প্রধানমন্ত্রীগী লোইশঙ

প্রধান মন্ত্রীনা জি.২০ লীদর্স সম্মিৎকীদমক বালীদা চৎকদবা মহাক্কী খোঙচৎকী মাংওইননা থমখিবা ৱারোল

Posted On: 14 NOV 2022 9:14AM by PIB Imphal

ইন্দোনেসিয়ানা য়ুম্বু ওইবা ১৭শুবা জি.২০ লীদর্স সম্মিৎতা শরুক য়ারুনবগীদমক ঐহাক্না ইন্দোনেসিয়াগী বালীদা নবেম্বর ১৪-১৬, ২০২২দা চৎকনি।

বালী সম্মিৎ মনুংদা ঐহাক্না গ্লোবেল গ্রোথ অমুক হন্না হিংগৎহনবা, ফুদ অমসুং ইনর্জী সেক্যুরিতী, এনভাইর্নমেন্ত, হেল্থ অমসুং দিজিতেল ত্রান্সফোর্মেসন অসিগুম্বা মালেমগী ওইনা মরু ওইবা সমস্যাশিংদা অতোপ্পা জি.২০গী লুচিংবশিংগা লোয়ননা কুপ্না খন্নগনি। জি.২০ সম্মিৎ পাঙথোক্লিঙৈদা ঐহাক্না অতোপ্পা শরুক য়ারিবা লৈবাক কয়াগী লুচিংবশিংগা উনগনি অমসুং মখোয়গা লোয়ননা ভারতকা লৈনরিবা বাইলেতরেল মরীশিংগী ফীভম য়েংশিনগনি। নবেম্বর ১৫, ২০২২দা তরাম্না ওকপগী থৌরম অমদা বালীদা লৈরিবা ভারত মচাশিংদা ঐহাক্না ৱা ঙাংগনি।

​ঐখোয়গী লৈবাক অমসুং প্রজাশিংগীদমক মরু ওইবা মীকুপ অমদা ইন্দোনেসিয়াগী রাস্ত্রপতি জোকো ৱিদোদোনা বালী সম্মিৎকী লোইশিনবগী থৌরমদা ভারত্তা জি.২০ প্রসিদেন্সী খুৎশিন্নগনি। ভারতনা দিসেম্বর ১, ২০২২দগী জি.২০ প্রসিদেন্সীগী থৌ পুবা হৌগনি। ঐহাক্না জি.২০ মেম্বরশিং অমসুং অতোপ্পা ইনভাইতীশিংদা মথং চহিগী ঐখোয়গী জি.২০ সম্মিৎতা লাকপীনবা ইশানা হকথেংননা বর্তন তৌজরি।

জি.২০ সম্মিৎতা ঐহাক্না ৱারী-ৱাতাই শাবদা ভারতকী মাইপাকপশিং অমসুং মালেমগী শীংনবশিং পুন্না কোকহন্নবগী লেংদ্রবা ফিরেপ অদু ফোঙদোক্কনি। ভারতকী জি.২০ প্রসিদেন্সী অসি পুম্নমক্কী খেন্নবা লৈতবা গ্রোথ অমসুং অপুনবা তুংলমচৎ হায়বা পাউজেল অসি পীরিবা “বসুধৈব কুতুম্বকম” নত্ত্রগা “ৱান আর্থ ৱান ফেমিলী ৱাম ফ্যুচর” হায়বা হীরম অসিদা পাঙথোক্কনি।

***



(Release ID: 1875750) Visitor Counter : 130


Read this release in: Marathi , English , Urdu , Hindi , Assamese , Bengali , Punjabi , Gujarati , Odia , Tamil , Telugu , Kannada , Malayalam