জয় সিয়া রাম।

জয় জয় সিয়া রাম।।

থৌরম অসিদা শরুক য়াবীরিবা উত্তর প্রদেশকী রাজ্যপাল, শ্রীমতি আনন্দীবেন পতেলজী, মফম অসিগী মমিং লৈরবা কর্ময়োগী মুখ্য মন্ত্রী য়োগী আদিত্যনাথজী, ইকাই খুম্নরবা ঋসিশিং, তিনবীরিবা মঙাল ফংলবা মীওইশিং, ভক্তাশিং, নুপী অমদি নুপাশিং,

শ্রী রামললাগী দর্শন অমসুং মসিগী মতুংদা নীংথৌ রামগী অভিশেক তৌবগী লাইবক ফবা অসি রামজীগী থৌজালশিংনা ফংজবনি। শ্রী রামগী অভিশেক তৌবা মতমদা ভগৱান রামগী ৱাখল্লোন অমসুং মগুন অসি ঐখোয়দা হেন্না মপাঙ্গল কনখৎলকই। রামগী অভিশেক্কা লোয়ননা মহাক্না তাকপীরম্বা লম্বী অসিনা ঐখোয়দা মঙাল পীনবীরি। অয়োধ্যাগী মফম খুদিংমক্তা মহাক্কী ৱাখল্লোন অসি উবা ফংই। ঙসি অয়োধ্যাগী রামলীলাশিংগী খুত্থাংদা মসিগী ৱাখল্লোন অসি মালেম শিনবা থুংবদা শন্দোক্লি। অয়োধ্যা, উত্তর প্রদেশ পুম্বা অমসুং লৈবাক্কী মীয়াম্না মসিগী ইচেল অসিগী শরুক অমা ওইরকপা, লৈবাক অসিগী মীয়ামগী য়াইফনবা ইচেলদা শাহৌ পীবা অসিদা ঐহাক্না নুংঙাইবা পোকই। থৌরম অসিদা ঐহাক্না ইরৈবাকচাশিংদা অমসুং মালেম শিনবা থুংবদা লৈরিবা রামগী ভক্তাশিংদা য়াইফ পাউজেল পীজরি। ঐহাক্না ছোতী দীপাৱলীদা, হয়েংগী দিপাৱলীগীদমক্তসু ভগৱান শ্রী রামগী শেংলবা পোক্নফম লমদম অসিদগী ইরৈবাকচা পুম্নমক্তা য়াইফ পাউজেল পীজরি।

মরুপশিং,

হন্দক্কী দিপাৱলী অসিনা লাকপা মতম অসিদা মতম খরগী মমাংদা ঐখোয়না নীংতম্বগী চহি ৭৫ শুখিবতা ঙাই, ঐখোয়না আজাদী কা অমৃত মহোৎসব পাঙথোক্লি। অমৃত কাল অসিদা ভগৱান রামগুম্বগী অখাং কনবগী শক্তিনা অনৌবা পনখৈ তম্না লৈবাক অসিবু পুরগনি। ভগৱান রামগী ৱাহৈশিং, মহাক্কী ৱাখল্লোনশিং, মহাক্কী এদমিনিস্ত্রেসন্দা য়াওরিবা মমল য়াম্লবা লৌশিং অদুনা সবকা সাথ-সবকা বিকাসকী ইথিলগী ওইখি অমসুং সবকা বিশ্বাস-সবকা প্রয়াসকী য়ুম্ফম ওইখি। মথংগী চহি ২৫ অসিদা চাউখৎপা ভারত অমগী অনীংবা অপাম্বগা লোয়ননা ভারত মচা ঐখোয়না মাংদা চংশিল্লি, শ্রী রামগী ৱাখল্লোনশিংনা লমজিং মৈরা  অমগুম্না ঐখোয়না খ্বাইদগী অৱাবা পান্দমশিং ফংনবগীদমক ঐখোয়দা থৌনা হাপ্পীরি।

মরুপশিং,

লাল কিলাদগী হন্দক ঐহাক্না ইরৈবাকচা পুম্নমক্তা ৱাশক মঙা শকহনখি। পঞ্চ প্রন অসিগী ইনর্জীগী অহানবা ইলিমেন্ত অদু ভারতকী প্রজাশিংগী মথৌদাংগা মরী লৈনৈ। ঙসি অয়োধ্যাদা দীপোৎসবকী য়াইফরবা থৌরম অসিদা ঐখোয়না শ্রী রামদগী তমশিনবা য়াবা খুদিংমক তমশিন্নবা ঐখোয়গী ফিরেপ অদু নৌহৌননা ফোঙদোক্লসি। ভগৱান রাম অসি মর্য়াদা পুর্শোত্তম কৌই। মর্য়াদানা ইকাই খুম্নবা অমসুং ইকাই খুম্নবা উৎনবসু তাকপী তম্বীরি। ঐখোয়গী সাস্ত্রশিংদা হায়রি – “রামো বিগ্রহৱান ধর্ম”। হায়বদি রাম অসি সাক্ষাত ধর্ম হায়বদি থৌদাংগী হিংদুনা লৈরিবা শক্তমনি। ভগৱান রামনা থৌদাং য়াবদা মহাক্না মহাক্কী মথৌদাংবু য়াম্না মরু ওইনা লৌখি। মহাক্না রাজকুমার ওইরিঙৈ মতমদা মহাক্না ঋসিশিংবু, মখোয়গী আশ্রমশিং অমসুং গুরুকুলশিংবু ঙাকশেনবগী থৌদাং পাঙথোকখি। রাজ্যাভিশেক পাঙথোকপা মতমদা শ্রী রামনা হায়বা ইনবা মচানুপী অমগী থৌদাং পাঙথোকখি। মহাক্কী মমা অমসুং ইমুং মনুংগী ৱাহৈশিংবু মরু ওইনা লৌদুনা লৈবাক থাদোক্তুনা লোই থাবদা মশানা য়াজখি। মহাক্না উমংদা লৈবা মতমদা মহাক্কী উমংদা খুনদারিবা মীওইশিংবু মীনুংশি উৎখি। মখোয়না আশ্রমদা চৎপদা মতমা ইমা সবরীবু থৌনিজখি। মহাক্না পুম্নমক্কা লোয়ননা চৎতুনা লঙ্কাবু খুদুম চন্নবা হোৎনখি অমসুং মহাক্না খুবম ফংলবা মতমদা উমংগী মরুপশিংনা রামগীদমক লেপখি। মরমদি রামনা কনাবুসু নাথৈদুনা থমখিদে। রামনা মহাক্কী মথৌদাং পাঙথোকপদগী লৈথোকপা তৌদে। মরম অসিনা রাম অসি ভারতকী শক্তি ওইরিবনি, মসিনা ঐখোয়গী থৌদাং অসি ঐখোয়গী হকনি তাক্লি। ঐখোয়না থৌদাংশিং পাঙথোক্নবা কত্থোক্তুনা হোৎনবা তঙাই ফদে। অমসুং য়েংবীয়ু, ভগৱান রাম, ইমা সিতা অমসুং লক্ষমনজী পিকচর ঐখোয়গী সম্বিধান্দগী ওরিজিনেল কোপীদা য়াওরি, সম্বিধানগী চেনা অদুনা ফন্দামেন্তেল রাইৎশিংগী মরমদা হায়রি। হায়বদি নাকল অমদা ঐখোয়গী সম্বিধান্না পীবা হকশিংগী মতাংদা খঙহল্লি অমরোমদনা ভগৱান রামগী শক্লোন্দা থৌদাং য়াবগী লোইনাইদ্রবা কলচরেল রিএলাইজেসন তাক্লি! মরম অসিনা থৌদাং য়াবগী ফিরেপ অসি হেন্না চেৎশিনহল্লিবা মখৈ রামগুম্বগী ৱাখল্লোন অসি হেন্না মঙফাওনবা ঙমগনি।

মরুপশিং,

নীংতম্বগী অমৃতকাল অসিদা লৈবাক অসিনা মাগী হেরিতেজকীদমক চাউথোকচবা পোক্লি অমসুং মীখা পোনবগী ৱাখল্লোন মাংহল্লসি হায়না ফোঙদোকখি। ঐখোয়না মসি ভগৱান শ্রী রামদগী ইথিল ফংজখি। মহাক্না হায়খি – জননী জন্মভুমিস্ছ স্বর্গাদপি গরীয়সী। হায়বদি মহাক্না লঙ্কাগী মায়োক্তা চংশিনবদা মশাদা ইনফেরিওরিতী কমপ্লেক্স অমত্তা পোকখিদে অদুবু ইমা অমদি পোক্নফম ইমাদি লাইরৈবাক্কা পাঙ্খক ওই। থাজবা অসিগা লোয়ননা মহাক্না অয়োধ্যাদা অমুক হল্লকখি, অমদি অয়োধ্যাগী মরমদা অসুম্না হায় – “নব গৃহ নিকর অনীক বনাই। জনু ঘেরী অমরাবতি আই”। হায়বদি অয়োধ্যা অসি লাইরমলেনগা চাংদম্নবনি। মরম অসিনা ইচিল-ইনাওশিং ঐখোয়না জাতি শেমগৎনবা ফিরেপ অমা লৌবা মতমদা লৈবাক অসিগী প্রজাশিংবু শেবা তৌনবগী ৱাখল্লোন অমা পোক্লকই, মতম অদুদা খক্তা লৈবাক অসিবু চাউখৎপগী লোইনাইদ্রবা পনখৈশিং য়ৌবা ঙমগনি। রাম, ঐখোয়গী নাৎ অমসুং সভ্যতাগী মরমদা ঙাংনবা লেপখিবা মতম অমা য়াওখি। লৈবাক অসিদা রাম লৈরমব্রা হায়বগী ৱাহং কয়া লাকখি। মসিগী ফল করি ওইখি? ঐখোয়গী ধর্ম, নাৎকী ওইবা মফমশিং অমসুং সহরশিং অসি শোত্থনা লৈখি। ঐখোয়না অয়োধ্যাগী রামঘাত্তা লাকপা মতমদা ফীভম অদু উবদা ঐখোয়না য়াম্না নুংঙাইখিদে। কাশীগী শোত্থরবা ফীভম, অমোৎপা অমসুং লম্বীশিংদা ওইরম্বা ফীভম। ঐখোয়গী শক্তাক্নবা, ঐখোয় লৈরম্মি হায়বা তাক্নবা খুদম ওইরিবা মফম অসি অসুক্কী মতিক ফীভম শোকখি, লৈবাক অসিগী চাউখৎ থৌরাংগী থবক অসি মশা মথন্তা লেপখি।

মরুপশিং,

হৌখিবা চহি নিপান অসিদা লৈবাক অসিনা শোত্থনা লৈ হায়বগী ৱাখল্লোনগী য়োৎলিং থৎদৎপা ঙমখি। ঐখোয়না ভারতকী তীর্থ য়াত্রাশিং শেমগৎনবগী হোলিস্তিক ওইবা মীৎয়েং অমদা চংশিনখি। রাম মন্দির অমসুং কাশী বিশ্বানাথ ধামদগী কেদারনাথ অমসুং মহাকাল-মহালোক ফাওবা ঐখোয়না ধর্মগী মফমশিং অসি শেমগৎতনা লৈরমখিবা অদু হান্নগী মতিক-ময়াই অদু অমুক হঞ্জিনহন্নবা শেমগৎখি। হোলিস্তিক ‌ওইনা খোঙথাংশিং লৌখৎপনা করম্না হোলিস্তিক দিবেলপমেন্তগী পাম্বৈ ওইরকখিবগে হায়বা লৈবাক অসিনা ঙসি উবা ফংলি। ঙসি অয়োধ্যা শেমগৎনবা লুপা করোর লিশিং কয়াগী অনৌবা স্কিমশিং হৌদোকখি। লম্বীশিং শেমগৎখি। ঘাতশিং শেমগৎখি। অনৌবা ইনফ্রাস্ত্রকচরশিং শেমগৎখি। হায়বদি অয়োধ্যঅগী চাউখৎ থৌরাংনা অনৌবা মাইয়োলদা চংশিল্লি। মসিগা লোয়ননা অয়োধ্যা রেলৱে স্তেসন, মালেমগী থাক্কী এয়রপোর্তসু শারগনি। হায়বদি অপুনবা লমদম অসিনা কন্নেক্তিবিতী অমসুং ইন্তর্নেস্নেল তুরিজমগী কান্নবা ফংলগনি। অয়োধ্যাগী চাউখৎ থৌরাংগা লোয়ননা রামায়ন সর্কিত শেমগৎ শাগৎপগী থবকসু পাইখৎলি। হায়বদি অয়োধ্যাদগী চাউখৎ থৌরাংগী অভিয়ান অসি অকোইবদা লৈরিবা মফম পুম্নমক্তা শন্দোক্লগনি।

মরুপশিং,

কলচরেল দিবেলপমেন্তগী সোসিএল অমসুং ইন্তর্নেস্নেল দাইমেন্সন কয়া লৈ। শৃরঙ্গবেরপুর ধামদা নিসাদরাজ পার্ক শেমগৎ শাগৎলি। মফম অসিদা ভগৱান রাম অমসুং নিসাদরাজকী শেঞ্জেংগী ফুত ৫২ ৱাংবা মীতম শারি। মীতম অসিনা মীয়ামদা রামায়নগী পুম্নমক শুনা য়াওরবা পাউজেল পীরগনি, মসিনা ঐখোয়দা মান্নবা ৱাখল্লোন অমসুং শান্তি লৈনা হিংমিন্নবগী ফিরেপ লৌহল্লি। মতৌ অসুম্না অয়োধ্যাদা ক্বীন-হো মেমোরিএল পার্ক শারি। পার্ক অসিনা লৈবাক অনিমক্কী মরক্তা লৈনরিবা নাৎকী ওইবা মরী মপাঙ্গল কনখৎহন্নবা অমসুং ভারত অমসুং খা কোরিয়াগী মরক্তা লৈনরিবা মরী অসি চেৎশিনহন্নবা পাম্বৈ অমা ওইরগনি। চাউখৎ থৌরাং অসিগা লোয়ননা নহারোলশিংগীদমক তুরিজমগী ওইথোকপা য়াবা কয়াগা লোয়ননা থবক্কী খুদোংচাবা কয়া য়াম্না পীগনি হায়বা খন্থদুনা য়েংবীয়ু। সরকারনা চেলহল্লিবা রামায়ন এক্সপ্রেস ত্রেন অসি স্পিরিচুএল তুরিজমগী মাইকৈদা অফবা অহৌবা অমনি। ঙসি চারধাম প্রোজেক্ত, বুদ্ধ সর্কিত নত্ত্রগা প্রসাদ স্কিম ওইরবসু ঐখোয়গী নাৎকী ওইবা লমদা খুমাং চাউশিল্লিবা অসি অনৌবা ভারতকী চাউখৎ খোঙচৎকী অহৌবনি।

মরুপশিং,

ঙসি অয়োধ্যাগী সহরদগী ঐহাক্না লৈবাক পুম্বগী মীয়ামদা হায়জরি। অয়োধ্যা অসি ভারতকী ফজরবা কলচরেল হেরিতেজকী মমি অমনি। রাম অসি অয়োধ্যাগী রাজকুমার ওইরমখি অদুবু মহাক অসি লৈবাক পুম্বনা পাম্নখৈ, মীয়ামগী ওইখি। মহাক্না পীরম্বা ইথিল, মহাক্কী তপস্যা, মহাক্না তাকপীরম্বা লম্বী অসি ইরৈবাকচা খুদিংমক্কীনি। ভগৱান রামগী ৱাখল্লোনশিং ঙাক্না চৎপা হায়বা অসি ভারত মচা ঐখোয়গী থৌদাংনি। ঐখোয়না ৱাখল্লোনশিং অসিগা লোয়ননা হিংবা তাই, মদু পুন্সিদা শীজিন্নবা তাই। অমসুং মহাক্কী ৱাখল্লোনগী লম্বেলদা চৎপা মতমদা অয়োধ্যাগী মীয়ামনা দবল রেস্পোন্সিবিলিতী পুবা তাই। অয়োধ্যাগী ইচিল-ইনাওশিং নখোয়না দবল রেস্পোন্সিবিলিতী পুবা মথৌ তাই! মালেম শিনবা থুংবদগী মীয়াম্না লাকপগী মশিং শরুক কয়া হেনগৎলক্কদবা নুমিৎ অদু লাক্কদবা কুইদ্রে। পোৎশক খুদিংমক্তা রামগী মমি তারিবা মফম অদুদা লৈরিবা মীয়াম করম তৌরমগনি, মীওইশিং অদুগী ৱাখল্লোন করম তৌরমগনি হায়বা অসিসু চপ মান্ননা মরুওই। রামজীগুম্না মীপুম খুদিংমক্তা মান্নবা ৱাখল্লোন পোকহনখিবা অদুগুম্না অয়োধ্যাগী মীয়াম্না মান্নবা ৱাখল্লোনগা লোয়ননা মীওই খুদিংমকপু তরাম্না ওকপীয়ু। অয়োধ্যা অসি থৌদাং মশক খঙবা সহর অমা ওইনা খঙনবা ওইরসনু। অয়োধ্যা অসি খ্বাইদগী লুনানবা সহর ওইনবা, মফম অসিগী লম্বীশিং পাকচাউহন্নবা, মসিগী ফজবা অসি লম্বা লৈতবা ওইনবগীদমক য়োগীজীগী সরকারনা অচৌবা বিজন অমগা লোয়ননা প্রোজেক্ত কয়া পাইখৎলি। খোঙথাং কয়া লৌখৎলি। অদুবু অয়োধ্যাগী মীয়াম্না খোঙথাংশিং অসিদা শৌগৎলবদি অয়োধ্যাগী মতিক ময়াই হেন্না হেনগৎলক্কনি। সিভিক দিগনিতীগী মতাংদা ঙাংনরকপা মতমদা, সিভিল দিস্সিপ্লিনগী মতাংদা ঙাংনরকপা মতমদা ঐহাক্না অয়োধ্যাগী মীয়ামগী মীয়ামগী মমিং অসি হেন্না মশক থোকহনবা পাম্মি। মরম অসিনা ঐহাক্না অয়োধ্যাগী শেংলবা লমদম অসিদা ভগৱান রামদগী মসি থুংহন্নবা থৌনিজরি, লৈবাক অসিগী মীয়াম্না থৌদাং য়াদুনা ভারতকী শক্তিনা হেন্না ৱাংবা পনখৈ য়ৌবা ঙম্বা ওইরসনু। অনৌবা ভারতকী ঐখোয়গী মঙলান অসিনা মীওইবা খুন্নাইগী য়াইফনবা পাম্বৈ ওইরসনু। য়াইফ মঙ্গোল অসিগা লোয়ননা ঐহাক্কী ৱারোল লোইশিনজরি। অমুক হন্না ইরৈবাকচা পুম্নমকপু দিপাৱলীগীদমক য়াইফ-পাউজেল পীজরি। হন্না-হন্না থাগৎচরি!

হায়বীয়ু – সিয়াবর রামচন্দ্র কী জয়!

সিয়াবর রামচন্দ্র কী জয়!

সিয়াবর রামচন্দ্র কী জয়!

থাগৎচরি!

***