ധനകാര്യ മന്ത്രാലയം

2022-23 സാമ്പത്തിക സര്‍വേയുടെ സംഗ്രഹം


ആഗോളതലത്തിലെ സാമ്പത്തിക-രാഷ്ട്രീയ വികസന പാതയുടെ വളര്‍ച്ചയ്ക്കു വിധേയമായി ഇന്ത്യ 2023-24ല്‍ 6.0 ശതമാനം മുതല്‍ 6.8 ശതമാനം വരെ ജിഡിപി വളര്‍ച്ച കൈവരിക്കും.

സാമ്പത്തിക സര്‍വേ 2022-23 24 സാമ്പത്തിക വര്‍ഷത്തില്‍ അടിസ്ഥാന ആഭ്യന്തര മൊത്ത ഉല്‍പാദനത്തില്‍ 6.5 ശതമാനം വളര്‍ച്ച കണക്കാക്കുന്നു.

2023 മാര്‍ച്ചില്‍ അവസാനിക്കുന്ന വര്‍ഷത്തില്‍ സമ്പദ്വ്യവസ്ഥ 7 ശതമാനം  വളര്‍ച്ച പ്രതീക്ഷിക്കുന്നു, മുന്‍ സാമ്പത്തിക വര്‍ഷത്തില്‍ 8.7 ശതമാനം വളര്‍ച്ച നേടിയിരുന്നു.
സൂക്ഷ്മ, ചെറുകിട, ഇടത്തരം സംരംഭകത്വ (എംഎസ്എംഇ) മേഖലയിലേക്കുള്ള വായ്പാ വളര്‍ച്ച 2022 ജനുവരി-നവംബര്‍ കാലയളവില്‍ ശരാശരി 30.5 ശതമാനത്തിലധികം ഉയര്‍ന്നു.

കേന്ദ്ര ഗവണ്‍മെന്റിന്റെ മൂലധനച്ചെലവ് (കാപെക്സ്) 23 സാമ്പത്തിക വര്‍ഷത്തിന്റെ ആദ്യത്തെ എട്ടു മാസങ്ങളില്‍ 63.4 ശതമാനം വര്‍ധിച്ചു, ഇത് ഈ വര്‍ഷം ഇന്ത്യന്‍ സമ്പദ് വ്യവസ്ഥയുടെ വളര്‍ച്ചയെ നയിച്ച ഘടകങ്ങളില്‍ ഒന്നായിരുന്നു.

23 സാമ്പത്തിക വര്‍ഷത്തിന്റെ രണ്ടാം പാദത്തില്‍ ജിഡിപിയുടെ ഒരു ശതമാനം എന്ന നിലയില്‍ സ്വകാര്യ ഉപഭോഗം 58.4 ശതമാനമായിരുന്നു. ഇത് 2013-14 മുതലുള്ള എല്ലാ വര്‍ഷങ്ങളുടെയും രണ്ടാം പാദത്തിലെ ഏറ്റവും കൂടിയ നിരക്കാണ്.

ലോക വാണിജ്യ സംഘടനയുടെ ആഗോള വ്യാപാരം 2022ല്‍ 3.5 ശതമാനം ആയിരുന്നെങ്കില്‍ 2023ല്‍ ഒരു ശതമാനമായിരിക്കുമെന്ന സര്‍വേ ചൂണ്ടിക്കാട്ടുന്നു.

ആഗോള തലത്തിലെ സാമ്പത്തിക, രാഷ്ട്രീയ സംഭവവികാസങ്ങള്‍ക്കു വിധേയമായി ഇന്ത്യ 2023-24ല്‍ മൊത്തം ആഭ്യന്തര ഉല്‍പാദനത്തില്‍ ആറു ശതമാനം മുതല്‍ 6.8 ശതമാനം വരെ വര്‍ധന നേടും.

Posted On: 31 JAN 2023 2:00PM by PIB Thiruvananthpuram

പല അനുകൂല ഘടകങ്ങളെ മുന്‍നിര്‍ത്തിയാണു വളര്‍ച്ചയെ സംബന്ധിച്ച ശുഭാപ്തിപൂര്‍ണമായ പ്രവചനം. സ്വകാര്യ ഉപഭോഗം പൂര്‍വ സ്ഥിതി പ്രാപിച്ചത് ഉല്‍പാദന പ്രക്രിയയ്ക്കു ജീവന്‍ പകര്‍ന്നത്, വര്‍ധിച്ച തോതിലുള്ള മൂലധന വിനിയോഗം, ഏതാണ്ടെല്ലാവര്‍ക്കും പ്രതിരോധ കുത്തിവെപ്പു നല്‍കിയതിനാല്‍ ഹോട്ടലുകളും മാളുകളും സിനിമാ തിയറ്ററുകളും പോലുള്ള ആള്‍ക്കൂട്ടം രൂപപ്പെടാവുന്ന മേഖലകളിലെ പ്രവര്‍ത്തനം പുനരാരംഭിച്ചത്, നഗരങ്ങളിലെ കെട്ടിട നിര്‍മാണ പ്രവര്‍ത്തനങ്ങള്‍ക്കു കുടിയേറ്റ തൊഴിലാളികള്‍ തിരിച്ചെത്തിയത് തുടങ്ങിയ ഘടകങ്ങള്‍ ഗുണകരമായി.

കേന്ദ്ര ധനകാര്യ, കോര്‍പ്പറേറ്റ് കാര്യ മന്ത്രി ശ്രീമതി നിര്‍മല സീതാരാമന്‍ ഇന്ന് പാര്‍ലമെന്റില്‍ 2022-23 സാമ്പത്തിക സര്‍വേ അവതരിപ്പിച്ചു, ഇത് 24 സാമ്പത്തിക വര്‍ഷത്തില്‍ മൊത്തം ആഭ്യന്തര ഉല്‍പാദനത്തില്‍ 6.5 ശതമാനം അടിസ്ഥാന വളര്‍ച്ച പ്രവചിക്കുന്നു. ലോകബാങ്ക്, ഐഎംഎഫ്, എഡിബി തുടങ്ങിയ ബഹുതല ഏജന്‍സികളും ആഭ്യന്തരമായി ആര്‍ബിഐയും നല്‍കുന്ന പ്രതീക്ഷിത കണക്കുകളുമായി ഈ പ്രവചനത്തെ  താരതമ്യപ്പെടുത്താവുന്നതാണ്.
കോര്‍പ്പറേറ്റ്, ബാങ്കിംഗ് മേഖലകളുടെ ബാലന്‍സ് ഷീറ്റുകള്‍ ശക്തിപ്പെടുന്നതോടെ ഇന്ത്യയില്‍ ഊര്‍ജസ്വലമായ വായ്പാ വിതരണവും മൂലധന നിക്ഷേപ ചക്രവും നിമിത്തം സാമ്പത്തിക വര്‍ഷത്തില്‍ വളര്‍ച്ച ത്വരിതഗതിയിലാകുമെന്നും അതില്‍ പറയുന്നു. പൊതു ഡിജിറ്റല്‍ പ്ലാറ്റ്ഫോമുകളുടെ വിപുലീകരണത്തില്‍ നിന്നും പിഎം ഗതിശക്തി, ദേശീയ ചരക്കുനീക്ക നയം, ഉല്‍പ്പാദനം വര്‍ധിപ്പിക്കുന്നതിനുള്ള ഉല്‍പാദനാധിഷ്ഠിത ആനുകൂല്യ പദ്ധതികള്‍ തുടങ്ങിയ ദിശാനിര്‍ണയ നടപടികളില്‍ നിന്നും സാമ്പത്തിക വളര്‍ച്ചയ്ക്ക് കൂടുതല്‍ പിന്തുണ ലഭിക്കും.
സര്‍വേ പറയുന്നത്, യഥാര്‍ത്ഥത്തില്‍ 2023 മാര്‍ച്ചില്‍ അവസാനിക്കുന്ന വര്‍ഷം സമ്പദ്വ്യവസ്ഥ 7 ശതമാനം വളര്‍ച്ച കൈവരിക്കുമെന്ന് പ്രതീക്ഷിക്കുന്നു എന്നാണ്. മുന്‍ സാമ്പത്തിക വര്‍ഷത്തിലെ 8.7 ശതമാനം വളര്‍ച്ചയെ തുടര്‍ന്നാണിത്.

കോവിഡ് 19ന്റെ മൂന്ന് ആഘാതങ്ങള്‍, റഷ്യന്‍-ഉക്രെയ്ന്‍ സംഘര്‍ഷം, പണപ്പെരുപ്പം തടയുന്നതിനായി കേന്ദ്ര ബാങ്കുകളും ഫെഡറല്‍ റിസര്‍വും സമന്വിത നയങ്ങള്‍ പിന്‍തുടരുന്നത് തുടങ്ങിയ കാരണങ്ങള്‍ നിമിത്തം യുഎസ് ഡോളറിന്റെ മൂല്യവും കറന്റ് അക്കൗണ്ട് കമ്മിയും വര്‍ധിക്കുന്നത് പോലുള്ള പ്രതികൂല സാഹചര്യങ്ങള്‍ ഉണ്ടായിട്ടും ലോകത്താകമാനമുള്ള ഏജന്‍സികള്‍ ഇന്ത്യ ഏറ്റവും വേഗത്തില്‍ വളരുന്ന വന്‍കിട സമ്പദ് വ്യവസ്ഥയാകുമെന്നും 23 സാമ്പത്തിക വര്‍ഷത്തില്‍ ആറര മുതല്‍ ഏഴു വരെ ശതമാനം വളര്‍ച്ചനേടുമെന്നും പ്രവചിക്കുന്നു.
സര്‍വേ അനുസരിച്ച്, 23 സാമ്പത്തിക വര്‍ഷത്തിലെ ഇന്ത്യയുടെ സാമ്പത്തിക വളര്‍ച്ചയെ പ്രധാനമായും നയിച്ചതു സ്വകാര്യ ഉപഭോഗവും മൂലധന രൂപീകരണവുമാണ്. ഇതു കൂടുതല്‍ തൊഴിലവസരങ്ങള്‍ സൃഷ്ടിച്ചു. നഗരങ്ങളിലെ തൊഴിലില്ലായ്മാ നിരക്കു കുറയാനും എംപ്ലോയീ പ്രൊവിഡന്റ് ഫണ്ട് റജിസ്‌ട്രേഷന്‍ വര്‍ധിക്കാനും ഇത് ഇടയാക്കി. 200 കോടിയിലധികം ഡോസുകള്‍ ഉള്‍പ്പെടുന്ന ലോകത്തിലെ രണ്ടാമത്തെ വലിയ വാക്‌സിനേഷന്‍ ഡ്രൈവ് ഉപഭോഗത്തിന്റെ തിരിച്ചുവരവ് വര്‍ദ്ധിക്കാനിടയാക്കി. എന്നിരുന്നാലും, തൊഴിലവസരങ്ങള്‍ വേഗത്തിലാക്കാന്‍ സ്വകാര്യ മൂലധനം നേതൃത്വപരമായ പങ്ക് ഉടന്‍ തന്നെ ഏറ്റെടുക്കേണ്ടതുണ്ട്.

ഈ കാര്യങ്ങളും ഇന്ത്യയുടെ സാമ്പത്തിക വളര്‍ച്ചയ്ക്ക് അനുകൂലഘടകങ്ങളായി സര്‍വേ ചൂണ്ടിക്കാട്ടുന്നു:
(i) ചൈനയിലെ കോവിഡ് -19 അണുബാധ കുതിച്ചുചാട്ടം ലോകത്തിന്റെ മറ്റു ഭാഗങ്ങളില്‍ പരിമിതമായ ആഘാതം മാത്രമേ ആരോഗ്യ, സാമ്പത്തിക രംഗങ്ങളില്‍ സൃഷടിച്ചുള്ളൂ.
(ii) ചൈനയുടെ സമ്പദ്വ്യവസ്ഥ വീണ്ടും തുറക്കപ്പെടുന്നതോടെ ഉണ്ടാകുന്ന പണപ്പെരുപ്പ സൂചനകള്‍ ഗൗരവമേറിയതോ സ്ഥിരമോ അല്ല.
(iii) സുസ്ഥിരമായ ആഭ്യന്തര നാണയപ്പെരുപ്പ നിരക്ക് 6 ശതമാനത്തില്‍ താഴെയായിരിക്കെ, പ്രധാന വികസിത സമ്പദ്വ്യവസ്ഥകളിലെ മാന്ദ്യ പ്രവണതകള്‍, പണപ്പെരുപ്പം അവസാനിപ്പിക്കുന്നതിനും മൂലധന പ്രവാഹം ഇന്ത്യയിലേക്കുള്ള തിരിച്ചുവരവിനും കാരണമാകുന്നു; കൂടാതെ
(iv) ഇത് ആവേശപൂര്‍വമുള്ള പുരോഗതിയിലേക്ക് നയിക്കുകയും സ്വകാര്യമേഖലയിലെ നിക്ഷേപത്തിന് കൂടുതല്‍ പ്രചോദനം നല്‍കുകയും ചെയ്യുന്നു.

2022 ജനുവരി മുതല്‍ നവംബര്‍ വരെയുള്ള കാലയളവില്‍ സൂക്ഷ്മ, ചെറുകിട, ഇടത്തരം സംരംഭങ്ങളുടെ (എംഎസ്എംഇ) മേഖലയുടെ വായ്പാവളര്‍ച്ച 2022 ജനുവരി-നവംബര്‍ കാലയളവില്‍ വളരെ ഉയര്‍ന്നതാണ്; 30.6 ശതമാനത്തിലധികം. കേന്ദ്ര ഗവണ്‍മെന്റിന്റെ വിപുലീകൃത എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരണ്ടി സ്‌കീമിന്റെ പിന്തുണയോടെയാണ് ഇതു സാധ്യമാകുന്നത്. എംഎസ്എംഇകളുടെ വീണ്ടെടുക്കല്‍ അതിവേഗം പുരോഗമിക്കുകയാണെന്ന് അവര്‍ അടയ്ക്കുന്ന ചരക്ക് സേവന നികുതിയുടെ (ജിഎസ്ടി) തുകയില്‍നിന്നു വ്യക്തമാണ്. അതേസമയം എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരന്റി സ്‌കീം (ഇസിജിഎല്‍എസ്) അവരുടെ കടബാധ്യത സംബന്ധിച്ച ആശങ്കകള്‍ ലഘൂകരിക്കുന്നു.

ഇതുകൂടാതെ, ആദായം വര്‍ധിച്ച അസ്ഥിരമായ ബോണ്ട് വിപണികളില്‍ നിന്ന് വായ്പക്കാരന്റെ ഫണ്ടിംഗ് തിരഞ്ഞെടുപ്പുകളും പലിശയും ഹെഡ്ജിംഗ് ചെലവുകളും വര്‍ധിച്ച ബാഹ്യ വാണിജ്യ വായ്പകളും ബാങ്കുകളിലേക്കുള്ള മാറ്റവും മൊത്തത്തിലുള്ള ബാങ്ക് വായ്പാ വര്‍ദ്ധനവിനെ സ്വാധീനിച്ചിട്ടുണ്ട്. 24 സാമ്പത്തിക വര്‍ഷത്തില്‍ പണപ്പെരുപ്പം കുറയുകയും വായ്പയുടെ യഥാര്‍ത്ഥ ചെലവ് ഉയരാതിരിക്കുകയും ചെയ്താല്‍ വായ്പാ വളര്‍ച്ച കുതിച്ചുയരാന്‍ സാധ്യതയുണ്ട്.

2023 സാമ്പത്തിക വര്‍ഷത്തിന്റെ ആദ്യ എട്ട് മാസങ്ങളില്‍ 63.4 ശതമാനം വര്‍ധിച്ച കേന്ദ്ര ഗവണ്‍മെന്റിന്റെ മൂലധന ചെലവ് (കാപെക്സ്) നടപ്പുവര്‍ഷത്തെ ഇന്ത്യന്‍ സമ്പദ്വ്യവസ്ഥയുടെ മറ്റൊരു വളര്‍ച്ചാ ചാലകമായിരുന്നു. ജനുവരി-മാര്‍ച്ച് പാദത്തില്‍ സ്വകാര്യ നിക്ഷേപത്തിരക്ക് വര്‍ധിച്ചു. 2022. നിലവിലെ ഗതി അനുസരിച്ച്, മുഴുവന്‍ വര്‍ഷത്തെ മൂലധന ചെലവ് ബജറ്റ് നിറവേറ്റപ്പെടുമെന്നു കരുതപ്പെടുന്നു. കോര്‍പ്പറേറ്റുകളുടെ ബാലന്‍സ് ഷീറ്റുകള്‍ ശക്തിപ്പെടുത്തുകയും അതിന്റെ ഫലമായി വായ്പ ലഭ്യമാക്കുകയും വഴി സ്വകാര്യ നിക്ഷേപത്തിന്റെ സുസ്ഥിരമായ വര്‍ദ്ധനവ് ആസന്നമാണ്.

2022 ജനുവരി മുതല്‍ നവംബര്‍ വരെയുള്ള കാലയളവില്‍ സൂക്ഷ്മ, ചെറുകിട, ഇടത്തരം സംരംഭങ്ങളുടെ (എംഎസ്എംഇ) മേഖലയിലേക്കുള്ള വായ്പാ വളര്‍ച്ച വളരെ ഉയര്‍ന്നതാണ്; 30.6 ശതമാനത്തിലധികം. വിപുലീകൃത എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരണ്ടി സ്‌കീമിന്റെ പിന്തുണയോടെയാണ് ഇതെന്നു സര്‍വേ പറയുന്നു. കേന്ദ്ര ഗവണ്‍മെന്റിന്റെ വിപുലീകൃത എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരണ്ടി സ്‌കീമിന്റെ പിന്തുണയോടെയാണ് ഇതു സാധ്യമാകുന്നത്. എംഎസ്എംഇകളുടെ വീണ്ടെടുക്കല്‍ അതിവേഗം പുരോഗമിക്കുകയാണെന്ന് അവര്‍ അടയ്ക്കുന്ന ചരക്ക് സേവന നികുതിയുടെ (ജിഎസ്ടി) തുകയില്‍നിന്നു വ്യക്തമാണ്. അതേസമയം എമര്‍ജന്‍സി ക്രെഡിറ്റ് ലിങ്ക്ഡ് ഗ്യാരന്റി സ്‌കീം (ഇസിജിഎല്‍എസ്) അവരുടെ കടബാധ്യത സംബന്ധിച്ച ആശങ്കകള്‍ ലഘൂകരിക്കുന്നു.

ഇതുകൂടാതെ, ആദായം വര്‍ധിച്ച അസ്ഥിരമായ ബോണ്ട് വിപണികളില്‍ നിന്ന് വായ്പക്കാരന്റെ ഫണ്ടിംഗ് തിരഞ്ഞെടുപ്പുകളും പലിശയും ഹെഡ്ജിംഗ് ചെലവുകളും വര്‍ധിച്ച ബാഹ്യ വാണിജ്യ വായ്പകളും ബാങ്കുകളിലേക്കുള്ള മാറ്റവും മൊത്തത്തിലുള്ള ബാങ്ക് വായ്പയിലെ വര്‍ദ്ധനവിനെ സ്വാധീനിച്ചിട്ടുണ്ട്. 24 സാമ്പത്തിക വര്‍ഷത്തില്‍ പണപ്പെരുപ്പം കുറയുകയും വായ്പയുടെ യഥാര്‍ത്ഥ ചെലവ് ഉയരാതിരിക്കുകയും ചെയ്താല്‍, 24 സാമ്പത്തിക വര്‍ഷത്തില്‍ വായ്പാ വളര്‍ച്ച കുതിച്ചുയരാന്‍ സാധ്യതയുണ്ട്.

2023 സാമ്പത്തിക വര്‍ഷത്തിന്റെ ആദ്യ എട്ട് മാസങ്ങളില്‍ 63.4 ശതമാനം വര്‍ധിച്ച കേന്ദ്ര ഗവണ്‍മെന്റിന്റെ മൂലധന ചെലവ് (കാപെക്സ്) നടപ്പുവര്‍ഷത്തെ ഇന്ത്യന്‍ സമ്പദ്വ്യവസ്ഥയുടെ മറ്റൊരു വളര്‍ച്ചാ ചാലകമായിരുന്നു. 2022 ജനുവരി-മാര്‍ച്ച് പാദത്തില്‍ സ്വകാര്യ നിക്ഷേപത്തിരക്ക് വര്‍ധിച്ചു. നിലവിലെ ഗതിയനുസരിച്ച്, മുഴുവന്‍ വര്‍ഷത്തെ മൂലധന ചെലവ് നിറവേറ്റപ്പെടുമെന്ന് തോന്നുന്നു. കോര്‍പ്പറേറ്റുകളുടെ ബാലന്‍സ് ഷീറ്റുകള്‍ ശക്തിപ്പെടുത്തുകയും അതിന്റെ ഫലമായി വായ്പ ലഭ്യമാക്കുന്നതില്‍ സൃഷ്ടിക്കാന്‍ കഴിയുന്ന വര്‍ദ്ധനയും വഴി സ്വകാര്യ നിക്ഷേപത്തിന്റെ സുസ്ഥിരമായ വര്‍ദ്ധനവ് ആസന്നമാണ്.
മഹാവ്യാധിസമയത്ത് നിര്‍മ്മാണ പ്രവര്‍ത്തനങ്ങള്‍ നിര്‍ത്തിവയ്ക്കുന്നതിനെക്കുറിച്ച്, സര്‍വേ അടിവരയിടുന്നത്, ഉപഭോഗത്തിന്റെ കുതിപ്പ് ഭവന വിപണിയിലേക്ക് വ്യാപിച്ചതിനാല്‍, കുടിയേറ്റ തൊഴിലാളികളെ നിര്‍മ്മാണ സൈറ്റുകളില്‍ ജോലി ചെയ്യാന്‍ നഗരങ്ങളിലേക്ക് മടങ്ങുന്നതിന് പ്രതിരോധ കുത്തിവയ്പ്പുകള്‍ സഹായിച്ചിട്ടുണ്ടെന്ന് അടിവരയിടുന്നു. കഴിഞ്ഞ വര്‍ഷത്തെ 42 മാസങ്ങളില്‍ നിന്ന് 2023 സാമ്പത്തിക വര്‍ഷത്തിന്റെ മൂന്നാം പാദത്തില്‍ ഇന്‍വെന്ററി ഓവര്‍ഹാംഗില്‍ ഗണ്യമായ കുറവുണ്ടായത് ഭവന വിപണിയില്‍ പ്രകടമാണ്.

മഹാത്മാഗാന്ധി ദേശീയ ഗ്രാമീണ തൊഴിലുറപ്പ് പദ്ധതി ഗ്രാമപ്രദേശങ്ങളില്‍ നേരിട്ട് ജോലി നല്‍കുകയും ഗ്രാമീണ കുടുംബങ്ങള്‍ക്ക് അവരുടെ വരുമാന സ്രോതസ്സുകള്‍ വൈവിധ്യവത്കരിക്കാനുള്ള അവസരങ്ങള്‍ പരോക്ഷമായി സൃഷ്ടിക്കുകയും ചെയ്യുന്നുവെന്നും അതില്‍ പറയുന്നു. പിഎം-കിസാന്‍, പിഎം ഗരീബ് കല്യാണ്‍ യോജന തുടങ്ങിയ പദ്ധതികള്‍ രാജ്യത്ത് ഭക്ഷ്യസുരക്ഷ ഉറപ്പാക്കാന്‍ സഹായിച്ചിട്ടുണ്ട്. അവയുടെ സ്വാധീനം ഐക്യരാഷ്ട്രസഭയുടെ വികസന പരിപാടി (യുഎന്‍ഡിപി) അംഗീകരിച്ചിട്ടുണ്ട്. ദേശീയ കുടുംബാരോഗ്യ സര്‍വേയുടെ ഫലങ്ങളും ലിംഗഭേദം, പ്രജനന നിരക്ക്, ഗാര്‍ഹിക സൗകര്യങ്ങള്‍, സ്ത്രീ ശാക്തീകരണം തുടങ്ങിയ വശങ്ങള്‍ ഉള്‍ക്കൊള്ളുന്ന ഗ്രാമീണ ക്ഷേമ സൂചകങ്ങളില്‍ 16 സാമ്പത്തിക വര്‍ഷം മുതല്‍ 20 സാമ്പത്തിക വര്‍ഷം വരെ പുരോഗതി കാണിക്കുന്നു.

മഹാവ്യാധിയുമായുള്ള ഏറ്റുമുട്ടലിനുശേഷം ഇന്ത്യന്‍ സമ്പദ്വ്യവസ്ഥ മുന്നോട്ട് നീങ്ങിയതായി കാണപ്പെടുന്നുവെന്ന് സര്‍വേ ശുഭാപ്തിവിശ്വാസത്തോടെ കുറിക്കുന്നു. മറ്റു പല രാജ്യങ്ങളെയും അപേക്ഷിച്ച് 22 സാമ്പത്തിക വര്‍ഷത്തില്‍ പൂര്‍ണ്ണമായ വീണ്ടെടുക്കല്‍ നടത്തുകയും 23 സാമ്പത്തിക വര്‍ഷത്തില്‍ പകര്‍ച്ചവ്യാധിക്ക് മുമ്പുള്ള വളര്‍ച്ചാ പാതയിലേക്ക് ഉയരാന്‍ സ്വയം നിലകൊള്ളുകയും ചെയ്യുന്നു. എന്നിരുന്നാലും, ഈ വര്‍ഷം യൂറോപ്പിലെ പ്രശ്‌നങ്ങള്‍ ഉയര്‍ത്തിയ പണപ്പെരുപ്പം നിയന്ത്രിക്കുക എന്ന വെല്ലുവിളി ഇന്ത്യയും നേരിട്ടു. ഗവണ്‍മെന്റും ആര്‍ബിഐയും കൈക്കൊണ്ട നടപടികള്‍, ആഗോള ചരക്കുവില ലഘൂകരിക്കല്‍ എന്നിവയ്ക്ക് ഒടുവില്‍ 2022 നവംബറില്‍ ചില്ലറ മേഖലയിലെ പണപ്പെരുപ്പം ആര്‍ബിഐ അംഗീകരിച്ചിരിക്കുന്ന പരമാവധി നിരക്കിനു താഴെ കൊണ്ടുവരാന്‍ കഴിഞ്ഞു.

അപ്പോഴും, മറ്റ് മിക്ക കറന്‍സികളേക്കാളും മികച്ച പ്രകടനം കാഴ്ചവയ്ക്കുന്നുണ്ടെങ്കിലും രൂപയുടെ മൂല്യം ഇടിയുന്ന വെല്ലുവിളി, യുഎസ് ഫെഡിന്റെ പോളിസി നിരക്കുകള്‍ ഇനിയും വര്‍ദ്ധിപ്പിക്കാനുള്ള സാധ്യത നിലനില്‍ക്കുന്നുണ്ടെന്ന് മുന്നറിയിപ്പ് നല്‍കുന്നു. ആഗോള ചരക്ക് വിലകള്‍ ഉയര്‍ന്ന നിലയില്‍ തുടരുകയും ഇന്ത്യന്‍ സമ്പദ്വ്യവസ്ഥയുടെ വളര്‍ച്ചയുടെ ആക്കം ശക്തമായി തുടരുകയും ചെയ്യുന്നതിനാല്‍ സിഎഡിയുടെ വിപുലീകരണം തുടരാം. മന്ദഗതിയിലുള്ള ലോക വളര്‍ച്ചയും വ്യാപാരവും നടപ്പുവര്‍ഷത്തിന്റെ രണ്ടാം പകുതിയില്‍ ആഗോള വിപണിയുടെ വലുപ്പം ചുരുക്കുന്നതിനാല്‍ കയറ്റുമതി ഉത്തേജന നഷ്ടം കൂടുതല്‍ സാധ്യമാണ്.

അതിനാല്‍, ആഗോള വളര്‍ച്ച 2023-ല്‍ കുറയുമെന്ന് പ്രവചിക്കപ്പെടുന്നു. തുടര്‍ന്നുള്ള വര്‍ഷങ്ങളിലും പൊതുവെ കുറയുമെന്ന് പ്രതീക്ഷിക്കുന്നു. ഡിമാന്‍ഡ് കുറയുന്നത് ആഗോള ചരക്കുവില കുറയാനിടയാക്കുകയും 24 സാമ്പത്തിക വര്‍ഷത്തില്‍ ഇന്ത്യയുടെ സിഎഡി മെച്ചപ്പെടുകയും ചെയ്യും. എന്നിരുന്നാലും, കറന്റ് അക്കൗണ്ട് ബാലന്‍സിന് ഒരു അപകടസാധ്യത ഉണ്ടാകുന്നത് പ്രധാനമായും ആഭ്യന്തര ഡിമാന്‍ഡ്, ഒരു പരിധിവരെ കയറ്റുമതി എന്നിവയാല്‍ നയിക്കപ്പെടുന്ന വേഗത്തിലുള്ള വീണ്ടെടുക്കലില്‍ നിന്നാണ്. നടപ്പുവര്‍ഷത്തിന്റെ വളര്‍ച്ചാ ആക്കം അടുത്ത വര്‍ഷത്തേക്ക് വ്യാപിക്കുന്നതിനാല്‍ സിഎഡി സൂക്ഷ്മമായി നിരീക്ഷിക്കേണ്ടതുണ്ടെന്നും ഇത് ചൂണ്ടിക്കാട്ടുന്നു.

2020 മുതല്‍ ആഗോള സമ്പദ്വ്യവസ്ഥയെ കുറഞ്ഞത് മൂന്ന് ആഘാതങ്ങളെങ്കിലും ബാധിച്ചതിനാല്‍, പൊതുവേ, ആഗോള സാമ്പത്തിക ആഘാതങ്ങള്‍ തീവ്രമായിരുന്നുവെങ്കിലും കാലക്രമേണ അതുണ്ടാക്കിയ തിരിച്ചടി ഇല്ലാതായെന്ന രസകരമായ വസ്തുത സര്‍വേ മുന്നില്‍ കൊണ്ടുവരുന്നു. .

ആഗോള ഉല്‍പ്പാദനത്തിനു മഹാവ്യാധി നിമിത്തമുണ്ടായ സങ്കോചത്തോടെയാണ് ഇതെല്ലാം ആരംഭിച്ചത്. തുടര്‍ന്ന് റഷ്യന്‍-ഉക്രെയ്ന്‍ സംഘര്‍ഷം ലോകമെമ്പാടുമുള്ള പണപ്പെരുപ്പത്തിലേക്ക് നയിച്ചു. തുടര്‍ന്ന്, ഫെഡറല്‍ റിസര്‍വിന്റെ നേതൃത്വത്തിലുള്ള സമ്പദ്വ്യവസ്ഥയിലുടനീളമുള്ള സെന്‍ട്രല്‍ ബാങ്കുകള്‍ പണപ്പെരുപ്പം തടയുന്നതിനായി സമന്വയിപ്പിച്ച നയ നിരക്ക് വര്‍ദ്ധനകളോട് പ്രതികരിച്ചു. യുഎസ് ഫെഡിന്റെ നിരക്ക് വര്‍ദ്ധന മൂലധനത്തെ യുഎസ് വിപണികളിലേക്ക് നയിച്ചു, മിക്ക കറന്‍സികള്‍ക്കെതിരെയും യുഎസ് ഡോളറിന്റെ മൂല്യം ഉയര്‍ന്നു. ഇത് കറന്റ് അക്കൗണ്ട് കമ്മി(സിഎഡി) വര്‍ധിക്കുന്നതിനും ഇറക്കുമതി സമ്പദ്വ്യവസ്ഥയില്‍ പണപ്പെരുപ്പ സമ്മര്‍ദ്ദം വര്‍ദ്ധിക്കുന്നതിനും കാരണമായി.

നിരക്ക് വര്‍ദ്ധനയും നിരന്തരമായ പണപ്പെരുപ്പവും 2022, 2023 വര്‍ഷങ്ങളിലെ ആഗോള വളര്‍ച്ചാ പ്രവചനങ്ങള്‍ 2022 ഒക്ടോബറിലെ വേള്‍ഡ് ഇക്കണോമിക് ഔട്ട്ലുക്കിന്റെ അപ്ഡേറ്റില്‍ ഐഎംഎഫ് കുറയ്ക്കുന്നതിന് കാരണമായി. ചൈനീസ് സമ്പദ്വ്യവസ്ഥയുടെ ദൗര്‍ബല്യങ്ങള്‍ വളര്‍ച്ചാ പ്രവചനങ്ങളെ ദുര്‍ബലപ്പെടുത്താന്‍ കാരണമായി. ആഗോള സാമ്പത്തിക പ്രതിസന്ധിക്ക് ശേഷം സാമ്പത്തികേതര മേഖലയുടെ കടം ഏറ്റവും കൂടുതല്‍ ഉയര്‍ന്ന വികസിത സമ്പദ്വ്യവസ്ഥകളില്‍ നിന്ന് സാമ്പത്തിക പകര്‍ച്ചവ്യാധികള്‍ ഉണ്ടാകുന്നത് സാമ്പത്തിക ഞെരുക്കത്തിന് പുറമെ ആഗോള വളര്‍ച്ച മന്ദഗതിയിലാക്കാനും ഇടയാക്കും. വികസിത സമ്പദ്വ്യവസ്ഥകളില്‍ പണപ്പെരുപ്പം തുടരുകയും കേന്ദ്ര ബാങ്കുകള്‍ കൂടുതല്‍ നിരക്ക് വര്‍ദ്ധനയെക്കുറിച്ച് സൂചന നല്‍കുകയും ചെയ്തതോടെ, ആഗോള സാമ്പത്തിക വീക്ഷണത്തിന് ദോഷകരമായ അപകടസാധ്യതകള്‍ ഉയര്‍ന്നതായി കാണപ്പെടുന്നു.

ഇന്ത്യയുടെ സാമ്പത്തിക പ്രതിരോധവും വളര്‍ച്ചയുടെ ചാലകശക്തിയും
ആര്‍ബിഐയുടെ പണമിടപാട് കര്‍ക്കശമാക്കല്‍, സിഎഡിയുടെ വിപുലീകരണം, കയറ്റുമതിയുടെ തകര്‍ച്ച തുടങ്ങിയ ഘടകങ്ങള്‍ പ്രധാനമായും യൂറോപ്പിലെ രാഷ്ട്രീയ കലഹത്തിന്റെ അനന്തരഫലങ്ങളാണെന്ന് സര്‍വേ ചൂണ്ടിക്കാട്ടുന്നു. ഈ സംഭവവികാസങ്ങള്‍ 2023 സാമ്പത്തിക വര്‍ഷത്തിലെ ഇന്ത്യന്‍ സമ്പദ്വ്യവസ്ഥയുടെ വളര്‍ച്ചയ്ക്ക് അപകടസാധ്യതകള്‍ സൃഷ്ടിച്ചതിനാല്‍, ലോകമെമ്പാടുമുള്ള പല ഏജന്‍സികളും ഇന്ത്യന്‍ സമ്പദ്വ്യവസ്ഥയുടെ വളര്‍ച്ചാ പ്രവചനം താഴോട്ടാക്കിക്കൊണ്ടിരിക്കുകയാണ്. എന്‍എസ്ഒ പുറത്തുവിട്ട മുന്‍കൂര്‍ എസ്റ്റിമേറ്റ് ഉള്‍പ്പെടെയുള്ള ഈ പ്രവചനങ്ങള്‍ ഇപ്പോള്‍ 6.5-7.0 ശതമാനം പരിധിയിലാണ്.

നിരക്കു താഴ്ത്തപ്പെട്ടെങ്കിലും 23 സാമ്പത്തിക വര്‍ഷത്തെ ഇന്ത്യയുടെ വളര്‍ച്ചാ പ്രതീക്ഷ മിക്കവാറും എല്ലാ പ്രധാന സമ്പദ്വ്യവസ്ഥകളേക്കാളും കൂടുതലാണ്. കൂടാതെ മഹാവ്യാധിയിലേക്ക് നയിച്ച ദശകത്തില്‍ ഇന്ത്യന്‍ സമ്പദ്വ്യവസ്ഥയുടെ ശരാശരി വളര്‍ച്ചയേക്കാള്‍ അല്പം കൂടുതലാണ്.

2022-ല്‍ അതിവേഗം വളരുന്ന പ്രധാനപ്പെട്ട രണ്ട് സമ്പദ്വ്യവസ്ഥകളിലൊന്നായി ഇന്ത്യ മാറുമെന്ന് ഐഎംഎഫ് കണക്കാക്കുന്നു. ശക്തമായ ആഗോള മാറ്റങ്ങളും കര്‍ശനമായ ആഭ്യന്തര ധനനയവും ഉണ്ടായിരുന്നിട്ടും, ഇന്ത്യ ഇപ്പോഴും 6.5 മുതല്‍ 7.0 ശതമാനം വരെ വളര്‍ച്ച പ്രതീക്ഷിക്കുന്നുവെങ്കില്‍, അത് ഇന്ത്യയുടെ അടിസ്ഥാന സാമ്പത്തിക പ്രതിരോധത്തിന്റെ പ്രതിഫലനമാണ്; സമ്പദ്വ്യവസ്ഥയുടെ വളര്‍ച്ചാ ചാലകങ്ങളെ വീണ്ടെടുക്കാനും പുതുക്കാനും പുനരുജ്ജീവിപ്പിക്കാനുമുള്ള അതിന്റെ കഴിവിന്റെ തെളിവാണ്. ബാഹ്യ ഉത്തേജനങ്ങളെ മാറ്റിവെച്ചുകൊണ്ട് വളര്‍ച്ചയിലേക്കുള്ള ആഭ്യന്തര ഉത്തേജനത്തില്‍ ഇന്ത്യയുടെ സാമ്പത്തിക അനശ്വരത കാണാന്‍ കഴിയും. 23 സാമ്പത്തിക വര്‍ഷത്തിന്റെ രണ്ടാം പകുതിയില്‍ കയറ്റുമതിയുടെ വളര്‍ച്ച മിതമായിരിക്കാം. എന്നിരുന്നാലും, 22 സാമ്പത്തിക വര്‍ഷത്തിലെ അവയുടെ കുതിച്ചുചാട്ടവും 23 സാമ്പത്തിക വര്‍ഷത്തിന്റെ ആദ്യപകുതിയും ഉല്‍പ്പാദന പ്രക്രിയ അതിവേഗമാക്കി.

ഉല്‍പ്പാദന, നിക്ഷേപ പ്രവര്‍ത്തനങ്ങള്‍ തല്‍ഫലമായി കുതിപ്പു നേടി. കയറ്റുമതിയുടെ വളര്‍ച്ച മെച്ചപ്പെട്ടപ്പോഴേക്കും, ആഭ്യന്തര ഉപഭോഗത്തിലെ തിരിച്ചുവരവ് ഇന്ത്യയുടെ സമ്പദ്വ്യവസ്ഥയുടെ വളര്‍ച്ചയെ മുന്നോട്ട് കൊണ്ടുപോകാന്‍ വേണ്ടത്ര പക്വത പ്രാപിച്ചിരുന്നു. മൊത്തം ആഭ്യന്തര ഉല്‍പാദനത്തിന്റെ ഒരു ശതമാനമെന്ന നിലയില്‍ സ്വകാര്യ ഉപഭോഗം 2023 സാമ്പത്തിക വര്‍ഷത്തിലെ രണ്ടാം പാദത്തില്‍ 58.4 ശതമാനമായിരുന്നു. ഇത് 2013-14 മുതലുള്ള എല്ലാ വര്‍ഷങ്ങളിലെയും ഉള്ളതില്‍ ഏറ്റവും ഉയര്‍ന്ന നിരക്കാണ്. വ്യാപാരം, ഹോട്ടല്‍, ഗതാഗതം തുടങ്ങിയ സമ്പര്‍ക്ക സാധ്യതയുള്ള സേവനങ്ങളിലെ തിരിച്ചുവരവു വളര്‍ച്ചയ്ക്കു സഹായകമായി. ഈ മേഖലകളില്‍ മുന്‍ പാദത്തെ അപേക്ഷിച്ച് 2023 സാമ്പത്തിക വര്‍ഷത്തിലെ രണ്ടാം പാദത്തില്‍ 16 ശതമാനം തുടര്‍ച്ചയായ വളര്‍ച്ച രേഖപ്പെടുത്തി.

പല സമ്പദ്വ്യവസ്ഥകളിലും ഗാര്‍ഹിക ഉപഭോഗം വീണ്ടും ഉയര്‍ന്നുവെങ്കിലും, ഇന്ത്യയിലെ തിരിച്ചുവരവ് അതിന്റെ തോതുകൊണ്ടു ശ്രദ്ധേയമാണ്. ഇത് ആഭ്യന്തര ശേഷി വിനിയോഗത്തില്‍ വര്‍ദ്ധനവിന് കാരണമായി. 2022 നവംബറില്‍ ഗാര്‍ഹിക സ്വകാര്യ ഉപഭോഗം ഉയര്‍ന്ന നിലയില്‍ തുടരുന്നു. കൂടാതെ, 2022 ഡിസംബറില്‍ പുറത്തിറക്കിയ ഉപഭോക്തൃ വിശ്വാസത്തെക്കുറിച്ചുള്ള ആര്‍ബിഐയുടെ ഏറ്റവും പുതിയ സര്‍വേ, നിലവിലുള്ളതും വരാനിരിക്കുന്നതുമായ തൊഴില്‍, വരുമാന സാഹചര്യങ്ങളുമായി ബന്ധപ്പെട്ട വികാരം മെച്ചപ്പെടുത്തുന്നതായി ചൂണ്ടിക്കാട്ടി.

സര്‍വേ മറ്റൊരു വീണ്ടെടുക്കലിലേക്ക് വിരല്‍ ചൂണ്ടുന്നു, ഭവന വായ്പകളുടെ ആവശ്യം വര്‍ദ്ധിച്ചതു ഭവന വിപണിയിലും പ്രതിഫലിക്കുന്നു. തല്‍ഫലമായി, വീടുകളുടെ വില സ്ഥിരത കൈവരിക്കുന്നു. പുതിയ വാസസ്ഥലങ്ങളുടെ നിര്‍മ്മാണം വേഗത്തിലാകുന്നു, ഇത് നിര്‍മ്മാണ മേഖല വഹിക്കുന്നതായി അറിയപ്പെടുന്ന എണ്ണമറ്റ ബന്ധങ്ങളെ ഉത്തേജിപ്പിക്കുന്നു. വാക്‌സിനേഷന്‍ കവറേജിന്റെ സാര്‍വത്രികവല്‍ക്കരണവും ഭവന വിപണിയെ ഉയര്‍ത്തുന്നതില്‍ ഒരു പ്രധാന പങ്ക് വഹിക്കുന്നു, അതിന്റെ അഭാവത്തില്‍, കുടിയേറ്റ തൊഴിലാളികള്‍ക്ക് പുതിയ വാസസ്ഥലങ്ങള്‍ നിര്‍മ്മിക്കാന്‍ കഴിയുമായിരുന്നില്ല.

കേന്ദ്ര ഗവണ്‍മെന്റിന്റെയും കേന്ദ്ര പൊതുമേഖലാ സംരംഭങ്ങളുടെയും വളരെയധികം വിപുലീകരിച്ച മൂലധന ബജറ്റ് (കാപെക്സ്) അതിവേഗം ഉപയോഗപ്പെടുത്തിക്കൊണ്ടിരിക്കുന്നതിനാല്‍ ഭവന നിര്‍മ്മാണ പ്രവര്‍ത്തനങ്ങള്‍ക്ക് പുറമേ, പൊതുവെ, 2023 സാമ്പത്തിക വര്‍ഷം ഗണ്യമായി ഉയര്‍ന്നു.

രാജ്യത്തെ കണക്കാക്കിയ മൂലധന നിക്ഷേപവര്‍ധന അനുസരിച്ച്, രാജ്യത്തിന്റെ സാമ്പത്തിക ഉല്‍പ്പാദനം കാപെക്സിന്റെ നാലിരട്ടിയെങ്കിലും വര്‍ദ്ധിക്കും. സംസ്ഥാനങ്ങള്‍ മൊത്തത്തില്‍ അവരുടെ കാപെക്സ് പ്ലാനുകളില്‍ മികച്ച പ്രകടനം കാഴ്ചവെക്കുന്നു. കേന്ദ്ര ഗവണ്‍മെന്റിനെപ്പോലെ, സംസ്ഥാനങ്ങള്‍ക്കും വലിയ മൂലധന ബജറ്റ് ഉണ്ട്, മൂലധന പ്രവര്‍ത്തനങ്ങള്‍ക്കുള്ള കേന്ദ്രത്തിന്റെ ഗ്രാന്റും 50 വര്‍ഷത്തില്‍ തിരിച്ചടയ്ക്കാവുന്ന പലിശ രഹിത വായ്പയും ഗുണംചെയ്യുന്നു.

കൂടാതെ, കേന്ദ്ര ഗവണ്‍മെന്റിന്റെ കഴിഞ്ഞ രണ്ട് ബജറ്റുകളിലെ ഒരു മൂലധന നിക്ഷേപ പ്രാധാന്യം രാജ്യത്തെ അടിസ്ഥാന സൗകര്യങ്ങളുടെ വിടവുകള്‍ പരിഹരിക്കാന്‍ മാത്രമുള്ള ഒറ്റപ്പെട്ട സംരംഭമായിരുന്നില്ല. തന്ത്രപ്രധാനമല്ലാത്ത പിഎസ്ഇകളുടെയും നഷ്ടത്തിലുള്ള പിഎസ്ഇകളുടെയും പൊതുമേഖലാ ആസ്തികള്‍ നിഷ്‌ക്രിയമാക്കുക വഴി വിശാലമാക്കിയ സാമ്പത്തിക ഭൂപ്രകൃതിയിലേക്ക് സ്വകാര്യ നിക്ഷേപം കൂട്ടുക എന്ന ലക്ഷ്യത്തോടെയുള്ള തന്ത്രപരമായ പദ്ധതിയുടെ ഭാഗമായിരുന്നു ഇത്.

ഇവിടെ, മൂന്ന് സംഭവവികാസങ്ങള്‍ ഇതിനെ പിന്തുണയ്ക്കുന്നു. ഒന്നാമതായി, 2023 സാമ്പത്തിക വര്‍ഷത്തിലെ കാപെക്സ് ബജറ്റിലെ ഗണ്യമായ വര്‍ദ്ധനവും അതുപോലെ തന്നെ അതിന്റെ ഉയര്‍ന്ന ചെലവ് നിരക്കും. രണ്ടാമതായി പ്രത്യക്ഷ നികുതി വരുമാനം ശേഖരണം വളരെ ഉയര്‍ന്നതാണ്, അതുപോലെ തന്നെ ജിഎസ്ടി പിരിവും ഉണ്ട്. ഇത് ബജറ്റ് ധനക്കമ്മിക്കു വിിധേയമായി മൂലധന വിഹിതം പൂര്‍ണമായി ചെലവിടുന്നു എന്ന് ഉറപ്പാക്കും. മൂന്നാമതായി 2022 ജനുവരി-മാര്‍ച്ച് പാദം മുതല്‍ കാപെക്സിന്റെ ഉയര്‍ന്ന വളര്‍ച്ചയുണ്ട്. സ്വകാര്യമേഖലയിലെ പദ്ധതികളും നിക്ഷേപവും വര്‍ധിക്കുന്നതിന്റെ തെളിവുകളുമുണ്ട്.

കയറ്റുമതി ഡിമാന്‍ഡിലെ വര്‍ദ്ധനവ്, ഉപഭോഗത്തിലെ തിരിച്ചുവരവ്, പബ്ലിക് ക്യാപെക്സ് എന്നിവ കോര്‍പ്പറേറ്റുകളുടെ നിക്ഷേപ/നിര്‍മ്മാണ പ്രവര്‍ത്തനങ്ങളില്‍ വീണ്ടെടുക്കലിന് കാരണമായെങ്കിലും, അവരുടെ ശക്തമായ ബാലന്‍സ് ഷീറ്റുകളും അവരുടെ ചെലവ് തീരുമാനിക്കുന്നതില്‍  തുല്യമായ പങ്ക് വഹിച്ചിട്ടുണ്ട്. രാജ്യാന്തര ഒത്തുതീര്‍പ്പു ബാങ്കിന്റെ സാമ്പത്തികേതര കടത്തിന്റെ കണക്കുകള്‍ പ്രകാരം, കഴിഞ്ഞ ദശകത്തില്‍ ഇന്ത്യന്‍ സാമ്പത്തികേതര സ്വകാര്യമേഖലയിലെ കടവും മൊത്തം ആഭ്യന്തര ഉല്‍പാദനത്തിന്റെ വിഹിതമായ സാമ്പത്തികേതര കോര്‍പ്പറേറ്റ് കടവും ഏകദേശം 30 ശതമാനം പോയിന്റ് കുറഞ്ഞു.

2022 ജനുവരി-മാര്‍ച്ച് പാദം മുതല്‍ വായ്പയുടെ വാര്‍ഷിക വളര്‍ച്ച ഇരട്ട അക്കത്തിലേക്ക് നീങ്ങുകയും മിക്ക മേഖലകളിലും ഉയരുകയും ചെയ്യുന്നതിനാല്‍ ഇന്ത്യയിലെ ബാങ്കിംഗ് മേഖലയും വായ്പയ്ക്കായുള്ള ഡിമാന്‍ഡിനോട് തുല്യ അളവില്‍ പ്രതികരിച്ചു.

പൊതുമേഖലാ ബാങ്കുകളുടെ ധനകാര്യത്തില്‍ കാര്യമായ വഴിത്തിരിവ് ഉണ്ടായിട്ടുണ്ട്, ലാഭം കൃത്യമായ ഇടവേളകളില്‍ രേഖപ്പെടുത്തപ്പെടുകയും അവയുടെ നിഷ്‌ക്രിയ ആസ്തി പ്രശ്‌നം അതിവേഗം പരിഹരിക്കുന്നതിനും ലിക്വിഡേഷനുമായി ഇന്‍സോള്‍വന്‍സി ആന്‍ഡ് ബാങ്ക്‌റപ്റ്റ്‌സി ബോര്‍ഡ് ഓഫ് ഇന്ത്യ (ഐബിബിഐ) വേഗത്തിലാക്കുകയും ചെയ്തു. അതേസമയം, പിഎസ്ബികളുടെ മൂലധന റിസ്‌ക് വെയ്റ്റഡ് അഡ്ജസ്റ്റഡ് റേഷ്യോ പര്യാപ്തതയുടെ പരിധിക്ക് മുകളില്‍ കുഴപ്പമില്ലാതെ നിലകൊള്ളുന്നുവെന്ന് ഉറപ്പാക്കിക്കൊണ്ട്, പിഎസ്ബികളെ നല്ല രീതിയില്‍ നിലനിര്‍ത്തുന്നതിന് ആവശ്യമായ ബജറ്റ് പിന്തുണ ഗവണ്‍മെന്റ് നല്‍കുന്നുണ്ട്. എന്നിരുന്നാലും, 23 സാമ്പത്തിക വര്‍ഷത്തില്‍ ഇതുവരെ കോര്‍പ്പറേറ്റ് ബോണ്ടുകളും പുറത്തുനിന്നുള്ള വാണിജ്യ കടമെടുക്കലും നല്‍കിയ കുറഞ്ഞ വായ്പപ്പണം നികത്താന്‍ ബാങ്കുകളെ സാമ്പത്തിക ശക്തി സഹായിച്ചിട്ടുണ്ട്. കോര്‍പ്പറേറ്റ് ബോണ്ടുകളുടെ വര്‍ദ്ധിച്ചുവരുന്ന വരുമാനവും ഇസിബികളിലെ ഉയര്‍ന്ന പലിശ, ഹെജിംഗ് ചെലവുകളും ഈ ഉപകരണങ്ങളെ മുന്‍വര്‍ഷത്തേക്കാള്‍ ആകര്‍ഷകമാക്കുന്നു.

23 സാമ്പത്തിക വര്‍ഷത്തില്‍ 6.8 ശതമാനം പണപ്പെരുപ്പം ഉണ്ടാകുമെന്ന് ആര്‍ബിഐ പ്രവചിക്കുന്നു, ഇത് അനുവദനീയമായ പരമാവധി പരിധിക്ക് പുറത്താണ്. അതേസമയം, സ്വകാര്യ ഉപഭോഗം തടയാന്‍ കഴിയുന്നത്ര ഉയര്‍ന്നതല്ല, നിക്ഷേപത്തിനുള്ള പ്രേരണയെ ദുര്‍ബലപ്പെടുത്തുന്ന തരത്തില്‍ താഴ്ന്നതുമല്ല.

ഇന്ത്യന്‍ സമ്പദ്വ്യവസ്ഥയിലെ മാക്രോ ഇക്കണോമിക്, വളര്‍ച്ചാ വെല്ലുവിളികള്‍

2021 സാമ്പത്തിക വര്‍ഷത്തില്‍ ഗണ്യമായ മൊത്തം ആഭ്യന്തര ഉല്‍പാദനം കുറയാനിടയാക്കിയ മഹാവ്യാധിയുടെ രണ്ട് തരംഗങ്ങളുടെ ആഘാതത്തിന് ശേഷം, ഒമിക്രോണിന്റെ മൂന്നാം തരംഗത്തില്‍ വൈറസില്‍ നിന്നുള്ള പെട്ടെന്നുള്ള മുക്തി 2022 ജനുവരി-മാര്‍ച്ച് പാദത്തില്‍ സാമ്പത്തിക ഉല്‍പ്പാദന നഷ്ടം കുറയ്ക്കുന്നതിന് സഹായിച്ചു. 22 സാമ്പത്തിക വര്‍ഷത്തില്‍ 20 സാമ്പത്തിക വര്‍ഷത്തിലെ മഹാവ്യാധിക്കു മുന്‍പുള്ള കാലത്തെ നില പിന്നിട്ടു. ഇന്ത്യന്‍ സമ്പദ്വ്യവസ്ഥ പല രാജ്യങ്ങളെയും അപേക്ഷിച്ച് പൂര്‍ണ്ണമായ വീണ്ടെടുക്കല്‍ നടത്തുന്നു. എന്നിരുന്നാലും, യൂറോപ്പിലെ സംഘര്‍ഷം നിമിത്തം സാമ്പത്തിക വളര്‍ച്ച സംബന്ധിച്ചും 23 സാമ്പത്തിക വര്‍ഷത്തിലെ പണപ്പെരുപ്പം സംബന്ധിച്ചുമുള്ള പ്രതീക്ഷകളില്‍ ഒരു പുനരവലോകനം ആവശ്യമായി വന്നു. രാജ്യത്തെ ചില്ലറ വില്‍പന മേഖലയിലെ പണപ്പെരുപ്പം 2022 ജനുവരിയില്‍ ആര്‍ബിഐയുടെ സഹിഷ്ണുതാ പരിധിക്ക് മുകളിലായിരുന്നു, കൂടാതെ 2022 നവംബറില്‍ സഹിഷ്ണുതാ പരിധിയായ 6 ശതമാനത്തിന് താഴെയായി കുറയുന്നതിന് മുമ്പ് പത്ത് മാസത്തേക്ക് സഹിഷ്ണുതാ പരിധിക്ക് മുകളിലായിരുന്നു.

ആഗോള ചരക്ക് വിലകള്‍ ലഘൂകരിച്ചിട്ടുണ്ടാകാം, എന്നാല്‍ സംഘര്‍ഷത്തിന് മുമ്പുള്ള നിലയുമായി താരതമ്യം ചെയ്യുമ്പോള്‍ അത് ഇപ്പോഴും ഉയര്‍ന്നതാണെന്നും അവര്‍ കറന്റ് അക്കൗണ്ട് കമ്മി കൂടുതല്‍ വര്‍ദ്ധിപ്പിച്ചിട്ടുണ്ടെന്നും വ്യക്തമാകുന്നു. ഇത് ഇതിനകം തന്നെ ഇന്ത്യയുടെ വളര്‍ച്ചയുടെ ആക്കം കൂട്ടി. 23 സാമ്പത്തിക വര്‍ഷത്തില്‍ കറന്റ് അക്കൗണ്ട് കമ്മിക്കു ധനസഹായം നല്‍കാനും ഇന്ത്യന്‍ രൂപയുടെ ചാഞ്ചാട്ടം നിയന്ത്രിക്കാന്‍ ഫോറെക്‌സ് മാര്‍ക്കറ്റില്‍ ഇടപെടാനും ആവശ്യമായ വിദേശനാണ്യ കരുതല്‍ ഇന്ത്യയിലുണ്ട്.

2023-24 സംബന്ധിച്ച കാഴ്ചപ്പാട്

2023-24നെ സംബന്ധിച്ചു സര്‍വേ പറയുന്നത്, മഹാമാരിയില്‍ നിന്നുള്ള ഇന്ത്യയുടെ വീണ്ടെടുക്കല്‍ താരതമ്യേന വേഗത്തിലായിരുന്നു, വരും വര്‍ഷത്തെ വളര്‍ച്ചയെ ശക്തമായ ആഭ്യന്തര ഡിമാന്‍ഡും മൂലധന നിക്ഷേപത്തിലെ വര്‍ധനയും പിന്തുണയ്ക്കും എന്നാണ്. ആരോഗ്യകരമായ ധനകാര്യ പിന്‍തുണയോടെ ഒരു പുതിയ സ്വകാര്യമേഖല മൂലധന രൂപീകരണ ചക്രത്തിന്റെ പ്രാരംഭ സൂചനകള്‍ ദൃശ്യമാണെന്നും അതിലും പ്രധാനമായി, മൂലധനച്ചെലവില്‍ സ്വകാര്യമേഖലയുടെ ജാഗ്രതയ്ക്ക് നഷ്ടപരിഹാരമായി ഗവണ്‍മെന്റ് മൂലധനച്ചെലവ് ഗണ്യമായി ഉയര്‍ത്തി എന്നും ചൂണ്ടിക്കാണിച്ചിട്ടുണ്ട്.

ബജറ്റ് മൂലധനച്ചെലവ് കഴിഞ്ഞ ഏഴ് വര്‍ഷത്തിനിടയില്‍ 2.7 മടങ്ങ് വര്‍ദ്ധിച്ചു, 16 സാമ്പത്തിക വര്‍ഷം മുതല്‍ 23 സാമ്പത്തിക വര്‍ഷം വരെ, ഇത് മൂലധന നിക്ഷേപ ചക്രത്തെ വീണ്ടും ഉത്തേജിപ്പിക്കുന്നു. ചരക്ക് സേവന നികുതി, ഇന്‍സോള്‍വന്‍സി ആന്‍ഡ് പാപ്പരത്ത കോഡ് തുടങ്ങിയ ഘടനാപരമായ പരിഷ്‌കാരങ്ങള്‍ സമ്പദ്വ്യവസ്ഥയുടെ കാര്യക്ഷമതയും സുതാര്യതയും വര്‍ദ്ധിപ്പിക്കുകയും സാമ്പത്തിക അച്ചടക്കവും മികച്ച അനുസരണവും ഉറപ്പാക്കുകയും ചെയ്തു, സര്‍വേ കൂട്ടിച്ചേര്‍ത്തു.

ഐ.എം.എഫിന്റെ വേള്‍ഡ് ഇക്കണോമിക് ഔട്ട്ലുക്ക്, 2022 ഒക്ടോബര്‍ അനുസരിച്ച് ആഗോള വളര്‍ച്ച 2022ലെ 3.2 ശതമാനത്തെ അപേക്ഷിച്ച് 2023ല്‍ 2.7 ശതമാനമായി കുറയുമെന്ന് പ്രവചിക്കപ്പെടുന്നു. സാമ്പത്തിക ഉല്‍പ്പാദനത്തിലെ മന്ദഗതിയിലുള്ള വളര്‍ച്ചയും വര്‍ദ്ധിച്ച അനിശ്ചിതത്വവും വ്യാപാര വളര്‍ച്ചയെ തടസ്സപ്പെടുത്തും. ലോകവ്യാപാര സംഘടനയുടെ ആഗോള വ്യാപാരത്തിലെ വളര്‍ച്ചാ പ്രവചനത്തില്‍ ഇത് 2022ലെ 3.5 ശതമാനത്തില്‍ നിന്ന് 2023ല്‍ 1.0 ശതമാനമായി കുറയും.

ബാഹ്യമായി, കറന്റ് അക്കൗണ്ട് ബാലന്‍സിനുള്ള അപകടസാധ്യതകള്‍ ഒന്നിലധികം ഉറവിടങ്ങളില്‍ നിന്നാണ്. ചരക്ക് വില റെക്കോര്‍ഡ് ഉയരത്തില്‍ നിന്ന് പിന്‍വാങ്ങുമ്പോള്‍, അവ ഇപ്പോഴും സംഘര്‍ഷത്തിന് മുമ്പുള്ള നിലവാരത്തിന് മുകളിലാണ്. ഉയര്‍ന്ന ചരക്ക് വിലകള്‍ക്കിടയിലുള്ള ശക്തമായ ആഭ്യന്തര ഡിമാന്‍ഡ് ഇന്ത്യയുടെ മൊത്തം ഇറക്കുമതി ബില്‍ ഉയര്‍ത്തുകയും കറന്റ് അക്കൗണ്ട് ബാലന്‍സിലെ പ്രതികൂല സംഭവവികാസങ്ങള്‍ക്ക് കാരണമാവുകയും ചെയ്യും. ആഗോള ഡിമാന്‍ഡ് മന്ദഗതിയിലായതിനാല്‍ കയറ്റുമതി വളര്‍ച്ച തകിടംമറിക്കപ്പെടുന്നതിലൂടെ ഇവ കൂടുതല്‍ വഷളായേക്കാം. കറന്റ് അക്കൗണ്ട് കമ്മി ഇനിയും വര്‍ദ്ധിക്കുകയാണെങ്കില്‍, കറന്‍സി മൂല്യത്തകര്‍ച്ച സമ്മര്‍ദ്ദത്തിന് വിധേയമായേക്കാം.

രൂഢമൂലമായ പണപ്പെരുപ്പം മുറുകുന്നതു നീണ്ടേക്കാം. അതിനാല്‍ കടമെടുക്കല്‍ ചെലവ് ഉയര്‍ന്നുനിന്നേക്കും.  അത്തരമൊരു സാഹചര്യത്തില്‍, ആഗോള സമ്പദ്വ്യവസ്ഥയുടെ സവിശേഷത 24 സാമ്പത്തിക വര്‍ഷത്തിലെ താഴ്ന്ന വളര്‍ച്ചയാണ്. എന്നിരുന്നാലും, മന്ദഗതിയിലുള്ള ആഗോള വളര്‍ച്ചയുടെ സാഹചര്യം രണ്ട് സില്‍വര്‍ ലൈനിംഗുകള്‍ അവതരിപ്പിക്കുന്നു - എണ്ണ വില താഴ്ന്ന നിലയില്‍ തുടരും, കൂടാതെ ഇന്ത്യയുടെ കറന്റ് അക്കൗണ്ട് കമ്മി നിലവില്‍ പ്രവചിക്കുന്നതിനേക്കാള്‍ മികച്ചതായിരിക്കും. മൊത്തത്തിലുള്ള ബാഹ്യ സാഹചര്യം കൈകാര്യം ചെയ്യാവുന്ന നിലയിലായിരിക്കും.

ഇന്ത്യയുടെ സമഗ്ര വളര്‍ച്ച
തൊഴിലവസരങ്ങള്‍ സൃഷ്ടിക്കുമ്പോള്‍ വളര്‍ച്ച എല്ലാവരേയും ഉള്‍ക്കൊള്ളുന്നുവെന്ന് സര്‍വേ ഊന്നിപ്പറയുന്നു. 2021 സെപ്റ്റംബറില്‍ അവസാനിച്ച പാദത്തില്‍ 15 വയസും അതിനുമുകളിലും പ്രായമുള്ളവരുടെ നഗര തൊഴിലില്ലായ്മ നിരക്ക് 9.8 ശതമാനത്തില്‍ നിന്ന് കുറഞ്ഞുവെന്ന് ആനുകാലിക ലേബര്‍ ഫോഴ്സ് സര്‍വേ കാണിക്കുന്നതിനാല്‍, ഈ സാമ്പത്തിക വര്‍ഷത്തില്‍ തൊഴില്‍ നിലവാരം ഉയര്‍ന്നതായി ഔദ്യോഗികവും അനൗദ്യോഗികവുമായ സ്രോതസ്സുകള്‍ സ്ഥിരീകരിക്കുന്നു. 2021 സെപ്റ്റംബറില്‍ അവസാനിക്കുന്ന പാദത്തില്‍ 9.8 ശതമാനമായിരുന്നത് ഒരു വര്‍ഷത്തിന് ശേഷം 7.2 ശതമാനത്തിലേക്ക് (2022 സെപ്തംബര്‍ അവസാനിക്കുന്ന പാദത്തില്‍) താഴ്ന്നു. ഇത് തൊഴില്‍ ശക്തി പങ്കാളിത്ത നിരക്കിലെ പുരോഗതിയോടൊപ്പം, 23 സാമ്പത്തിക വര്‍ഷത്തിന്റെ തുടക്കത്തില്‍, പകര്‍ച്ചവ്യാധി മൂലമുണ്ടായ മാന്ദ്യത്തില്‍ നിന്ന് സമ്പദ്വ്യവസ്ഥ കരകയറിയെന്നു സ്ഥിരീകരിക്കുന്നു.

സാമ്പത്തിക പ്രതിസന്ധിയില്‍ നിന്ന് സൂക്ഷ്മ, ചെറുകിട, ഇടത്തരം സംരംഭങ്ങളെ രക്ഷിക്കുന്നതില്‍ വിജയിച്ച അടിയന്തര ക്രെഡിറ്റ് ലൈന്‍ ഗ്യാരണ്ടി സ്‌കീം 21 സാമ്പത്തിക വര്‍ഷത്തില്‍ ഗവണ്‍മെന്റ് പ്രഖ്യാപിച്ചു. അടുത്തിടെയുള്ള സിബില്‍ റിപ്പോര്‍ട്ട് (ഇസിഎല്‍ജിഎസ് ഇന്‍സൈറ്റ്സ്, ഓഗസ്റ്റ് 2022) കോവിഡ് ആഘാതത്തെ അഭിമുഖീകരിക്കുന്നതില്‍ സൂക്ഷ്മ, ചെറികിട സംരംഭങ്ങളെ ഈ പദ്ധതി പിന്തുണച്ചിട്ടുണ്ടെന്ന് കാണിക്കുന്നു. ഇസിഎല്‍ജിഎസ് സ്വീകരിച്ച വായ്പക്കാരില്‍ 83 ശതമാനവും സൂക്ഷ്മ സംരംഭങ്ങള്‍ നടത്തുന്നവരാണ്. ഈ ചെറു യൂണിറ്റുകളില്‍ പകുതിയിലേറെയും എണ്ണത്തിന്റെ ആകെ പ്രകടനം 10 ലക്ഷം രൂപയില്‍ താഴെയാണ്.

കൂടാതെ, ഇസിഎല്‍ജിഎസ്സിന് അര്‍ഹതയുള്ളതും എന്നാല്‍ അത് പ്രയോജനപ്പെടുത്താത്തതുമായ സംരംഭങ്ങളെ അപേക്ഷിച്ച് ഇസിഎല്‍ജിഎസ് വായ്പയെടുക്കുന്നവര്‍ക്ക് നിഷ്‌ക്രിയ ആസ്തി നിരക്കുകള്‍ കുറവാണെന്നും സിബില്‍ ഡാറ്റ കാണിക്കുന്നു. കൂടാതെ, 2021 സാമ്പത്തിക വര്‍ഷത്തില്‍ ഇടിവു സംഭവിച്ചശേഷം എംഎസ്എംഇകള്‍ നല്‍കുന്ന ജിഎസ്ടി, ചെറുകിട ബിസിനസ്സുകളുടെ സാമ്പത്തിക പ്രതിരോധശേഷിയും എംഎസ്എംഇകള്‍ ലക്ഷ്യമിട്ടുള്ള മുന്‍കൂര്‍ ഗവണ്‍മെന്റ് ഇടപെടലിന്റെ ഫലപ്രാപ്തിയും പ്രതിഫലിപ്പിക്കുന്ന, 2020 സാമ്പത്തിക വര്‍ഷത്തിന്റെ കോവിഡിനു മുന്‍പുള്ള നിലവാരത്തെ മറികടന്നു.

കൂടാതെ, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് നിയമത്തിന്  കീഴില്‍ ഗവണ്‍മെന്റ് നടപ്പാക്കിയ പദ്ധതി, മറ്റേതൊരു വിഭാഗത്തേക്കാളും 'വ്യക്തികളുടെ ഭൂമിയിലെ പ്രവൃത്തികള്‍' സംബന്ധിച്ച് അതിവേഗം കൂടുതല്‍ ആസ്തികള്‍ സൃഷ്ടിക്കുന്നു. കൂടാതെ, ഗ്രാമീണ ജനസംഖ്യയുടെ പകുതിയോളം വരുന്ന കുടുംബങ്ങള്‍ക്ക് പ്രയോജനപ്പെടുന്ന പിഎം കിസാന്‍, പിഎം ഗരീബ് കല്യാണ്‍ അന്ന യോജന തുടങ്ങിയ പദ്ധതികള്‍ രാജ്യത്തെ ദാരിദ്ര്യം കുറയ്ക്കുന്നതിന് ഗണ്യമായ സംഭാവന നല്‍കി.

2022 ജൂലൈയിലെ യുഎന്‍ഡിപി റിപ്പോര്‍ട്ട്, ഇന്ത്യയില്‍ അടുത്തിടെയുണ്ടായ പണപ്പെരുപ്പത്തിനു നല്ല ലക്ഷ്യത്തോടെയുള്ള പിന്തുണ ലഭിച്ചതിനാല്‍ ദാരിദ്ര്യ ആഘാതം കുറവായിരിക്കുമെന്ന് പ്രസ്താവിച്ചു. കൂടാതെ, ഇന്ത്യയിലെ നാഷണല്‍ ഫാമിലി ഹെല്‍ത്ത് സര്‍വേ ലിംഗഭേദം, ഫെര്‍ട്ടിലിറ്റി നിരക്ക്, ഗാര്‍ഹിക സൗകര്യങ്ങള്‍, സ്ത്രീ ശാക്തീകരണം തുടങ്ങിയ വശങ്ങള്‍ ഉള്‍ക്കൊള്ളുന്ന മെച്ചപ്പെട്ട ഗ്രാമീണ ക്ഷേമ സൂചകങ്ങള്‍ 15 സാമ്പത്തിക വര്‍ഷം മുതല്‍ 20 സാമ്പത്തിക വര്‍ഷം വരെ കാണിക്കുന്നു.

റഷ്യ-ഉക്രെയ്ന്‍ സംഘര്‍ഷം മൂലമുണ്ടാകുന്ന ബാഹ്യ അസന്തുലിതാവസ്ഥ ലഘൂകരിക്കാനുള്ള വെല്ലുവിളിയെ ഈ പ്രക്രിയയില്‍ വളര്‍ച്ചയുടെ ആക്കം നഷ്ടപ്പെടാതെ ചെറുത്തുനിന്നതിനാല്‍ ഇന്ത്യ ഇതുവരെ അതിന്റെ സാമ്പത്തിക പ്രതിരോധത്തിലുള്ള രാജ്യത്തിന്റെ വിശ്വാസത്തെ ശക്തിപ്പെടുത്തിയിട്ടുണ്ട്. വിദേശ പോര്‍ട്ട്ഫോളിയോ നിക്ഷേപകരുടെ പിന്‍വലിക്കലുകളാല്‍ തളരാതെ, 22 സാമ്പത്തിക വര്‍ഷത്തില്‍ ഇന്ത്യയുടെ ഓഹരി വിപണികള്‍ക്ക് നല്ല വരുമാനം ലഭിച്ചു. പല വികസിത രാജ്യങ്ങളുമായും പ്രദേശങ്ങളുമായും താരതമ്യം ചെയ്യുമ്പോള്‍ ഇന്ത്യയുടെ പണപ്പെരുപ്പ നിരക്ക് അതിന്റെ സഹിഷ്ണുതാ പരിധി കടന്നില്ല.

പിപിപി വ്യവസ്ഥയില്‍ ലോകത്തിലെ മൂന്നാമത്തെ വലിയ സമ്പദ്വ്യവസ്ഥയും വിപണി വിനിമയ നിരക്കില്‍ അഞ്ചാമത്തെ വലിയ സമ്പദ്വ്യവസ്ഥയുമാണ് ഇന്ത്യ. ഇത്രയും വലിപ്പമുള്ള ഒരു രാഷ്ട്രം പ്രതീക്ഷിച്ചതുപോലെ, 23 സാമ്പത്തിക വര്‍ഷം ഇന്ത്യന്‍ സമ്പദ്വ്യവസ്ഥ നഷ്ടപ്പെട്ടവ ഏതാണ്ട് 'വീണ്ടെടുത്തു', 'താല്‍ക്കാലികമായി നിര്‍ത്തിയവ' 'പുതുക്കി', മഹാവ്യാധി സമയത്തും യൂറോപ്പിലെ സംഘര്‍ഷത്തിനുശേഷവും മന്ദഗതിയിലായവയെ 'വീണ്ടും ഊര്‍ജ്ജിതമാക്കി'.

ആഗോള സമ്പദ്വ്യവസ്ഥ സവിശേഷമായ വെല്ലുവിളികളാണു നേരിടുന്നത്

ആഗോള സമ്പദ്വ്യവസ്ഥ നേരിടുന്ന ആറ് വെല്ലുവിളികളെക്കുറിച്ച് സര്‍വേ വിവരിക്കുന്നു. സമ്പദ്വ്യവസ്ഥയിലെ കോവിഡ് 19മായി ബന്ധപ്പെട്ട തടസ്സങ്ങള്‍, റഷ്യന്‍-ഉക്രെയ്ന്‍ സംഘര്‍ഷം, വിതരണ ശൃംഖലയിലെ തടസ്സങ്ങളോടൊപ്പം അതിന്റെ പ്രതികൂല ആഘാതം, പ്രധാനമായും ഭക്ഷണം, ഇന്ധനം, വളം, ഫെഡറല്‍ റിസര്‍വിന്റെ നേതൃത്വത്തിലുള്ള സമ്പദ്വ്യവസ്ഥയിലുടനീളമുള്ള സെന്‍ട്രല്‍ ബാങ്കുകള്‍ എന്നിവ പോലുള്ള മൂന്ന് വെല്ലുവിളികള്‍ സമന്വയിപ്പിച്ച നയപരമായ നിരക്ക് വര്‍ദ്ധനയുമായി പ്രതികരിക്കുന്നു. പണപ്പെരുപ്പം തടയാന്‍, യുഎസ് ഡോളറിന്റെ മൂല്യവര്‍ദ്ധനയിലേക്കും അറ്റ ഇറക്കുമതി സമ്പദ്വ്യവസ്ഥയിലെ കറന്റ് അക്കൗണ്ട് കമ്മി (സിഎഡി) വര്‍ധിക്കുന്നതിലേക്കും നയിക്കുന്നു. ആഗോള സ്തംഭനാവസ്ഥയുടെ സാധ്യതകള്‍ അഭിമുഖീകരിക്കുമ്പോള്‍ നാലാമത്തെ വെല്ലുവിളി ഉയര്‍ന്നുവന്നു, അതത് സാമ്പത്തിക ഇടം സംരക്ഷിക്കാന്‍ രാജ്യങ്ങള്‍ നിര്‍ബന്ധിതരാകുന്നു, അങ്ങനെ അതിര്‍ത്തി കടന്നുള്ള വ്യാപാരം മന്ദഗതിയിലാകുന്നത് മൊത്തത്തിലുള്ള വളര്‍ച്ചയെ ബാധിക്കുന്നു എന്നതാണത്. ചൈന അതിന്റെ നയങ്ങളാല്‍ പ്രേരിപ്പിച്ച ഗണ്യമായ മാന്ദ്യം അനുഭവിച്ചതിനാല്‍ അഞ്ചാമത്തെ വെല്ലുവിളി രൂക്ഷമായിരുന്നുവെന്ന് അത് കൂട്ടിച്ചേര്‍ക്കുന്നു. വളര്‍ച്ചയ്ക്കുള്ള ആറാമത്തെ ഇടത്തരം വെല്ലുവിളി, വിദ്യാഭ്യാസവും വരുമാനം നേടാനുള്ള അവസരങ്ങളും നഷ്ടപ്പെടുത്തിയ മഹാമാരിയില്‍ നിന്നുള്ള മുറിവുകളില്‍ കാണപ്പെട്ടു.

ലോകത്തിന്റെ മറ്റു ഭാഗങ്ങളെപ്പോലെ ഇന്ത്യയും ഈ അസാധാരണമായ വെല്ലുവിളികള്‍ നേരിട്ടെങ്കിലും മിക്ക സമ്പദ്വ്യവസ്ഥകളേക്കാളും നന്നായി അവയെ അതിജീവിച്ചുവെന്ന് സര്‍വേ സൂചിപ്പിക്കുന്നു.
കഴിഞ്ഞ പതിനൊന്ന് മാസങ്ങളില്‍, ലോക സമ്പദ്വ്യവസ്ഥ രണ്ട് വര്‍ഷത്തിനുള്ളില്‍ മഹാവ്യാധി സൃഷ്ടിച്ചതിന്റെ അത്രയും തടസ്സങ്ങള്‍ നേരിട്ടു. അസംസ്‌കൃത എണ്ണ, പ്രകൃതിവാതകം, വളം, ഗോതമ്പ് തുടങ്ങിയ നിര്‍ണായക ഉല്‍പ്പന്നങ്ങളുടെ വില കുതിച്ചുയരാന്‍ ഈ സംഘര്‍ഷം കാരണമായി. 2020-ല്‍ ഉല്‍പ്പാദന സങ്കോചം പരിമിതപ്പെടുത്താന്‍ ഏറ്റെടുത്ത വന്‍ സാമ്പത്തിക ഉത്തേജനങ്ങളുടെയും തീവ്രമായ സാമ്പത്തിക നയങ്ങളുടെയും പിന്‍ബലത്തില്‍ ആഗോള സാമ്പത്തിക വീണ്ടെടുപ്പിന് കാരണമായ പണപ്പെരുപ്പ സമ്മര്‍ദങ്ങളെ ഇത് ശക്തിപ്പെടുത്തി. കൂടാതെ പണ ലഘൂകരണം, ചരിത്രപരമായ ഉയരങ്ങള്‍ ലംഘിച്ചു. ചരക്ക് വിലകള്‍ ഉയരുന്നത് ഉയര്‍ന്ന പണപ്പെരുപ്പത്തിലേക്ക് നയിച്ചു, ഉയര്‍ന്നുവരുന്ന വിപണി സമ്പദ് വ്യവസ്ഥകളില്‍ (ഇഎംഇകള്‍), 2020 ലെ ഉല്‍പ്പാദന സങ്കോചം പരിഹരിക്കുന്നതിനായി അവരുടെ ഗവണ്‍മെന്റുകള്‍ ഒരു കാലിബ്രേറ്റഡ് സാമ്പത്തിക ഉത്തേജനം ഏറ്റെടുത്തതിന്റെ ഫലമായി താഴ്ന്ന പണപ്പെരുപ്പ മേഖലയിലായിരുന്നു.

പണപ്പെരുപ്പവും സാമ്പത്തിക നിയന്ത്രണവും സമ്പദ്വ്യവസ്ഥയിലുടനീളമുള്ള ബോണ്ട് നേട്ടങ്ങളുടെ കാഠിന്യത്തിലേക്ക് നയിച്ചുവെന്നും അതിന്റെ ഫലമായി ലോകമെമ്പാടുമുള്ള മിക്ക സമ്പദ്വ്യവസ്ഥകളില്‍ നിന്നും യുഎസിലെ പരമ്പരാഗതമായി സുരക്ഷിതമായ വിപണിയിലേക്ക് ഓഹരി മൂലധനം ഒഴുകിപ്പോകാന്‍ കാരണമായെന്നും സര്‍വേ അടിവരയിടുന്നു. 2022 ജനുവരി മുതല്‍ സെപ്തംബര്‍ വരെയുള്ള കാലയളവില്‍ യുഎസ് ഡോളര്‍ സൂചിക 16.1 ശതമാനം വര്‍ദ്ധിച്ച് മറ്റ് കറന്‍സികള്‍ക്കെതിരെ യുഎസ് ഡോളറിന്റെ മൂല്യം വര്‍ധിപ്പിക്കാന്‍ മൂലധന യാത്ര തുടര്‍ന്നു. മറ്റു കറന്‍സികളുടെ മൂല്യം ഇടിയുന്നതു കറന്റ് അക്കൗണ്ട് കമ്മി വര്‍ധിക്കാനും പണപ്പെരുപ്പം വര്‍ധിക്കുന്നത് ഇറക്കുമതി സമ്പദ് വ്യവസ്ഥകള്‍ക്കു മേലുള്ള സമ്മര്‍ദം വര്‍ധിപ്പിക്കാനും കാരണമായിത്തീരുന്നു.

--NS--



(Release ID: 1895211) Visitor Counter : 2580