প্রধান মন্ত্রী শ্রী নরেন্দ্র মোদীনা লুচিংবা ইকোনোমিক এফিয়র্সকী কেবিনেত কম্মিতীনা এন.তি.পি.সি. গ্রীন ইনর্জী লিমিতেদকী অকক্নবগী ৱাংমদা এন.তি.পি.সি. লিমিতেদকী সবসিদরী অমা ওইরিবা এন.তি.পি.সি. গ্রীন ইনর্জী লিমিতেদ (এন.ই.জি.এল.)তা ইনভেস্তমেন্ত তৌনবগীদমক্তা মহারত্না সি.পি.এস.ই.শিংদা শক্তী পীবগী হৌজিক লৈরিবা চৎন-পথাপশিংদগী এন.তি.পি.সি. লিমিতেদপু কোম্থোকপগী অয়াবা পীখ্রে। এন.তি.পি.সি. লিমিতেদনা জি.দবল্যু. ৬০ ফাওবগী রিন্যুএবল ইনর্জী কেপাসিতী লিংখৎপগী পান্দম ফংনবা চঙশিনবা ওইনা এন.তি.পি.সি. রিন্যুএবল ইনর্জী লিমিতেদ (এন.আর.ই.এল.) অমসুং মখোয়গী অতোপ্পা জে.ভি./সবসিদরীশিংদা এন.জি.ই.এল.না ইনভেস্ত তৌববু মখোয়গী নেত ৱর্থকী ১৫%গী সিলিংগী ৱাংমা লান্দুনা লুপা করোর ৫০০০দগী লুপা করোর ৭৫০০গী মনিতরী সিলিং ফাওবদা সি.সি.ই.এ.না কোমথোকখ্রে।

কোপ ২৬তা পীখিবা কম্মিতমেন্তকী মখা পোন্না ভারতনা হৌজিক মশাগী দিভেলপমেন্ত গোল ফংবগা লোয়ননা লো কার্বন ইমিসনগী মাইকৈদা চঙশিল্লি। লৈবাক অসিনা ইং ২০৩০ ফাওবদা জি.দবল্যু. ৫০০গী নন-ফোসিল ইনর্জী কেপাসিতী য়ৌনবা পান্দম থম্লি। সেন্ত্রেল পব্লিক সেক্তর ইন্তর্প্রাইস অমা অমসুং লৈবাক্কী পাৱর য়ুতিলিতীগী লুচিংবা অমা ওইনা, এন.তি.পি.সি.না আর.ই. সেক্তরদা পায়খৎলিবা মসিগুম্বা ইনভেস্তমেন্ত অসিগী খুত্থাংদা ইং ২০৩০ ফাওবদা জি.দবল্যু. ৬০ ফাওবগী রিন্যুএবল ইনর্জী কেপাসিতী হাপচিন্নবা পান্দম থম্লি অমসুং মসিনা লৈবাক অসিনা মথক্তা পনখ্রিবা পান্দম অসি ফংবদা তেংবাংগনি অমসুং ইং ২০৭০ ফাওবদা ‘নেত জিরো’ ইমিসনগী হেন্না চাউবা পান্দমগী মাইকৈদা চঙশিনবা ঙমহনগনি। অনৌবা অচৌবা পান্দম অসি ‘নেত জিরো’গী মাইকৈদা ভারতনা শরুক তম্বা ক্লাইমেত এক্সন অমা ওইনা কোপ ২৬ সম্মিত্তা হন্দক্তা লাউথোকখিবা সরকারগী ‘পাঞ্চঅমৃত’কী মতুং ইনবনি।

এন.জি.ই.এল.না এন.তি.পি.সি.গী রিন্যুএবল ইনর্জীগী খোঙচত্তা লমজিং মৈরা পুদুনা চৎনবা পান্দম থম্লি অমসুং হৌজিক মথৌ পাংথোক্লিবা/শাবা লোইশিল্লক্লবা এম.দবল্যু. ২৮৬১গী আর.ই. এসেত ১৫ লৈরি অমসুং কম্পিতিতিব বিদ্দিং অমসুং গ্রীন ইনর্জী ব্যুজিনেসকী লৈরক্লিবা তোঙান-তোঙানবা খুদোংচাবা কয়াদা শরুক য়াদুনা মখোয়গী সবসিদরীশিংগী খুত্থাংদা এন.আর.ই.এল. (এন.তি.পি.সি. রিন্যুএবল ইনর্জী লিমিতেদ) অসিসু হেন্না পাকথোক চাউথোক্নবা শেম শাদুনা লৈরিবনি। এন.তি.পি.সি.গী মফমদা কোম্থোক্লিবশিং অসিনা ভারতকী মালেমগী শক্তকাপু গ্রীন ইকোনোমী অমা ওইনা হেন্না ফজহনবদা তেংবাংগনি। মসিনা ভারতকী ইনর্জী পুথোকপগী থৌওংবু দাইভর্সিফাই তৌদুনা ভারতনা ইনর্জীগী কনভেস্নেল সোর্সশিংদা মখা পোল্লিবশিংবু হন্থহনগনি অমসুং লৈবাক্না মীরমদগী কোয়লা পুশিল্লকপগী বিল কয়াসু হনথহনগনি। মখা তাবা ওইনা, মসিনা লৈবাক্কী মফম খুদিংদা পুং ২৪ মৈ ফংহনবদসু তেংবাংগনি।

রিন্যুএবল ইনর্জী প্রোজেক্ত অসিনা মসিগী কনস্ত্রক্সন স্তেজ অমসুং ও. অমসুং এম. স্তেজ মনুংদা লোকেলগী মীয়ামদা থবক কয়া হকথেংননা অমসুং নাকোইননা পীগনি।

****