প্রধানমন্ত্রীগী লোইশঙ
পি.এম.না এপ্রিল ২০দা গ্লোবেল বুদ্ধিস্ত সম্মিৎকী হৌদোকপগী সেসন্দা ৱা ঙাংগনি
সম্মিৎকী থিম – “রেস্পোন্সেস তু কন্তেম্পোররী চেলেঞ্জেস: ফিলোসোফী তু প্রাক্সিস”না ওইরি
সম্মিৎ অসিদা মালেম পুম্বদগী মশক নাইবা স্কোলরশিং, সংঘ লুচিংবশিং অমসুং ধর্ম প্রেক্তিসনরশিংনা শরুক য়াবা উবা ফংগনি
Posted On:
18 APR 2023 10:58AM by PIB Imphal
প্রধান মন্ত্রী শ্রী নরেন্দ্র মোদীনা দিল্লীগী হোতেল অশোক্তা এপ্রিল ২০, ২০২৩গী অয়ুক পুং ১০ তাবা মতমদা গ্লোবেল বুদ্ধিস্ত সম্মিৎকী হৌদোকপগী সেসন্দা ৱা ঙাংগনি।
নুমিৎ নিনিগী সম্মিৎ অসি এপ্রিল ২০-২১দা ইন্তর্নেস্নেল বুদ্ধিস্ত কনফেদরেসনগা চুংশিন্নদুনা কলচর মন্ত্রালয়না পাঙথোকপনি। গ্লোবেল বুদ্ধিস্ত সম্মিৎকী থিম অসি “রেস্পোন্সেস তু কন্তেম্পোররী চেলেঞ্জেস: ফিলোসোফী তু প্রাক্সিস”না ওইরি।
সম্মিৎ অসি বুদ্ধিস্ত অমসুং য়ুনিভর্সেলগী সমস্যাশিং অমসুং মখোয়বু পুন্না কোকহন্নবা পোলিসী ইনপুৎশিং পুথোক্নবা ৱাফমশিংদা মালেমগী বুদ্ধিস্ত ধম্ম লুচিংবা অমসুং স্কোলরশিংগা লোয়ননা ৱাখল চুংশিন্ননবা খোঙথাং অমনি। সম্মিৎ অসিনা হৌজিক মতমগী ওইরিবা ফীভম অসিদা ইথিল পীনবা অমসুং লমজিংনবা বুদ্ধ ধম্মগী ফন্দামেন্তেল ভেল্যুশিং করম্না খঙদোক্কনি হায়বগী মতাংদা খন্নগনি।
সম্মিৎ অসিদা মালেম শিনবা থুংবদগী মশক নাইবা স্কোলরশিং, সংঘা লুচিংবশিং অমসুং ধর্ম প্রেক্তিসনরশিংনা শরুক য়াবা উবা ফংগনি, মখোয়না য়ুনিভর্সেল ভেল্যুশিংদা য়ুম্ফম ওইবা মালেমগী থেংনরিবা সমস্যাশিংগী মাংদা খন্নগী অমসুং মসিগী পাউখুম বুদ্ধ ধম্মদা লৈব্রা থীদোক্কনি। খন্ন-নৈনবা অসি থিম মরিগী মখাদা পাঙথোক্কনি: বুদ্ধ ধম্ম অমসুং শান্তি; বুদ্ধ ধম্ম: এনভাইর্নমেন্তেল ক্রাইসিস, হেল্থ অমসুং সস্তেনেবিলিতী; নলন্দা বুদ্ধিস্ত ত্রেদিসন য়োকখৎপা; বুদ্ধ ধম্মগী তীর্থ য়াত্রা, লিবিং হেরিতেজ অমসুং বুদ্ধ রেলিকশিং: খা, খা-নোংপোক অমসুং নোংপোক এসিয়াদা লৈরিবা লৈবাকশিংগা ভারতকী চহিচা কয়া শুরবা কলচরেল লিঙ্কশিংগী মপাঙ্গল কনবা য়ুম্ফম।
*****
(Release ID: 1917574)
Visitor Counter : 145
Read this release in:
Marathi
,
Odia
,
Assamese
,
English
,
Urdu
,
Hindi
,
Bengali
,
Punjabi
,
Gujarati
,
Tamil
,
Telugu
,
Malayalam