নেস্নেল ইনর্জী কঞ্জারবেসন দে চহি খুদিংগী দিসেম্বর ১৪দা পাঙথোকই‍। মসিগী পান্দমদি ইনর্জী ইফিসিএন্সী অমদি কঞ্জারবেসনগী লমদা লৈবাকসিগী মায় পাকপশিংবু উত্থোক্নবনি‍।

ইকায়খুম্নরবা ভারতকী রাস্ত্রপতী, শ্রীমতী দ্রৌপদী মুর্মুনা থৌরম অসিগী অথোইবা মীথুং ওইগনি‍। পৱার, নিউ এন্দ রিনিউএবল ইনর্জীগী কেন্দ্র মন্ত্রী, শ্রী আর.কে. সিংহনা থৌরম অসিদা ৱা ঙাঙগনি‍। পৱার অমসুং হেভী ইন্দস্ত্রিজকী রাজ্য মন্ত্রী শ্রী কৃসন পাল অমদি পৱার মন্ত্রালয়গী সেক্রেতরী শ্রী অলোক কুমারসু থৌরমদুদা শরুক য়াগনি‍। ইকায়খুম্নরবা ভারতকী রাস্ত্রপতীনা নেস্নেল ইনর্জী কঞ্জারবেসন এৱার্দ, নেস্নেল ইনর্জী ইফিসিএন্সী ইনোভেসন এৱার্দ, নেস্নে পেন্তিং কম্পিতিসনগী মনা ফংলবশিং ওক্কনি অমদি ই.ভি. য়াত্রা পোর্তেল হৌদোক্কনি‍।

থৌরমদুগী মপুং ওইবা পুক্নিং চিংশিন্নিংঙাই ওইবশিংদি:

• নেস্নেল ইনর্জী কঞ্জারবেসন এৱার্দ্স (এন.ই.সি.এ.) ২০২২
• নেস্নেল ইনর্জী ইফিসিএন্সী ইনোভেসন এৱার্দ্স (এন.ই.ই.আই.এ.) ২০২২
• স্কুল অঙাংশিংগী নেস্নেল পেন্তিং কম্বিতিসন ২০২২
• ‘ই.ভি.-য়াত্রা পোর্তেল’ অমদি মোবাইল এপ হৌদোকপা
• ইনর্জী ইফিসিএন্সীগী লমদা নৌনা থোরক্লিবা তেক্নোলোজীশিংগী মরমদা সেসন

নেস্নেল ইনর্জী কঞ্জার্বেসন এৱার্দ ২০২২

ইনর্জী ইফিসিএন্সী অমদি কঞ্জার্বেসনগী মরমদা পাক শন্না খঙহন্নবগীদমক, বি.ই.ই.না পৱার মন্ত্রালয়গী লমজিং মখাদা ইন্দস্ত্রিএল য়ুনিৎশিং, ইনস্তিত্যুসনশিং, অমদি এস্তাব্লিসমেন্তশিংনা ইনর্জী শীজিন্নবা হন্থহন্নবা হোৎনরিবশিংবু, চহি খুদিংগী দিসেম্বর ১৪দা পাঙথোক্লিবা নেস্নেল ইনর্জী কঞ্জারবেসন দেগী থৌরমদা ইনর্জী কঞ্জার্বেসন এৱার্দ লান্থোক্তুনা শকখঙলি অমদি পুক্নিং থৌগৎলি‍।

চহি অসিদা, এন.ই.সি.এ. ২০২২গী এপ্লিকেসন ওনলাইন্দা ওক্তোবর ২৭, ২০২২ ফাওবা থাজিল্লক্নবা কৌখি অমদি পুন্না এপ্লিকেসন ৪৪৮ ফংখি‍।

এন.ই.সি.এ. ২০২২গী অপুনবা মনা মশিং

নেস্নেল ইনর্জী ইফিসিএন্সী ইনোভেসন এৱার্দ (এন.ই.ই.আই.এ.) ২০২২

ইনর্জী ইফিসিএন্সীগী লমদা তোপ তোপ্পা থবক অমদি ভারতকী ইনোভেতিব ওইবা ৱাখল্লোনশিং শকখঙনবগীদমক, এন.ই.ই.আই.এ. মনা লান্থোকপা ২০২১দগী হৌখি‍। এন.ই.ই.আই.এ. ২০২২গী এপ্লিকেসনশিং তোঙান তোঙানবা কাঙলুপশিং – কেতগরী এ: ইন্দস্ত্রী, বিল্দিং অমদি ত্রান্সপোর্ত সেক্তরগী প্রোফেস্নেলশিং অমদি কেতগরী ১ই: মহৈরোয় অমদি রিছর্চ স্কোলারশিংদগী কৌখি‍।

মনাশিং অসি রেপ্লিকেবিলিতী, এফোর্দেবিলিতী, ইনর্জী সেভিংদা পীবা শাফু অমদি অকোয়বগী ফীভমদা পীবা শাফম অমসুং তুং কোইনা চৎকদবা মওং মতৌদা লেপথোকই‍।

এন.ই.ই.আই.এ. ২০২২গী এপ্লিকেসন ওনলাইন্দা ওক্তোবর ২৭, ২০২২ ফাওবা থাজিল্লক্নবা কৌখি অমদি পুন্না এপ্লিকেসন ১৭৭ ফংখি‍।

এন.ই.ই.আই.এম. ২০২২গী অপুনবা মনা মশিং

নেস্নেল পেন্তিং কম্পিতিসন ২০২২

ইনর্জী কঞ্জার্বেসন অমদি ইফিসিএন্ত ওইনা শীজিন্নবগী মায়কৈদা খুন্নাইদা অহোংবা লেপ্পা লৈতনা পুরক্নবগীদমক, পৱার মন্ত্রালয়না ২০০৫তগী হৌরগা ইনর্জী কঞ্জার্বেসনগী লমদা নেস্নেল পেন্তিং কম্পিতিসন পাঙথোক্তুনা লাক্লি‍। কম্পিতিসন অসি থাক অহুমদা, মমিং ওইনা স্কুল, স্তেত অমদি লৈবাক্কী থাক্তা পাঙথোকপনি‍। ২০২১ মনুংদা, মহৈরোয় ৮০,০০০ হেন্না শরুক য়াখি‍। লাই য়েকপা চাংদম্নবা অসি গ্রুপ ‘এ’দা স্তেন্দর্দ ৫, ৬ অমদি ৭কী মহৈরোয়শিংগী ওইনা অদুগা গ্রুপ ‘বি’দা স্তেন্দর্ত ৮, ৯ অমদি ১০গী মহৈরোয়শিংগী ওইনা পাঙথোকপনি‍।

‘ই.ভি.-য়াত্রা পোর্তেল’ অমদি মোবাইল এপ হৌদোকপা

ব্যুরো ওফ ইনর্জী ইফিসিএন্সীনা খ্বাইদগী নকপা পব্লিক ই.ভি. চার্জরদা লম্বী তাক্নবা ইন-ভেহিকল নেভিগেসন ফংহন্নবা মোবাইল এপ্লিকেসন অমা, লৈবাকসিদা ই-মোবিলিতী য়োকখৎনবা কেন্দ্র অমদি স্তেতকী থাক্তা পায়খৎলিবা তোঙান তোঙানবা থৌরাংশিংগী মরমদা ঈ-পাউ ফংহন্নবা ৱেবসাইত অমা, অদুগা সি.পি.ও.শিংবু মখোয়গী চার্জিং দিতেলশিং নেস্নেল ওনলাইন দেতাবেজতা সিক্যুর ওইনা রেজিস্তর তৌবা য়াহন্নবা ৱেপ-পোর্তেল অমা শেমগৎলে‍।

“ই.ভি.-য়াত্রা” কৌবা মোবাইল এপ্লিকেসন অসি খ্বায়দগী নকবা পব্লিক ই.ভি. চার্জরদা লম্বী তাক্নবা ইন-ভেহিকল নেভিগেসন পীননবা দিজাইন তৌদুনা শেমগৎপনি‍। মোবাইল এপ্লিকেসন অসি আইফোন অমদি এন্দ্রোইদ স্মার্তফোন অনিমক্তা গুগল প্লে স্তোরদগী অমদি এপ্পল স্তোরদগী লায়না দাউনলোদ তৌবা য়াগনি অমদি কোম্না ইন্সতোল তৌবা য়াগনি‍।

***