প্রধান মন্ত্রী, শ্রী নরেন্দ্র মোদীনা ঙসি গুজরাত, জুনাগরদা লুপা করোর ৩৫৮০গী চাউখৎ-থৌরাংগী তোঙানবা প্রোজেক্ত কয়াগী উরেপ উয়ুং তমখ্রে। জুনাগরগী প্রোজেক্তশিং অসিদা অহাঙবা মেনশিনবগা লোয়ননা সমুদ্র তোর্বানগী হাইৱে ফগৎহনবা, ৱাতর সপ্লাই প্রোজেক্ত অনি অমসুং এগ্রি পোত্থোক থম্নবগীদমক্তা গোদাউন কমপ্লেক্স শাবগী খোঙথাং য়াওরি। মাধবপুরগী শ্রী কৃষন রুখমনি মন্দির মপুং ওইনা শেমগৎপগী থবক অমসুং সিৱেজ অমদি ৱাতর সপ্লাই প্রোজেক্ত অমসুং পোর্বন্দর ফিশরী হার্বরগী দ্রেদজিং শেম-শাজিনবগী থবক্কী উরেপ উয়ুংসু মহাক্না তমগনি। প্রধান মন্ত্রীনা সোম্নাথকী গিরদা মধ্বারগী ফিশিং পোর্ত শেমগৎপগী থবক য়াওনা প্রোজেক্ত অনিগী উরেপ উয়ুংসু তমগনি।

প্রধান মন্ত্রীনা ঙসিগী মীয়ামদা ৱা ঙাঙবদা দিৱালী অমসুং ধন্তেরাস য়ৌরক্লে হায়না নুংঙাইনা হায়রদুনা জুনাগরগী মীয়াম্না অনৌবা চহি তরাম্না ওক্নবা শেম শানরি হায়খি। থৌরম অসিদা তিল্লিবা মীয়াম খুদিংদা য়াইফ পাউজেল পীরদুনা, প্রধান মন্ত্রীনা মখোয়না থৌজালবীবগীদমক্তা থাগৎপসু ফোংদোকখি। মমাংগী মতমগী রাজ্যগী বজেত্তগীসু হেনবা শেনফমগী চাউখৎ-থৌরাংগী প্রোজেক্ত কয়াগী উরেপ উয়ুং তম্বদা মহাক্না নুংঙাইজবা ফাওই হায়খি। পুম্নমক অসি গুজরাত মীয়ামগী থৌজালদগী ওইথোকপনি হায়না মহাক্না মখা তাখি।

জুনাগর, গির সোম্নাথ অমসুং পোর্বন্দর য়াওবা মফমশিংবু গুজরাতকী তুরিজমগী কোনুংনি হায়না প্রধান মন্ত্রীনা হায়খি। ঙসি থৌরাং য়াৎলিবা প্রোজেক্তশিংনা থবক্কী খুদোংচাবা কয়া পুরক্কনি হায়না মহাক্না হায়খি। “ঐহাক্তি ঙসি চাউথোকচবনা থল্লে”, প্রধান মন্ত্রীনা হায়রদুনা পুম্নমক অসি গুজরাতকী মীয়ামগী থৌজালগী মহৈনি হায়খি। মহাক্না কেন্দ্রগী থৌদাং পুনবগীদমক্তা গুজরাত থাদোক্লবা তুংদা থবকশিং অসিবু মান্নবা পুক্নিং চঙবা অমসুং থম্মোই শেংনা মখা চত্থহল্লিবসি মুখ্য মন্ত্রী ভুপেন্দ্র ভাই পতেল অমসুং মহাক্কী তীম্নি হায়খি। “গুজরাতনা ঙসিদি য়াঙলবা খোঙজেলদা চাউখৎলি”, প্রধান মন্ত্রীনা হায়খি।

লমদমসিদা ইকং থোকখিবা অমসুং লমদম থাদোক্তুনা চেনখিবগী ফিভমশিংবু মহাক্না ঙসি নীংশিংখি। খোঙফম চেৎনা অমসুং থম্মোই শেংনা হোৎনবা মীওইশিংবু মহৌশানা ইমানা চানবীবনা মরম ওইরগা অইং অশানা থোকহনবা অৱা অনাগী চাং য়াম্না হন্থরে হায়না মহাক্না হায়খি। “মীয়ামগী থৌজালনা নাকল অমদা অমসুং মহৌশা ইমানা নাকল অমদা শৌগত্তুনা মীয়ামগী সেবাগীদমক্তা পুন্সি লেনবসি য়াম্না নুংঙাই”, প্রধান মন্ত্রীনা হায়খি। ইমা নর্মদা অসি লাইনীংবগী অথাপ্পা মফম অমনি অমসুং মীয়ামগী অকনবা হোৎনজমন্না মরম ওইরগা ইমা নর্মদানা সৌরাস্ত্রগী খুঙ্গংশিংদা মহাক্কী থৌজাল পীনবা য়ৌশিনবীরে হায়না মহাক্না হায়খি। নেচরেল ফার্মিংবু থৱাই য়াওনা হোৎনদুনা খুমাং চাউশিলহনবগীদমক্তা মহাক্না জুনাগরগী লৌমীশিংবু থাগৎখি। প্রধান মন্ত্রীনা গুজরাত্তা হৌবা কেসর হৈনৌগী মহাওবু মালেমগী মফম খুদিংদা তংনরে হায়খি।

ভারতকী সমুদ্র মপালগী চাউরবা লমদমশিংগী মতাংদা পল্লদুনা, প্রধান মন্ত্রীনা ভারতকী সমুদ্র তোর্বানগী অচৌবা শরুক অমদি গুজরাত্তা লৈ হায়খি। মমাংগী সরকারনা সমুদ্রবু পোৎলুম্নি অমসুং মসিগী অতেকপা নুংশিৎপু হুনি খল্লম্মি হায়রদুনা, শ্রী মোদীনা হৌজিক্তি মতম অসি হোংলে হায়খি। “শিংনবনি হায়না খল্লম্বা সমুদ্র অদুমক্না হৌজিক্তি ঐখোয়গী হোৎনজমগী মহৈ পীরে”। খুদোংচাবা কয়ানা পীক থনবা কৎচকী রন অসিনা হৌজিক্তি গুজরাতকী চাউখৎ-থৌরাংগী থৌওংবু লুচিংলি হায়না প্রধান মন্ত্রীনা মখা তাখি। মহাক্না চহি ২৫গী মমাংদা গুজরাতকী চাউখৎ থৌরাংগীদমক্তা লেপখিবা ৱারেপ্না হৌজিক্তি মহৈ য়াল্লে হায়না প্রধান মন্ত্রীনা হায়খি।

প্রধান মন্ত্রীনা মহাক্না মুখ্য মন্ত্রী ওইরিঙৈদা ঙামী খুন্নাইগী য়াইফ য়ুম্বাল, সেক্যুরিতী, তঙাই ফদবা পোৎলম অমসুং ইনফ্রাস্রকচরগীদমক্তা সাগর খেদু স্কিম হৌদোক্লম্বনি হায়না ফোংদোকখি। হোৎনজমন কয়াসিনা মরম ওইরগা রাজ্যসিদগী ঙা এক্সপোর্ত তৌবগী চাংসু শরুক তরেত হেনগৎলে। মহাক্না মুখ্য মন্ত্রী ওইরিঙৈদা মতমদা লাকখিবা জাপানগী দেলিগেতশিংনা মমিং লৈরবা সুর্মাই ঙা স্ক্রীন্দা উবা মতমদা ফিশরীগী খোঙথাংগীদমক্তা স্ক্রীন্দা কাপ্লিবা প্রজেন্তেসন লেপহলগা ঙা অসি মহাও তংনীংই হায়না হায়খিবগী থৌদোক নীংশিংখি। সুর্মাই ঙা অসি জাপানগী কৈথেলদা মমিং য়াম্না চৎলি অসুং চহিদা মসিগী মশক থোকপা এক্সপোর্ত তৌই হায়না মহাক্না পাউদমখি। ““দবল ইঞ্জিন সরকারনা চাউখৎ-থৌরাংগী খোঙথাংশিংগী খোঙজেলদা শরুক অনি হেনগৎহল্লি”, হায়না প্রধান মন্ত্রীনা হায়খি। ঙসিমক্তসু, ফিশিং হার্বর অহুমগী থবকসু হৌখ্রে।

লৌমী, এনিমেল হসবেন্দরী থৌমী অমসুং সাগর খেন্দু ঙামীশিংগা খ্বাইদগী অহানবা ওইনা কিসান ক্রেদিত কার্দ স্কিমগা মরী লৈনহল্লে অসুং মসিনা বেঙ্কতগী লোন লৌবগী থৌওংদা য়াম্না লাইথোকহল্লে হায়না প্রধান মন্ত্রীনা হায়খি। “মসিনা মরম ওইরগা, বেনিফিশরী করোর ৩.৫না মসিগী সেবাশিংগী কান্নবা ফংনরি”, প্রধান মন্ত্রীনা মখা তাখি। মসিনা খুন্নাইগী লাইরবা অমসুং তোল্ল-তারবশিংবু মপাঙ্গল হাপ্লি অমসুং মশা অমসুং ইমুংগী তুংগী অফবা মতম অমা শেম্বা ঙমহল্লি হায়না প্রধান মন্ত্রীনা হায়খি। মতম চানা লোন শিংদোকপা বেনিফিশরীশিংগী শেন্দোইসু কোকপীগনি হায়না মহাক্না মখা তাখি। “কিসান ক্রেদিত কার্দনা লৌমীশিংগী পুন্সি মহিং নুংঙাইহল্লে, মরু ওইনা এনিমেল হসবেন্দরী অমসুং ঙামী খুন্নাইগী লৌমীশিং”, হায়না প্রধান মন্ত্রীনা হায়খি।

“মমাংগী দিকেদ অনিদা,”, প্রধান মন্ত্রীনা মখা তাখি, “সীপোর্ত ফজনা চাউখৎহনবনা গুজরাতকী নুংঙাই য়াইফবগী থোঙ কয়া হাংদোক্লে। মসিনা গুজরাতকী অনৌবা খুদোংচাবা কয়াসু পুরক্লে”। সাগর মালা স্কিমগী মতাংদা তাক্লদুনা, প্রধান মন্ত্রীনা ভারতকী সমুদ্র তোর্বানগী ইনফ্রাস্ত্রকচর হেন্না ফগৎহন্নবা সীপোর্তখক্তগী নত্তনা পোর্ত লেদ দিভেলপমেন্তকী থবক থৌরমশিংদা মিৎয়েং চঙদুনা থবক কয়া পায়খৎলে হায়খি। “মসিদা য়ুম্ফম ওইদুনা, গুজরাতকী সমুদ্র তোর্বানশিংনা প্রোজেক্ত কয়া উরে,”, প্রধান মন্ত্রীনা মখা তাখি, “জুনাগর খক নত্তনা, অনৌবা কোস্তেল হাইৱেনা পোর্বন্দর, জাম্নাগর, দেবভুমী দ্বার্কা, মোর্বীদগী সেন্ত্রেল অমসুং সাউথ গুজরাত ফাওনা শম্নগনি অমসুং মসিনা গুজরাতকী অপুনবা সমুদ্র মপালদা কন্নেক্তিবিতী পীগনি”।

রাজ্যসিগী ইমা অমসুং ইচে ইচলশিংনা পাংথোকপা মশক থোকপা থৌদাংশিংবু মহাক্না থাগৎখি অমসুং মখোয়না ঙাক্লৌ চুংগোই ওইরে হায়না প্রধান মন্ত্রীনা হায়খি। হৌখিবা চহি ৮দগী চত্থরক্লিবা নুপীনা লুচিংদুনা চাউখৎপা পুরক্নবা কেন্দ্র সরকারনা লুচিংদুনা হোৎনরিবা কয়াদা মিৎয়েং চঙলদুনা, প্রধান মন্ত্রীনা ইমা অমসুং ইচেল ইচলশিংগী পুন্সি নুংঙাইহন্নবা থাক খুদিংদা থবক পায়খৎলি হায়খি। নুপীশিংগী হকশেল অমসুং ইকায় খুম্নবা হেনগৎহনবদা স্বচ্ছ ভারত অভিয়ানগী মখাদা অমাংশঙ করোর কয়া শাবনা মশক থোক্না তেংবাংখি হায়না প্রধান মন্ত্রীনা হায়খি। উজ্বালা য়োজনা নুপীশিংদা মখোয়গী মতম কনবদতা নত্তনা মখোয় অমসুং মখোয়গী অপুনবা ইমুংগী হকশেল ফগৎহনবদসু তেংবাংলি হায়না মহাক্না হায়খি। খুঙ্গং অমদা ৱাতর অমা পীদুনা হরাও নুংঙাইবগী মতৌ উৎপা মমাংগী সরকারগী মতাংদা পল্লদুনা প্রধান মন্ত্রীনা হায়খি, “ঙসিদি, অদোমগী ইচামক্না ইমুং খুদিংদা তোতি ঈশিং ফংহল্লে”।

প্রধান মন্ত্রী মাত্রী য়োজনাদা মীয়ামগী পুক্নিং চিংশিল্লদুনা, প্রধান মন্ত্রীনা মীরোনবীশিংনা মচি লৈবা চিঞ্জাক চাহন্নবগীদমক্তা তোঙানবা মখল কয়াগী থবক্কী খুত্থাংদা তেংবাং লিশিং লিশিংদা পীরি হায়খি। “ঐখোয়গী সরকারনা পি.এম. অৱস য়োজনাগী মখাদা পীরিবা য়ুম অয়াম্বসি নুপীশিংগী মমিংদনি”, মহাক্না মখা তাখি। “ঙসিদি, ঐখোয়গী সরকারনা সেল্ফ হেল্প গ্রুপকী খুত্থাংদা খুঙ্গং-খুঙ্গংদা নুপী ওন্তোপ্রিনর্শিপ হেনগৎহল্লি। লৈবাক্কী ইচে-ইচল করোর ৮ হেনবনা সেল্ফ হেল্প গ্রুপশিংগা মরী লৈনরি অমসুং মসিগী মনুংদগী লাখ কয়াদি গুজরাত্তগীনি। মান্নবা ওইনা, ইচেল-ইচল কয়ানা মুদ্রা য়োজনাগী মতেংদগী মপুন্সিদা অহানবা ওইনা ওন্তোপ্রিনর ওইনরে”, হায়না মহাক্না মখা তাখি।

লৈবাক্কী নহাশিংদা মিৎয়েং চঙলিবসিগী মতাংদা হায়রদুনা, প্রধান মন্ত্রীনা মমাংগী চহি ৮দা ঐখোয়না গুজরাত য়াওনা লৈবাক্কী নহাশিংগী মতিক মগুন হেনগৎহন্নবা খোংথাং কয়া অমা পায়খৎলে। এজুকেসন্দগী হৌরগা মশানা মশাবু থবক পীজবগী হীরম ফাওবদা অনৌবা খুদোংচাবা কয়া পীনবা ঐখোয়না লেপ্পা লৈতনা হোৎনরি। ঙসি, সরকারনা নহাশিংবু ওন্তোপ্রিনর্শিপকী খোঙ্কাপ খুদিংদা তেংবাংলি হায়না প্রধান মন্ত্রীনা হায়খি। প্রধান মন্ত্রীনা ঙসিগী অঙনবদা গান্ধীনগরদা হৌদোকখিবা দেফএক্সপো২০২২গী মতাংদা পাউদম্লদুনা, গুজরাতনা তেঙ্ক শারক্কদবা মতম কুইদ্রবনি হায়না ফোংদোকখি।

রাজ্যসিনা এজুকেসনগী লমদা খুমাং চাউশিনখ্রিবশিংগী মতাংদা প্রধান মন্ত্রীনা মিৎয়েং চঙখি। মহাক্না হায়খি, লৈবাক অসিদা মমাংগী চহি ৮দা য়ুনিভর্সিতী চাম্মা চাম্মা লিংখৎখি। হাইয়র এজুকেসনগী মশিং য়াম্লবা ইন্সতিত্যুত কয়া গুজরাত্তা লিংখৎখ্রে। অনৌবা এজুকেসন পোলিসীনা গুজরাতী লোলগী ওইবা অনৌবা খুদোংচাবা কয়া পুরক্লি। মান্নবা ওইনা, দিজিতেলগী লমদা চাউখৎলকপনসু গুজরাতকী অনৌবা খুদোংচাবা কয়া থোকহনলক্লি। “দিজিতেল ইন্দিয়ানা গুজরাতকী নহাশিংদা মখোয়গী স্কিল হেন্না ফগৎহন্নবা অনৌবা খুদোংচাবা কয়া পীরি। মখোয়না চাউরবা কৈথেল অমগা মরী লৈনবা ঙম্লে। অদুগা পুম্নমক অসি ভারত্তা শাবা অহোংবা মোবাইল ফোন অমসুং অহোংবা দেতা ফংহনবদগী ওইথোক্লিবনি”, মহাক্না হায়খি।

ইনফ্রাস্ত্রকচর চাউখৎলকপনা তুরিজমদা মশক থোক্না তেংবাংলি হায়না প্রধান মন্ত্রীনা ফোংদোকখি। খ্বাইদগী চাউবা রোপৱেনা লমদমসিদা হৌজিক মথৌ তৌবা হৌরে। চহি কয়াগী মতুংদা, হন্দক্কী চহিগী এপ্রিলদা কেশোর এয়র্পোর্ত্তগী ফ্লাইত পাইবা হৌখ্রে হায়না মহাক্না হায়খি। কেশোর এয়র্পোর্তপু মখা তানা শেমগৎলকপা মতমদা অমসুং মসিনা কার্গো ফেসিলিতী ওইরকপা মতমদা, উহৈ, মনা-মশিং, ঙা অমসুং অতোপ্পা পোত্থোকশিংবু মফমসিদগী থাদোকপদা য়াম্না অরায়বা ওইরক্কনি হায়না মহাক্না হায়খি। কেশোর এয়র্পোর্ত চাউথোকপনা মরম ওইরগা, লৈবাক অমসুং মালেম্না লমদমসিদা লৈরিবা মীওইশিংগা নক্নবা হেল্লক্কনি অমসুং তুরিজমসু য়াম্না হেন্না চাউখৎলক্কনি হায়না মহাক্না ফোংদোকখি।

স্পেস, সাইন্স অমসুং স্পোর্ত্তা লৈবাক অসিনা মায় পাকপা ফংলিবসিদা লৈবাক্না অমত্তা ওইনা হরাওবা ফোংদোক্লি, অদুবু, গুজরাতকী মায় পাকপবু মীওই খরনা রাজনিতীদা পুশিল্লকপসিদা প্রধান মন্ত্রীনা নুংঙাইতবা ফোংদোকখি। “রাজনিতী দল খরনা গুজরাত হুনববু মখোয়গী রাজনিতীগী ৱাখল্লোন ওইহল্লে”, মহাক্না হায়খি। গুজরাতীশিংবু হন্থনা লৌবা নত্ত্রগা লৈবাক্কী রাজ্য অমা হেক্তগী মীয়াম্বু হন্থনা লৌবসি ঐখোয়না কৈদৌনুংদা তুমিন্না খাঙদুনা লৈশিল্লোই। ঐখোয়না ‘এক ভারত শ্রেস্থ ভারত’কী ইথিল অমসুং সর্দার পতেলগী মঙলানবু কৈদৌনুংদা মোৎহল্লোইদবনি”, মহাক্না হায়খি। চাউখৎ থৌরাংগী খুত্থাংদা চিংনবা ৱাখল্লোনবু থাজবদা ওন্থোকপা অমসুগ অরানবগী মাইয়োক্তা লান্থেংনবদা মহাক্না মীয়ামগী পুক্নিং চিংশিনখি। গুজরাতকী অমত্তা ওইবগী মতৌনা মখোয়গী পাঙ্গলনি হায়না মহাক্না হায়খি।

ঙসিগী থৌরমসিদা অতোপ্পা মীওই কয়াগা লোয়ননা গুজরাতকী মুখ্য মন্ত্রী, শ্রী ভুপেন্দ্র ভাই পতেল, এম.পি. শ্রী রাজেশভাই চুরাসামা অমসুং শ্রী রামেশ ধারুক, গুজরাত সরকারগী মন্ত্রী, শ্রী রুশিকেশ পতেল অমসুং শ্রী দেবভাই মলম্না শরুক য়াখি।

বেকগ্রাউন্দ

প্রধান মন্ত্রীনা ৱাৎহৌবা লিঙ্কশিং শেমগৎ শাগৎপা য়াওনা সমুদ্র খোঙবাল পরিংগী হায়ৱেশিংগী ফীভম ফগৎহন্নবগী প্রোজেক্ত প্রধান মন্ত্রীনা উরেপ উয়ুং তমখ্রে‍। প্রোজেক্ত অসিগী অহানবা তাঙ্কক্তা, দিস্ত্রিক্ত ১৩দা কিলোমিতর ২৭০ শাংবা হায়ৱেগী শরুক কোনশিনগনি‍।

প্রধান মন্ত্রীনা জুনাগরদা ৱাতর সপ্লাই প্রোজেক্ত অনি অমদি লৌউ-শিংউগী পোত্থোকশিং থম্নবগীদমক গোদাউন কম্প্লেক্স অমা শানবগী প্রোজেক্তশিং উরেপ উয়ুং তমখি‍। পোরবন্দরদা, প্রধান মন্ত্রীনা মাধবপুরগী শ্রী কৃষ্ণন রুক্সমনী মন্দীর মপুং ফানা শেমগৎনবগী উরেপ উয়ুং তমখি। মহাক্না পোরবন্দর ফীসরী হারবরদা সীৱেজ অমসুং ৱাতর সপ্লাই প্রোজেক্তশিং অমসুং মেন্তেনেন্স দ্রেদজিংগী প্রোজেক্তশিংসু উরেপ উয়ুং তমখি‍। মাধ্বারদা ঙা ফাফম হিথাংফম অমা শেমগৎপা য়াওনা গীর সোমনাথদা প্রোজেক্ত অনিগী উরেপ উয়ুং মহাক্না তমখি‍।

Glad to be in Junagadh. Foundation stone of various projects are being laid which will greatly benefit the citizens. https://t.co/vZ8kPLnz4J

— Narendra Modi (@narendramodi) October 19, 2022

*****