তরি‍। সমুদ্র মথক্তা থোং শাবনা অন্দমান অমদি নিকোপর ঈথৎশিংদা লম্বী থোংগী ফীভমসু ফগৎহল্লে হায়না মহাক্না মখা তাখি‍।

"লৈঙাক্না খুঙ্গং চাওখৎহনবদা মীৎয়েঙ থম্লি, ইন্দিয়াগী মহুত্তা ভারতনা মাঙদা চঙশৎল্লি"

এনভাইরনমেন্তেলিস্ত অনিল প্রকাস জোসীনা লৈবাক অসিনা হৌজিক্তি পুম্নমক কোনশিনবা অমদি ইকোলোজী ঙাক্তুনা চৎপা নুংঙাই য়াইফবগী ফীভম পুরক্নবা খল্লি‍। কেন্দ্রগী বজেত্তা খুঙ্গং চাওখৎহন্নবগী অমদি শেন্মিৎলোন চাওখৎহন্নবগীদমক ইকোলোজিকেল ইনফ্রাস্ত্রকচরদা মীৎয়েঙ থম্নবগী মচাকশিং হাপ্পা হৌরে হায়না মহাক্না হায়খি‍। মহাক্না কেতচ দি রেন অমদি সোইল হেল্থনচিংবা থৌরাংশিংবু শিংথারদুনা মীয়াম্না শরুক য়ামিন্নরবখক্তদা তুং কোইবা  লৈঙাক্লোন ওইগনি হায়খি‍। খুঙ্গংশিং চাওখৎহনবদা থম্লিবা মীৎয়েঙদা পুক্নিং চিংশিল্লদুনা ইন্দিয়াগী মহুত্তা ভারতনা মাঙদা চঙশিল্লি হায়না মহাক্না হায়খি‍।

"স্তার্তঅপনা ঐখোয়গী নহা ওইরিবা অমদি ইচঙ থৌরবা ওন্ত্রপ্রিন্যুরশিংবু মপুং মরৈ ফাহনবদা মতেং পাংলি"

বাইওকোন লিমিতেদ অমদি বাইওকোন বাইওলোজিক্স লিমিতেদকী একজেক্যুতিব চেয়রপর্সন অমদি ফাউন্দর কিরন মজুমদার সোনা, রেকোর্দ তৌরকপা ভিদিও পাউজেলগী খুত্থাঙদা, মীয়ামগী পুন্সিদা অফবা ইথিল পীবা অওনবা পুরকপা ঙম্বা থৌরাং কয়া লৈঙাক্না পায়খৎলি হায়খি‍। আরোগ্য সেতু অমদি কোৱিন এপ অনিমক ঐখোয়বু কোবিদ-১৯ লাইচৎ থেংনবা ঙমহল্লিবা, দিজিতেল প্লেৎফোর্মদা মাস ভেক্সিনেসন চাউনা পাঙথোকপা ঙমহল্লিবা অনৌবা মখলগী তেক্নোলোজীশিংনি হায়না মহাক্না হায়খি‍। অয়ুস্মান ভারতকী মরমদা ৱা ঙাঙলদুনা, মহাক্না জন ঔসধী কেন্দ্রশিংনা মীয়ামদা পুন্সি কন্নবা হিদাকশিং ফংহনবগী ফীভম ফগৎহল্লি হায়খি‍। স্তার্তঅপ অমদি লৈঙাক্না মখোয়দা পীরিবা ঙাক্লৌনা মরম ওইরগা ঙসি ঐখোয়না নহা ওইরিবা অমদি ইচঙ থৌবা ওন্ত্রপ্রিন্যুর কয়া অমা উবা ফংলি হায়না মহাক্না হায়খি‍।

"নেস্নেল এজুকেসন পোলিসীনা মপুং ফাবা এজুকেসন পীবদা মতেং পাংলি"

য়ুনিসেফ রিপ্রজেন্তেতিব ইন ইন্দিয়া সিন্থিয়া মেকেফ্রীনা, অঙাংশিংনা করি তম্লি অমদি ভারতকী মহৈরোয়শিংনা তশেংনা করি খঙলি হায়বসি খঙদোক্নবা সিস্তেম অসিবু নৈননবা ভারত লৈঙাক্না নেস্নেল এচীভমেন্ত সর্ভে অমা পাঙথোকখি‍ হায়খি‍। “মদুদা য়ুম্ফম ওইরগা, লনাই মহৈরোয়শিংদা য়ৌশিন্নবা অমদি মহৈ মশিংগী সিস্তেমবু মপাঙ্গল হেন্না কলহন্নবা লৈঙাক্না খুজিল থৌরাংশিং শেমখি‍। মসিনা করি পুরকপগে হায়বদা, ভারতনা ফাউন্দেস্নেল লর্নীংদা ইনভেস্তমেন্ত অমা তৌদুনা ঐখোয়না স্কুলদা মহৈরোয়শিংবু শাফবা এনভাইরনমেন্ত অমদা থম্বা ঙমহল্লি‍। স্বছ্চ ভারত মিসন, অয়ুস্মান ভারতনা পুনশিন্নদুনা অঙাংশিংগী পুন্সিগী মরুওইবা শরুকশিং ওইরি অমদি মহৈ মশিং তম্বগা পুন্না চৎমিন্নরি‍। স্কীমশিং অসিনা পুনশিন্নদুনা অঙাংশিংদা সেনিতেসন অমদি ন্যুত্রিসন অনিমক ফংহল্লি‍। লৈঙাক্না ইনোভেতিব ওইবা পরিংদা, য়াম্লবা লম্বীশিংগী খুত্থাঙদা স্কিলিং তৌবা য়াওনা ফাউন্দেস্নেল লর্নীংদা মরুওইবা মীৎয়েঙ থমদুনা অঙাংশিংবু মশা মউ ফনা চাউখৎপা ঙমহল্লি অমদি মখোয়বু ২১শুবা চহিচাগী স্কিলশিং ফংহনবদা মতেং পাংলি,” হায়না মহাক্না হায়খি‍। ফাউন্দেস্নেল লর্নীং, ভোকেস্নেল এজুকেসন অমদি ওন্ত্রপ্রিন্যুরিএল লর্নীংগী লমদা নেস্নেল এজুকেসন পোলিসীনা মীৎয়েঙ থমদুনা অঙাংশিংবু মপাঙ্গল হাপ্তুনা মখোয়বু মপুং ফাবা মহৈ মশিং তম্বা ফংহল্লি হায়না মহাক্না মখা তাখি‍।

***