য়ুমলৈ-কৈরৈ মন্ত্রালয়

সুভাস চন্দ্র বোস আপদা প্রবন্ধন পুরস্কার-২০২৩


ওরিসা স্তেৎ দিজাস্তর মেনেজমেন্ত ওথোরিতী অমদি লুংলৈ ফাইয়র স্তেসন, মিজোরম, সুভাস চন্দ্র বোস আপদা প্রবন্ধন পুরস্কার-২০২৩গী ইন্সতিত্যুস্নেল কাঙলুপ্তা খল্লে

ভারত লৈঙাক্না প্রধান মন্ত্রী শ্রী নরেন্দ্র মোদীগী লুচিং মখাদা দিজাস্তর মেনেজমেন্তকী লমদা ভারত্তা লৈবা লনাই মীওইশিং অমদি লুপশিংগী মমল নাইদ্রবা থৌদাং অমদি ওইজবা থাদোক্তুনা তৌখিবা থবকশিং শকখঙনবা অমদি ইকায় খুম্নবা উৎননবা সুভাস চন্দ্র বোস আপদা প্রবন্ধন পুরস্কার লিংখৎখিবনি

Posted On: 23 JAN 2023 12:28PM by PIB Imphal

ইং ২০২৩গী ওইনা, ওরিসা স্তেৎ দিজাস্তর মেনেজমেন্ত ওথোরিতী অমদি লুংলৈ ফাইয়র স্তেসন, মিজোরমবু দিজাস্তর মেনেজমেন্ততা মখোয়না তৌখিবা শিংথানিংঙাই ওইবা থবক থৌরমশিংগীদমক, সুভাস চন্দ্র বোস আপদা প্রবন্ধন পুরস্কার-২০২৩গী ইন্সতিত্যুস্নেল কাঙলুপ্তা খল্লে‍।

ভারত লৈঙাক্না প্রধান মন্ত্রী শ্রী নরেন্দ্র মোদীগী লুচিং মখাদা দিজাস্তর মেনেজমেন্তকী লমদা ভারত্তা লৈবা লনাই মীওইশিং অমদি লুপশিংগী মমল নাইদ্রবা থৌদাং অমদি ওইজবা থাদোক্তুনা তৌখিবা থবকশিং শকখঙনবা অমদি ইকায় খুম্নবা উৎননবা চহিগী ওইনা পীগদবা মনা সুভাস চন্দ্র বোস আপদা প্রবন্ধন পুরস্কার লিংখৎখিবনি‍। মনা অসি চহি খুদিংগী জনুৱারী ২৩, নেতাজী সুভাস চন্দ্র বোসকী মপোক কুমওন নুমিত্তা লাউথোকই‍। মনা অসিদা, ইন্সতিত্যুসনগী ওইরগনা শেল ওইনা লুপা লাখ ৫১ অমদি সর্তিফিকেৎ অমা, অদুগা লনাই মীওইগী ওইরগনা লুপা লাখ ৫ অমদি সর্তিফিকেৎ অমা য়াওরি‍। কেন্দ্রগী গৃহ মন্ত্রী অমদি কোওপরেসন মন্ত্রী শ্রী অমিত সাহগী লমজিং মখাদা, লৈবাকসিনা দিজাস্তর মেনেজমেন্তকী থৌওং, শেম শাবা, ঙাকথোকপা অমদি রেসপোন্স মেকানিজম মশক থোক্না ফগৎলক্তুনা  মহৌশাগী ওইবা অমাঙ অতা থোক্লকপা মতমদা মীশি মীনা মশিং মশক থোক্না হন্থরক্লে‍।

ইং ২০২৩গী ওইনা, নোমিনেসন জুলাই ১, ২০২২দগী লৌশিনবা হৌখি‍। ইং ২০২৩গী এৱার্দ স্কীম পাউ-চে, ইলেক্ত্রোনিক অমদি সোসিএল মীদিয়াগী খুত্থাঙদা পাক শন্না খঙহনখি‍। এৱার্দ স্কীম অসিগী পাউখুম ওইনা ইন্সতিত্যুসন অমদি লনাই মীওইশিংদগী চৎনবা য়াবা নোমিনেসন ২৭৪ ফংখি‍।

মখাদা পীরিবা অসি দিজাস্তর মেনেজমেন্তকী লমদা ২০২৩ এৱার্দ ফংলবশিংনা তৌখিবা মশক থোকপা থবকশিংগী চাউরাকপা ৱাফম্নি:

১.      ওরিসা স্তেত দিজাস্তর মেনেজমেন্ত ওথোরিতী (ও.এস.দি.এম.এ.) সুপর সাইক্লোনগী মতুংদা ১৯৯৯দা লিংখৎখিবনি‍। ও.এস.দি.এম.এ.না ওরিসা দিজাস্তর রেসপোন্স এক্সন ফোর্স (ও.দি.আর.এ.এফ.), মল্তি-হজার্দ আর্লী ৱার্নিং সর্ভিস (এম.ঐচ.ই.দব্লিউ.এস.) ফ্রেমৱর্ক লিংখৎপা, অমদি কত্তিং-এদ্জ তেক্নোলোজীনা মথৌ তৌহল্লিবা ‘সতর্ক’ (সিস্তেম ফোর এসেসিং, ত্রেকিং, এন্দ এলর্তিং দিজাস্তর রিস্ক ইনফোর্মেসন বোজ ওন দাইমানিক রিস্ক নোলেদ্জ) কৌবা ৱেব/স্মার্তফোনদা য়ুম্ফম ওইবা প্লেৎফোর্মশিং শেমগৎপা য়াওনা তোঙান তোঙানবা থৌরাংশিং পায়খৎখি‍। ও.এস.দি.এম.এ.না তোঙান তোঙানবা সাইক্লোনশিং, হুদহুদ (২০১৪), ফনি (২০১৯), অম্ফান (২০২০) অমদি ওরিসা ঈচাও (২০২০) মনুংদা মতিং লৈবা রেসপোন্স পীখি‍। ও.এস.দি.এম.এ.না সুনামি মায়োক্নগনবা খুঙ্গঙ/ৱার্দ ৩৮১ অমদি সমুদ্র খোঙবাল পরিংগী কিলোমিতর ১.৫কী মনুংদা লৈবা মল্তি-পর্পজ সাইক্লোন/ ঈচাওগী শাইদাংফমশিংদা কম্ম্যুনিতী রেজিলিএন্স শেমগৎপগী লমদা দিজাস্তরগী শেম শাদুনা লৈবগী থবক থৌরাং কয়া পাঙথোকখি‍।

২.     লুংলৈ ফাইয়র স্তেসন, মিজোরম্না এপ্রিল ২৪, ২০২১দা থোকখিবা লুংলৈ ময়োল্লমবু কোইশিল্লিবা মী তানদবা উমংগী লমশিংদা অচৌবা লম্মৈ চাকপগী থৌদোক অমদি মদুনা ভিলেজ কাউন্সিলগী মফম ১০ হেনবদা শন্দোরকপা মতমদা মতিং লৈনা অমদি মতিক চানা মায়োক্নখি‍। লুংলৈ ফাইয়র স্তেসনগী পর্সোনেলশিংনা খুঞ্জাশিংগী মতেঙগা লোয়ননা পুং ৩২ হেন্না লেপ্পা নাইদনা থবক তৌদুনা মফমদুদা খুন্দারিবা মীওইশিংবু পুক্নিং থৌগৎখি অমদি মফমদুদা ত্রেনিং কয়াসু পীখি‍। ফাইয়র এন্দ ইমর্জেন্সী স্তাফনা মৈ অদু মুত্থৎপদা মথৌনা লৈবা, মতিং ফুদোকপা অমদি খুৎলৈ থুনা পায়খৎখিবা থবকশিংনা মরম ওইরগা, পুন্সি অমদি লনথুম মাঙবা য়াওখিদে অমদি মৈ অদুনা স্তেত অদুগী অতৈ মফমশিংদা শন্দোকখিগদবদগী থিংবা ঙমখি‍।

*****



(Release ID: 1893004) Visitor Counter : 131