হর হর মহাদেব।

উত্তর প্রদেশকী রাজ্যপাল অনন্দিবেন পতেল, মুখ্য মন্ত্রী শ্রী য়োগি অদিত্যনাথ, কেন্দ্রগী হকশেল মন্ত্রী শ্রী মন্দাবিয়া, উপ মুখ্য মন্ত্রী, শ্রী ব্রিজেশ পথক, তোঙান-তোঙানবা লৈবাকশিংগী হকশেল মন্ত্রীশিং দবল্যু.ঐচ.ও.গী রিজনেল দিরেক্তরশিং, দিগনিতরী পুম্নমক, স্তোপ তিবি পার্তনরশিপ য়াওনা তোঙান-তোঙানবা ওর্গনাইজেসনশিংগী মীহুৎশিং, নুপী অমদি নুপাশিং!

কাশিদা ‘ৱান ৱর্ল্দ তিবি সম্মিৎ’ পাঙথোকপা অসি ঐহাক্কীদমক্তা য়াম্না চাউথোকচবা পোক্নীংঙাই ওইবা ৱাফম অমনি। লৈবাক ফবনি ঐহাক্না কাশিগী এম.পি.সু ওইরি। কাশিগী সহরগী মুৎনাইদ্রবা ইচেল অসি চহি লিশিং কয়া মীওইবা খুন্নাইগী খোঙথাংশিং অমসুং কন্না হোৎনখিবশিংগী খুদম ওইরি। কাশিনা শীংনবনা ফনা চাউরবসু মীয়াম পুন্না হোৎনরিবদি অনৌবা লম্বী অমা থোরকই হায়বগী শাখি ওইরি। ঐহাক্না থাজৈ কাশিনা তিবিগুম্বা লাইনাগী মায়োক্তা মালেমগী ফিরেপতা অনৌবা ইনোৎ হাপ্লগনি।

মঐহাক্না ‘ৱান ৱর্ল্দ তিবি সম্মিৎ’কীদমক ভারত অমদি মপানদগী কাশিংদা লাকপীরিবা মীথুংলেন পুম্নমকপু তরাম্না ওকচরি অমসুং থাগৎপা ফোঙদোকচরি।

মরুপশিং,

লৈবাক অমা ওইনা ভারতকী ৱাখল্লোন অসি ‘বুশুধৈব কুতুম্বকম’ হায়বদি ‘মালেম পুম্বা অসি ইমুং অমত্তনি’ হায়বা অসিনি, অরিবা ৱাখল্লোন অসিনা ঙসিগী মোদর্ন ৱর্ল্দদা ইন্তিগ্রেতেদ বিজন অমসুং ইন্তিগ্রেতেদ সোল্যুসনশিং পীরি। মরম অসিনা ভারতনা জি২০ সম্মিৎকী প্রসিদেন্ত অমা ওইনা মসিগী থিম ‘ৱান ৱর্ল্দ, ৱান ফেমিলি, ৱান ফ্যুচর’ হায়বা অসিনা ওইহনখি। থিম অসিনা মালেম পুম্বনা ইমুং অমত্তা ওইবগী অপুনবা ফিরেপ অদু তাক্লি। মতম খরগী মমাংদা ভারতনা ‘ৱাব আর্থ, ৱান হেল্থ’কী বিজন অসি মাংদা পুখৎনবা থৌশিল পাইখৎখি। অমসুং হৌজিক ‘ৱান ৱর্ল্দ তিবি সম্মিৎ’কী খুত্থাংদা ভারতনা মালেমগী য়াইফনবা অতোপ্পা ৱাশক অমগা থুংহল্লগনি।

মরুপশিং,

২০১৪দগী হৌনা তিবিগী মায়োক্তা অনৌবা ৱাখল্লোন অমসুং এপ্রোচকা লোয়ননা ভারতনা থবক পাইখৎপা হৌখিবা অসি তশেংনা মমাংদা অমুক্তা ওইখিদ্রি। ঙসি মালেম পুম্বনা খোঙথাংশিং অসিগী মতাংদা খঙহনগদবনি মরমদি মসি তিবিগী মায়োক্তা মালেম্না লান্থেংনবদা অনৌবা মোদেল অমা ওইরগনি। হৌখিবা চহি ৯দা ভারতনা তিবি থেংননবা লম কয়াদা পুন্না থবক পাইখৎখি। খুদম ওইনা মীয়াম্না শরুক য়াবা – জনগাগীদারী, মচি ওইবা চীঞ্জাক ফংহনবা – মচি ওইবা চীঞ্জাক্কী অখন্নবা কেম্পেন, লায়েংগী ইন্নোভেসন – লায়েং পথাপকী অনৌবা লালোং, তেক ইন্তিগ্রেসন – তেক্নোলোজী মপুং ফানা শীজিন্নবা, অমসুং ৱেলনেস অমসুং প্রিভেন্সন, ফিৎ ইন্দিয়া, খেলো ইন্দিয়া, অফবা হকশেল থৌগৎনবা য়োগ।

মরুপশিং,

তিবিগী মায়োক্তা ভারতনা তৌখিবা অফবা থবক অসি পিপল পার্তিসিপেসন। মপান্দগী লাকপা ঐখোয়গী মীথুংলেনশিংগীদমক ভারতনা অখন্নবা কেম্পেন চত্থরিবা অসি খঙনীংবা পোক্কনি।

মরুপশিং,

ঐখোয়না লৈবাক অসিগী মীয়ামদা ‘তিবি মুক্ত ভারত’কী কেম্পেন্দা য়াওনা ‘নি-ক্ষয়মিত্র’ ওইনবা হায়খি। ভারত্তা ৱাহৈ ক্ষয় হায়বা ৱাহৈ অসি তিবিগীদমক লোকেল লোলগী চুন্নৈ। কেম্পেন অসিগী মতুংদা অনাবা মীওই লাখ ১০রোম লৈবাক্কী মীচম প্রজানা এদোপ্ত তৌখি। অদোমনা তাবদা অঙকপা পোক্কনি ঐখোয়গী লৈবাক্কী চহি ১০-১২ খক্তা ঙাইরিবা অঙাংশিংনা ‘নি-ক্ষয়মিত্র’ ওইদুনা তিবিগী মায়োক্তা লান্থেংনবদা মাং থানা চংশিল্লি। মখোয়গী ‘শেনফু’ থুংগাইদুনা তিবি নাবা মীওই এদোপ্ত তৌখিবা অসিগুম্বা অঙাং কয়া লৈ। তিবি নাবা মীওইশিংগীদমক ‘নি-ক্ষয়মিত্র’গী শেলগী তেংবাং অসি লুপা করোর লিশিং অমা হেনখ্রে। মালেমদা তিবিগী মায়োক্তা অচৌবা কম্ম্যুনিতী ইনিসিএতিব অমা হৌদোকপা অসি য়াম্না ইথিল পীনীংঙাই ওই। ভারতকী মপান্দা লৈবা মীওইশিংনা মশিং য়াম্না খোঙথাং অসিগী শরুক অমা ওইরকপদা ঐহাক্না নুংঙাইবা পোকই। অমসুং ঐহাক্না তৌবীমল খঙবসু উৎচরি। ঙসি বরানসীগী মীওই মঙাগীদমক্তসু লাউথোকখি।

মরুপশিং,

‘নি-ক্ষয়মিত্র’ কেম্পেন্না তিবি নাবা মীওইশিংবু অচৌবা শীংনবা অমা মায়োক্নবদা চাউনা মতেং পাংখি। মসি তিবি নাবা মীওইশিংগী মচি ওইবা চীঞ্জাক্কী মতাংদনি। মসি য়েংলগা ২০১৮দা ঐখোয়না তিবি নাবা মীওইশিংগীদমক দাইরেক্ত বেনিফিৎ ত্রান্সফর লাউথোকখি। মসিদগী হৌনা তিবি নাবা মীওইশিংগীদমক মখোয়গী বেঙ্ক একাউন্তশিংদা হকথেংননা লুপা করোর লিশিং ২ ত্রান্সফর তৌখি। অনাবা মীওই লাখ ৭৫রোমনা মসিদগী কান্নবা ফংখি। হৌজিক ‘নি-ক্ষয়মিত্র’দগী ফংখিবা শক্তিনা তিবি নাবা মীওইশিংদা অনৌবা শক্তি পীরি।

মরুপশিং,

অরিবা এপ্রোচকা লোয়ননা চংশিনবা মতমদা অনৌবা ফলশিং ফংবা অসি ৱানা থোকই। ঐখোয়না তিবি নাবা মীওই অমত্তা লায়েং ফদবা তৌদনবা অনৌবা লালোং অমা পাইখৎখি। তিবি নাবা মীওইশিংগী স্ক্রীনিং তৌনবা, মখোয়গী লায়েং চত্থনবা আয়ুশ্মান ভারত য়োজনাগা লিঙ্ক তৌখি। লেম্না তিবি তেস্তিং তৌনবগীদমক ঐখোয়না লৈবাক অসিদা লেবশিংগী মশিং হেনগৎহনখি। তিবি নাবা মীওইশিং য়াম্না লৈবা মফমশিংদা ঐখোয়না অখন্নবা মীৎয়েং ওইনা এক্সন প্লানশিং পাইখৎখি। ঙসি তাঙ্কক অসিদা অচৌবা খোঙথাং ‘তিবি-ফ্রী পঞ্চায়ৎ’ হৌদোক্লি। ‘তিবি ফ্রী পঞ্চায়ৎ’তা খুঙ্গং খুদিংমক্কী মীয়াম্না খল্লবা মীহুৎশিংনা পুন্না ঐখোয়গী খুঙ্গংদা তিবি নাবা মীওই অমত্তা লৈহনদনবা ফিরেপ অমা লৌগনি। ঐখোয়না মখোয়বু মশা ফনা থমগনি। ঐখোয়না থা ৬কী মহুৎ তিবি ঙাকথোক্নবা লায়েং থা ৩ খক্তদা হৌহল্লি। মমাংদা অনাবশিং অসিনা নুমিৎ খুদিংগী থা ৬ হীদাক চারমখি। হৌজিক অনৌবা সিস্তেমদা অনাবশিংনা চয়োল অমদা অমুক্তং হীদাক চারগনি। হায়বদি অনাবশিংদা খুদোংচাবা ফংহল্লগনি অমসুং মহাক্না হীদাক চাবগী অৱাবা অদু কোক্লগনি।

মরুপশিং,

ভারতনা তিবি ফ্রী ওইনবা তেক্নোলোজী হেন্না হেন্না শীজিন্নরি। ঐখোয়না তিবি নাবা মীওই অমমমগীদমক নি-ক্ষয় পোর্তেল শেমখি। ঐখোয়না য়াম্না অনৌবা মওংশিংগীদমক দেতা সাইন্স শীজিন্নরি। হকশেল মন্ত্রালয় অমসুং আই.সি.এম.আর.না সব-নেস্নেল দিজিজ সর্ভিলেন্সকীদমক অনৌবা পাম্বৈ অমা পুন্না দিজাইন তৌখি। মালেমগী থাক্তা দবল্যু.ঐচ.ও. নত্তনা ভারতনা মোদেল অসি পাইখৎপা অমত্তা ঙাইরবা লৈবাক ওইরি।

মরুপশিং,

অসিগুম্বা খোঙথাংশিং অসিনা মরম ওইদুনা ঙসি ভারত্তা তিবি নাবা মীওইশিংগী মশিং হন্থরক্লি। কর্নাতকা অমসুং জম্মু অমদি কাশ্মিরদা তিবি ফ্রী এৱার্দ পীদুনা ইকাই খুম্নখি। এৱার্দশিং অসি জিলাগী থাক্তা অফবা থবক তৌবগীদমক পীখি। ঐহাক্না মাইপাকপা অসি ফংখ্রবা পুম্নমক্তা নুংঙাইবা ফোঙদোকচরি। অসিগুম্বা ফলশিংদগী ইথিল লৌদুনা ভারতনা অচৌবা ফিরেপ অমা লৌখি। তিবি মুৎথৎনবা গ্লোবেল তার্গেৎ অসি ২০৩০ই। ভারতনা ২০২৫ ফাওবদা তিবি মুৎথৎনবা পান্দম থমদুনা হৌজিক থবক পাইখৎলি। মালেমদগী চহি মঙা ঙনখৎনা অচৌবা লৈবাক অসিনা ফিরেপ অসি লৌখি। অমসুং ইরৈবাকচাশিংগী মপাল তাংনবা ফিরেপ লৌখি। ভারত্তা ঐখোয়না কোবিদ মনুংদা হেল্থ ইনফ্রাস্ত্রকচরগী কেপাসিতী হেনগৎহনখি। ঐখোয়না ত্রেস, তেস্ত, ত্রেক, ত্রীৎ অমসুং তেক্নোলোজীদা থবক পাইখৎলি। লালোং অসিনা তিবিগী মায়োক্তা লান্থেংনবদা চাউনা মতেং পাংখি। মসিদা ভারতকী লোকেল এপ্রোচ, অচৌবা গ্লোবেল পোতেন্সিএল পুন্না শীজিন্নখি। ঙসি ভারত্তা তিবি লায়েংনবা হীদাক চাদা ৮০ শাবা ঙম্লে। ভারতকী ফার্মা কম্পনীশিংগী মতিক ময়াই অসিনা তিবিগী মায়োক্তা চংশিল্লিবা গ্লোবেল কেম্পেনগী অচৌবা শক্তি ওইরি। ভারতকী অসিগুম্বা কেম্পেন পুম্নমক, ইন্নোভেসন পুম্নমক, মোদর্ন তেক্নোলোজীগী কান্নবশিং লৈবাক কয়া কয়ানা ফংবা ওইরসনু মরমদি ঐখোয়না মালেমগী য়াইফবা পাম্মি। সম্মিৎ অসিদা য়াওরিবা লৈবাক পুম্নমক্না মসিগীদমক মেকানিজম অমা পুথোকপা য়াগনি। ঐহাক্না থাজৈ মদুদি ঐখোয়গী ফিরেপ অসি শোইদনা থুংহনবা ঙমগনি – য়েস, ৱি কেন     এন্দ তিবি। ‘তিবিনা মাইথিগনি, মালেমনা মাইপাক্কনি।

মরুপশিং,

 নখোয়গা ৱারী শাবদা ঐহাক্না হৌখ্রবা থৌদোক অমা নীংশিলকই। মসিগী মতাংদা ময়ামদা শিয়র তৌজনীংই। মহাত্মা গান্ধি, জাতিগী মপানা লেপ্রোসী মুৎথৎনবা থবক কয়া তৌখি। মহাক্না সবর্মতি আশ্রমদা লৈরিঙৈ মতমদা মঙোন্দা অহমদাবাদতা লেপ্রোসীগী হোস্পিতাল অমা শঙ্গানবা কৌখি। গান্ধিজীনা মীয়ামদা হায়খি ঐহাক্না শঙ্গাবা লাকপা ঙম্লোই। গান্ধিজীগী মশাগী তোপ-তোপ্পা অমা লৈজৈ। মহাক্না হায়খি লেপ্রোসী হোস্পিতাল অদু লোক তৌনবা ঐবু কৌবীরকপদনা ঐহাক্না হেন্না নুংঙাইগনি।  হায়বদি মখোয়না লেপ্রোসী মুৎথৎতুনা হোস্পিতাল অসি লোনশিনবা পামখি। গান্ধিজীনা লৈখিদ্রবা মতুংদা হোস্পিতাল অদু দিকেদ কয়া মখা চত্থখি। ২০০১দা গুজরাতকী মীয়াম্না ঐঙোন্দা খুদোংচাবা পীবিরকপদা ঐহাক্না গান্ধিজীদমক তৌগদবা থবক অমা ৱাৎখি, লেপ্রোসীগী মায়োক্তা চত্থবা কেম্পেন্দা অনৌবা শাহৌ অমা পীখি। অমসুং মসিগী ফল করি ওইখি? গুজরাত্তা লেপ্রোসীগী চাং ২৩%দগী ১%দা হন্থহনবা ঙমখি। ২০০৭তা ঐহাক্না লেপ্রোসী হোস্পিতাল অসি লোনশিনখি। গান্ধিজীগী মঙলান থুংহনখি। মসিদা সোসিএল ওর্গনাইজেসন অমসুং পব্লিক পার্তিসিপেসন্না অচৌবা থৌদাং লৌখি। অমসুং মসিনা মরম ওইদুনা তিবিগী মায়োক্তা ভারতনা শোইদনা মাইপাক্কনি হায়না ঐহাক্না থাজৈ।

ঙসিগী অনৌবা ভারত অসি মাগী পান্দমশিং ফংবা ঙম্বগীদমক খঙনৈ। ভারতনা ওপন দেফিকেসন ফ্রী ওইহন্নবা ৱাশক লৌখি অমসুং মদু ফংবা ঙমদুনা উৎখি। ভারতনা থাখিবা মতমদগী ঙনখৎণা সোলর পাৱর জেনরেসন কেপাসিতীগী পান্দম ফংবসু ঙমখি। ভারতনা পেত্রোলদা ইথানোল ব্লেন্দিং তৌবগী অকক্নবা পর্সেন্তেজ অমা থমখিবা অদু থাখিবা মতমদগী ঙনখৎনা ফংবা ঙম্মি হায়না উৎখি। মীয়াম্না শরুক য়াবগী শক্তিনা মালেম পুম্বনা থাজবা থম্নরক্লিবা অসি হেনগৎহল্লি। ভারতনা তিবিগী মায়োক্তা থেংননবা খুমাং চাউশিল্লিবা অসি মীয়াম্না শরুক য়াবগী শক্তিনি। ঐহাক্না নখোয়দা ৱাফম অমা হায়জনীংই। অরিবা খুন্নাইগী ৱাখল্লোন খরনা মরম ওইদুনা তিবি নাবা মীওইশিংদা এৱের্নেস য়ৌবা ৱাৎলি, লাইনা অসি লোৎশিন্নবা হোৎনবা উবা ফংখি। মরম অসিনা ঐখোয়না অনাবাশিংদা ভাপ তাহন্নবা চপ মান্ননা মীৎয়েং চংবা তাই।

মরুপশিং,

কাশিদা চহি খরা অসিদা হেল্থ সর্ভিসেস খোঙজেল য়াংনা চাউখৎলক্লিবা অসিনা তিবি য়াওনা তোঙান-তোঙানবা লাইনাশিং নারিবা মীওইশিংগী মতেংসু  পাংখি। ঙসি বারনসীদা নেস্নেল সেন্তর ফোর দিজিস কন্ত্রোলগী ব্রাঞ্চ অমা উরেপ-উয়ুং তমখি। পব্লিক হেল্থ সর্ভিলেন্স য়ুনিৎকী থবকসু হৌহনখ্রে। ঙসি বি.ঐচ.য়ুদা চাইল্দ কিয়র ইন্সতিত্যুত, মতমগা চুনরবা ব্লদ বেঙ্ক লৈহনখি, মোদর্ন ত্রোমা সেন্তরশিং, সুপর স্পেসিএলিতী ব্লোক শাখি, মসিনা বনারসকী মীয়ামদা চাউনা কান্নবা ফংহনখি। হৌজিক ফাওবদা অনাবা লিশিং ৭০ হেন্না পন্দিৎ মদন মোহন মালবিয়া কেন্সর সেন্তরদা লায়েংখি। মীওইশিং অসিনা লায়েংগীদমক লখনৌ, দিল্লী নত্ত্রগা মুম্বাই চৎপগী মথৌ তাখিদে। মতৌ অসুম্না কবিরচৌরা হোস্পিতাল, দিস্ত্রিক্ত হোস্পিতাল, দাইলাইসিস, সিতি স্কেন অসিগুম্বা ফেসিলিতীশিং বনারসতা ফংবা হেনগৎলকখি। কাশি রিজন্দা খুঙ্গংশিংদা মোদর্ন হেল্থ ফেসিলিতীশিংসু শেমগৎলি। হেল্থ সেন্তরশিংদা ওক্সিজেন প্লান্তশিং ইনস্তোল তৌরি, ওক্সিজেন য়াওবা ফমুংশিং থারি। হেল্থ এন্দ ৱেলনেস সেন্তরশিংদা ফেসিলিতী কয়া হাপচিনখি। আয়ুশ্মান ভারত য়োজনাগী মখাদা বনারসকী মীওই লাখ ১.৫ হেনবনা হোস্পিতালদা এদমিৎ তৌই অমসুং লেম্না লায়েং ফংখি। অনাবা মীওইশিংনা হোংনা হীদাক লাংথকশিং জন ঔশধি কেন্দ্রশিংদগী মফম ৭০দা ফংলি। পুর্ভঞ্চলগী মীয়াম্না , বিহারদগী লাকপা মীয়াম্না মসিগী কান্নবা ফংলি।

মরুপশিং,

ভারতনা মাগী এক্সপরিয়েন্স, মাগী এক্সপর্তিস অমসুং মাগী ৱিল পাৱরগা লোয়ননা তিবি মুৎথৎনবা কেম্পেন চত্থখি। ভারতনা লৈবাক খুদিংমক্কা পুন্না থবক পাইখৎলি। ঐখোয়গী তিবিগী মায়োক্তা চংশিনবা কেম্পেন অসি মীয়ামগী খোঙথাংশিং য়াওরবা মতমদা খক্তা মাইপাক্কনি। ঐখোয়গী ঙসিগী খোঙথাং অসিনা ঐখোয়গী শাফবা তুংলমচৎকী য়ুম্ফম থোনগনি হায়না ঐহাক্না থাজৈ, ঐখোয়গী তুংগী মীরোলশিংগীদমক হেন্না ফবা মালেম অমা ঐখোয়না পীবা ঙম্লগনি। ঐহাক্না পুম্নমক্তা তৌবীমল খঙবা উৎচরি। ‘মালেমগী তিবি নুমিৎ’না লাকপদা ঐহাক্না পুম্নমক্তা মাইপাকপা ওইনবা অমসুং ফিরেপ অসিগা লোয়ননা মাংদা চংশিন্নবা য়াইফ মঙ্গোল পীজরি। হন্না-হন্না থাগৎচরি!

***