প্ৰধানমন্ত্ৰী শ্ৰীযুত নৰেন্দ্ৰ মোদীৰ অধ্যক্ষতাত অনুষ্ঠিত অৰ্থনৈতিক পৰিক্ৰমাৰ কেবিনেট কমিটিৰ বৈঠকত এনটিপিচি লিমিটেডক সহযোগী প্ৰতিষ্ঠান এনটিপিচি গ্ৰীণ এনাৰ্জি লিমিটেড (এনজিইএল)ত বিনিয়োগ কৰাৰ বাবে মহাৰত্ন চিপিএছইসমূহক ক্ষমতা প্ৰদানৰ চলিত নিৰ্দেশনাৰ পৰা ৰেহাই প্ৰদান কৰিছে৷ এনটিপিচি লিমিটেডে ৬০গিগাৱাট নবীকৰণযোগ্য শক্তি (আৰই) ক্ষমতাৰ লক্ষ্যত উপনীত হোৱাৰ দিশত এনটিপিচি লিমিটেডৰ কোম্পানী চিচিইএয়ে এনটিপিচি নবীকৰণযোগ্য শক্তি লিমিটেড (এনআৰইএল) আৰু ইয়াৰ অন্যান্য যুটীয়া অংশীদাৰিত্ব/সহযোগী কোম্পানীসমূহত এনজিইএলৰ বিনিয়োগকো ৰেহাই দিয়ে আৰু ইয়াৰ মুঠ সম্পত্তি ৫,০০০ কোটি টকাৰ পৰা ৭,৫০০ কোটি টকা বিনিয়োগলৈকে ১৫% ৰেহাই প্ৰদান কৰিছে।

চিঅ’পি-২৬ত দিয়া প্ৰতিশ্ৰুতিৰ সৈতে সংগতি ৰাখি ভাৰতে ইয়াৰ উন্নয়নৰ লক্ষ্য পূৰণ কৰাৰ লগতে কম কাৰ্বন নিৰ্গমনৰ পথৰ দিশত কাম কৰি আছে। ২০৩০ চনৰ ভিতৰত দেশখনে ৫০০ গিগাৱাট অজীৱাশ্ম শক্তি ক্ষমতা অৰ্জনৰ লক্ষ্য নিৰ্ধাৰণ কৰিছে। কেন্দ্ৰীয় ৰাজহুৱা খণ্ডৰ উদ্যোগ আৰু দেশৰ আগশাৰীৰ শক্তি উপযোগীতা হিচাপে এনটিপিচিয়ে নবীকৰণযোগ্য শক্তি খণ্ডত এই বিনিয়োগৰ জৰিয়তে ২০৩২ চনৰ ভিতৰত ৬০ গিগাৱাট নবীকৰণযোগ্য শক্তি ক্ষমতা যোগ কৰাৰ লক্ষ্য ৰাখিছে যিটোৱে দেশখনক পূৰ্ব নিৰ্ধাৰিত লক্ষ্যত উপনীত হোৱাত সহায় কৰিব আৰু ২০৭০ চনৰ ভিতৰত ‘কাৰ্বন নিৰ্গমন শূন্য কৰা’ৰ বৃহত্তৰ লক্ষ্যৰ দিশত অগ্ৰসৰ হ’ব৷ শেহতীয়াকৈ চিঅ’পি-২৬ সন্মিলনত ঘোষণা কৰা চৰকাৰৰ “পঞ্চমৃত”ক ‘কাৰ্বন নিৰ্গমন শূন্য কৰা’ৰ দিশত জলবায়ু ব্যৱস্থা গ্ৰহণৰ ক্ষেত্ৰত ভাৰতৰ অৱদান হিচাপে লক্ষ্য লোৱা হৈছে৷

এনজিইএলৰ লক্ষ্য হৈছে এনটিপিচিৰ নবীকৰণযোগ্য শক্তি যাত্ৰাৰ ধ্বজাবাহক হোৱাৰ আৰু বৰ্তমান ২,৮৬১ মেগাৱাটৰ ১৫টা নবীকৰণযোগ্য শক্তি সম্পত্তি আছে যিবোৰ কাৰ্যক্ষম/বাণিজ্যিক পৰিচালনাৰ তাৰিখ (চিঅ’ডি)ৰ ওচৰ চাপিছে আৰু ইয়াৰ সহযোগী কোম্পানী এনআৰইএল (এনটিপিচি নবীকৰণযোগ্য শক্তি লিমিটেড)ৰ জৰিয়তে ইয়াৰ নবীকৰণযোগ্য শক্তি পৰ্টফলিঅ’ সম্প্ৰসাৰণ কৰিবলৈ সাজু হৈছে প্ৰতিযোগিতামূলক নিবিদা আৰু সেউজ শক্তি ব্যৱসায়ত একাধিক সম্ভাৱনাপূৰ্ণ সুযোগত অংশগ্ৰহণ কৰি। এনটিপিচিক দিয়া ৰেহায়ে ভাৰতৰ সেউজ অৰ্থনীতি হিচাপে বিশ্বজুৰি ভাবমূৰ্তি উন্নত কৰাত সহায় কৰিব। ইয়াৰ উপৰিও ভাৰতৰ শক্তি উৎপাদনৰ বৈচিত্ৰ্যতা সৃষ্টি কৰি গতানুগতিক শক্তিৰ উৎসৰ ওপৰত ভাৰতৰ নিৰ্ভৰশীলতা হ্ৰাস পাব আৰু লগতে দেশৰ কয়লা আমদানিৰ বিল হ্ৰাস পাব। ইয়াৰ উপৰিও দেশৰ প্ৰতিটো চুকে-কোণে ২৪x৭ বিদ্যুৎ যোগান নিশ্চিত কৰাত সহায় কৰিব।

নবীকৰণযোগ্য শক্তি প্ৰকল্পই নিৰ্মাণৰ লগতে কাৰ্যক্ষম আৰু মেৰামতি পৰ্যায়তো স্থানীয় লোকসকলক প্ৰত্যক্ষ আৰু পৰোক্ষভাৱে কৰ্মসংস্থাপনৰ সুযোগ সৃষ্টি কৰিব।

****

DS/DB