భారతదేశానికి స్వాతంత్య్రం వచ్చి 75 ఏళ్లు పూర్తి చేసుకున్న తరుణంలో ఈ దీపావళి వచ్చిందని, మనం ఆజాదీ కా అమృత్ మహోత్సవ్‌ను జరుపుకుంటున్నామని ప్రధాని అన్నారు. ఈ ఆజాదీ కా అమృత్ కాల్‌లో, శ్రీ రాముడి వంటి సంకల్పమే దేశాన్ని కొత్త శిఖరాలకు తీసుకెళ్తుంది. సబ్‌కా సాథ్ సబ్‌కా వికాస్ స్ఫూర్తిని, సబ్‌కా విశ్వాస్, సబ్‌కా ప్రయాస్ సూత్రాలను శ్రీరాముని మాటలు, ఆలోచనలలో, అతని పాలనలో, అతని పరిపాలనలో కనుగొనవచ్చని ప్రధాన మంత్రి అన్నారు.  "భగవంతుడు శ్రీరాముని సూత్రాలు అభివృద్ధి చెందిన భారతదేశ ఆకాంక్షలు. ఇది చాలా కష్టమైన లక్ష్యాలను సాధించడానికి స్ఫూర్తిని అందించే లైట్‌హౌస్ లాంటిది" అని ప్రధాని తెలిపారు. 

ఈ సంవత్సరం ఎర్రకోట నుండి ‘పంచ్ ప్రాణ్’ గురించి తాను చేసిన ఉద్బోధను గుర్తుచేసుకుంటూ, ప్రధాన మంత్రి, “‘పంచప్రాణ్’ శక్తి పౌరుల కర్తవ్య భావనతో ముడిపడి ఉంది. "ఈ రోజు, పవిత్ర నగరమైన అయోధ్యలో, ఈ శుభ సందర్భంగా, మన తీర్మానానికి మనల్ని మనం పునరంకితం చేసుకోవాలి, రాముడి నుండి నేర్చుకోవాలి" అని ఆయన అన్నారు. ‘మర్యాద పురుషోత్తముడు’ని గుర్తు చేసుకుంటూ, ‘మర్యాద’ మనకు అలంకారాన్ని నేర్పుతుంది, గౌరవం ఇవ్వడం నేర్పుతుంది. కర్తవ్యమని నొక్కి చెప్పే సెంటిమెంట్‌ని కూడా బోధిస్తుంది. భగవంతుడు రాముడిని కర్తవ్యాల సజీవ స్వరూపంగా పేర్కొంటూ, తన పాత్రలన్నింటిలో శ్రీరాముడు ఎల్లప్పుడూ తన విధులకు అత్యంత ప్రాధాన్యతనిస్తాడని అన్నారు. “రాముడు ఎవ్వరినీ వదిలిపెట్టడు, రాముడు తన విధులకు దూరంగా ఉండడు. కాబట్టి మన హక్కులు మన విధుల ద్వారా స్వయంచాలకంగా సాకారం అవుతాయని భావించే భారతీయ భావనకు శ్రీ రాముడు ప్రాతినిధ్యం వహిస్తున్నాడు”, అని ప్రధాన మంత్రి వివరించారు. భారత రాజ్యాంగం అసలు ప్రతిలో రాముడు, సీత, లక్ష్మణుడి ప్రతిచిత్రం ఉందని ప్రధాన మంత్రి అన్నారు. రాజ్యాంగంలోని అదే పేజీ ప్రాథమిక హక్కుల గురించి మాట్లాడుతుంది. ఒకవైపు రాజ్యాంగం ప్రాథమిక హక్కులకు హామీ ఇస్తుండగా, అదే సమయంలో భగవాన్ శ్రీరాముడి రూపంలో విధుల పట్ల శాశ్వతమైన సాంస్కృతిక అవగాహన ఉందని ఆయన అన్నారు.

మన వారసత్వం గొప్పతనాన్ని, బానిస మనస్తత్వాన్ని పారద్రోలే  ‘పంచప్రాన్’లను ప్రస్తావిస్తూ, తల్లిని, మాతృభూమిని కూడా స్వర్గానికి మించి ఉంచడం ద్వారా శ్రీరాముడు కూడా మనల్ని ఈ మార్గంలో నడిపించాడని ప్రధాన మంత్రి అన్నారు. రామమందిరం, కాశీ విశ్వనాథ్, కేదార్‌నాథ్, మహాకాల్ లోక్‌ల ఉదాహరణలను తెలియజేస్తూ, భారతదేశం గర్వించదగిన ప్రార్థనా స్థలాలను ప్రభుత్వం పునరుద్ధరించిందని ప్రధాని వ్యాఖ్యానించారు. భగవాన్ శ్రీరాముడి ఉనికిని ప్రజలు ప్రశ్నించే సమయాన్ని గుర్తుచేసుకున్న ప్రధాని, “మేము ఈ న్యూనతా భావాన్ని విచ్ఛిన్నం చేసాము, గత ఎనిమిదేళ్లలో భారతదేశ తీర్థయాత్రల అభివృద్ధి గురించి సమగ్ర దృక్పథాన్ని ముందుకు తెచ్చాము. అయోధ్యలో వేల కోట్లతో ప్రాజెక్టులు కొనసాగుతున్నాయని ప్రధాని తెలిపారు. రోడ్ల అభివృద్ధి నుండి ఘాట్‌లు, కూడళ్ల సుందరీకరణ వరకు కొత్త రైల్వే స్టేషన్ ప్రపంచ స్థాయి విమానాశ్రయం వంటి మౌలిక సదుపాయాల మెరుగుదల వరకు, పెరిగిన కనెక్టివిటీ, అంతర్జాతీయ పర్యాటకం నుండి మొత్తం ప్రాంతం అపారమైన ప్రయోజనాలను పొందుతుందని ప్రధాన మంత్రి వ్యాఖ్యానించారు. అలాగే రామాయణ్ సర్క్యూట్ అభివృద్ధికి పనులు జరుగుతున్నాయని తెలియజేశారు.

సాంస్కృతిక పునరుజ్జీవనం సామాజిక, అంతర్జాతీయ కోణాలను ప్రధాన మంత్రి ప్రధానంగా ప్రస్తావించారు. నిషాద్ రాజ్ పార్క్ శృంగ్‌వేర్‌పూర్ ధామ్‌లో అభివృద్ధి జరుగుతోంది ఇందులో 51 అడుగుల ఎత్తైన శ్రీరాముడు, నిషాద్ రాజ్‌ల కాంస్య విగ్రహం ఉంటుంది. సమానత్వం, సామరస్య సంకల్పంతో మనల్ని బంధించే రామాయణ సందేశాన్ని అందరినీ కలుపుకుపోయేలా ఈ విగ్రహం సందేశాన్నిస్తుందని  ఆయన అన్నారు. అయోధ్య‌లోని ‘క్వీన్ హియో మెమోరియ‌ల్ పార్క్’ అభివృద్ధి గురించి ప్ర‌ధాన మంత్రి ప్ర‌స్తావిస్తూ, ఈ పార్క్ భార‌త‌దేశం, ద‌క్షిణ కొరియాల మ‌ధ్య అంత‌ర్జాతీయ సంబంధాల‌ను బ‌లోపేతం చేసే మాధ్యమంగా ప‌ని చేస్తుంద‌ని అన్నారు. ఆధ్యాత్మిక పర్యాటకం విషయంలో రామాయణ ఎక్స్‌ప్రెస్ రైలు సరైన దిశలో ఒక అడుగు అని కూడా ప్రధాన మంత్రి పేర్కొన్నారు. "అది ఛార్ధామ్ ప్రాజెక్ట్ అయినా, బుద్ధ సర్క్యూట్ అయినా  ప్రసాద్ స్కీమ్ కింద అభివృద్ధి ప్రాజెక్టులు అయినా, ఈ సాంస్కృతిక పునరుజ్జీవనం నవ భారతదేశం సమగ్ర అభివృద్ధికి శుభారంభం" అని ప్రధాన మంత్రి వ్యాఖ్యానించారు.

భారతదేశం గొప్ప సాంస్కృతిక వారసత్వానికి అయోధ్య ప్రతిబింబం అని ప్రధాన మంత్రి నొక్కిచెప్పారు. రాముడు అయోధ్యకు యువరాజు అయినప్పటికీ, ఆయన ఆరాధన యావత్ దేశానికి చెందుతుందని అన్నారు. ఆయన స్ఫూర్తి, ఆయన తపస్సు, ఆయన మార్గం, ప్రతి దేశస్థుడికీ ఉంటుంది. శ్రీరాముని ఆదర్శాలను పాటించడం భారతీయులమైన మనందరి కర్తవ్యం. ఆయన ఆశయాలను నిరంతరం జీవించాలని, వాటిని జీవితంలో అన్వయించుకోవాలని అన్నారు. ఈ పవిత్ర నగరానికి ప్రతి ఒక్కరినీ స్వాగతించడం, నగరాన్ని పరిశుభ్రంగా ఉంచడం అనే  విధులను అయోధ్య ప్రజలకు ప్రధాన మంత్రి గుర్తు చేసారు. మన కర్తవ్యాన్ని గుర్తు చేసేలా అయోధ్య  'కర్తవ్య నగరి'గా అభివృద్ధి చెందాలని ఆయన ముగించారు. అంతకుముందు, ప్రధానమంత్రి భగవాన్ శ్రీ రాంలాలా విరాజమానుని దర్శనం, పూజలు నిర్వహించి, శ్రీ రామజన్మభూమి తీర్థ క్షేత్ర స్థలాన్ని పరిశీలించారు. ఈ కార్యక్రమంలో ఉత్తరప్రదేశ్ రాష్ట్ర గవర్నర్ శ్రీమతి ఆనందీబెన్ పటేల్, ముఖ్యమంత్రి శ్రీ యోగి ఆదిత్యనాథ్,  మహంత్ నృత్య గోపాలదాస్ జి మహరాజ్ తదితరులు పాల్గొన్నారు.