প্রধানমন্ত্রীগী লোইশঙ
প্রধান মন্ত্রীনা গোৱাগী মোপাদা গ্রীনফীল্দ ইন্তরনেস্নেল এয়রপোর্ত শঙ্গাখ্রে
“খুমাঙ চাওশিল্লবা এয়রপোর্ত তর্মিনেল অসি গোৱা মীয়ামগী মীনুংসি অমদি থৌজালগী লমন শিংনবগী থৌরাং অমনি”
“মনোহর ইন্তরনেস্নেল এয়রপোর্তকী খুত্থাঙদা, পরিক্কর জী মতম পুম্নমক্তা চত্থোক চৎশিন তৌরিবশিংগী ৱাখলদা লৈহৌরগনি”
“মমাঙদা, ইনফ্রাস্ত্রকচর শেমগৎ শাগৎপগী মথৌ শাথিনা তারবা মফমশিং নাথৈদুনা থম্লম্মী”
“হৌখিবা চহি ৮সিদা, মমাঙগী চহি ৭০দা এয়রপোর্ত ৭০ লৈরম্বগা চাংদম্নবদা অনৌবা এয়রপোর্ত ৭২ শেমগৎলে”
“ভারতনা মালেমগী অহুমশুবা খ্বায়দগী চাউবা এভিএসনগী কৈথেল ওইরে”
“২১শুবা চহিচাগী ভারত মালেমগী ফম্পাক্তা মশাগী মফম অমা কল্লিবা অনৌবা ভারতনি, অমদি মদুগী মহৈনা মালেমগী মীৎয়েঙসু খুৎলৈ থুনা হোংলক্লি”
“লৈবাকসিদা চত্থোক চৎশিনদা লায়থোকহনবা হেনগৎহন্নবা অমদি তুরিজম প্রোফাইল ফগৎহন্নবা থৌরাং লৌখৎলি”
“ঙসি, গোৱা ১০০% সেচুরেসন মোদেল অমগী চপ চারবা খুদম ওইরে”
Posted On:
11 DEC 2022 7:50PM by PIB Imphal
প্রধান মন্ত্রী, শ্রী নরেন্দ্র মোদীনা গোৱাদা মোপা ইন্তরনেস্নেল এয়রপোর্ত শঙ্গাখ্রে। এয়রপোর্ত অসিগী উরেপ উয়ুং প্রধান মন্ত্রীনা নবেম্বর ২০১৬দা তম্লম্বনি। লুপাক রোর ২,৮৭০ চঙনা শেমগৎখিবা, এয়রপোর্ত অসি সস্তেনেবল ইনফ্রাস্ত্রকচরগী ৱাখল্লোন্দা য়ুম্ফম ওইদুনা শাগৎখিবনি অমদি সোলার পৱার প্লান্ত, গ্রীন বিল্দিং, রনৱেদা এল.ই.দি. লাইৎ, নোংগী ঈশিং য়োকশিন্নবা, রিসাইক্লিং ফেসিলীতীশিং য়াওবা স্তেৎ ওফ দি আর্ত সিৱেজ ত্রীতমেন্ত প্লান্তনচিংবা ফেসিলিতীশিং য়াওরি। হৌরকপদা, এয়রপোর্ত অসিগী ফেজ ১না মিলিয়ন পেসেঞ্জর পর এনম (এম.পি.পি.এ.) ৪.৪রোমদা সর্ভিস পীগনি, মসি এম.পি.পি.এ. ৩৩ ফাওবগী চাংদা চাউথোকপা য়াগনি।
তিল্লিবা মীয়ামদা ৱা ঙাঙলদুনা, প্রধান মন্ত্রীনা মোপাদা গ্রীনফীল্দ এয়রপোর্ত শঙ্গাবগীদমক কোৱা অমদি লৈবাক মীয়ামগী মফমদা নুংঙাইবা ফোঙদোকখি। হৌখিবা চহি নিপানসিদা মহাক্না গোৱাদা চৎখিবশিং নীংশিংলদুনা, প্রধান মন্ত্রীনা গোৱাগী মীয়াম্না মহাক্কী মফমদ উৎপিখিবা মীনুংসিগী লমন শেন্দোয়গা লোয়ননা চাওখৎপা পুরক্তুনা শিংগনি হায়খি। “খুমাঙ চাওশিল্লবা এয়রপোর্ত তর্মিনেল অসি লমন শিংনবগী থৌরাং অমনি”, হায়না মহাক্না মখা তাখি। এয়রপোর্ত অসিবু লৈখিদ্রবা মনোহর পরিক্করগী মমিং লৌদুনা থোনবগীদমক মহাক্না নুংঙাইবা ফোঙদোকখি।
মমাঙদা লৈঙাক্না ইনফ্রাস্ত্রকচর চাওখৎহনবগী মতাঙদা চঙশিল্লম্বা পরিংগী মতাঙদা পল্লদুনা, প্রধান মন্ত্রীনা মতমদুদা লৈবাক মীয়ামগী মথৌ তাবশিং ফংহনবগী মহুত্তা ভোৎ বেঙ্কতা অহেনবা মীৎয়েঙ থমখি হায়খি। মথৌ করিসু তাদবা প্রোজেক্তশিংদা লুপা করোর লিশিং কয়া চাদিং তৌরম্মী। মদুগী মহৈনা শেমজিন শাজিনবা শাথিনা মথৌ তারবা মফমশিং হন্না য়েংদনা লৈরকখি। “গোৱা ইন্তরনেস্নেল ওয়রপোর্ত মসিগী শেংলবা খুদম অমনি:, হায়না মহাক্না হায়খি। এয়রপোর্ত অসিবু অহানবদা ওইনা থৌরাং য়াৎখিবা অতল বিহারী বাজপায়ীগী লৈঙাক নীংশিংলদুনা, প্রধান মন্ত্রীনা মহাক্কী লৈঙাক লৈত্রবা মতুংদা হোৎনবা ৱাৎখি অমদি প্রোজেক্ত অসি চহি কয়া হুন্দোক্তুনা থম্লমখি হায়না প্রধান মন্ত্রীনা হায়খি। ২০১৪দা, দবল ইঞ্জিন লৈঙাক হেক লাকখিবদগী এয়রপোর্ত অসিগী থবকশিং খোঙজেল য়াঙ্খৎলকখি অমদি চহি ৬কী মমাঙদা মহাক্না উরেপ উয়ুং তমখি, আইনগী খুরৌ অমদি লাইচৎ লৈজরবসু, এয়রপোর্ত অসি ঙসিদি মথৌ তৌবা হৌবা য়ারে। এয়রপোর্ত অসি চহিদা পেসেঞ্জর লাখ ৪০রোম হেন্দল তৌবা ঙম্বগী ফেসিলিতী লৈ অমদি তুংদা মীওই করোর ৩.৫ ফাওবগী চাংদা চাওখৎহনবা য়াই। তুরিজমগী কান্নবগী মথক্তা, এয়রপোর্ত অনি লৈবনা গোৱাবু কার্গো হব অমা ওইবগী অনৌবা খুদোংচাবশিং শেমগৎলে হায়খি।
প্রধান মন্ত্রীনা মনোহর ইন্তরনেস্নেল এয়রপোর্ত অসি থবক তৌবগী মওং অমদি লৈঙাক্কী থবক চঙশিনবগী পরিংদা লাক্লিবা অহোংবসিগী খুদম্নি হায়খি। ২০১৪গী মমাঙদা, নোংথক্কী লম্বীদা চৎপা হায়বসি ইনাক কৈরাক খুনবা মীওইশিংগী ওইরম্মী। মীচম মীয়াম্না নোংথক্কী লম্বীদা চত্থোক চৎশিন তৌনিংববু নাথৈদুনা থম্লম্বা অসিনা এয়রপোর্ত অমদি নোংথক্কী খোঙচৎকা মরী লৈনবা ইনফ্রাস্ত্রকচরশিংদা শেল থাদবা ৱাৎলম্মী অমদি মতিং চাউনা লৈজরগসু ভারতনা এয়র ত্রাভেলগী লমদা শোত্থদুনা লৈরম্মী। নীংতম্বগী অহানবা চহি ৭০দা, লৈবাকসিদা লৈরম্বা এয়রপোর্ত মশিং ৭০খক্তনি অমদি এয়র ত্রাভেল অসি অচৌবা ময়োল্লম খরখক্তদা নৈশিন্দুনা লৈরম্মী। লৈঙাক্না থাক ২দা থবক তৌরম্মী, অহানবদা এয়রপোর্ত নেতৱর্ক লৈবাক শিনবা থউংনা পাকথোক চাউথোকহনখি। অনিসুবদা, মীচম মীয়াম্না উরান স্কীমগী মখাদা নোংথক্কী লম্বীদা চত্থোত চৎশিন তৌবা ফংহনখি হায়না প্রধান মন্ত্রীনা মখা তাখি। হৌখিবা চহি ৮সিদা, মমাঙগী চহি ৭০দা এয়রপোর্ত মশিং ৭০ লৈরম্বগা চাংদম্নবদা অনৌবা এয়রপোর্ত ৭২ শেমগৎ শাগৎখি। মসিনা তাকপদি লৈবাকসিদা এয়রপোর্ত মশিং শরুক অনিদা হেনগৎলে হায়বনি। মখা তানা, এয়র পেসেঞ্জর মশিংসু ২০০০দা শুপ্নতগী করোর ৬ ওইরম্বদগী ২০২০দা (লাইচৎ হেক মমাঙদা) করোর ১৪দা হেনগৎলে। পেসেঞ্জর করোর ১ হেনবনা উরান স্কীমগী মখাদা পাইখি। “অসিগুম্বা থৌরাং কয়াসিনা মরম ওইরগা, ভারতনা মালেমগী অহুমশুবা খ্বাইদগী চাউবা এভিএসনগী কৈথেল ওইরে”, হায়না মহাক্না মখা তাখি।
উরান য়োজনাগী মায় পাকপশিংগী মরমদা পল্লদুনা, প্রধান মন্ত্রীনা মসি একাদমিক তাইবঙগী ওইনা কেস স্তদী অমা ওইরকপা য়াবগী মতিং লৈ হায়খি। প্রধান মন্ত্রীনা অতেনবা মফমগী ফাওবা মিদ্দল ক্লাসকী মীওইশিংনা ত্রেন্দা চৎপকী মহুত্তা এয়র তিকেৎ লৈবগী হোংলক্লিবা চৎনবী অসিগী মতাঙদা ৱাফম কয়াসু থমখি। এয়র কন্নেক্তিবিতিগী নেতৱর্ক লৈবাকসিদা পাকথোক চাউথোরকপগা লোয়ননা, নোংথক্কী লম্বীদা চত্থোক চৎশিন তৌবা ত্রান্সপোর্তেসনগী মরুওইবা পাম্বৈ অমা ওইরক্লি হায়বা ৱাফম মহাক্না থমখি।
প্রধান মন্ত্রীনা হায়খি, “তুরিজম্না লৈবাক অমগী সোফ্ত পৱারবু হেনগৎহল্লি হায়বসি অচুম্বনি, অদুগা লৈবাক অমনা মপাঙ্গল কনবা হেনগৎলকপগা লোয়ননা মালেম অসিনা লৈবাক অদুগী মরমদা হেন্না খঙবা পাম্মী অমদি লৈবাক্তুগী মায়কৈদা পুক্নিং চিংশিল্লি।” করিগুম্বা কনাগুম্বনা ভারতকী নীংথিরবা পুৱারীদা য়েংলবদি, মফমসি মালেম পুম্বগী পুক্নিং চিংশিনফম ওইদুনা, স্কোলারশিং, ত্রাভেলরশিং, বিজিনেসমেনশিং, ইন্দস্ত্রিএলিস্তশিং অমদি মহৈরোয়শিং লমদম অসিগী মরমদা হেন্না খঙনবদগীদমক ভারত্তা লাক্নিংগনি হায়না প্রধান মন্ত্রীনা মখা তাখি। নাৎ অমদি চৎনবী চপ মান্ননা লৈরবসু, ভারতনা থেংনখিবা মীনায় নাইথাংগী মতমদুনা লৈবাকসিগী শক্তম অমদি মসিদা য়েংলিবা মীৎয়েঙ হোংহনখি হায়না প্রধান মন্ত্রীনা নুংনাংবা ফোঙদোকখি। “২১শুবা চহিচাগী ভারত মালেমগী ফম্পাক্তা মশাগী মফম অমা কল্লিবা অনৌবা ভারতনি, অমদি মসিগী মহৈনা মালেম্না য়েংবা মীৎয়েঙসু খোঙলৈ থুনা হোংলক্লি”, হায়না প্রধান মন্ত্রীনা হায়খি। ঙসিদি মালেমসিনা ভারতবু খঙবা অমদি মাগী মচৎ মওংবু নীংথিনা খঙবা পাম্লি হায়না মহাক্না ফোঙদোকখি। ফোরেনর কয়া অমনা দিজিতেল প্লেৎফোর্মশিংদা ভারতকী ৱারী লীরি হায়না মহাক্না মখা তাখি।
প্রধান মন্ত্রীনা হৌখিবা চহি ৮সিদা ইজ ওফ ত্রাভেল লৈহন্নবা অমদি লৈবাকসিগী তুরিজম প্রোফাইল ফগৎহন্নবা লৌখৎখিবা খোঙথাঙশিং পনখি। মহাক্না ভিজা প্রোসেস লায়থোকহনবা, ফীভম ফগৎলবা ভিজা-ওন-এরাইভেল ফেসিলিতীশিং, মতমগা চুনরবা ইনফ্রাস্ত্রকচর অমদি লাস্ত মাইল কন্নেক্তিবিতী, অমদি মসিগা মরী লৈনবা দিজিতেল, মোবাইল অমদি রেলৱে কন্নেক্তিবিতীগী মরমদা ৱাফম কয়া থমখি। হায়রিবা থৌরাংশিং অসিনা মহৈ পুরকখি। ২০১৫দা ভারত্তা লৈখিবা দোমেস্তি তুরিস্ত মশিং করোর ১৪ ওইখি। মমাঙ চহিদা, মশিং অসি করোর ৭০দা হেনগৎলে হায়না মহাক্না হায়খি।
প্রধান মন্ত্রীনা তুরিজমদা থবক পীনবগী অমদি মশানা মশাবু থবক পীজনবগী খ্বায়দগী চাউবা মতিং লৈ হায়খি অমদি গোৱাদা তুরিজম ইনফ্রাস্ত্রকচর ফগৎহন্নবগী পায়খৎলিবা খোঙথাঙশৎংগী মরমদা শন্দোক্না তাকখি। স্তেত অসিদা ২০১৪দগী হৌরগা হৌজিক ফাওবদা হায়ৱে প্রোজেক্তশিংদা লুপা করোর লিশিং ১০ হেন্না থাদখ্রে। গোৱাগী ত্রাফিক প্রোব্লেমসু ৱাখৈ পুরক্নবা থবক চঙশৎল্লি। কোনকন রেলৱে ইলেক্ত্রিফিকেসন তৌবনা স্তেত অসিদু কান্নহল্লি”, হায়না মহাক্না মখা তাখি।
হেনগৎলক্লিবা কন্নেক্তিবিতীগী মথক্তা, মোনুমেন্তশিং নীংথিনা থম্বা, কন্নেক্তিবিতী অমদি মরী লৈনবা ফেসিলিতীশিংগী ফীভম ফগৎহন্দুনা হেরিতেজ তুরিজম য়োকখৎপদসু লৈঙাক্কী মীৎয়েঙ থম্লি হায়না প্রধান মন্ত্রীনা হায়খি। অগোদা জেল কম্প্লেক্স ম্যুজিয়ম শেমগৎপবু থৌরাং অসিগী চপ চারবা খুদম অমনি হায়না শ্রী মোদীনা পনখি। মোনুমেন্তশিং অসি হেন্না পুক্নিং চিংশিন্নিংঙাই ওইহন্নবা মতমগী তেক্নোলোজীশিং শীজিন্নরি অমদি লাই খুরুম্ফম অমসুং মোনুমেন্ত লৈবা মফমশিংদা চৎলিবা খোঙচৎশিং অখন্নবা ত্রেনশিংগী খুত্থাঙদা শিন লাঙলি, হায়না মহাক্না মখা তাখি।
প্রধান মন্ত্রীনা ফীজিকেল ইনফ্রাস্ত্রকচরগুম্না সোসিএল ইনফ্রাস্ত্রকচরদসু চপ মান্ননা থবক পায়খৎপগীদমক গোৱা লৈঙাক্কী থৌরাংশিংবু থাগৎখি। ইজ ওফ লিভিং য়োকখৎপদা অমদি মীওই অমত্তা লৈঙাক্কী স্কীমশিংনা নাথৈদুনা থমহৌদনবা হোৎনবদা মরুওইবা শক্লোন লৌরিবা স্ব্যমপুর্ন গোৱা অভিয়ান মায় পাকখিববুসু প্রধান মন্ত্রীনা থাগৎখি। স্তেত অসিদা পায়খৎলিবা চাওখৎ থৌরাংগী থবকশিংবু মাঙদা পুদুনা চঙশিন্নবা পুম্নমক্কী মফমদা পুক্নিং থৌগৎলদুনা, “ঙসি, গোৱা ১০০% সেচুরেসন মোদেলগী চপ চারবা খুদম ওইরে”, হায়না ফোঙদোকপগা লোয়ননা প্রধান মন্ত্রীনা মহাক্কী ৱারোল লোইশিনখি।
গোৱাগী মুখ্য মন্ত্রী, দোক্তর প্রমোদ সাৱন্ত, গোৱাগী গভর্নর, শ্রী পি.এস. শ্রীধরন পিল্লাই, সিভিল এভিএসন কেন্দ্র মন্ত্রী, শ্রী জ্যাতিরদিত্য সিন্দিয়া, অমদি পোর্ত, সিপ্পিং এন্দ ৱাতরৱেজকী কেন্দ্র মন্ত্রী, শ্রী শ্রীপদ য়েস্সো নাইকসু থৌরমদুদা শরুক য়াখি।
বেকগ্রাউন্দ
লৈবাক শিনবা থুংনা মালেমগী থাক্কী ইনফ্রাস্ত্রকচর অমদি ত্রান্সপোর্ত ফেসিলিতী ফংহনবা হায়বসি প্রধান মন্ত্রীনা লেপ্তনা হোৎনদুনা লাক্লবা অমনি। মায়কৈ অসিদা থাংজিনবা অতোপ্পা খোঙথাঙ অমদা, প্রধান মন্ত্রীনা মোপা ইন্তরনেস্নেল এয়রপোর্ত, গোৱা শঙ্গাগনি। এয়রপোর্ত অসিগী উরেপ উয়ুং প্রধান মন্ত্রীনা নবেম্বর ২০১৬দা তমখিবনি।
লুপাক রোর ২,৮৭০ চঙনা শেমগৎখিবা, এয়রপোর্ত অসি সস্তেনেবল ইনফ্রাস্ত্রকচরগী ৱাখল্লোন্দা য়ুম্ফম ওইদুনা শাগৎখিবনি অমদি সোলার পৱার প্লান্ত, গ্রীন বিল্দিং, রনৱেদা এল.ই.দি. লাইৎ, নোংগী ঈশিং য়োকশিন্নবা, রিসাইক্লিং ফেসিলীতীশিং য়াওবা স্তেৎ ওফ দি আর্ত সিৱেজ ত্রীতমেন্ত প্লান্তনচিংবা ফেসিলিতীশিং য়াওরি। মসিদা ৩-দি মোনোলিথিক প্রিকাস্ত বিল্দিং, স্তেবিলরোদ, রোবোমেতিক হোলো প্রিকাস্ত ফক্লাং, ৫জিগা চুনবা আই.তি. ইনফ্রাস্ত্রকচরনচিংবা খ্বাইদগী ফবা মখলগী তেক্নোলোজী খরসু শীজিন্নরি। এয়রপোর্ত অসিগী ফীচর খরগী মনুংদা মালেমগী খ্বাইদগী চাউবা এয়রক্রাফ্ত তাবা য়াবা রনৱে, এয়রক্রাফ্তশিংগী নুমিদাংগী পার্কিং ফেসিলিতী য়াওবা পার্কিং বে ১৪, সেল্ফ-বেগ্গেজ দ্রোপ ফেসিলিতী, স্তেত ওফ দি আর্ত অমদি মনীং মখা তম্বা এয়র নেভিগেসন ইনফ্রাস্ত্রকচরনচিংবা কয়া য়াওরি।
হৌরকপদা, এয়রপোর্ত অসিগী ফেজ ১না মিলিয়ন পেসেঞ্জর পর এনম (এম.পি.পি.এ.) ৪.৪রোমদা সর্ভিস পীগনি, মসি এম.পি.পি.এ. ৩৩ ফাওবগী চাংদা চাউথোকপা য়াগনি। এয়রপোর্ত অসিনা স্তেত অসিগী সোসিও-ইকনমিক ফীভম ফগৎহনবদা ইনোৎ হাপকনি অমদি তুরিজম ইন্দস্ত্রীগী মথৌ তাবশিংসু ফংহনগনি। মসিদা লমদমসিগী অমদি মালেমগী লমথুংফম কয়া হকথেংননা শম্নহন্দুনা মরুওইবা লোজিস্তিক হব অমা ওইবা য়াবগী মতিং লৈ। এয়রপোর্ত অসিদা মল্তি-মোদেল কন্নেক্তিভিতী লৈহন্নবা থৌরাংসু তৌরি।
মালেমগী থাক্কী এয়রপোর্ত অমা ওইবগা লোয়ননা, এয়রপোর্ত অসিনা মফমসিদা লাক্লিবশিংগীম ফমদা গোৱাগী মশক মওংসু ফাউহনগনি। এয়রপোর্ত অসিদা, গোৱাদা পুথোকচবা, এজুলেজোস তাইল্সশিং মরাং কায়না শীজিন্নরি। চাফম অসিসু গোৱাগী কেফেশিংগী ফজবা মওং মতৌশিংগী পরিংদা শেমগৎপনি। মসিদা লমদমদুগী আর্তিজন অমদি ক্রাফ্তসমেনশিংবু মখোয়গী পোত্থোকশিং থেন্দুনা য়োন্নবা পুক্নিং থৌগৎকদবা খনগৎলবা পোৎলমশিংগী ফ্লী মার্কেৎকী অখন্নবা মফম অমসু য়াওগনি।
*****
(Release ID: 1882809)
Visitor Counter : 130
Read this release in:
English
,
Urdu
,
Marathi
,
Hindi
,
Assamese
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam