ইনফোর্মেসন অমসুং ব্রোদকাস্তিং মন্ত্রালয়
azadi ka amrit mahotsav

“ভারত্তা সেতিল্লাইত তেলিভিজন চেন্নেলশিং অপলিঙ্কিং অমসুং দাউনলিঙ্কিংগী চৎন-কাংলোনশিং(২০২২)" মন্ত্রীমন্দলনা অয়াবা পীরে

Posted On: 09 NOV 2022 3:36PM by PIB Imphal

“ভারত্তা সেতিল্লাইত তেলিভিজন চেন্নেলশিং অপলিঙ্কিং অমসুং দাউনলিঙ্কিংগী চৎন-কাংলোনশিং(২০২২)"  কেন্দ্রগী মন্ত্রীমন্দলনা অয়াবা পীরে। চৎন-কাংলোনশিং অসিনা ভারত্তা তেলিভিজন চেন্নেলশিং অপলিঙ্কিং অমসুং দাউনলিঙ্কিং তৌনবা, তেলিপোর্তশিং/তেলিপোর্ত হবশিং লিংখৎনবা, দিজিতেল সেতিল্লাইত নিউজ গেদরিং(দি এস এন জি)/সেতিল্লাইত নিউজ গেদরিং(এস এন জি)/ইলেকত্রোনিক নিউজ গেদরিং(ই এন জি)সিস্তেমশিং শীজিন্নবা, ভারতকী নিউজ এজেন্সিশিংনা অপলিঙ্কিং তৌবা অমসুং থৌরম অমা লাইভ থানবা মতম খরগী ওইনা অপলিঙ্কিং তৌনবা কম্পেনিশিং/রেজিস্তার তৌরবা এল.এল.পিশিংদা অয়াবা পীবদা লাইহল্লগনি।

  • অনৌবা চৎন-কাংলোনশিং অসিনা তেলিভিজন চেন্নেলশিংনা ইন্নগদবা নিয়মশিং লাইথোকহল্লনি
  • থৌরমশিং লাইভ তেলিকাস্ত তৌনবা মাঙজৌন্না অয়াবা লৌবা দরকার ওইদ্রে
  • ভারতকী তেলিপোর্তশিং মপানগী চেন্নেলশিং অপলিঙ্ক তৌবা  য়ারগনি
  • তেলিকাস্ত তৌগদৌরিবা কন্তেন্ত অদু লৈবাক্কী/মীয়ামগী য়াইফনবা ওইগদবনি

শেমদোক্লবা চৎন-কাংলোনশিং অদুগী মরুওইবা কান্নবশিং মখাদা পীরে:

১. পর্মিসন পায়রবশিংনা ইন্নগদবা নিয়মশিং লাইথোকহনবা

(ক) থৌরমশিং লাইভ তেলিকাস্ত তৌনবা অয়াবা লৌবা মথৌ তাদ্রে; তেলিকাস্ত তৌগদৌরিবা থৌরমশিং অদু মাংজৌন্না রেজিস্তার তৌবা দরকার ওইগনি;

(খ) লোল হোঙদোক হোঙজিন নত্ত্রগা স্তেন্দার্দ দিফিনিসন(এস দি)দগী হয় দিফিনিসন(ঐচ দি)দা হৌদোক হোঙজিনগী মাংজৌন্না অয়াবা লৌবা মথৌ তাদ্রে; মমাঙদা পাউ পীরম্বা খক দরকার ওইগনি;

(গ) অথু-অকায় লাকপা মতমদা, দিরেক্তর/পার্তনর অনি খক লৈবা কম্পেনি/এল.এল.পি অমনা, দিরেক্তর/পার্তনর অমা হোংবা য়াগনি, সেকুরিতি ক্লিয়ারেন্স ফংলবা মতুংদা হাপ্পা অসিগুম্বা পোস্তনা, থবক-থৌরমশিংগী ৱারেপ লৌবা য়াগনি;

(ঘ) কম্পেনি/এল.এল.পি অমনা পাউ খোমজিন্নবা দি.এস.এন.জিগী মথক্তা, ওপ্তিক ফাইবর, বেগ বেক, মোবাইল শীজিন্ননবা তোখাইবা অয়াবা লৌবা দরকার ওইদে।

 

২. ইজ ওফ দুইং বিজিনেস

     (ক) অকক্নবা মতমগী মনুংদা পর্মিসন পীনবা থৌরাং লৈরে;

(খ)লিমিতেৎ লাইএবিলিতি পার্তনরশিপ(এল এল পি) লুপশিংনা পর্মিসন লৌবা য়াগনি;

(গ) এল.এল.পিশিং/কম্পেনিশিংনা ভারতকী তেলিপোর্তশিংদগী মপান লৈবাকশিংগী চেন্নেলশিং অপলিঙ্ক তৌবা য়াগনি, মসিনা থবক ফংনবা খুদোংচাবশিং পীগনি অমসুং ভারত অসি অতোপ্পা লৈবাকশিংগী তেলিপোর্ত-হব অমা ওইনা শেমগৎকনি।

(ঘ)হৌজিক নিউজ এজেন্সি অমদা চহি অমগী পর্মিসন পীরিবা অসি চহি ৫গী পর্মিসন পীরগনি;

(ঙ) হৌজিক চেন্নেল অমনা অপলিঙ্ক তৌনবা তেলিপোর্ত/সেতিল্লাইত অমা খক শীজিন্নবা য়াহল্লিবা অসি তেলিপোর্ত/সেতিল্লাইত অমদগী হেন্না শীজিন্নবা য়ারগনি;

(চ) কম্পেনিস এক্ত/লিমিতেৎ লাইএবিলিতি এক্তকী মখাদা কম্পেনি/এল.এল.পি অমদা তি.ভি চেন্নেল/তেলিপোর্ত হোঙবা য়ারে।

৩. লাইথোকহনবা অমসুং মরম চানা থবক পাংথোকপা

(ক) তোঙানবা চৎন-কাংলোন অনি পুনশিল্লবা চৎন-কাংলোন অমনা মহুৎশীল্লে;

(খ) অনি থোকপা লৈতনবা চৎন-কাংলোনশিংগী মওং-মতৌশিং ফজনা শেমদোক্লে।

(গ) পেনালতিগী ক্লোজশিং মরম চানা শেমদোক্লে অমসুং হৌজিক য়ুনিফোর্ম পেনালতি অমা চৎনরিবা অসিগী মহুৎতা তোঙান-তোঙানবা মখলগী অরানবশিংগী তোখাইবা মওংগী পেনালতিশিং লৈরে।

৪. অতোপ্পা মরুওইবা ৱাফমশিং

(ক) চেন্নেল অমা অপলিঙ্ক অমসুং দাউনলিঙ্ক তৌনবা অয়াবা ফংলবা কম্পেনিশিং/এল.এল.পিশিংনা লৈবাক্কী মরুওইবা অমসুং খুন্নাইগা মরী লৈনবা থিমশিংদা নোংমদা য়ামদ্রবদা মিনিত ৩০গী মতমগী পব্লিক সর্বিস ব্রোদকাস্তিং লৈগদবনি।

(খ) সি বেন্দগী মথক্তা অতোপ্পা ফ্রিক্বেন্সিদা অপলিঙ্ক তৌরিবা তি.ভি চেন্নেলশিংনা তঙাইফদনা মখোয়গী শিঙ্গনেলশিং ইনক্রাইপ তৌগদবনি।

(গ) পর্মিসন রিনিউএল তৌবা মতমদা চৎন-কাংলোনগী মতুংইন্না, পর্মিসন পায়রিবা কম্পেনিশিং/এল.এল.পিশিংগী অপুনবা লন-থুমশিং ফোঙদোকপা দরকার ওই।

     (ঘ) পীফম থোকপা শেনফমশিং শোইদনা পীনবা সেকুরিতি দিপোজিৎ থমগদবনি।

*****



(Release ID: 1874783) Visitor Counter : 55