শক্নাইরবশিং,

ভারত্তা, অমাং-অতা থোকপা হন্থহন্নবা ৱাফমশিং ঐখোয়না মরুওইনা লৌরি; মসি মীয়ামগী য়াইফনবা থৌশিল শেম্বগী মরুওইবা অমনি।

অমাং-অতা থোকপা হন্থহন্নবা থবকশিংগীদমক ঐখোয়না শেনফম খাক্তুনা থম্বা শিংথাবা য়ানা হেনগৎলে। অমাং-অতা থোকপা হন্থহন্নবা, থৌরাং তৌনবা, মতেং পাংনবা অমসুং অমুক হন্না শেমজিন-শাজিন্নবা অপুনবা থবকশিংগীদমক ঐখোয়না শেন থাদনবগী মওংদা ঐখোয়না য়াম্না চাউনা অহোংবা পুরক্লে। অমাং-অতা থোকপা থেংন্নবা চহি ৫ (২০২১-২০২৫)গী ওইনা ঐখোয়গী রাজ্য সরকারশিং অমসুং লোকেল বোদিশিংনা য়ু.এস দোল্লর বিল্লিয়ন ৬ শীজিন্নবা য়াহল্লে। মসি থৌরাং তৌনবা, থবক পাংথোক্নবা অমসুং অমুক হন্না শেমজিন-শাজিন্নবগীদমক কাইথোকখ্রবা য়ু.এস দোল্লর বিল্লিয়ন ২৩গী শেনফম অদুগী মথক্তনি।

চহি ১০গী মতম অসিদা, ঐখোয়না নোংলৈ-নুংশিৎশিংদগী শিবা চাদা ২গী মখাদা হন্থহল্লে। লৈবাক নিংখাইরকপা, উন মরক্ত লৈবা পাৎ পাথোরকপদগী থোকপা ঈশিং ইচাউশিং, য়ুহা হাবা, লান্মৈ চাকপা, নুংশাগী মৈসা অমসুং ব্রজ তাবদগী থোকপা অমাং-অতাশিং হন্থহন্নবা হৌজিক ঐখোয়না থাজবা য়ারবা থৌরম কয়া পায়খৎলে।

মাঙজৌন্না চেকশিনৱা লাউথোকপগী থবক ফগৎহন্নবা ঐখোয়না থবক পায়খৎলি। ঐখোয়না কম্মন অলার্তিং প্রোতোগোল থবক ওইনা পায়খৎলি, মসি অলার্ত জেনেরেতিং এজেন্সিশিং অমসুং দিজাস্তর মেনেজরশিং অমসুং তেলিকোম সর্বিস প্রোভাইদরশিংগা পুনশিগনি। মসিনা ঐখোয়গী লৈবাক অসিগী  মীওই বিল্লিয়ন ১.৩দা লম-লমগী লোলশিংদা চেকশিনৱাশিং য়ৌহন্নবা পান্দম থম্লি। ‘২০১৭ ফাওবদা মীওই খুদিংমক মাঙজৌন্না চেকশিনৱা পীবা’ হায়বা থৌরাং অসিগীদমক ঐখোয়না য়ু.এন জেনেরেলগী থবক থাগৎলি। ঐখোয়না পায়খৎলিবা থবকশিং অসিনা মতম চানা পায়খৎলিবা মালেমগী ওইবা থবক অসিগী পান্দম ফংবদা মতেং পাংগনি।

শক্নাইরবশিং,

ভারতনা জি-২০গী প্রসিদেন্দ ওইরিবা অসিদা, অমাং-অতা থোকপা হন্থহন্নবা ৱার্কিং গ্রুপ অমা শেম্বদা জি-২০ মেম্বরশিংনা অয়াবা পীরে। জি-২০ ৱার্কিং গ্রুপ অসিনা মরুওইনা পায়খৎকদবা থবক ৫ মশক খঙদোক্লে।  হায়রিবা মরুওইবা থবক ৫ অদুদি – মীওই খুদিংমক্ত মাঙজৌন্না চেকশিনৱা পীবা,  অমাং-অতা থেংনবা ঙম্বা ইনফ্রাস্ত্রকচর শেমগৎপা, দি.আর.আরগী শেন থাদবা হেনগৎহনবা, মতেং পাংবা অমসুং ‘বিল্দ বেক বেত্তর’গী থবকশিং অমসুং সেন্দাইগী পান্দমশিং মালেমগী ওইনা ফংবা ঙম্নবা দি.আর.আরগী থবকশিং অকোয়বগী ফিবমদা য়ুম্ফম ওইরগা পায়খৎপা অসিনি।

২১শুবা চহিচাদা ঐখোয়না ইনফ্রাস্ত্রকচর সিস্তেমশিং থৌরাং তৌবা, দিজাইন তৌবা, শেমগৎপা অমসুং শেমজিন-শাজিনবগী থবকশিংদা হৌজিক ভারত অমসুং য়ু.এস.এনা লমজিংলিবা কোলিএসন ফোর দিজাস্তর রিসিলিয়েন্ত ইনফ্রাস্ত্রকচরনা অওনবা অমা পুরক্লি। ইনফ্রাস্ত্রকচর প্রোজেকশিং অসি মতম শাংনা শেন থাদবা ঙাক্তনি। করিগুম্বা খুদোংথিবা থোকপা য়াবশিং মপুংফানা য়েংশিল্লবা অমসুং খুদোংথিবা থোক্তনবা অফবা থবকশিং পায়খৎলবদি, হায়রিবা ইনফ্রাস্ত্রকচর ইনভেস্তমেন্তশিং অসি মতম শাংনা চৎনবা য়ানবা শেমগৎপা ঙমগনি।

শক্নাইরবশিং,

ঙসি অয়ুক, ঐখোয়না হন্দক তুর্কিয়েদা য়ুহা হাবদা হিংহৌরবা মীওই অমগী ৱারি তারে।

হিরম অসিদা অমসুং বসুধাইবকুতুম্বকমগী ৱাখল্লোন্দা মালেম অসি অচৌবা ইমুং অমনি, ভারত সরকারনা খুদক্তা ফিল্দ হোস্পিতালশিং অমসুং মী কন্নবা অমসুং থিনবা কাংবু অমসুং হিদাক-লাংথকশিং থাদুনা তুর্কিয়ে অমসুং সিরিয়াগী ঐখোয়গী ইচিন-ইনাওশিং অমসুং ইচল-ইচেশিংগী মতেং পাংখি। মীওইবা খুন্নাই য়াইফনবা থবকশিংদা য়ুম্ফম ওইবা অচুম্বা ৱাফম অমনি।

লোইশিল্লকপদা, শক্নাইরবশিং, এস.দি.জিশিংগী ৱাখল্লোন: “কনা অমতা হুন্দোক্লমদবা, কনা অমতা নাথৈরমদবা অমসুং অকোয়বগী ফিবম অমতা মীরাইদবা” অসিগা লোয়ন্না য়ুম অমসুং মালেমগী মফম খুদিংমক অমাং-অতা থোকপা হন্থহন্নবা পুন্না থবক তৌমিন্নবা ঐখোয় থৌরাং তৌনবা ঐনা হায়জরি।

******