প্রধানমন্ত্রীগী লোইশঙ
প্রধান মন্ত্রী রাস্ত্রিয়া বাল পুরুস্কার ফংলবশিং প্রধান মন্ত্রীনা থাগৎখ্রে
Posted On:
24 JAN 2023 8:33PM by PIB Imphal
প্রধান মন্ত্রী শ্রী নরেন্দ্র মোদীনা প্রধান মন্ত্রী রাস্ত্রিয়া বাল পুরুস্কার ফংলবশিং থাগৎখ্রে। কলা অমসুং কলচর, থৌনা ফবা, অনৌবা পুথোকপা, লাইরিক হৈবা, খুন্নাইগী থবক তৌবা অমসুং শান্ন-খোৎনবগী লমদা শিংথানিঙাই ওইবা থবকশিং পাংথোকপা অঙাংশিংদা ভারত সরকারনা প্রধান মন্ত্রী রাস্ত্রিয়া বাল পুরুস্কার পীরি। প্রধান মন্ত্রী রাস্ত্রিয়া বাল পুরুস্কার ফংলবা অঙাং অমদা মেদল অমা, লুপা লাখ ১ অমসুং শক্তাকচে অমা পীখি।চহি অসিগী ওইনা প্রধান মন্ত্রী রাস্ত্রিয়া বাল পুরুস্কার ২০২৩গীদমক বাল শক্তি পুরুস্কারগী তোঙান-তোঙানবা কাংলুপশিংগী মখাদা,লৈবাক্কী তোঙান-তোঙানবা মফমশিংদগী অঙাং ১১ খনগৎখি। মনা ফংলবশিংগী মনুংদা রাজ্যশিং অমসুং য়ু.তিশিং ১১দগী নুপামচা ৬ অমসুং নুপীমচা ৫ য়াওরি।
ত্বিৎশিংগী পরিং অমদা, প্রধান মন্ত্রীনা হায়খি:
“প্রধান মন্ত্রী রাস্ত্রিয়া বাল পুরুস্কার ফংলবশিংগা নুংঙাইনা উনবা অমা পাংথোকখি”।
“খাংবা কনবা অদিত্য সুরেসকীদমক চাউথোকচৈ। মহাক শরুগী অনাবা অমা লৈখি অদুবু মহাক পুক্নিং হন্থবা মীওই অমা ওইখিদে। মহাক ঈশৈ তমখি অমসুং হৌজিক অফবা শৈশকপা অমা ওইরে। মহাক্না ঈশৈগী থৌরম ৫০০ হেন্না পাংথোকখ্রে”।
“এম. গৌরবি রেদ্দি শক্নাইরবী জগোয়শাবী অমনি। মহাক থৌরম কয়াদা জগোয় শাখ্রে অমসুং ভারতকী কলচরগী মরমদা য়াম্না ঙাওজৈ। মহাক প্রধান মন্ত্রী রাস্ত্রিয়া বাল পুরুস্কার ফংবদা হরাওই”।
“নহা ওইরিবা ঐগী মরুপ সম্ভাব মিশ্রা য়াম্না হৈশিংবা নহা অমনি। মহাক্না আর্তিকল কয়া ইখ্রে অমসুং লেমজনিঙাই ওইরবা ফেল্লোসিপ কয়াশু ফংখ্রে। প্রধান মন্ত্রী রাস্ত্রিয়া বাল পুরুস্কার ফংবদা ঐনা মহাক থাগৎলি”।
“প্রধান মন্ত্রী রাস্ত্রিয়া বাল পুরুস্কার ফংলবা শ্রেয়া ভট্টাচার্য, মতম কুইনা তবলা য়ৈবগী রেকোর্দ অমা থম্লিবা কলাকার অমনি। মহাক পর্ফোমিং আর্তসকী কলচরেল ওলেম্পিয়াতগুম্বা ফোরমশিংদশু ইকায়খুম্নবা উৎখ্রে। মহাক্না উনবা য়াম্না নুংঙাইখি”।
“তুরেল অমদা চোংথদুনা, নুপী অমা ইরাক্নবদগী কনখিবা রোহন রামচন্দ্র বহিরগীদমক ঐ চাউথোকচৈ। মহাক্না থৌনা ফবা অমসুং অকিবা লৈতবা অদু উৎখি। প্রধান মন্ত্রী রাস্ত্রিয়া বাল পুরুস্কার ফংবদা ঐনা মহাক থাগৎলি। মহাক্কী তুংগী থবকশিংগীদমক ঐনা মহাক্কী মফমদা য়াইফ-পাউজেল পীজরি”।
“অনৌবা থবকশিং পাংথোকপা মহাক্কী থবকশিংগীদমক হৈথোই-শিংথোইরবা অদিত্য প্রভাপ সিংহ চৌহান্দা প্রধান মন্ত্রী রাস্ত্রিয়া বাল পুরুস্কার পীরে। মহাক্না ঈশিং শেংদোক্নবা শেন চংদবা তেক্নোলোজি অমা পুথোক্নবা থবক পায়খৎলি”।
“নহারোলশিংগী মরক্তা অনৌবা থবক পাংথোকপগীদমক হরাওবা ফোঙদোক্লি! রিসি সিব প্রাসান্ননা এপ্পশিং পুথোকপা পাম্মী। মহাক সাইন্সশু থৱায় য়াওই অমসুং মসি নহারোলশিংগী মরক্তা পাম্নবা হোৎনৈ। ঙসি প্রধান মন্ত্রী রাস্ত্রিয়া বাল পুরুস্কার ফংলবা মীওই অসিগা উনবা হরাওই”।
“অনৌসকা জোল্লিনা মীনুংশি খঙবা অমসুং অনৌবা পুথোকপগী থৌনা উৎলে। তাথি-তাওইনা তৌবা থিংনবা ৱাখল তাহন্নবা ওনলাইন প্রোগ্রামশিং পুথোক্নবা অমসুং এপ্প অমা পুথোক্নবা মহাক থবক তৌরি। মহাক হৌজিক প্রধান মন্ত্রী রাস্ত্রিয়া বাল পুরুস্কার ফংলবা অঙাং অমা ওইবদা হরাওই”।
“মশান্না কয়া মমিং চৎনবা অমসুং হকচাং ফনা লৈনবা ঐখোয়না থবক কয়া পায়খৎলে। হানায়া নিসার অসি মার্সিএল আর্তস কম্পিতিসন কয়াদা ভারতকী মহুৎশীন্দুনা শরুক য়াখিবা প্রধান মন্ত্রী রাস্ত্রিয়া বাল পুরুস্কার ফংলবা অঙাং অমনি। মহাক মনা কয়া ফংখ্রে। মহাক্কী মাইপাকপশিং অদুগীদমক চাউথোকচৈ”।
“নেসনেল গেমস ২০২২দা মহাক্কী মাইপাকপগীদমক সৌরয়াজিত রঞ্জিতকুমার খাইরে মীয়াম্না পাম্নখি। মাল্লাখাম্ব মশান্না লাকপদা মতমদা মহাক্কী লৌশিংগী পুক্কৈ অমনি। প্রধান মন্ত্রী রাস্ত্রিয়া বাল পুরুস্কার ফংবদা ঐনা মহাক থাগৎলি অমসুং মহাক্কী তুংগী থবকশিংগীদমক ঐনা য়াইফ-পাউজেল পীজরি”।
“হৌজিক প্রধান মন্ত্রী রাস্ত্রিয়া বাল পুরুস্কার ফংলবা অমা ওইরবা অমসুং শক্নাইরবা চেস শান্নরোয় কুমারি কোলাগাতলা অলানা মিনাক্সিগা উনরে। চেসতা মহাক্কী মাইপাকপা অসিনা মহাক মালেমগী তোঙান-তোঙানবা চাংদম্নবশিংদা মহাক মাইপাক্লে। মহাক্কী মাইপাকপশিং অসিনা তুংদা লাক্কদবা চেস শান্নরোয় কয়া পুক্নিং থৌগৎকনি”।
*****
(Release ID: 1893451)
Visitor Counter : 94
Read this release in:
Telugu
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Kannada
,
Malayalam