ঐহাক্কী নুংশিরবা মরূপ স্কোত, নমস্কার!

য়াওশং কুমহৈ অমদি মীখলদা মায় পাকপগী অদোমগী য়াইফ পাউজেলগীদমক ঐহাক্না অদোম্বু থাগৎচরি। ভারত মচা পুম্নমক্কী মহুৎ শিন্দুনা ক্বিন্সলেন্দ অমসুং ন্যু সাউথ ৱেলসতা ইচাওনা মরম ওইদুনা পুন্সী অমদি লন থুম মাংখিবশিং অদুগীদমক অৱাবা ফোংদোকচরি। ঐখোয়গী অরোইবা ভর্চুএল সম্মিত্তা, ঐখোয়না ঐখোয়গী রেলেসনশিপ্পু কমপ্রেহেন্সিব স্ত্রেতেজিক পার্তনরশিপ অমদা থাংগৎখি। অমসুং ঐহাক নুংঙায়বা ফাওই মদুদি, ঙসি, ঐখোয়না লৈবাক অনিগী মরক্তা এনুএল সম্মিতকী মেকানিজম হৌদোক্লে।

এক্সিলেন্সী,

হৌখিবা চহি খরদা ঐখোয়গী মরী অসি শিংথানিংঙাই ওইবা মওংদা মাংলোমদা চংশিল্লে। ত্রেদ অমসুং ইনভেস্তমেন্ত, দিফেন্স অমসুং সেক্যুরিতী, এজুকেসন অমসুং ইনোভেসন, সাইন্স অমসুং তেক্নোলোজী – লমশিং অসিদা ঐখোয়না য়াম্না নক্ননা তেংবা পীনরি। ঐখোয়গী কোলাবোরেসন অসি ক্রিতিকেল মিনরেলস, ৱাতর মেনেজমেন্ত, রিন্যুএবল ইনর্জী, অমসুং কোবিদ-১৯ রিসর্সগুম্বা অতোপ্পা লম কয়াদা লেপ্পা লৈতনা হেনগৎলক্লি। বেঙ্গলুরুদা সেন্তর ওফ এক্সেলেন্স ফোর ক্রিতিকেল এন্দ ইমর্জিং তেক্নোলোজী পোলিসী লিংখৎনা লাউথোকখিববু ঐহাক্না তরাম্না ওক্লি।

এক্সিলেন্সী,

ঐখোয়গী কমপ্রেহেন্সিব ইকোনোমিক কোওপরেসন এগ্রীমেন্ত – “সি.ই.সি.এ.”, মসিদা, অদোম্না হায়খিবা অদুম্না, ঐহাক্নসু হায়জনিংই মদুদি য়াম্না তেনবা মতমগী মনুংদা শিংথানিংঙাই ওইবা প্রোগ্রেস অমা ফংলে।

ক্বাদতা ঐখোয়গী মরক্তা অফবা কোওপরেসনসু লৈরে। ফ্রী, ওপন অমসুং ইনক্লুসিব ইন্দো-পেসিফিক অমদা ঐখোয়গী কমিতমেন্তনা ঐখোয়গী কোওপরেসন রিফ্লেক্ত তৌরি। রিজনেল অমসুং গ্লোবেল স্তেবিলিতীগীদমক ক্বাদকী মায় পাকপা অসি য়াম্না মরু ওই।

এক্সিলেন্সী,

অরীবা ইন্দিয়ন আর্তিফেক্তশিং হল্লকপদা ইনিসিএতিব লৌখৎখিবগীদমক ঐহাক্না অদোম্বু অখন্ননা থাগৎচরি। অমদি অদোম্না থারকখিবা আর্তিফেক্তশিংদা রাজস্থান, ৱেস্ত বেঙ্গল, গুজরাত, হিমাচল প্রদেশ লোয়ননা ভারতকী অতোপ্পা রাজ্য কয়াদগী আইন্না য়াদবা মওংদা স্মগল তৌখিবা চহি চা কয়া লীরবা মুর্তীশিং অমসুং পেন্তিংশিং য়াওরি। অমদি মসিগীদমক ভারত মচাশিংগী মহুৎ শিন্দুনা ঐহাক্না অখন্নবা তৌবীলম খংবা উৎচরি।

ক্রিকেত ৱার্ল্দ কপতা ওস্ত্রেলিয়ন ৱুমেন্স ক্রিকেত তিমগী থোইদোক হেন্দোকপা পর্ফোমেন্সকীদমক অদোম্বু নুংঙাইবা ফোংদোকচরি। থাংজগী মেচতা ওস্ত্রেলিয়ানা থোইখি, অদুবু তুর্নামেন্ত অসি হৌজিক লোইদ্রি। লৈবাক অনিমক্কী তিমশিংদা ঐহাক্না য়াইফ পাউজেল পীজরি।

এক্সিলেন্সী,

অমুক হন্না, ঙসি অদোমগা লোয়ননা মীৎয়েংশিং একচেঞ্জ তৌবগী তাঞ্জা ফংজবগীদমক নুংঙাইবা ফোংদোকচরি।

মিদীয়াগী মরূপশিংবু থাগৎপা ফোংদোকচবগা লোয়ননা হৌজিক ঐহাক হৌদোকপগী মীফম অসি লোইশিনজরি। মসিগী মতুংদা, মীকুপ খরা লেপ্লবা মতুং, মথংগী এজেন্দ আইতেমদা ঐহাক্কী ওইবা মীৎয়েং অদু ঐহাক থমজরগে।

দিসক্লেমর: মসি প্রধান মন্ত্রীগী ৱারোলগী চাউরাকপা ৱাহন্থোকনি। অশেংবা ৱারোলদি হিন্দীদা পীখি।  

*****