ঙসি গুজরাতকী রাজকোত্তা প্রধান মন্ত্রী শ্রী নরেন্দ্র মোদীনা লুপা কোতি ৫৮৬০ রোমগী চাউখৎ-থৌরাংগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। প্রধান মন্ত্রীনা ইন্দিয়া অর্বান হাওসিং কনক্লেপ ২০২২শু হৌদোকখ্রে। প্রধান মন্ত্রীনা লাইত হাওস প্রোজেক্কী মখাদা শাবা য়ুম ১১০০ হেন্না কৎথোকখ্রে। প্রধান মন্ত্রীনা মীয়ামদা কৎথোকখিবা অতোপ্পা প্রোজেকশিংগী মনুংদা ব্রহ্মনি-২ দামদগী নর্মামদা কেনেল পম্পিং স্তেসন ফাওবগী মোর্বি-ব্লক পাইপলাইন প্রোজেক, রিজনেল সাইন্স সেন্তর অমা, লৈকংথোঙশিং অমসুং লম্বীগা মরী লৈনবা অতৈ প্রোজেকশিং য়াওরি।

প্রধান মন্ত্রীনা গুজরাত্তা এন.ঐচ-২৭গী রাজকোত-গোন্দাল-জেতপুর সেক্সনগী হৌজিক লৈরিবা লেন-৪ অসি লেন-৬ ওন্থোক্নবা উরেপ-উয়ুং তমখি। মোর্বি, রাজকোত, বোতাদ, জাম্নগর অমসুং কচ্ছতা লুপা কোতি ২৯৫০ রোমগী জি.আই.দি.সি ইন্দস্ত্রিএল স্তেৎশিং শানবা উরেপ-উয়ুং তমখি। উরেপ-উয়ুং তমখিবা অতোপ্পা প্রোজেকশিংগী মনুংদা গাধকাদা অমুল-ফেদ দাইরি প্লান্ত, রাজকোত্তা ইন্দোর স্পোর্তস কমপ্লেক্স অমা শানবা, ঈশিং পীনবা প্রোজেক অনি অমসুং লম্বী অমসুং রেলৱেজগী প্রোজেকশিংনি।

মীয়ামদা ৱা ঙাংবদা প্রধান মন্ত্রীনা হায়খি হৌজিক অসি অনৌবা ৱারেপশিং লৌবা অমসুং অনৌবা থবকশিং হৌবা চহি অমগী মতমনি। রাজকোত য়াওনা কাথিয়াৱারগী প্রোজেক খর ঙসি লোইশিল্লে অমসুং অনৌবা প্রোজেক খরা পায়খৎপা হৌরে। হায়রিবা প্রোজেকশিং অদু লম্বী-থোঙ, উদোগ, ঈশিং অমসুং মীয়ামগী পুন্সি নুংঙাইনা হিংনবগা মরী লৈনৈ।

মহাক্না হায়খি লৈবাক অসিগী মফম ৬গী মনুংদা, রাজকোত অসি লাইত হাওস প্রোজেক্কী মফমশিংগী মনুংদা অমনি অমসুং খ্বাইদগী নৌবা তেক্নোলোজি শীজিন্নদুনা শাবা য়ুম ১১৪৪ ঙসি কৎথোক্লে। দিৱালি মমাঙদা অনৌবা তেক্নোলোজিনা শাবা খ্বাইদগী ফবা য়ুম রাজকোতকী লায়রবা ইমুং ১০০ হেনবদা খুৎশিন্নবগী হরাওবা অসি মখল অমনি। হায়রিবা য়ুমশিং অসি মপু ওইরবী ইচলশিং ঐনা তরাম্না ওকচরি অমসুং লাক্লিবা দিৱালি অসিগী য়াইফ-পাউজেল পীজরি অমসুং অদোমগী অনৌবা য়ুমশিং অসিদা লক্ষমী লেঙশিল্লে।

প্রধান মন্ত্রীনা হায়খি হৌখিবা চহি ২১দা ঐখোয় মঙলান কয়া মঙখি, থবক কয়া পাংথোকখি অমসুং কয়া মাইপাকখি। রাজকোতনা ঐঙোন্দা তম্বীরকখি অমসুং ঐ তম্লি। রাজকোত ঐগী অহানবা মহৈলোয়শঙনি। রাজকোত অসি মহাত্মা গান্ধীনা লাইরিক তম্বা লাকখিবা মফম অমনি। ঐনা কৈদৌঙৈদা অদোমগী লমন শিংবা ঙম্লরোই। মহৈরোয় অমা ওইনা ঐখোয়গী মাইপাকপগী খ্বাইদগী চাউবা খুদম অসি, ঙসিগী স্কুল-কোলেজশিংদা তম্লিবা মহৈরোয়শিং নত্ত্রগা মখোয়গী শীনফমশিংদা লৈরবা মীওইশিং অদুনি।

প্রধান মন্ত্রীনা হায়খি রাজকোত অমসুং রাজ্য অসি শীনবা থুংনা লো অমসুং ওর্দরগী ফিবম ফগৎলে। নহা ওইরিবা মরুপশিংনা অকিবা লৈতনা নুমিদাং অথেংবা ফাওবা কোইচৎ চৎপা অমসুং মখোয়গী পুন্সিগী মরুওইবা থবকশিং পাংথোকপা অসি উবদা ঐ অপেনবা পোকই। ফত্তবা মীওইশিং, মাফিয়া, তেরোরিস্তশিং অমসুং গেংশিং লৈতনা ঐখোয়না অহিং-নুংথিল হিংবা অসিদা অপেনবা পোকই অমসুং ঐখোয়না পায়খৎপা থবকশিং লেম্না মাঙদ্রে। মখোয়গী অঙাংশিংগী তুংগী য়াইফনবা মমা-মপাশিংনা থবক কন্না শুদুনা শান্তি ওইনা অমসুং হরাওনা লৈমিন্নবা উবদা হরাওই।

প্রধান মন্ত্রীনা মখা তানা হায়খি হৌখিবা চহি কয়া অসিদা ঐখোয়না কন্না হোৎনবদগী গুজরাতি খুদিংমক থবক ফজনা পাংথোকপা ঙম্লে। মসিদা সরকারনা পুক্নিং থৌগৎকদবনি। চাউখৎলবা ভারত অমগীদমক চাউখৎলবা গুজরাতকী লাইৱাগা লোয়ন্না ঐখোয় চঙশিল্লি।ঐখোয়না উদোগশিংদা মীৎয়েং চঙখি অমসুং ভাইব্রেন্ত গুজরাত কেম্পেনগী মখাদা শেন থাদরকখি অমসুং কৃষি মহোৎসব অমসুং গরিব কলয়ান মেলাশিংগী খুৎথাদা খুঙ্গং অমসুং লায়রবা শেমগৎনবা ঐখোয়না থবক পায়খৎখি। লায়রবশিংদা শক্তি পীবা অমসুং মখোয় খোঙজেল য়াংনা লায়রবা কোকপা ঐখোয়না উবা ফংলে।  

প্রধান মন্ত্রীনা হায়খি তঙাইফদনা লৈত্রবা য়াদ্রবা খুদোংচাবশিং অমসুং ইকায়খুম্নবা পুন্সি অমা ফংহন্দনা, লায়রবা কোকহনবা ওইথোক্লোই। তোইলেত, মৈ, তোতি ঈশিং, চাক থোংনবা গ্যাস অমসুং ইন্তরনেত য়াওরবা য়ুম অমা লায়রবদা ফংহল্লে। অনা-অয়েক অসিনা ইমুং কয়া অৱাবা তাহল্লি। মফম অসিনা অয়ুস্মান ভারত অমসুং পি.এম.জে.এ.আই-এম.এগুম্বা স্কিমশিংনা লায়রবা ইমুং কয়া লেম্না লায়েংবা ফংলে। মমাঙগী সরকারশিংনা লায়রবগী ফিবম খঙলমদে অমসুং লারয়বগী পুক্নিংগী ইহুলশিং খঙদে। মরম অদুনা চহি কয়াগী মমাঙদা লাউখিবা খোল্লাউশিং ‘লায়রবা কোকহনবা, রোতি-কপারা-মকান’ অসি শুপ্নগী খোল্লাউশিং ওইদুনা লৈরে। খোল্লাউশিং লাউখি অমসুং ভোত কয়া ফংখি অমসুং মশাগী ওইজবা কয়া ফংখি।

হৌখিবা চহি ৮দা লৈবাক অসিগী খুঙ্গংশিং অমসুং সহরশিংদা লায়রবশিং চেক্কী য়ুম কোতি ৩ হেন্না ফংহনখ্রে। হায়রিবা মতম অসিগী মনুংদা, গুজরাতকী সহরশিংগী চেক্কী য়ুম লাখ ১০ হেন্না অয়াবা পীখ্রে অমসুং য়ুম লাখ ৭ শাবা লোইখ্রে। লায়রবশিংগী য়ুম শাবা ভুপেন্দ্রভাই অমসুং মহাক্কী কাংবুনা শিংথানিঙাই ওইবা থবক অমা পাংথোক্লি। লায়রবশিং খক্তগী নত্তনা মিদল ক্লাসশিংগী য়ুম শানবা মঙলান থবক ওইনা পাংথোক্নবা ঐখোয়না অহানবা থবকশিং পায়খৎপা হৌরে। গুজরাতকী মিদল ক্লাস লাখ কয়াদা মখোয়গী য়ুমশিং শানবা কেন্দ্র সরকারনা লুপা কোতি লিশিং ১১ রোম পীখ্রে। অতোপ্পা সহরশিংদগী লাকপা শিন্মীশিংদা মমল হোঙবা ভারাগী য়ুমশিং ফংলগনি। মসিগী স্কিম অসি থবক য়াংনা পায়খৎলি।

মহাক্না হায়খি মমাঙগী সরকারগী সরকারশিংনা দাইত্ব অমা ওইনা লায়রবশিংগী য়ুম শাখিদে, খুদোংচাবা অমা ফংনবা শাখি। মখোয়না অপাম্বা মওংদা য়ুমশিং শানবা য়ুম মপুশিংদা অয়াবা পীরে। লায়রবশিংগী য়ুম শাবা হায়বসি ঐখোয়গী লেংদ্রবা থবক্নি। রাজকোতকী য়ুম শাবগী নমুনা অসি য়েংনবা লৈবাক্কী মফম কয়াদগী মীওই কয়া লাক্লে। ঙসিদি গুজরাতনা অনৌবা তেক্নোলোজিদা শাবা য়ুম লিশিং কয়া ফংবদা নত্তনা, লায়রবা ইমুং কয়া তুংদা চেক্কী য়ুমশিং ফংলগনি। রাজকোত্তা শারিবা মতমগী অনৌবা য়ুমশিং অসি লৈবাক অসিদা মমল হোঙবা য়ুমশিং শানবা মাইকৈদা থাংজিনবা অচৌবা খোঙথাং অমনি। মসিনা য়ুম শাবগী থবকশিংদা অচৌবা অওনবা অমা পুরক্লগনি। নহারোল লিশিং কয়া অসিগুম্বা অনৌবা য়ুমশারোলগী ত্রেনিং পীদুনা অমসুং অনৌবা স্তার্দ-অপশিং পুক্নিং থৌগৎতুনা ঐখোয়গী নহারোলশিং মশা-মরোমদোম লেপচনবা থৌরাং তৌনবা সরকারনা থবক পায়খৎলে।

প্রধান মন্ত্রীনা হায়খি লম্বীশিং, কৈথেলশিং, মোলশিং অমসুং প্লাজাশিংগী মথক্ত সহরগী পুন্সি অসিসু দাইত্ব অমনি। অহানবা ওইনা ঐখোয়গী সরকারনা লম্বী মতাইগী পোৎফমশিংগী দাইত্ব লৌরে। অহানবা ওইনা, ঐখোয়না বেঙ্কগা মখোয়গা শম্নহল্লে। হায়রিবা মীওইশিং অসি শ্বানিধি স্কিমগী মখাদা য়াম্না লাইনা লোন ফংবা ঙম্লে। ঙসিদি, হায়রিবা পোৎফম্বীশিং অসিনা দিজিতেল ওইনা ত্রান্সসেক্সনশিং পাংথোক্তুনা দিজিতেল ইন্দিয়াগী মপাঙ্গল হাপ্লে।

প্রধান মন্ত্রীনা হায়খি উদোগকী সহর অমা ওইনা রাজকোতকী এম.এস.এম.ইশিং মমিং চৎলি অমসুং এম.এস.এম.ইশিংগী মফম অমনি। রাজকোত্তা শাবা পম্পশিং, মেছিনশিং অমসুং খুৎশু-খুৎলায়শিং শীজিন্নদবা লৈবাক অসিগী মফম অমতা লৈরম্লোই। ফালকোন পম্প, ফিল্দমার্সেল, এঞ্জেল পম্প, ফ্লোতেক ইঞ্জিনিয়ারিং, জালগঙ্গা পম্প, সিলভর পম্প, রোতেক পম্প, সদ্ধি ইঞ্জিনিয়ার্স, গুজরাত ফোরগিং অমসুং তোপলেন অসি খুদম ওইনা পনবা য়াই। হায়রিবা রাজকোতকী পোৎথোকশিং অসিনা লৈবাক অসিদা অমসুং মালেমদা মফম অমা কল্লি।

মহাক্না হায়খি হৌখিবা চহি ২০ অসিদা, ইঞ্জিনিয়ারিংগা মরী লৈনবা পোৎলমশিং রাজকোত্তগী মপান্দা থাদোকপা লুপা কোতি লিশিং ৫ হেল্লে। ফেক্তরিশিং শরুক অনি হেন্না হেনগৎলে অমসুং শিন্মীশিং মশিং হেনগৎলে। অসিগুম্বা ফিবম অসিনা মীওই লিশিং কয়া থবক পীরে। মসিগা চপ মান্ননা মোর্বিশু অঙকপা থবক অমা পাংথোক্লে। সেরামিক তাইলশিংগীদমক মোর্বি মালেমদা মমিং চৎলে। মোর্বি মথন্তনা মালেমগী অপুনবা সেরামিক্কী চাদা ১৩ হেন্না পুথোক্লি। মোর্বি অসি মপান্দা থাদোকপগী শিংথানিঙাই ওইবা সহর অমা ওইনা খঙনরে। ফক্লাংশিং, লৈমাইশিং, ইরুজফমশিং অমসুং তোইলেতশিং মোর্বিগী তাইল য়াওদ্রবদি মপুংফাদ্রে। লুপা কোতি লিশিং ১৫ থাদদুনা মোর্বিদা সেরামিক পার্ক অমা শেমগৎলে।

থৌরম অদুদা গুজরাতকী চীফ মিনিস্তর শ্রী ভুপেন্দ্রভাই পতেল, হাওসিং অমসুং অর্বান এফেয়ার্সকী য়ুনিয়ন মিনিস্তর শ্রী হরদিপ সিংহ পুরি, হাওসিং অমসুং অর্বান এফেয়ার্সকী রাজ্য মন্ত্রী কাউসাল কিশোর, গুজরাতকী হান্নগী রাজ্যপাল শ্রী ভাজুভাই ভালা, গুজরাতকী হান্নগী চীফ মিনিস্তর বিজয় রুপানি অমসুং এম.পিশিং শ্রী মোহনভাই কুন্দারিয়া অমশুং শ্রী রামভাই কোমারিয়াশু শরুক য়াখি।

নুঙগীৱারোল

গুজরাতকী রাজকোত্তা প্রধান মন্ত্রী শ্রী নরেন্দ্র মোদীনা লুপা কোতি ৫৮৬০ রোমগী প্রোজেকশিং উরেপ-উয়ুং তমখ্রে অমসুং মীয়ামদা কৎথোকখ্রে। প্রধান মন্ত্রীনা ইন্দিয়া অর্বান হাওসিং কনক্লেপ ২০২২শু হৌদোকখ্রে। মসিদা ভারত্তা য়ুম শানবা দিজাইন তৌবা, থৌশিল-থৌরাংশিং, চৎন-কাংলোনশিং, থবক ওইনা পাংথোকপা য়াওনা হীরম কয়া খন্নি। তুংদা মীয়ামগী থৌরম অমদা, প্রধান মন্ত্রীনা অনৌবা য়ুমশারোলগী মতাংদা একজিবিসন অমসু হাংদোকখি।

থৌরম অদুদা প্রধান মন্ত্রীনা লাইত হাওস প্রোজেক্কী মখাদা শাবা য়ুম ১১০০ হেন্না কৎথোকখ্রে। য়ুমশিং অদুগী শোশিং য়ুম্বু বেনিফিসরিশিংদা শীন্নগনি। প্রধান মন্ত্রীনা মীয়ামদা কৎথোকখিবা অতোপ্পা প্রোজেকশিংগী মনুংদা ব্রহ্মনি-২ দামদগী নর্মামদা কেনেল পম্পিং স্তেসন ফাওবগী মোর্বি-ব্লক পাইপলাইন প্রোজেক, রিজনেল সাইন্স সেন্তর অমা, লৈকংথোঙশিং অমসুং লম্বীগা মরী লৈনবা অতৈ প্রোজেকশিং য়াওরি।

প্রধান মন্ত্রীনা গুজরাত্তা এন.ঐচ-২৭গী রাজকোত-গোন্দাল-জেতপুর সেক্সনগী হৌজিক লৈরিবা লেন-৪ অসি লেন-৬ ওন্থোক্নবা উরেপ-উয়ুং তমখি। মোর্বি, রাজকোত, বোতাদ, জাম্নগর অমসুং কচ্ছতা লুপা কোতি ২৯৫০ রোমগী জি.আই.দি.সি ইন্দস্ত্রিএল স্তেৎশিং শানবা উরেপ-উয়ুং তমখি। উরেপ-উয়ুং তমখিবা অতোপ্পা প্রোজেকশিংগী মনুংদা গাধকাদা অমুল-ফেদ দাইরি প্লান্ত, রাজকোত্তা ইন্দোর স্পোর্তস কমপ্লেক্স অমা শানবা, ঈশিং পীনবা প্রোজেক অনি অমসুং লম্বী অমসুং রেলৱেজগী প্রোজেকশিংনি।

Watch LIVE https://t.co/DM1P5TCPZh

— PMO India (@PMOIndia) October 19, 2022

*****