ആദ്യഘട്ടത്തിൽ രാജ്യത്തെ 150 ജില്ലകളിലാണ് യുവ ഉത്സവം സംഘടിപ്പിക്കുന്നത്

ന്യൂ ഡൽഹി , മാർച്ച് 03, 2023  

കേന്ദ്ര യുവജനകാര്യ, കായിക, വാർത്താ വിതരണ  പ്രക്ഷേപണ വകുപ്പ് മന്ത്രി ശ്രീ അനുരാഗ് സിംഗ് താക്കൂർ 2023 മാർച്ച് 4 ന് പഞ്ചാബിലെ റോപ്പാറിൽ നിന്ന് യുവ ഉത്സവ-ഇന്ത്യ@2047 ഉദ്ഘാടനം ചെയ്യും. തദവസരത്തിൽ ശ്രീ അനുരാഗ് താക്കൂർ യുവ ഉത്സവയുടെ ഡാഷ്‌ബോർഡും പുറത്തിറക്കും

കേരളത്തിൽ നിന്നും പാലക്കാട് ജില്ല,   പ്രതാപ്ഗഡ് (യു.പി.), ഹരിദ്വാർ (ഉത്തരാഖണ്ഡ്), ധാർ, ഹൊസങ്കാബാദ് (എം.പി.), ഹനുമാൻഗഡ് (രാജസ്ഥാൻ), സരയേകേല (ജാർഖണ്ഡ്), കപൂർത്തല (പഞ്ചാബ്), ജൽഗാവ് (മഹാരാഷ്ട്ര), വിജയവാഡ (ആന്ധ്രപ്രദേശ് ), കരിംനഗർ (തെലങ്കാന),   കടലൂർ (തമിഴ്നാട്).എന്നിവിടങ്ങൾ 2023 മാർച്ച് 4-ന് നടക്കുന്ന യുവ ഉത്സവത്തിന്  ഒരേസമയം ആതിഥേയത്വം വഹിക്കും.യുവശക്തിയുടെ  ആഘോഷമായ യുവ ഉത്സവം ആദ്യഘട്ടത്തിൽ 2023 മാർച്ച് 31-ഓടെ   രാജ്യത്തുടനീളമുള്ള 150 ജില്ലകളിൽ  സംഘടിപ്പിക്കും.

യുവജനകാര്യ, കായിക മന്ത്രാലയം അതിന്റെ പ്രധാന  യുവജന സംഘടനയായ നെഹ്‌റു യുവ കേന്ദ്ര സംഗതൻ (NYKS) മുഖേന രാജ്യത്തുടനീളമുള്ള എല്ലാ ജില്ലകളിലും "യുവ ഉത്സവ് - ഇന്ത്യ @2047" പരിപാടി സംഘടിപ്പിക്കുന്നു .2023 മാർച്ച് മുതൽ ജൂൺ വരെ യുവ ഉത്സവം നടക്കും. യുവശക്തിയുടെ ഈ അഖിലേന്ത്യാ ആഘോഷം 3 തലത്തിൽ നടക്കും . ഒരു ഏകദിന ജില്ലാതല പരിപാടിയോടെയാണ്  യുവ ഉത്സവം ആരംഭിക്കുന്നത് .ഈ സാമ്പത്തിക വർഷം 2023 മാർച്ച് 4 മുതൽ മാർച്ച് 31 വരെ പരിപാടിയുടെ ആദ്യ ഘട്ടം 150 ജില്ലകളിൽ നടത്താൻ ആസൂത്രണം  ചെയ്തിട്ടുണ്ട് .

NYKS-ൽ അഫിലിയേറ്റ് ചെയ്തിട്ടുള്ള യൂത്ത് വോളണ്ടിയർമാരും യൂത്ത് ക്ലബിലെ അംഗങ്ങളും കൂടാതെ ജില്ലയിലെ സ്‌കൂളുകൾ , കോളേജുകൾ  മറ്റ്  വിദ്യാഭ്യാസ സ്ഥാപനങ്ങൾ എന്നിവിടങ്ങളിൽ നിന്നുള്ള വിപുലമായ പങ്കാളിത്തത്തോടെ  ആണ് ആദ്യ ഘട്ടത്തിലെ പരിപാടികൾ സംഘടിപ്പിക്കുന്നത്.